ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

ԵՄ-ին ՀՀ անդամակցության գործընթացի մեկնարկի մասին օրենքն ամբողջությամբ ընդունվեց՝ չնայած ընդդիմության պնդմանը, որ այն բաժակաճառ է

11:01 - 26 մարտի, 2025

Փոխվել է ԵՄ-ին անդամակցելու գործընթացի մեկնարկին վերաբերող օրինագծի նախաբանը. ԱԺ-ն քննարկում է նախագիծը

Ազգային ժողովն այսօր երկրորդ ընթերցմամբ քննարկում է ԵՄ-ին անդամակցելու գործընթացի մեկնարկին վերաբերող օրենքի նախագիծը: Առաջինից երկրորդ ընթերցման ժամանակ փոխվել է օրենքի նախագծի նախաբանը. «Հայաստանի Հանրապետությունը, նպատակ ունենալով զարգացնել ժողովրդավարական ինստիտուտները, բարձրացնել հասարակության բարեկեցությունը, ամրապնդել երկրի անվտանգությունը, դիմակայունությունը և իրավունքի գերակայությունը, հայտարարում է Հայաստանի Հանրապետության՝ Եվրոպական միությանն անդամակցելու գործընթացի մեկնարկը»: Ի սկզբանե նախաբանը ձևակերպված էր հետևյալ կերպ. «Հայաստանի Հանրապետությունը, արտահայտելով Հայաստանի Հանրապետության ժողովրդի կամքը, խնդիր դնելով Հայաստանի Հանրապետությունը դարձնել անվտանգ, ապահով, զարգացած, բարեկեցիկ երկիր, հայտարարում է Եվրոպական Միությանը Հայաստանի Հանրապետության անդամակցելու գործընթացի մեկնարկը»: Հիշեցնենք, որ ԵՄ-ին Հայաստանի անդամակցելու գործընթացի մեկնարկի մասին օրենքի նախագիծը առաջին ընթերցմամբ ընդունվել էր փետրվարի 12-ին 64 կողմ, 7 դեմ, 0 ձեռնպահ ձայներով: Կողմ էր քվեարկել միայն ԱԺ ՔՊ խմբակցությունը:

10:27 - 26 մարտի, 2025

Հայաստան-ԵՄ օրակարգում առաջին անգամ անդրադարձ կա անվտանգային ոլորտին․ Պարույր Հովհաննիսյան |civilnet.am|

civilnet.am: Հայաստան-ԵՄ գործընկերության նոր օրակարգում առաջին անգամ անդրադարձ կա անվտանգային ոլորտին՝ որպես համագործակցության առանձին ուղղություն։ Այս մասին հայտարարել է փոխարտգործնախարար Պարույր Հովհաննիսյանը՝ ԱԺ Եվրոպական ինտեգրման հարցերի մշտական հանձնաժողովի նիստի ժամանակ։ «ԵՄ-ի հետ մեր գործընկերության անվտանգային բաղադրիչը հաջողությամբ զարգանում է։ Նաև քննարկում ենք այդ կոնտեքստում նոր պաշտպանական և անվտանգային հարցերով խորհրդակցությունների մեխանիզմի մեկնարկը, որը մեր քաղաքական և անվտանգային երկխոսության մաս կկազմի»,- ասել է փոխնախարարը։ Պարույր Հովհաննիսյանը հայտարարել է, որ Հայաստանն արդեն ներկայացրել է երկրորդ հայտը Խաղաղության եվրոպական հիմնադրամից օգտվելու համար։ «Պաշտպանության ոլորտում շատ կոնկրետ ու շոշափելի ծրագիր է Եվրոպական խաղաղության գործիքը (հիմնադրամը)։ Մենք արդեն ներկայացրել ենք երկրորդ հայտը 2025-ի համար, և պաշտպանության նախարարության հետ բավականին ակտիվ աշխատանք է ընթանում»,- ասել է փոխնախարարը։ Այս ամսվա սկզբին ԵՄ արտաքին գործերի և անվտանգության հարցերով բարձր ներկայացուցիչ, Եվրահանձնաժողովի փոխնախագահ Կայա Կալասը ԵՄ Խորհրդին առաջարկ էր ներկայացրել Խաղաղության եվրոպական հիմնադրամի շրջանակներում Հայաստանին աջակցության երկրորդ՝ ոչ հարձակողական միջոցների տրամադրման վերաբերյալ։ Եվրոպական հանձնաժողովի մամուլի պատասխանատու Պեդրո Ֆոնսեկա Մոնիզը մարտի 4-ին ՍիվիլՆեթին հայտնել էր, որ առաջիկա շաբաթների ընթացքում Խորհուրդը կսկսի քննարկել առաջարկը։ 2024-ին Խաղաղության եվրոպական հիմնադրամի շրջանակում ԵՄ-ն ՀՀ զինված ուժերին 10 մլն եվրոի չափով աջակցություն էր տրամադրել։

