Սերգեյ Լավրով

ՌԴ արտաքին գործերի գործող նախագահն է։ Ծնվել է 1950թ. մարտի 21-ին։ 1972-1976 թվականներին եղել է ստաժյոր՝ Շրի Լանկայում ԽՍՀՄ դեսպանի կցորդը: 1976-1981 թվականներին զբաղեցրել է ԽՍՀՄ ԱԳՆ միջազգային տնտեսական կազմարկերպության երրորդ բաժնի, երկրորդ քարտուղարի պաշտոնը։ 1981-1988 թվականներին առաջին քոարտուղար, խորհրդատու, ավագ խորհրդատու ՄԱԿում Ռուսաստանի եւ ԽՍՀՄ մշտական ներկայացուցիչը Նյու Յորքում։ 1988-ից մինչեւ 1992 թվականը եղել է միջազգային կառավարման տնտեսական կազմակերպության նախագահի տեղակալը եւ նույն կազմակերպության ղեկավարը Սովետական Միության արտաքին գործերի նախարարությունում: Մինչեւ 1991 թվականը եղել է Կոմունիստական կուսակցության անդամ։

1991-ից մինչեւ 1992 թվականը եղել է Ռուսաստանի արտաքին գործերի նախարարությունում միջազգային տնտեսական կազմակերպության ղեկավար։ 1992 թվականին նշանակվել է արտաքին գործերի նախարարությունում միջազգային խնդիրների եւ միջազգային կազմակերպությունների դեպարտամենտի տնօրեն։ 1992 թվականի ապրիլի 3-ին նշանակվել է Ռուսաստանի արտաքին գործերի նախարարի տեղակալ (փոխնախարար)։ Ղեկավարել է Ռուսաստանի ԱԳՆի մարդու իրավունքների պաշտպանության եւ միջազգային մշակութային համագործակցության բաժինը, Ռուսաստանի արտաքին գործերի նախարարությունում ԱՊՀ եկրների գործերով դեպարտամենտի ղեկավար, այս պաշտոնում է եղել մինչեւ 1994 թվականի հունվարը։

1993 թվականի մարտից եղել է Ռուսաստանի մասնակցությունը միջազգային կազմակերպությունների համակարգի, ՄԱԿի միջգերատեսչական հանձնաժողովի փոխնախագահ։ 1993-ի նոյեմբերից եղել է Ռուսաստանի կողմից միջգերատեսչական հանձնաժողովում ընտրված համնախագահ եւ ապահովել Ռուսաստանի մասնակցությունը խաղաղապահական գործունեությունում։ 1994ից մինչեւ 2004 թվականը եղել է Միացյալ Ազգերի Կազմակերպությունում Ռուսաստանի մշտական ներկայացուցիչը։ 2004 թվականի մարտի 9-ին Ռուսաստանի նախագահի հրամանով նշանակվել է Ռուսաստանի արտաքին գործերի նախարար:

Երևանն ու Մոսկվան հստակ գիտակցում են անկեղծ երկխոսության անհրաժեշտությունը․ Լավրովը՝ հարաբերություններում առկա խնդիրների մասին |armenpress.am|

Երևանն ու Մոսկվան հստակ գիտակցում են անկեղծ երկխոսության անհրաժեշտությունը․ Լավրովը՝ հարաբերություններում առկա խնդիրների մասին |armenpress.am|

