ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

Եվրոպական երկրների ԱԳՆ-ները քննարկել են Կիևին աջակցությունը |factor.am|

factor.am: Մեծ Բրիտանիայի, Ֆրանսիայի, Գերմանիայի, Իտալիայի, Լեհաստանի և Իսպանիայի արտաքին գործերի նախարարներն ու ԵՄ ներկայացուցիչը Լոնդոնում կայացած հանդիպման ժամանակ քննարկել են՝ ինչպես հետագայում աջակցել Ուկրաինային Ռուսաստանի դեմ պայքարում։ Այս մասին ասվում է տարածված համատեղ հայտարարության մեջ, գրում է France 24-ը։ Այս հանդիպումը տեղի է ունեցել Ֆրանսիայի, Գերմանիայի, Լեհաստանի և Մեծ Բրիտանիայի առաջնորդների՝ շաբաթ օրը Կիև կատարած այցից հետո, որտեղ նրանք երկուշաբթի օրվանից «լիակատար, երկարատև և հուսալի» 30-օրյա զինադադարի կոչ էին արել՝ որպես ուղիղ բանակցություններ սկսելու պայման։ «Մենք քննարկել ենք, թե ինչպես ենք հետագայում ակտիվացնելու եվրոպական ջանքերը՝ Ուկրաինային աջակցելու Ռուսաստանի ագրեսիվ պատերազմի դեմ նրա շարունակական պաշտպանության գործում։ Ուկրաինան պետք է վստահ լինի իր կարողության մեջ՝ մեր աջակցությամբ շարունակելու հաջողությամբ դիմակայել ռուսական ագրեսիային»,- ասվում է «Վայմար+» խմբի համատեղ հայտարարության մեջ։ Մեծ Բրիտանիայի արտաքին գործերի նախարար Դեյվիդ Լամմին էլ Լոնդոնում բանակցությունների ժամանակ կոչ է արել Ռուսաստանի նախագահ Վլադիմիր Պուտինին՝ «լուրջ վերաբերվել» Ուկրաինայում խաղաղությանը և աջակցել արագ հրադադարի կոչերին։ «Ժամանակն է, որ Վլադիմիր Պուտինը լուրջ վերաբերվի Եվրոպայում խաղաղությանը, հրադադարին և բանակցություններին»,- ասել է Լամմին։Շարունակությունը՝ սկզբնաղբյուր կայքում։

22:45 - 12 մայիսի, 2025

ԵՄ-ն հանդիսանում է ՀՀ հիմնական գործընկերը ժողովրդավարական բարեփոխումների արդյունավետ իրականացման համար․ ԱԳ նախարարի տեղակալ

Մայիսի 10-ին ՀՀ արտաքին գործերի նախարարի տեղակալ Ռոբերտ Աբիսողոմոնյանը և Հայաստանի Հանրապետությունում Եվրոպական միության պատվիրակության ղեկավար, ԵՄ դեսպան Վասիլիս Մարագոսը մասնակցել և բացման խոսքով հանդես են եկել Ազատության հրապարակում կայացած Եվրոպայի օրվան նվիրված պաշտոնական միջոցառմանը։ Այս մասին հայտնում են ՀՀ ԱԳՆ-ից։Իր խոսքում Ռոբերտ Աբիսողոմոնյանը վերահաստատել է Հայաստանի կառավարության հանձնառությունն՝ առավել մերձենալու ԵՄ-ի հետ և կարևորել ԵՄ և անդամ-երկրների հստակ վճռականությունը՝ շարունակելու խորացնել համագործակցությունը Հայաստանի հետ։ՀՀ ԱԳ նախարարի տեղակալն ընդգծել է, որ ԵՄ-ն հանդիսանում է Հայաստանի հիմնական գործընկերը ժողովրդավարական բարեփոխումների արդյունավետ իրականացման, օրենքի գերակայության ամրապնդման, մարդու իրավունքների պաշտպանության, ոլորտային համագործակցության խորացման, տնտեսության արդիականացման և երկրի դիմակայունության բարձրացման համար:Տոնական միջոցառումն անցկացվել է «ԵՄ-Հայաստան. մշակութային կամուրջ» խորագրի ներքո՝ ԵՄ անդամ երկրների և Հայաստանի երաժշտական և պարային համույթների մասնակցությամբ։ Ազատության հրապարակում ներկայացվել են ԵՄ անդամ երկրների և Հայաստանի տարբեր բնակավայրերում ԵՄ աջակցությամբ իրականացվող ծրագրերի տեղեկատվական տաղավարներ:

08:53 - 12 մայիսի, 2025

Ուկրաինան պատրաստ է լիակատար հրադադարի մայիսի 12-ից |azatutyun.am|

azatutyun.am: Ուկրաինան ու բոլոր դաշնակիցները պատրաստ են լիակատար և անվերապահ 30-օրյա հրադադարի՝ ցամաքում, օդում ու ծովում սկսած մայիսի 12-ից, հայտնել է արտգործնախարար Անդրեյ Սիբիգան: Ուկրաինական դիվանագիտության ղեկավարը սոցցանցում նաև գրել է, որ նախագահ Վլադիմիր Զելենսկին, Ֆրանսիայի նախագահը, Գերմանիայի կանցլերը, Մեծ Բրիտանիայի վարչապետ Քիր Ստարմերն ու Լեհաստանի վարչապետ Դոնալդ Տուսկը «արդյունավետ հեռախոսազրույց» են ունեցել ԱՄՆ նախագահ Դոնալդ Թրամփի հետ: Ուկրաինայի արտգործնախարարը հավելել է՝ եթե Ռուսաստանը համաձայնի 30-օրյա հրադադարին ու արդյունավետ մոնիտորինգ ապահովվի, ապա դա կարող են ուղի հարթել խաղաղության բանակցությունների համար:Շարունակությունը՝ սկզբնաղբյուր կայքում։

16:32 - 10 մայիսի, 2025

ՌԴ-ն ԱՄՆ-ի հետ քննարկում է Եվրոպա ռուսական գազի մատակարարումների վերսկսման հարցը․ Ուշակով. |azatutyun.am|

azatutyun.am: Վլադիմիր Պուտինի օգնական Յուրի Ուշակովը հայտարարել է, որ Ռուսաստանը և Միացյալ Նահանգները քննարկում են Եվրոպա ռուսական գազի մատակարարումների վերսկսման հարցը, հաղորդում է «Ինտերֆաքսը»։ «Մենք այս հարցը բարձրացնում ենք ամերիկացիների հետ, բայց, ճիշտն ասած, չեմ հասկանում՝ ուրիշ ո՞ւմ հետ», - ասել է Ուշակովը։ Մեկ օր առաջ «Ռոսիա 1» հեռուստաալիք «Մոսկվա. Կրեմլ. Պուտին» հաղորդման հաղորդավար Պավել Զարուբինի հետ հարցազրույցում նա ասել է, որ Ռուսաստանը և Միացյալ Նահանգները «շարժվում են դեպի նախագահների հանդիպում»։ Նույն օրը «Ռոյթերս»-ի լրագրողները հայտնել են, որ ԱՄՆ նախագահի բանագնաց Սթիվ Ուիթքոֆը և Պուտինի ներդրումային ներկայացուցիչ Կիրիլ Դմիտրիևը քննարկել են գազի թեմանը Ուկրաինայի հարցով խաղաղ բանակցությունների շրջանակներում։ Նրանց խոսքով՝ քննարկվում են ամերիկյան կողմի մասնակցության տարբեր տարբերակներ, այդ թվում՝ ներդրումներ Ռուսաստանը և Գերմանիան կապող «Հյուսիսային հոսք» խողովակաշարում, Ուկրաինայով անցնող խողովակաշարում, «Գազպրոմ»-ում կամ գազի գնման և դրա Եվրոպա անկախ փոխադրման մեջ։Շարունակությունը՝ սկզբնաղբյուր կայքում։