12:31 - 24 մարտի, 2025

ԵՄ-ի հետ վիզաների ազատականացման խնդիրն ամենացավոտն է․ փոխարտգործնախարար |civilnet.am|

12:02 - 24 մարտի, 2025

ԵՄ անդամակցության մասին նախագիծը Եվրաինտեգրման հանձնաժողովի կողմից դրական եզրակացություն ստացավ |civilnet.am|

civilnet.am: «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը ԱԺ Եվրաինտեգրման հանձնաժողովի կողմից դրական եզրակացություն ստացավ։ Նախագիծը կընդգրկվի առաջիկա ԱԺ նիստի օրակարգում։ Ավելի վաղ նախատեսված էր, որ Եվրաինտեգրման հանձնաժողովը «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագծին պետք է եզրակացություն տար մարտի 3-ին և նախագիծն ուղարկեր երկրորդ ընթերցմամբ քվեարկության։ Սական իրավական տեխնիկական հարցերի պատճառով քվեարկությունը հետաձգվել էր։ «Այս օրենքը չի հանդիսանում Եվրամիության անդամակցության հայտ: Այս օրենքը համապատասխանում է մեր՝ ԵՄ-ի հետ առավել մերձեցման ուղղությանը»,- ասել է ԱԳ փոխնախարար Պարույր Հովհաննիսյանը։ Փետրվարի 12-ին Ազգային ժողովը 63 կողմ, 7 դեմ ձայների հարաբերակցությամբ առաջին ընթերցմամբ ընդունել է «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը: Նախագիծը կառավարությունը հաստատել էր հունվարի 9-ին։

10:40 - 24 մարտի, 2025

Դեռ որոշում չկա, բայց եթե սահմանին խաղաղություն լինի, ԵՄ դիտորդներին կարող ենք նեղություն չտալ. Փաշինյան

Խաղաղության համաձայնագրի համաձայնեցված տեքստում ոչ մի միակողմանի պարտավորություն, ընդ որում ոչ Ադրբեջանի, ոչ մեզ համար, չկա։ Այս մասին Հանրային հեռուստաընկերությանը տված հարցազրույցում ասաց Նիկոլ Փաշինյանը։ «Տպավորություն է, թե Հայաստանի սահմանի երկայնքով Ադրբեջանի կողմից երրորդ ուժեր չեն եղել, համեյան դեպս մենք ժամանակ առ ժամանակ դիտարկել եւ տեսել ենք երրորդ ուժի ներկայացուցիչներ, դրոշներ, եւ այլն։ Ինչ նպատակով ենք մենք հրավիրել ԵՄ դիտորներին Հայաստան՝ տեղակայվելու հայ-ադրբեջանական սահմանի երկայնքով․ որպես կայունության եւ ինչ-որ առումով խաղաղության միջոց եւ գործոն։ Երրորդ կողմերի ներկայացուցիչների ներկայության մասին դրույթը ուժի մեջ է մտնելու խաղաղության համաձայնագրի ստորագրումից եւ վավերացումից հետո։ Մինչեւ այդ կետը ԵՄ դիտորների աշխատանքի որեւէ խոչընդոտ չկա» ,- ասաց վարչապետը։ Անդրադառնալով միջպետական ատյաններում երկու երկրների հայցերի հետ քաշման հարցին, Փաշինյանը նշեց, որ այդ հայցերը հիմնականում խաղաղություն եւ կայունություն հաստատելու ճանապարհին խնդրահարույց գործոնները հասցեագրելու եւ լուծելու համար են։ «Եթե կա խաղաղություն, ուրեմն պետք է հենվել խաղաղության տրամաբանության վրա։ Մենք երբեմն նպատակները եւ միջոցները խառնում ենք իրար, այսինքն՝ տարօրինակ կլիներ հրաժարվել նպատակից եւ նախընտրել միջոց»,- ասաց ՀՀ վարչապետը։