armenpress.am: Ռուսաստանի Դաշնության արտաքին գործերի նախարար Սերգեյ Լավրովը, մեկնաբանելով Հայաստանի հետ երկկողմ հարաբերությունները և դրանցում առկա բարդությունները, հայտարարել է, որ չգիտի մի երկիր, որի հետ հարաբերությունները կարելի է պարզ անվանել։    Սերգեյ Լավրովն այս մասին հայտարարել է Հայաստանի ԱԳ նախարար Արարատ Միրզոյանի հետ համատեղ մամուլի ասուլիսում։  «Ես չգիտեմ մի երկիր, որի հետ հարաբերությունները պարզ կանվանեի»,-նշել է Լավրովը։  Նա կարծիք է հայտնել, որ նման բան չի լինում, քանզի ցանկացած հարաբերություններում կան հարցեր, որոնք լուծում են պահանջում, և որքան մոտ են երկրներն ու ժողովուրդները, այնքան հարուստ է նրանց փոխգործակցությունը բոլոր ոլորտներում՝ քաղաքական, անվտանգության, տնտեսական, հումանիտար, մշակութային։  Սերգեյ Լավրովի դիտարկմամբ՝ որքան հարուստ են հարաբերությունները, այնքան գործնական հարցեր են առաջանում։  «Բացի դրանից, իհարկե, կան քաղաքական բնույթի հարցեր, որոնք, ինձ թվում է, միտումնավոր կերպով որոշ շրջանակների կողմից սրվել են։ Դրա մասին ինչպես ՌԴ նախագահ Վլադիմիր Պուտինն, այնպես էլ Հայաստանի վարչապետ Նիկոլ Փաշինյանը խոսել են, այդ թվում՝ իրենց վերջին հանդիպումների ընթացքում»,- ասել է Սերգեյ Լավրովը։  Լավրովը նաև հայտնել է, որ Հայաստանի ԱԳ նախարար Արարատ Միրզոյանի հետ պայմանավորվել են, որ ինչպես նախկինում տեղի ունեցած հանդիպումներում, այնպես էլ այսուհետ անկեղծորեն և բացեիբաց խոսելու են միմյանց հետ այն հարցերի շուրջ, որոնք Ռուսաստանի վերաբերյալ անհանգստություններ են առաջացնում Հայաստանի մոտ կամ Հայաստանի վերաբերյալ՝ Ռուսաստանի մոտ։  «Կփորձենք քայլեր ձեռնարկել, որպեսզի մեդիադաշտը չօգտագործվի մեր երկրներին բարին չցանկացողների կողմից նորմալ աշխատանքային հարաբերություններն ինչ-որ բարդ հարաբերությունների վերածելու համար»,-նշել է Լավրովը՝ հավելելով, որ Երևանն ու Մոսկվան ունեն ամբողջական պատրաստակամություն՝ ծավալելու անկեղծ և բաց երկխոսություն։ 
17:14 - 21 հունվարի, 2025
Հետագայում ինչ կլինի, կորոշենք հետո․ Միրզոյանը՝ ԵՄ-ին անդամակցելու մասին ռուս լրագրողի հարցի շուրջ
 |factor.am|

Հետագայում ինչ կլինի, կորոշենք հետո․ Միրզոյանը՝ ԵՄ-ին անդամակցելու մասին ռուս լրագրողի հարցի շուրջ |factor.am|

factor.am: Կառավարության հավանությանն արժանացած «Հայաստանի՝ Եվրամիությանն անդամակցության գործընթացն սկսելու մասին» օրենքի նախագծում ժամկետներ կամ կոնկրետ մեխանիզմներ նշված չեն։ Այս մասին հայտարարել է ՀՀ ԱԳՆ ղեկավար Արարատ Միրզոյանը ՌԴ ԱԳ նախարար Սերգեյ Լավրովի հետ համատեղ ասուլիսում։ Վերջինս նշել է, որ օրինագիծը հրապարակային փաստաթուղթ է և բոլորը կարող են ծանոթանալ դրա բովանդակությանը։ Նա նշել է, որ արտախորհրդարանական ուժերը հավաքել են անհրաժեշտ 50 հազար ստորագրությունն ու այս նախաձեռնությունն ավտոմատ կերպով վերածվել է օրինագծի, որը վերաբերյալ խորհրդարանում դեռ պետք է քվեարկության անցկացվի։ «Կառավարությունը հավանություն է տվել օրինագծին: Ենթադրվում է, որ իշխող մեծամասնությունը «կողմ» կքվեարկի, և առայժմ այդքանը։ Ինչ կլինի հետո, կորոշենք հետո: Այս օրինագիծն այլ բան չի ենթադրում»,- ասել է Միրզոյանը: 
16:11 - 21 հունվարի, 2025
Լավրովը վստահեցնում է՝ Մոսկվան Երևան-Բաքու կարգավորման գործընթացում կողմնակալ վերաբերմունք չունի |armenpress.am|

