17:55 - 17 մարտի, 2022
Կառավարությունը հաստատել է Շիրակի պետական համալսարանի ռեկտորի ընտրության արդյունքները
«Բարձրագույն և հետբուհական մասնագիտական կրթության մասին» ՀՀ օրենքի 15-րդ հոդվածի 4-րդ մասի պահանջին համապատասխան՝ ՀՀ կառավարությունը մարտի 17-ի նիստում հաստատել է «Շիրակի Մ. Նալբանդյանի անվան պետական համալսարան» հիմնադրամի ռեկտորի պաշտոնում Երվանդ Սերոբյանի ընտրության արդյունքները:
Այս մասին տեղեկանում ենք ՀՀ ԿԳՄՍՆ տարածած հաղորդագրությունից:
Նշենք, որ բարձրագույն ուսումնական հաստատության ռեկտորն ընտրվում է 5 տարի ժամկետով:
Հիշեցնենք, որ «Շիրակի Մ. Նալբանդյանի անվան պետական համալսարան» հիմնադրամի ռեկտորի թափուր պաշտոնի ընտրությունը տեղի էր ունեցել 2022 թվականի փետրվարի 19-ին: Ռեկտորի պաշտոնի միակ թեկնածուն գրեթե 3 տարի համալսարանի ռեկտորի պաշտոնակատար Երվանդ Սերոբյանն էր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)