22:50 - 21 մարտի, 2025

Հարավային Կովկասում ԵՄ հատուկ ներկայացուցիչը՝ Պրահայում Հարավային Կովկասի վերաբերյալ հանդիպումների մասին |shantnews.am|

shantnews.am: Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչը X-ի իր միկրոբլոգում հայտնել է Պրահայում անցկացված ինտենսիվ հանդիպումների մասին, որի ընթացքում քննարկվել է Հարավային Կովկասի իրավիճակը: Մագդալենա Գրոնոն գրառում է արել «Հենց նոր Պրահայում ավարտվեցին երկօրյա ինտենսիվ հանդիպումները: Շնորհակալ եմ իմ չեխ գործընկերներին, մասնավորապես՝ արտգործնախարար Յան Լիպավսկուն՝ ջերմ ընդունելության և Հարավային Կովկասի վերաբերյալ մտքերի բաց փոխանակման համար»,- գրել է Մագդալենա Գրոնոն: Մեկ այլ գրառմամբ, նա նշել է. «Ընդգծվել է Հայաստան-Ադրբեջան հարաբերությունների կարգավորմանն աջակցելու ԵՄ ջանքերի շարունակման անհրաժեշտությունը և վերահաստատվել է անցյալ շաբաթ խաղաղության պայմանագրի շուրջ բանակցությունների ավարտի վերաբերյալ արված հայտարարությունների կարևորությունը»:

21:05 - 21 մարտի, 2025

Մագդալենա Գրոնոն Չեխիայի ԱԳ նախարարի հետ քննարկել է նաև հայ-ադրբեջանական գործընթացը |azatutyun.am|

azatutyun.am: Հարավային Կովկասոի հարցերով ԵՄ -ի հատուկ բանագնաց Մագդալենա Գրոնոն Չեխիայի արտգործնախարարի հետ հանդիպմանը քննարկել է նաև հայ-ադրբեջանական գործընթացը, այս մասին ԵՄ պաշտոնյան տեղեկացրել X-ի իր էջում։ «Ընդգծել եմ հայ-ադրբեջանական հարաբերությունների կարգավորման գործընթացում ԵՄ-ի շարունակական աջակցության անհրաժեշտությունը և հաստատել խաղաղության պայմանագրի շուրջ բանակցություններն ավարտելու մասին անցած շաբաթ արված հայտարարությունների կարևորությունը», - գրել է Գրոնոն։ Պաշտոնական Բաքուն և Երևանը մարտի 13-ին հայտարարեցին խաղաղության համաձայնագրի վրա աշխատանքներն ավարտելու մասին։ Երևանը համաձայնագիրը ստորագրելու պատրաստակամություն է հայտնում, Բաքուն՝ պայմաններ առաջ քաշում՝ «Ադրբեջանի նկատմամբ տարածքային նկրտումներ պարունակող» Հայաստանի Սահմանադրության փոփոխություն, Ղարաբաղյան հարցով տարիներ շարունակ զբաղված ԵԱՀԿ Մինսկի խմբի լուծարում:

17:29 - 21 մարտի, 2025

Ռուսաստանն անկայունություն է հրահրում Եվրոպայի հարևանությամբ. ԵՄ-ն հրապարակել է Եվրոպայի պաշտպանության վերաբերյալ փաստաթուղթը |1lurer.am|

1lurer.am: Եվրոպական հանձնաժողովը և ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը հրապարակել են «Եվրոպայի պաշտպանության պատրաստության վերաբերյալ համատեղ Սպիտակ գիրք 2030» փաստաթուղթը, որում արձանագրվել են ԵՄ-ի անվտանգության հիմնական մարտահրավերները։ Նշվում է, որ Ռուսաստանը կշարունակի մեծացնել իր պատերազմական տնտեսությունը՝ Բելառուսի, Հյուսիսային Կորեայի և Իրանի աջակցությամբ, և կշարունակի լինել Եվրոպայի անվտանգության հիմնական սպառնալիքը: «Ռուսաստանը համառորեն հրահրում է լարվածություն և անկայունություն Եվրոպայի հարևանությամբ՝ լինի դա Արևմտյան Բալկաններում, Վրաստանում, Մոլդովայում կամ Հայաստանում, և աճող ապակայունացնող ազդեցություն ունի Աֆրիկայում»,- ասված է փաստաթղթում։ Փաստաթղթում շարադրված է նաև մինչև 2030 թվականը դաշինքի պաշտպանական ներուժի ամրապնդմանն ու ավելի հզոր ռազմարդյունաբերական բազայի ստեղծմանն ուղղված քաղաքականությունը: Նշվում է, որ ԱՄՆ-ը Եվրոպային դրդում է ավելի մեծ պատասխանատվություն ստանձնել սեփական պաշտպանության համար: Փաստաթղթում առաջարկվում է, որ անդամ պետությունները կենտրոնանան յոթ առաջնահերթ ոլորտի վրա։ Դրանք ներառում են հակաօդային և հակահրթիռային պաշտպանությունը:

12:06 - 20 մարտի, 2025

ՀՀ ԱԳ փոխնախարարը և Օնդրժեյ Բենեշիկը անդրադարձել են ՀՀ-ԵՄ գործընկերության խորացման հեռանկարներին

Մարտի 18-ին ՀՀ ԱԳ նախարարի տեղակալ Պարույր Հովհաննիսյանն ընդունել է Չեխիայի Հանրապետության Խորհրդարանի Պատգամավորների պալատի Եվրոպական հարցերի հանձնաժողովի նախագահ Օնդրժեյ Բենեշիկի գլխավորած պատվիրակությանը: Այս մասին տեղեկացնում են ՀՀ ԱԳՆ-ից: Կողմերը գոհունակություն են հայտնել երկու երկրների միջև հաստատված խորհրդարանական երկխոսության առկա մակարդակի առնչությամբ՝ կարևորելով միջպետական հարաբերությունների զարգացման գործում օրենսդիրների դերակատարությունը: Զրուցակիցներն անդրադարձ են կատարել ՀՀ-ԵՄ գործընկերության խորացման հեռանկարներին՝ ընդգծելով այս ուղղությամբ Չեխիայի կողմից ցուցաբերվող աջակցությունը: Նախարարի տեղակալ Հովհաննիսյանը զրուցակիցներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը և Հայաստանի ու Ադրբեջանի միջև խաղաղության գործընթացի վերջին զարգացումները: Հանդիպմանը զրուցակիցներն անդրադարձել են նաև փոխադարձ հետաքրքրություն ներկայացնող միջազգային և տարածաշրջանային օրակարգի մի շարք հարցերի։

16:27 - 18 մարտի, 2025

Ալեն Սիմոնյանը և Չեխիայի խորհրդարանի Պատգամավորների պալատի ԵՄ գործերի հանձնաժողովի նախագահը քննարկել են Հայաստանի ու Ադրբեջանի միջև համաձայնեցված խաղաղության պայմանագրին վերաբերող հարցեր