Լավրովը վստահեցնում է՝ Մոսկվան Երևան-Բաքու կարգավորման գործընթացում կողմնակալ վերաբերմունք չունի |armenpress.am|

armenpress.am: Մոսկվան Երևանի և Բաքվի հարաբերությունների կարգավորման հարցում որևէ մեկի կողմը չի զբաղեցնում․ Ռուսաստանն առաջին հերթին խորապես շահագրգռված է իրավիճակի կարգավորմամբ և իր եղբայրական ժողովուրդների միջև բարիդրացիական հարաբերությունների հաստատմամբ։   Մոսկվայում ՀՀ ԱԳ նախարար Արարատ Միրզոյանի հետ համատեղ ասուլիսի ժամանակ այս մասին հայտարարել է ՌԴ ԱԳ նախարար Սերգեյ Լավրովը՝ պատասխանելով «Արմենպրես»-ի թղթակցի հարցին, որ հաճախ ինչպես պաշտոնական շրջանակներում, այնպես էլ մամուլում Մոսկվայի և Բաքվի դիրքորոշումների սինխրոնացում, երբեմն էլ դրանք նույնանում են, և այդ իրավիճակում ինչպե՞ս կարող է Մոսկվան նպաստել Հայաստանի և Ադրբեջանի միջև հարաբերությունների կարգավորմանը։   Լավրովն ընդգծել է, որ Ռուսաստանը Երևանի և Բաքվի միջև հարաբերությունների կարգավորման հարցում որևէ կողմ չի զբաղեցնում։  «Ձեր հարցից ելնելով՝ Ձեզ մոտ տպավորություն է ստեղծվել, որ Հարավային Կովկասի պրոբլեմատիկայի և հայ-ադրբեջանական հարաբերությունների կարգավորման հարցերում մենք որևէ մեկի կողմն ենք զբաղեցնում, բայց այդպես չէ։ Մենք զբաղվում ենք հարցերով, որոնք, մեր կարծիքով, ակտուալ են։ Զբաղվում ենք Երևանի և Բաքվի միջև հարաբերությունների կարգավորման հարցերով՝ հիմնված մեր այն խորը հետաքրքրության վրա, որ մեր եղբայրական ժողովուրդներն ապրեն խաղաղության և բարիդրացիության մեջ»,- հայտարարել է ՌԴ ԱԳ նախարարը ։ Նա նաև հիշեցրել է, որ Ռուսաստանը ռազմավարական և դաշնակցային գործընկերություն ունի ինչպես Հայաստանի, այնպես էլ Ադրբեջանի հետ։ «Մոսկվան խորապես հետաքրքրված է դրանով (խմբ․ Հայաստան-Ադրբեջան հարաբերությունների կարգավորմամբ)՝ ի տարբերություն այն պետությունների, որոնք Հարավային Կովկասից հեռու են տեղակայված և առաջ են մղում այլ օրակարգ, որը նպատակ ունի հնարավորինս երկար պահպանել այստեղ լարվածությունը՝ հուսալով, որ այդ լարվածության շրջանակներում նրանք ավելի արդյունավետ կերպով առաջ կտանեն իրենց համաշխարհային քաղաքական շահերը»,-նշել է Լավրովը՝ հավելելով, որ Ռուսաստանն առաջնորդվում է այն պայմանավորվածություններով, որոնք 2020-2022 թվականներին Երևանի և Բաքվի համաձայնությամբ ձեռք են բերվել եռակողմ ձևաչափով (խմբ․ Հայաստան, Ռուսաստան, Ադրբեջան)՝ երկրների առաջնորդների մակարդակով։ Լավրովի բնորոշմամբ՝ այդ պայմանավորվածությունները վերաբերում են ինչպես ընդհանուր կարգավորման, խաղաղության պայմանագրի, հաղորդակցությունների ապաշրջափակման, այնպես էլ սահմանների դելիմիտացիայի և դեմարկացիայի հարցերին։  «Մենք այդ աշխատանքին մասնակցում ենք այնքանով, որքանով մեր մասնակցությունը պահանջված է Երևանի և Բաքվի կողմից․ ո՛չ ավել, ո՛չ պակաս»,- եզրափակել է Լավրովը։ 
16:04 - 21 հունվարի, 2025
Միրզոյանն ու Լավրովը քննարկել են Սյունիքում Ռուսաստանի հյուպատոսություն բացելու հարցը
 |azatutyun.am|