12:44 - 10 մայիսի, 2025

Եվրախորհրդարանը սառեցրել է Թուրքիայի՝ ԵՄ-ին անդամակցելու գործընթացը |shantnews.am|

shantnews.am: Թուրքիայի՝ ԵՄ անդամակցության գործընթացը չի կարող վերսկսվել ներկայիս պայմաններում՝ չնայած թուրքական հասարակության զգալի մասի ժողովրդավարական և եվրոպամետ ձգտումներին, ասվում է Եվրախորհրդարանի (ԵԽ) կողմից ընդունված զեկույցում։ Զեկույցի հաստատմանը կողմ է քվեարկել Եվրախորհրդարանի 367 պատգամավոր, դեմ՝ 74, իսկ ձեռնպահ՝ 188: «Եվրախորհրդարանի պատգամավորները խորապես մտահոգված են Թուրքիայում ժողովրդավարական չափանիշների շարունակական վատթարացմամբ և քննադատական ձայների անդադար ճնշմամբ։ Նրանք դատապարտում են վերջին խաղաղ զանգվածային բողոքի ցույցերի ճնշումը և հարյուրավոր ցուցարարների քրեական հետապնդումը շտապ զանգվածային դատավարությունների միջոցով՝ առանց քրեական հանցագործության որևէ ապացույցի», – ասվում է ԵԽ-ի հաղորդագրության մեջ՝ Ստրասբուրգում լիագումար նիստում քննարկումից հետո։

11:05 - 08 մայիսի, 2025

Նիկոլ Փաշինյանի գլխավորությամբ քննարկվել է ՀՀ-ԵՄ-ի միջև Համապարփակ և ընդլայնված գործընկերության համաձայնագրի իրականացման ընթացքը

Հայաստանի Հանրապետության վարչապետ Նիկոլ Փաշինյանի գլխավորությամբ տեղի է ունեցել աշխատանքային խորհրդակցություն՝ Հայաստանի Հանրապետության և Եվրոպական միության միջև Համապարփակ և ընդլայնված գործընկերության համաձայնագրի (ՀԸԳՀ) իրականացման ընթացքի և ՀՀ-ԵՄ համագործակցության շրջանակում իրականացվող ծրագրերի վերաբերյալ։ Ինչպես տեղեկանում ենք ՀՀ վարչապետի աշխատակազմի տարածած հաղորդագրությունից, քննարկմանը մասնակցել են ՀՀ գործադիր և օրենսդիր իշխանությունների ներկայացուցիչները, ՀՀ-ԵՄ գործընկերության շրջանակում ներգրավված պատասխանատու պաշտոնատար անձինք։ Խորհրդակցության ընթացքում փոխվարչապետ Մհեր Գրիգորյանը ներկայացրել է ՀԸԳՀ կիրարկման ուղղությամբ կատարված աշխատանքները, արձանագրված առաջընթացը, ինչպես նաև մի շարք ոլորտներում իրականացվող բարեփոխումների ընթացքը։ Մասնավորապես, անդրադարձ է կատարվել օրենսդրական բարեփոխումների, կառավարման համակարգի բարելավմանը, արդարադատության, մարդու իրավունքների, տնտեսական մրցունակության, շրջակա միջավայրի պահպանության և թվային ոլորտում նախաձեռնված ծրագրերին։ Քննարկվել են Համաձայնագրի իրագործման հաստատված ժամանակացույցին վերաբերող հարցեր, զեկուցվել է, որ առանձին ուղղություններով արդեն իսկ արձանագրվել են դրական արդյունքներ։ Որպես համագործակցության առանցքային օրինակներ՝ ներկայացվել են արդարադատության բարեփոխումների օրակարգի առաջխաղացումը, հանրային կառավարման ոլորտում գործիքակազմի արդիականացումը, կոռուպցիայի դեմ պայքարի և թվային լուծումների ներդրման ուղղությամբ իրականացվող ծրագրերը։ Քննարկման ընթացքում կարևորվել է Համապարփակ և ընդլայնված գործընկերության համաձայնագրի իրագործման ռազմավարական նշանակությունը՝ ընդգծելով, որ այն առանցքային նշանակություն ունի Հայաստան-Եվրոպական միություն գործընկերային հարաբերություններում։ Վարչապետը հանձնարարականներ է տվել պատասխանատու գերատեսչություններին՝ ուղղված Համաձայնագրով նախատեսված պարտավորությունների և ծրագրերի հետևողական կատարմանը, դրանց իրականացման թափանցիկության ապահովմանը, ինչպես նաև առաջընթացի և արդյունքների հանրային ներկայացման բարելավմանը։ Քննարկման ավարտին ամփոփվել են արդյունքները և հստակեցվել են հետագա քայլերի ճանապարհային քարտեզը։

