15:42 - 30 սեպտեմբերի, 2022
Լավրովը հայտարարել է, թե ԱՊՀ երկրներն ապահովագրված չեն իրենց ներքին գործերին ԱՄՆ-ի միջամտությունից, ինչը «հստակ երևում է Հարավային Կովկասում» |factor.am|
factor.am: ԱՊՀ որևէ երկիր ապահովագրված չէ իր ներքին գործերին միջամտելու՝ Վաշինգտոնի փորձերից։ Նման հայտարարություն է արել ՌԴ ԱԳ նախարար Սերգեյ Լավրովը ԱՊՀ անդամ պետությունների անվտանգության մարմինների և հետախուզական ծառայությունների ղեկավարների հետախուզական գործունեության հարցերով 18-րդ հանդիպման ժամանակ, գրում է ՏԱՍՍ-ը։
«Եվրասիական տարածքում Արևմուտքի անպատասխանատու գիծը չի սահմանափակվում միայն Ուկրաինայով։ Մենք հիշում ենք, թե ինչպես երկու տարի առաջ փորձ էր արվում Բելառուսում իրագործել «գունավոր հեղափոխության սցենարը»»,- ասել է Լավրովը։
Նա նշել է, թե նման միջամտությունից ԱՊՀ որևէ երկիր ապահովագրված չէ։ Լավրովի խոսքով՝ դա հստակ երևում է Կենտրոնական Ասիայում և Հարավային Կովկասում ԱՄՆ-ի, ՆԱՏՕ-ի և ԵՄ-ի գործողություններով: Ի՞նչ գործողությունների մասին է խոսքը՝ ռուսաստանցի պաշտոնյան չի պարզաբանել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)