07:38 - 20 մարտի, 2019
Աջափնյակի ղեկավարի առաջին տեղակալ Արամ Մանուկյանի հրապարակման հիման վրա Ոստիկանությունում նյութեր են նախապատրաստվում
Աջափնյակ վարչական շրջանի ղեկավարի առաջին տեղակալ Արամ Մանուկյանի հրապարակման հիման վրա Ոստիկանությունում մարտի 17-ից նյութեր են նախապատրաստվում։ Այս մասին Infocom-ի հարցին ի պատասխան ասացին ՀՀ ոստիկանության հասարակայնության հետ կապի և լրատվության վարչությունից։
Հիշեցնենք, որ մարտի 15-ին Արամ Մանուկյանը ֆեյսբուքի իր էջում գրառում էր կատարել, որում նշված էր․ «Երկուշաբթի գրում եմ դիմումս։ Ցանկություն չունեմ աշխատելու անթասիբ ու անինքնասեր ղեկավարի հետ»։
Ապա ավելի ուշ գրել էր․ «Ժողովուրդ ջան հեռախոսս գողացել են։
Ես շատ լավ, շատ ջեմ հարաբերությունների մեջ եմ վարչական շրջանի ղեկավարի հետ։
Ներողություն եմ խնդրում թյուրիմացության համար։ Մեղավորներն անպայման կպատժվեն»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)