Միրզոյանն ու Լավրովը քննարկել են Սյունիքում Ռուսաստանի հյուպատոսություն բացելու հարցը |azatutyun.am|

azatutyun.am: Հայաստանի ու Ռուսաստանի արտգործնախարարները Մոսկվայում այսօր քննարկել են Սյունիքում Ռուսաստանի հյուպատոսություն բացելու հարցը։ ՌԴ արտգործնախարար Սերգեյ Լավրովն ընդգծել է, որ դա ռազմավարական կարևոր տարածաշրջան է, և որ դիվանագիտական ներկայացուցչությունների ընդլայնումը, դրանց թվի ավելացումը բխում է երկու երկրների շահերից։ ՀՀ արտաքին քաղաքական գերատեսչության ղեկավար Արարտ Միրզոյանն էլ Լավրովի հետ հանդիպմանն ասել էր, որ Երևանը շահագրգռված է Մոսկվայի հետ արդյունավետ քաղաքական երկխոսությամբ: Արարատ Միրզոյանն ընդգծել է՝ Հայաստանը մշտապես հավատարիմ է եղել բաց և կառուցողական երկխոսության սկզբունքին: Երկու երկրների լարված հարաբերությունների ֆոնին՝ Միրզոյանի այցից մի քանի օր առաջ էլ Հայաստանի վարչապետ Նիկոլ Փաշինյանն ու Ռուսաստանի նախագահ Վլադիրմիր Պուտինն էին հեռախոսազրույց ունեցել: Ըստ Մոսկվայի՝ հեռախոսազանգը տեղի էր ունեցել հայկական կողմի նախաձեռնությամբ: Մոսկվան հաղորդել էր՝ Փաշինյանը Եվրամիության հետ հարաբերությունների կոնտեքստում Երևանի վերջին քայլերն է պարզաբանել, Վլադիմիր Պուտինն էլ համապատասխան գնահատականներ ու մեկնաբանություններ է տվել:
15:57 - 21 հունվարի, 2025
Երևանը փորձում է հաշվի առնել Մոսկվայի շահերը միջազգային հարթակներում և նույնն ակնկալում է Մոսկվայից. Միրզոյան |armenpress.am|

Երևանը փորձում է հաշվի առնել Մոսկվայի շահերը միջազգային հարթակներում և նույնն ակնկալում է Մոսկվայից. Միրզոյան |armenpress.am|

armenpress.am: Հայաստանի արտգործնախարար Արարատ Միրզոյանը հայտարարել է, որ Երևանը միջազգային հարթակներում մշտապես փորձում է հաշվի առնել Ռուսաստանի շահերը և ցանկություն կա, որ Մոսկվան էլ միջազգային հարթակներում որոշ չափով հաշվի առնի Հայաստանի Հանրապետության շահերը։  Այս մասին Հայաստանի Հանրապետության ԱԳ նախարար Արարատ Միրզոյանը հայտարարել է ՌԴ ԱԳ նախարար Սերգեյ Լավրովի հետ Մոսկվայում ընթացող բանակցությունների ընթացքում։  Նրա խոսքով՝ միջազգային հարթակներում փոխգործակցությունը երկկողմ հարաբերությունների օրակարգում  է, և Երևանը նպատակ ունի այդ ավանդույթը շարունակել։ «Մյուս կարևոր ցուցանիշը միջազգային հարթակներում համագործակցությունն է։ Մենք մշտապես փորձում ենք ըմբռնմամբ վերաբերվել Ռուսաստանի Դաշնության շահերին, ցանկություն և ընկալում կա, որ ռուսական կողմը ևս միջազգային հարթակներում որոշ չափով հաշվի առնի Հայաստանի Հանրապետության շահերը»,- նշել է Արարատ Միրզոյանը։  Միրզոյանը նաև ընդգծել է, որ Հայաստանը մտադիր է Ռուսաստանի հարաբերությունները զարգացնել՝ հիմնվելով փոխշահավետ գործընկերության և ինքնիշխանության նկատմամբ փոխադարձ հարգանքի վրա, որը համապատասխանում է երկու երկրների շահերին։ ՀՀ ԱԳ նախարարը նաև նկատել է, որ հայ-ռուսական հարաբերությունների կարևոր բաղադրիչ է համարվում նաև տնտեսական գործընկերությունը, որտեղ նկատվում է կայուն դրական արդյունք, ինչն էլ դրական ազդեցություն է ունենում առևտրային հարաբերությունների վրա։ 
15:25 - 21 հունվարի, 2025
Ես անպայման կօգտվեմ Երևան այցելելու այն ​​հրավերից, որն այսօր ինձ արեց Արարատ Միրզոյանը․ Լավրով