17:26 - 06 մայիսի, 2025

Մհեր Գրիգորյանն ու Վասիլիս Մարագոսը քննարկել են ՀՀ-ԵՄ տնտեսական և ներդրումային պլանի իրականացման ընթացքի շուրջ

ՀՀ փոխվարչապետ Մհեր Գրիգորյանն ընդունել է Հայաստանում Եվրոպական Միության պատվիրակության ղեկավար, դեսպան Վասիլիս Մարագոսին։ Ինչպես տեղեկանում ենք ՀՀ կառավարության տարածած հաղորդագրությունից, հանդիպման ընթացքում քննարկվել են Հայաստան-ԵՄ հարաբերությունների օրակարգային հարցեր:Զրուցակիցները կարծիքներ են փոխանակել Համապարփակ և ընդլայնված գործընկերության համաձայնագրի և ՀՀ-ԵՄ տնտեսական և ներդրումային պլանի իրականացման ընթացքի շուրջ։ Կողմերը քննարկվել են նաև 2024 թվականին Բրյուսելում հայտարարված դիմակայունության և աճի պլանի ներքո 2025-2027 թվականների համար նախատեսվող միջոցառումների մշակման աշխատանքների հետ կապված հարցեր:

10:40 - 06 մայիսի, 2025

Օրբանը հիշեցրել է, որ առանց Հունգարիայի որոշման Ուկրաինան չի անդամակցի ԵՄ-ին |shantnews.am|

shantnews.am: Հունգարիայի վարչապետ Վիկտոր Օրբանը հայտարարել է, որ ո՛չ Վլադիմիր Զելենսկին, ո՛չ «Բրյուսելի բյուրոկրատները» չեն որոշում, թե ինչ է մտածում հունգարացի ժողովուրդը, և որ առանց Հունգարիայի Ուկրաինայի` ԵՄ-ին անդամակցություն չի լինելու։ Ինչպես հայտնում են լրատվամիջոցները, Զելենսկին պնդել է, որ Բուդապեշտը շատ վտանգավոր բաներ է անում ԵՄ-ի համար, և որ հունգարացիների մեծամասնությունը, ըստ հարցումների, ենթադրաբար, կողմ է, որ Ուկրաինան միանա դաշինքին։ «Առանց Հունգարիայի ԵՄ-ին Ուկրաինայի անդամակցություն չկա: Յուրաքանչյուր հունգարացի կասի իր կարծիքն այս հարցում»,- գրել է Օրբանը X սոցիալական ցանցի իր էջում։

09:20 - 05 մայիսի, 2025

Երևանից Եվրամիությանն անդամակցելու հայտ դեռ չենք ստացել, երբ ստանանք, կքննարկենք. Մարտա Կոս |azatutyun.am|

