Ադրբեջանի պաշտպանության նախարարությունը հայտնում է, թե Արցախի ՊԲ ստորաբաժանումների կրակոցների հետևանքով զոհվել է ադրբեջանցի զինծառայող։
«Օգոստոսի 3-ի առավոտյան հայկական կողմը Ադրբեջանի տարածքում, որտեղ ժամանակավորապես տեղակայված է ՌԴ խաղաղապահ զորախումբը, ինտենսիվ կրակ է բացել Լաչինի շրջանում տեղակայված ադրբեջանական բանակի ստորաբաժանումների ուղղությամբ»,- նշված է հաղորդագրության մեջ։
Ըստ Ադրբեջանի պաշտպանական գերատեսչության հաղորդագրության՝ արդյունքում հրազենային վնասվածքից մահացել է շարքային զինծառայող Քազիմով Անար Ռուստամօղլուն։
«Ադրբեջանական բանակի ստորաբաժանումները ձեռնարկել են համապատասխան միջոցներ»,- ասվում է հաղորդագրության մեջ։
comment.count (0)