11:56 - 19 հուլիսի, 2022
Ռոզա Լինի եվրատեսիլյան Snap երգը՝ ամառային հիթ. մրցույթի պաշտոնական կայքն անդրադարձել է երգչուհուն |armenpress.am|
armenpress.am: «Եվրատեսիլ 2022» երգի հեղինակավոր մրցույթում Հայաստանի պատվիրակ Ռոզա Լինի Snap երգը դարձել է ամառային հիթ:
Այս մասին գրում է մրցույթի պաշտոնական կայքը՝ հիշեցնելով, որ երգչուհին մայիսին Իտալիայում կայացած մրցույթին չհաղթեց, սակայն շարունակում է երկրպագուների մեծ բանակ ձեռք բերել, քանի որ վայելում է հանրության մեծ սերը:
Հրապարակման մեջ ասվում է, որ երգը Spotify հարթակում շուրջ 23 միլիոն լսում ունի: Ունկնդիների հիմնական մասն ԱՄՆ-ից են: Snap երգը լայն տարածում ունի նաև TikTok-ում և սոցիալական այլ հարթակներում:
Snap երգի հեղինակներն են կոմպոզիտորներ Ռոզա Լինը, Լարզ Պրինչիպատոն, Քորթնի Հարելը, Էլի Քրիսթանլը, Թամար Մարտիրոսյան-Կապրելյանը: Տեքստը համահեղինակել են Ռոզա Լինը, Լարզ Պրինչիպատոն, Քորթնի Հարելը, Էլի Քրիսթալը, Թամար Մարտիրոսյան-Կապրելյանը, Ջերեմի Դուսուլետը: Բեմադրության հեղինակներն են ավստրիացի Մարվին Դիետմանը և անգլիացի Դեն Շիպտոնը, որոնք աշխարհահռչակ շոուների, համերգների բեմադրման մեծ փորձ ունեն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)