azatutyun.am: «Մենք դեռ Հայաստանի կողմից Եվրամիությանն անդամակցելու հայտ չենք ստացել, երբ ստանանք, կքննարկենք», - «Ազատություն» լրատվամիջոցին տված հարցազրույցում ասել է դաշինքի ընդլայնման հարցերով հանձնակատար Մարտա Կոսը։ Չհստակեցնելով՝ դիմումը ստանալու դեպքում Բրյուսելը հավանություն կտա, թե ոչ, եվրոպացի բարձրաստիճան դիվանագետը միայն ընդգծել է՝ Երևանում հնչող այդ ցանկությունը ցույց է տալիս, թե որքան գրավիչ է այսօր եվրոպական ընտանիքը։ «Այն, ինչ տեղի ունեցավ Հայաստանի խորհրդարանում, ցույց է տալիս, որ Եվրամիության գրավչությունը հիմա ավելի բարձր է, քան նախկինում։ Ցանկացած երկրի համար Եվրամիության անդամակցությանը դիմելու համար երկու պայման կա՝ այն պետք է լինի պետություն և լինի Եվրոպայում։ Մենք Հայաստանից դիմում դեռ չենք ստացել, երբ ստանանք, կքննարկենք, բայց, ինչպես ասացի, սա ցույց է տալիս, որ մենք հետաքրքիր ենք բազմաթիվ երկրների համար», - նշել է Մարտա Կոսը։

15:15 - 01 մայիսի, 2025

Չինաստանը վերացնում է եվրոպացի պատգամավորների դեմ սահմանված պատժամիջոցները |armenpress.am|

armenpress.am: Եվրախորհրդարանի նախագահ Ռոբերտա Մեցոլան մայիսի 1-ին նախագահների խորհրդաժողովին տեղեկացրել է, որ Չինաստանի իշխանությունները որոշում են կայացրել վերացնել պատժամիջոցները Եվրոպական խորհրդարանի բոլոր պատգամավորների, նրանց ընտանիքների անդամների և ԵԽ հանձնաժողովների նկատմամբ։ Այս մասին հաղորդագրություն է տարածել Եվրախորհրդարանի պաշտոնական կայքը։ «Որպես խորհրդարանի նախագահ՝ ես պատասխանատվություն եմ կրում, որպեսզի մեր բոլոր պատգամավորներն իրենց լիազորությունները կարողանան իրականացնել ազատ և առանց սահմանափակումների։ Մեր խորհրդարանական հանձնաժողովները պետք է հնարավորություն ունենան առանց վախի քննարկելու եվրոպական շահերը իրենց չինացի գործընկերների հետ։ Չինաստանի հետ մեր հարաբերությունները շարունակում են մնալ բարդ ու բազմաշերտ, սակայն լավագույն ուղին փոխգործակցությունն ու երկխոսությունն է»,-նշել է Մեցոլան։ Չինաստանը դեռ 2021 թվականի մարտին էր սահմանել պատժամիջոցներ Եվրոպական խորհրդարանի հինգ պատգամավորների և մարդու իրավունքների ենթահանձնաժողովի դեմ։ Այս քայլը ԵՄ-ում ընկալվել էր որպես պատասխան մարդու իրավունքների խախտումների վերաբերյալ քննադատություններին։ Շարունակությունը՝ սկզբնաղբյուր կայքում։

14:40 - 01 մայիսի, 2025

ԵՄ 12 երկիր խնդրում է ակտիվացնել պաշտպանական ծախսերի բացառման մասին դրույթը |azatutyun.am|

azatutyun.am: Եվրամիության 12 երկիր խնդրել է ակտիվացնել «ազգային ելքի դրույթը» ԵՄ բյուջեից, որպեսզի ավելացնեն իրենց պաշտպանական ծախսերը, չորեքշաբթի հայտարարել Է Եվրահանձնաժողովը: Հանձնաժողովն առաջարկել է անդամ պետություններին թույլ տալ չորս տարվա ընթացքում ամեն տարի ավելացնել պաշտպանական ծախսերը համախառն ներքին արդյունքի 1,5 տոկոսով՝ առանց կարգապահական միջոցների, որոնք սովորաբար կիրառվում են, երբ դեֆիցիտը գերազանցում է ՀՆԱ-ի 3 տոկոսը: Եվրահանձնաժողովի հայտարարության մեջ ասվում է, որ Բելգիան, Դանիան, Էստոնիան, Ֆինլանդիան, Գերմանիան, Հունաստանը, Հունգարիան, Լատվիան, Լեհաստանը, Պորտուգալիան, Սլովակիան և Սլովենիան հարցումներ են ուղարկել, և որ լրացուցիչ հարցումներ են սպասվում ավելի ուշ: Այժմ հանձնաժողովը կուսումնասիրի հարցումները։ Հանձնաժողովը կշարունակի ապահովել, որ այս ճկունությունն օգտագործվի համակարգված կերպով և օգնի ԵՄ երկրներին անցում կատարել դեպի ավելի բարձր պաշտպանական բյուջեներ՝ միաժամանակ պահպանելով խելամիտ բյուջետային քաղաքականություն, ասել է ԵՄ տնտեսության հարցերով հանձնակատար Վալդիս Դոմբրովսկիսը։

