12:07 - 28 հունիսի, 2021
ԵՄ խորհուրդը հաստատել է ոլորտային պատժամիջոցները Բելառուսի տնտեսության դեմ |azatutyun.am|
azatutyun.am: Եվրամիության խորհուրդը հաստատել է ոլորտային պատժամիջոցները Բելառուսի տնտեսության դեմ: Դրանք կանդրադառնան նավթային, բանկային և մի շարք այլ ոլորտների վրա: Պատժամիջոցներն ուժի մեջ կմտնեն ԵՄ պաշտոնական պարբերականում փաստաթղթի հրապարակումից հետո:
Բելառուսի նախագահ Ալեքսանդր Լուկաշենկոն, մեկնաբանելով իր ռեժիմի դեմ արևմտյան պատժամիջոցների նոր փաթեթը, հայտարարել է, թե համագործակցության համար ԵՄ երկրներից բացի աշխարհում բավական շատ այլ երկրներ կան:
Հիշեցնենք՝ անցյալ շաբաթ Եվրամիությունը հաստատեց Մինսկի դեմ անձնական պատժամիջոցների չորրորդ փաթեթը 2020 թվականի նախագահական ընտրություններից հետո: Սահմանափակումների ցուցակում ընդգրկված է 78 անձ և 8 ընկերություն, որոնց ակտիվները կսառեցվեն:
Եվրամիությունից հետո Լուկաշենկոյի ռեժիմի հետ կապված ֆիզիկական և իրավաբանական անձանց նկատմամբ պատժամիջոցներ սահմանեցին ԱՄՆ-ը, Կանադան և Մեծ Բրիտանիան:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)