Ալեն Սիմոնյանն ընդունել է Չեխիայի Հանրապետության խորհրդարանի Պատգամավորների պալատի ԵՄ գործերի հանձնաժողովի նախագահին: Այդ մասին հայտնում են ՀՀ ԱԺ-ից: Հայ-չեխական հարաբերություններին վերաբերող հարցերից բացի քննարկումների առանցքում են եղել նաև ՀՀ-ԵՄ օրակարգին, Հայաստանի ու Ադրբեջանի միջև արդեն համաձայնեցված խաղաղության պայմանագրին, տարածաշրջանային զարգացումներին, ինչպես նաև Բաքվում պահվող հայերի հայրենադարձությանը վերաբերող հարցերը:

16:39 - 17 մարտի, 2025

Իրավիճակը հանգիստ է. ԵՄ առաքելությունը պարեկներ է ուղարկել հայ-ադրբեջանական սահմանի տարբեր հատվածներ |news.am|

news.am: Մարտի 16-17-ը Եվրոպական միության ներկայացուցչությունը Հայաստանում պարեկներ է ուղարկել Հայաստան-Ադրբեջան սահմանի երկայնքով տարբեր հատվածներ: «Իրավիճակը մնում է հանգիստ և հանդարտ, ոչ մի արտառոց ակտիվություն չի նկատվում»,- ասված է ԵՄ առաքելության տարածած հաղորդագրության մեջ։ Նշենք, որ մարտի 16-ին Ադրբեջանի ՊՆ-ն 3 անգամ ապատեղեկություն է տարածել, թե հայկական զինված ուժերը կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ։ ՀՀ ՊՆ-ն հերքել էր Ադրբեջանի ՊՆ-ի տարածած հաղորդագրությունները։

09:30 - 17 մարտի, 2025

ՊԵԿ նախագահը հյուրընկալել է Հայաստանում ԵՄ պատվիրակության ղեկավար, դեսպան Վասիլիս Մարագոսին

Պետական եկամուտների կոմիտեի նախագահ Էդուարդ Հակոբյանը հյուրընկալել է Հայաստանի Հանրապետությունում Եվրոպական Միության պատվիրակության ղեկավար, դեսպան Վասիլիս Մարագոսին։ Այս մասին հաղորդում են ՊԵԿ լրատվական ծառայությունից։ ՊԵԿ նախագահ Էդուարդ Հակոբյանը բարձր է գնահատել ԵՄ կողմից մաքսային և հարկային վարչարարության ոլորտներում տարիներ շարունակ տրամադրված աջակցությունը, ինչպես նաև կողմերի միջև ձևավորված երկարամյա փոխհամագործակցության արդյունավետությունը: Հանդիպման ընթացքում ՊԵԿ նախագահը ներկայացրել է երկկողմ համագործակցության օրակարգը։ Մասնավորապես, Ագարակի անցակետի վերակառուցման և արդիականացման, ինչպես նաև Սիսիանում ու Երևանում արտաքին տնտեսական գործունեության սպասարկման կենտրոնների կառուցման ծրագրերը, դրանց ներկա վիճակը և խնդիրները։ Քննարկվել է նաև ՎԶԵԲ-ի հետ մեկնարկած` սահմանային անցակետերում ենթակառուցվածքների արդիականացման ծրագիրը՝ նախանշելով իրականացման հետագա ուղղությունները։ Կողմերն ընդգծել են ՀՀ և ԵՄ միջև համապարփակ և ընդլայնված գործընկերության համաձայնագրի կիրառման կարևորությունը մաքսային բարեփոխումների համատեքստում, ինչպես նաև ԵՄ հնարավոր տեխնիկական աջակցության շրջանակում ներկայում տարվող աշխատանքները։ Հանդիպման ավարտին կարևորվել են առավել ընդգրկուն օրակարգով ԵՄ-ի հետ փոխգործակցության շարունակակությունը՝ հաշվի առնելով ՊԵԿ ռազմավարության զարգացման հեռանկարները, ինչպես նաև ՀՀ-ԵՄ համընդհանուր օրակարգից բխող սահմանների համալիր կառավարման շրջանակում առկա առաջնահերթությունները։