10:47 - 01 մայիսի, 2025

Վալենսիայում ընթացող ԵԺԿ կոնգրեսը Հայաստանի վերաբերյալ բանաձև է ընդունել |1lurer.am|

1lurer.am: Վալենսիայում ընթացող Եվրոպական ժողովրդական կուսակցության (ԵԺԿ-EPP) կոնգրեսը Հայաստանի վերաբերյալ հրատապ բանաձև է ընդունել: «Հայաստանում ընթացիկ քաղաքական իրավիճակը» վերնագրով բանաձևը ողջունում է Հայաստանում տեղի ունեցող ներքաղաքական զարգացումները, այդ թվում` ժողովրդավարության, մարդու իրավունքների և օրենքի գերակայության ոլորտում իրականացված բարեփոխումները: Ընդունված բանաձևով ԵԺԿ-ն կարևորում է վերջերս ընդունված Եվրոպական միությանը Հայաստանի անդամակցության գործընթացի վերաբերյալ օրենքը, որը հիմք է դնում Հայաստանի եվրոպական ինտեգրման խորացման համար: Բանաձևում ԵԺԿ-ն կոչ է անում Եվրոպական միությանը շարունակել աջակցությունը Հայաստանին` խորացնելով տնտեսական և առևտրային կապերը, ողջունում է եվրոպական քաղաքացիական դիտորդական առաքելության մանդատի երկարաձգումը, վիզաների ազատականացման շուրջ երկխոսության մեկնարկը, ինչպես նաև Եվրոպական խաղաղության հիմնադրամի կողմից Հայաստանին տրամադրված աջակցությունը:Շարունակությունը՝ սկզբնաղբյուր կայքում։

20:32 - 30 ապրիլի, 2025

ԵՄ պատվիրակության ղեկավարը Խաչատուրյանի հետ հանդիպմանը ներկայացրել է վիզաների ազատականացման գործընթացում առկա դրական տեղաշարժերը