Ես անպայման կօգտվեմ Երևան այցելելու այն ​​հրավերից, որն այսօր ինձ արեց Արարատ Միրզոյանը․ Լավրով

Ես անպայման կօգտվեմ Երևան այցելելու այն ​​հրավերից, որն այսօր ինձ արեց Արարատ Միրզոյանը։ Ինչպես հայտնում է ՏԱՍՍ-ը, այս մասին Արարատ Միրզոյանի հետ հանդիպումից հետո հայտարարել է ՌԴ ԱԳ նախարար Սերգեյ Լավրովը։  Նա նշել է, որ երկու երկրների ԱԳ նախարարությունների միջև փոխգործակցությունն ակտիվացնելու անհրաժեշտություն կա։  «Արարատ Միրզոյանը և ես երկար ժամանակ երկկողմ հարցերի շուրջ այսքան մանրամասն բանակցություններ չենք վարել, մենք հանդիպել ենք տարբեր միջոցառումների շրջանակում, բայց չենք կարողացել դա անել այնքան մանրամասն, մանրակրկիտ, որպեսզի գործնականում քննարկենք հարցերի ողջ շրջանակը, որոնք վաղուց են մեր հարաբերությունների օրակարգում, և ես շատ ուրախ եմ, որ մենք այսօր հաղթահարել ենք այդ դադարը», - ասել է ՌԴ ԱԳ նախարարը։ 
14:55 - 21 հունվարի, 2025
Պատրաստ ենք տրամադրել անհրաժեշտ աջակցություն Հայաստանի ու Ադրբեջանի միջև հարաբերությունների կարգավորման համար․ Լավրովը՝ Միրզոյանին
 |panorama.am|

Պատրաստ ենք տրամադրել անհրաժեշտ աջակցություն Հայաստանի ու Ադրբեջանի միջև հարաբերությունների կարգավորման համար․ Լավրովը՝ Միրզոյանին |panorama.am|

