17:27 - 11 նոյեմբերի, 2021
Գորիս համայնքի ղեկավարի տեղակալը կկալանավորվի. Վերաքննիչ դատարանը բավարարել է բողոքը
Վերաքննիչ քրեական դատարանը բավարարել է Գորիս համայնքի ղեկավարի տեղակալ Մենուա Հովսեփյանին կալանավորելու՝ դատախազի վերաքննիչ բողոքը: Դեռևս հոկտեմբերին Սյունիքի մարզի ընդհանուր իրավասության դատարանը որոշում էր կայացրել Մենուա Հովսեփյանին 30 միլիոն դրամ գրավի դիմաց ազատ արձակելու մասին: Դատախազությունը վերաքննիչ բողոք էր ներկայացրել տվյալ որոշման դեմ:
Մենուա Հովսեփյանին մեղադրանք է առաջադրվել ՀՀ քրեական օրենսգրքի երկու հոդվածով՝ առանձնապես խոշոր չափերի յուրացում կամ վատնում կատարելը՝ պաշտոնեական դիրքն օգտագործելով և նախընտրական քարոզչությանը մասնակցելուն հարկադրելը, որը կրկին կատարվել է պաշտոնեական դիրքն օգտագործելով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)