Հանրապետության նախագահ Վահագն Խաչատուրյանն ընդունել է Հայաստանում Եվրոպական միության պատվիրակության ղեկավար, արտակարգ և լիազոր դեսպան Վասիլիս Մարագոսին:Նախագահ Խաչատուրյանը ողջունել է ԵՄ պատվիրակության ղեկավարին և ընդգծել, որ Հայաստան-ԵՄ հարաբերությունները վերջին տարիներին դինամիկ կերպով զարգանում են՝ ընդգրկելով համագործակցության նոր ձևաչափեր և ոլորտներ։Վասիլիս Մարագոսը շնորհակալություն է հայտնել ընդունելության համար և վերահաստատել է իր հանձնառությունը՝ շարունակելու ներդնել ջանքեր ԵՄ-Հայաստան գործընկերության ամրապնդման և ընդլայնման ուղղությամբ։Հանդիպման ընթացքում անդրադարձ է կատարվել մի շարք ոլորտային ծրագրերի և նախաձեռնությունների, որոնք իրականացվում են ԵՄ աջակցությամբ։ Մտքեր են փոխանակվել էներգետիկայի, կրթության, տնտեսական զարգացման և մի շարք այլ ոլորտներում առկա համագործակցության ներուժի և դրա իրացման հնարավորությունների վերաբերյալ։Վասիլիս Մարագոսն ներկայացրել է նաև վիզաների ազատականացման գործընթացում առկա դրական տեղաշարժերը և կարևորել երկկողմ հետևողական աշխատանքն այս ուղղությամբ:Հանդիպմանը մտքեր են փոխանակվել նաև ԵՄ-Հայաստան նոր «Գործընկերության օրակարգի» ընթացքի վերաբերյալ: ԵՄ պատվիրակության ղեկավարը նախագահին ներկայացրել է նաև առաջիկայում նախատեսվող Եվրոպայի օրվան նվիրված միջոցառումների ծրագիրը՝ շեշտելով դրանց ներառական բնույթն ու կարևորությունը, որոնք միտված են Հայաստանի քաղաքացիների իրազեկվածության ու ԵՄ-Հայաստան հարաբերություններում ներգրավվածության բարձրացմանը։Հանդիպման ընթացքում հատուկ ուշադրություն է դարձվել ժողովրդավարական ինստիտուտների ամրապնդմանն ուղղված բարեփոխումներին, ինչպես նաև հումանիտար և սոցիալական աջակցության ծրագրերին, որոնք իրականացվում են ԵՄ աջակցությբ։Երկուստեք կարևորվել են նաև Հայաստան-ԵՄ համագործակցության հետագա խորացման և նոր նախաձեռնությունների համատեղ իրագործման անհրաժեշտությունը։

17:13 - 30 ապրիլի, 2025

Եվրամիությունն աջակցում է Հայաստանի և Ադրբեջանի՝ տևական և կայուն խաղաղության հասնելու ջանքերին. Կայա Կալաս |armenpress.am|

armenpress.am: Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը հայտարարել է, որ Բրյուսելն աջակցում է տևական և կայուն խաղաղության հասնելու Հայաստանի և Ադրբեջանի ջանքերին և ողջունում է խաղաղության համաձայնագրի տեքստի համաձայնեցումը։ Այս մասին Կայա Կալասը հայտարարել է Ադրբեջանի արտաքին գործերի նախարար Ջեյհուն Բայրամովի հետ համատեղ մամուլի ասուլիսում։ «Մենք լավ քննարկումներ ունեցանք Ադրբեջանի և Հայաստանի միջև հարաբերությունների կարգավորման հարցի շուրջ։ Եվրոպական միությունն աջակցում է տևական և կայուն խաղաղության հասնելու Հայաստանի և Ադրբեջանի ջանքերին։ Հայաստանն ու Ադրբեջանն այժմ դրան հասնելու հնարավորություն ունեն։ Ցանկանում եմ նաև ողջունել խաղաղության համաձայնագրի նախագծի տեքստի վերջնականացման համաձայնեցումը։ Մենք անհամբեր սպասում ենք հաջորդ քայլերին»,-նշել է Կալասը։

17:33 - 25 ապրիլի, 2025

Կայա Կալասն ու Իլհամ Ալիևը քննարկել են Հարավային Կովկասում կայունություն ապահովելու հետ կապված հարցեր |armenpress.am|