18:18 - 14 մարտի, 2025

ԵՄ-ն ողջունում է Հայաստանի ջանքերը․ Բրյուսելը՝ ՀՀ-Ադրբեջան խաղաղության պայմանագրի շուրջ բանակցությունների ավարտի մասին |factor.am|

factor.am: Եվրամիությունը ողջունում է Հայաստանի և Ադրբեջանի հայտարարությունները Խաղաղության և միջպետական հարաբերությունների հաստատման համաձայնագրի նախագծի շուրջ բանակցությունների ավարտի վերաբերյալ։ Այս մասին ասվում է ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրահանձնաժողովի փոխնախագահ Կայա Կալլասի հայտարարության մեջ։ «Մենք բարձր ենք գնահատում երկու կողմերին վերջին մի քանի տարիների ընթացքում այս ուղղությամբ իրենց համառ աշխատանքի համար՝ ինչպես երկկողմ, այնպես էլ միջազգային հանրության ներգրավմամբ։ ԵՄ-ն ողջունում է Հայաստանի ջանքերը, որը ճանապարհ է հարթում տեքստի վերջնականացման համար։ Հայտարարությունները վճռական քայլ են տարածաշրջանում կայուն խաղաղության և անվտանգության ուղղությամբ։ Կարևոր է պահպանել այս թափը և ապահովել այս գործընթացի սահուն ավարտը նույն հեռանկարային և փոխզիջումային մոտեցումներով երկու կողմից»,- ասվում է հայտարարության մեջ։ Նշվում է, որ ԵՄ-ն լիովին աջակցում է Հայաստան-Ադրբեջան հարաբերությունների կարգավորման գործընթացին և պատրաստ է տրամադրել լրացուցիչ աջակցություն ու փորձաքննություն, եթե կողմերը դիմեն դրա համար։ Հիշեցնենք, որ մարտի 13-ին նախ Ադրբեջանի ԱԳ նախարար Ջեյհուն Բայրամովը, իսկ ավելի ուշ ՀՀ ԱԳՆ-ն հայտարարեցին, որ խաղաղության համաձայնագիրը պատրաստ է ստորագրման։ ԱԳՆ-ից նշեցին՝ ՀՀ-ն պատրաստ է Ադրբեջանի հետ սկսել խորհրդակցություններ Համաձայնագրի ստորագրման ժամկետների և տեղի շուրջ։ Հիշեցնենք, որ խաղաղության պայմանագրի շրջանականերում կողմերը չէին համաձայնեցրել երկու կետ. միմյանց նկատմամբ միջազգային հայցերը հետ կանչելու և սահմանին երրորդ երկրների ներկայացուցիչներ չտեղակայելու կետերը։ Բացի այդ, Ադրբեջանը պահանջում է փոխել Հայաստանի Մայր օրենքը՝ խնդրահարույց համարելով նախաբանում հղումը Անկախության հռչակագրին, որում Արցախի ու Հայաստանի միավորման մասին հիշատակում կա։

14:56 - 14 մարտի, 2025

Համաձայնագրի՝ ուժի մեջ մտնելուց հետո փոխշահավետ լուծումների կգանք. Միրզոյանը՝ ԵՄ դիտորդական առաքելության մասին

