18:24 - 02 մարտի, 2021
ԵՄ-ն Նավալնիի շուրջ իրավիճակի պատճառով պատժամիջոցներ է սահմանել ռուսաստանցի պաշտոնյաների նկատմամբ |tert.am|
tert.am: Եվրամիությունը պատժամիջոցներ է սահմանել ռուսաստանցի պաշտոնյաների նկատմամբ՝ կապված ընդդիմադիր Ալեքսեյ Նավալնիի շուրջ ստեղծված իրավիճակի հետ: Որոշումը հրապարակվել է ԵՄ պաշտոնական ամսագրում:
Պատժամիջոցների ցուցակում ընդգրկվել են Ռուսաստանի գլխավոր դատախազ Իգոր Կրասնովը, ՌԴ քննչական կոմիտեի նախագահ Ալեքսանդր Բաստրիկինը, «Ռոսգվարդիա»-ի տնօրեն Վիկտոր Զոլոտովը, ՌԴ պատիժների իրականացման դաշնային ծառայության տնօրեն Ալեքսանդր Կալաշնիկովը:
Ինչպես ավելի վաղ բացատրել էր ԵՄ գլխավոր դիվանագետ Ժոզեպ Բորելը, պատժամիջոցներ են կիրառվում նրանց նկատմամբ, «ովքեր պատասխանատու են Ալեքսեյ Նավալնիի ձերբակալման, մեղադրանքի առաջադրման և դատավճռի համար»: Այժմ ցուցակում գտնվող անձանց արգելվում է մուտք գործել ԵՄ, իսկ ԵՄ-ում նրանց ունեցվածքն ու հաշիվները, եթե այդպիսիք կան, կսառեցվեն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)