armenpress.am: Ադրբեջանի նախագահ Իլհամ Ալիևն ընդունել է Եվրամիության արտաքին քաղաքականության և անվտանգության հարցերով բարձր ներկայացուցիչ Կայա Կալասին։ Այս մասին հայտնում են ադրբեջանական ԶԼՄ-ները: Հանդիպմանը Կալասը նշել է, որ Եվրամիությունը բարձր է գնահատում Ադրբեջանի հետ հարաբերությունները և շահագրգռված է դրանց հետագա զարգացմամբ։ Կարևորելով ԵՄ-ի և Ադրբեջանի միջև էներգետիկ ոլորտում շատ հաջող և արդյունավետ համագործակցությունը՝ Կալասը հայտարարել է, որ Ադրբեջանը հանդես է գալիս որպես վստահելի գործընկեր Եվրոպայի էներգետիկ անվտանգության ապահովման գործում։ Անդրադառնալով տրանսպորտային կապերի թեմային՝ նա ընդգծել է այս համատեքստում Ադրբեջանի դերի կարևորությունը, որը կարևոր տարածաշրջանային պետություն է և գտնվում է կարևոր աշխարհաքաղաքական տարածքում։ Իլհամ Ալիևն ասել է, որ Ադրբեջանը ԵՄ-ի վստահելի գործընկերն է և անդրադարձել է Հարավային գազային միջանցքի նշանակալի դերին, որը գործում է արդեն 4 տարի։ Նա ընդգծել է, որ Ադրբեջանն արդեն գազ է մատակարարում եվրոպական 10 երկրի, այդ թվում՝ ԵՄ անդամ 8 երկրի։ Ադրբեջանի նախագահը հայտարարել է, որ գազի ոլորտի հետ մեկտեղ Ադրբեջանի և Եվրամիության միջև տրանսպորտի ոլորտում համագործակցության լայն հնարավորություններ կան։ Զրույցի ընթացքում մտքերի փոխանակություն է տեղի ունեցել նաև հարավկովկասյան տարածաշրջանում կայունության ապահովման հարցերի շուրջ։ Իլհամ Ալիևը նշել է, որ քայլեր են ձեռնարկվում և քննարկումներ են ընթանում Հայաստանի և Ադրբեջանի միջև երկկողմ հիմունքներով հարաբերությունների կարգավորման ուղղությամբ։ Հանդիպմանը մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։

15:48 - 25 ապրիլի, 2025

Եվրոպական երկրների մի խումբ պատգամավորներ քննադատել են Կայա Կալասի առաջիկա այցն Ադրբեջան |armenpress.am|

armenpress.am: Եվրոպական խորհրդարանի և եվրոպական տարբեր երկրների խորհրդարանների մի խումբ պատգամավորներ մտահոգություն են հայտնել և քննադատել են Եվրոպական Միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասին ապրիլի 25-ին Ադրբեջան կատարելիք պաշտոնական այցի առնչությամբ։ Այս մասին պատգամավորները գրառումներ են կատարել X-ի իրենց միկրոբլոգներում։ Եվրախորհրդարանի կիպրացի պատգամավոր Լուկաս Ֆորլասն իր գրառման մեջ նշել է․ «Կայա Կալասի` ապրիլի 25-ի Ադրբեջան կատարելիք այցը լուրջ մտահոգություններ է առաջացնում։ Այս այցը տեղի է ունենում Ադրբեջանի շարունակական անդրսահմանային բռնության, հայ խաղաղ քաղաքացիների անօրինական կալանավորման և Հայաստանում ԵՄ դիտորդական առաքելության դեմ ուղղված բացահայտ սպառնալիքների ֆոնին»: Ֆրանսիայի Ազգային ժողովի պատգամավոր Իզաբել Սանտյագոն, իր հերթին, գրել է, որ Հայոց ցեղասպանության 110-րդ տարելիցին սկանդալային է իմանալ, որ ԵՄ բարձր ներկայացուցիչն ապրիլի 25-ին մեկնում է Ադրբեջան, մինչ հայ բանտարկյալները գտնվում են Բաքվի բանտերում։ Իսպանիայի խորհրդարանի պատգամավոր Ֆրանսեսկ Մարկ Ալվարոն իր գրառման մեջ նշել է, որ ապրիլի 25-ին ԵՄ բարձր ներկայացուցիչ Կայա Կալասի այցը Բաքու մեծ մտահոգության տեղիք է տալիս․ «Ադրբեջանում մարդու իրավունքների վիճակը վատ է, և այս այցը կարող է վնասել ԵՄ-ի և Հայաստանի միջև հարաբերություններին՝ առանցքային գործընկերոջ, որն ամուր նվիրվածություն ունի խաղաղությանը»:Շարունակությունը՝ սկզբնաղբյուր կայքում։

21:40 - 23 ապրիլի, 2025