Համաձայնագրի ստորագրումից հետո ԵՄ քաղաքացիական առաքելության հետ համագործակցության մասով ընդունելի, փոխշահավետ լուծումների կգանք: Այս մասին ՀՀ ԱԺ արտաքին հարաբերությունների մշտական հանձնաժողովի հերթական նիստի ժամանակ ասաց ԱԳ նախարար Արարատ Միրզոյանը: «ԵՄ դիտորդական առաքելության տեղակայմանը խստորեն ընդդիմացող և դրանից դժգոհող և այժմ առաքելությանը չափազանց հոգատար վերաբերվող և կարևորող մեր գործընկերներին (ընդդիմությանը՝ խմբ.) ուզում եմ վստահեցնել, որ երբ այս համաձայնագիրը կստորագրվի, կվավերացվի և ուժի մեջ կմտնի, մենք մեր ԵՄ գործընկերների հետ քաղաքացիական առաքելության հետ համագհործակցության մասով ընդունելի, փոխշահավետ լուծումների կգանք»,- ԱԺ «Հայաստան» խմբակցության պատգամավոր Քրիստինե Վարդանյանն արձագանքեց, որ ընդդիմությունը ընդդիմանում է և շարունակելու է ընդդիմանալ Ադրբեջանի բոլոր պայմանները կատարելու իշխանության «մարմաջին»: «Հայաստանում դուք բերել եք ԵՄ դիտորդներին, բնականաբար դեմ ենք, որ Ադրբեջանի պահանջով առանց քննարկելու հանում եք նրանց սահմանից: Դա է ընդդիմության խնդիրը»,- հավելեց Վարդանյանը: Հիշեցնենք, որ մարտի 13-ին նախ Ադրբեջանի ԱԳ նախարար Ջեյհուն Բայրամովը, իսկ ավելի ուշ ՀՀ ԱԳՆ-ն հայտարարեցին, որ խաղաղության համաձայնագիրը պատրաստ է ստորագրման։ ԱԳՆ-ից նշեցին՝ ՀՀ-ն պատրաստ է Ադրբեջանի հետ սկսել խորհրդակցություններ Համաձայնագրի ստորագրման ժամկետների և տեղի շուրջ։ Հիշեցնենք, որ խաղաղության պայմանագրի շրջանականերում կողմերը չէին համաձայնեցրել երկու կետ. միմյանց նկատմամբ միջազգային հայցերը հետ կանչելու և սահմանին երրորդ երկրների ներկայացուցիչներ չտեղակայելու կետերը։ Բացի այդ, Ադրբեջանը պահանջում է փոխել Հայաստանի Մայր օրենքը՝ խնդրահարույց համարելով նախաբանում հղումը Անկախության հռչակագրին, որում Արցախի ու Հայաստանի միավորման մասին հիշատակում կա։

12:25 - 14 մարտի, 2025

«Լրտեսների պես կանգնած են մեր սահմաններին»․ Ալիևը բողոքել է ԵՄ դիտորդներց և ՀՀ սպառազինումից |factor.am|

factor.am: Հայաստանին մատակարարվող ավերիչ զենքերն ուղղված են Ադրբեջանի դեմ։ Այս մասին հայտարարել է այդ երկրի նախագահ Իլհամ Ալիևը Բաքվի XII գլոբալ ֆորումի բացման արարողության ժամանակ ունեցած ելույթում։ «Թերևս, այսօր դրանք այլ տեղ են պետք, բայց այդ զենքերն ուղարկվում են Հայաստան»,- ասել է նա։ Բացի այդ, Ալիևը կրկին մեղադրանքներ է հնչեցրել ՀՀ-ում տեղակայված ԵՄ քաղաքացիական դիտորդական առաքելության հասցեին՝ հայտարարելով, թե այն, իբր, Եվրամիության հետախուզական առաքելությունն է։ «Նրանք գիշեր-ցերեկ կանգնում են մեր սահմաններին, ինչպես լրտեսները, փնտրում են հարմար անցքեր՝ մեզ մոտ անցնելու համար: Մենք ունենք բավարար հետախուզական տվյալներ նման ընտրովի դիտորդական առաքելության վերաբերյալ»,- ասել է Ադրբեջանի նախագահը։

12:45 - 13 մարտի, 2025