panorama.am:  «Դիտարկում ենք առկա բոլոր խնդիրները։ Մենք միշտ գնահատել և շարունակում ենք արժևորել եղբայրական կապերը հայ ժողովրդի, Հայաստանի՝ մեր բնական ռազմավարական գործընկերոջ, դաշնակցի հետ, և շահագրգռված ենք, որ բարեկամության և բարիդրացիության դարավոր ավանդույթներն ամրապնդվեն ու զարգանան»,- Մոսկվայում հայ գործընկեր՝ Արարատ Միրզոյանի հետ բանակցությունների մեկնարկից առաջ ասել է  ՌԴ ԱԳ նախարար Սերգեյ Լավրովը։ Նա նշել է, որ դրա համար լավ հիմք են կանոնավոր հանդիպումներն են ամենաբարձր մակարդակով, ԱԳ նախարարների մակարդակով, ինչպես նաև տնտեսական գերատեսչությունների միջև։​«Անցյալ տարի Հայաստանի վարչապետը երկու անգամ այցելել է Մոսկվա՝ ԱՊՀ հանդիպումների համար, եղել է Կազանում՝ BRICS+ գագաթնաժողովին։ Եվ մենք, բացի բարձր մակարդակի հանդիպումներից, անցկացրինք նաև առևտրատնտեսական համագործակցության միջկառավարական հանձնաժողովի հաջորդ՝ արդեն 23-րդ նիստը», - նշել է Լավրովը։ՌԴ ԱԳ նախարարը նշել է, որ քիչ առաջ խոսել են առևտրատնտեսական հարաբերությունների մասին, որոնք վերելք են ապրում։ «Ապրանքաշրջանառությունտ ռեկորդային մակարդակի է հասնում. Մոտ 12  մլրդ դոլար կլինի անցած տարվանը, ինչպես ցույց է տալիս վիճակագրությունը։ Մեր համագործակցությունը, ինչպես երկկողմ, այնպես էլ ԵԱՏՄ շրջանակում տպավորիչ ցուցանիշներ ունի։ Հույս ունենք, որ դա կնպաստի սոցիալ-տնտեսական զարագացմանն ու այն խնդիրների լուծմանը, որոնք իր առջև դնում է Հայաստանը»,-ասել է ՌԴ ԱԳ նախարարը։Լավրովի խոսքով, Մոսկվան շատ է գնահատում է մշակութային-հումանիտար, կրթական կապերի զարգացումը, ինչպես նաև Հայաստանի ու Ռուսաստանի շրջանների շփումը։ «Հարավային Կովկասին ուղղված մեր գործողություններում նշանակլի տեղ է  զբաղեցնում տարածաշրջանային անվտանգությունը։ Պատրաստ ենք տրամադրել անհրաժեշտ աջակցություն Հայաստանի ու Ադրբեջանի միջև հարաբերությունների կարգավորման համար բոլոր ուղղութուններով՝ 2020-ին ու 2022-ին ձեռք բերված եռակողմ պայմանավորվածությունների  հիման վրա։Նա ընդգծել է, որ Մոսկվայի կարծիքով, այդ պայմանավորվածությունները, ինչպես նախկինում այսօր էլ արդիական են, հատկապես տարածաշրջանում առկա հանգամանքերի լույսի ներքո։ Լավրովն ասել է, Մոսկվան տրամադրված է Երևանի հետ կառուցողական քննարկումների։
14:03 - 21 հունվարի, 2025
Միրզոյանը հույս է հայտնել, որ ռուսական կողմը ապագայում կխուսափի միակողմանի մեկնաբանություններից

Միրզոյանը հույս է հայտնել, որ ռուսական կողմը ապագայում կխուսափի միակողմանի մեկնաբանություններից

Ես հուսով եմ, որ իմ այցը արդիական է մեր երկկողմ հարաբերությունների դինամիկայի առումով:  Այս մասին հայտնել է ՀՀ ԱԳ նախարար Արարատ Միրզոյանը ՌԴ ԱԳ նախարար Սերգեյ Լավրովի հետ ընդլայնված կազմով հանդիպման ժամանակ: Մինչ այս Մոսկվայում տեղի է ունեցել նաև երկու նախարարների առանձնազրույցը: «Ես հիշում եմ, որ մենք վերջին անգամ այս ձևաչափով հանդիպել ենք 2023թ. հուլիսին: Կարծում եմ՝ այս այցը լավ հնարավորություն է  երկկողմ համագործակցությունը քննարկելու համար, ինչպես նաև մի շարք տարածաշրջանային և միջազգային օրակարգային արդի հարցերի վերաբերյալ մտքեր փոխանակելու համար: Ցանկանում եմ հայտնել Հայաստանի Հանրապետության շահագրգռվածությունը շարունակելու արդյունավետ քաղաքական երկխոսությունը՝ ուղղված մեր երկկողմ հարաբերություններին և ընդհանուր առմամբ տարածաշրջանային իրավիճակին վերաբերող հարցերի քննարկմանը»,- ասել է Միրզոյանը: Ապա Միրզոյանն ընդգծել է, որ Հայաստանը միշտ հավատարիմ է մնացել բաց և կառուցողական երկխոսության սկզբունքին։  «Մենք հուսով ենք, որ ապագայում ռուսական կողմը կշարունակի հաշվի առնել տվյալ պահին տեղի ունեցողի բոլոր ասպեկտները՝ խուսափելով միակողմանի մեկնաբանություններից, ինչը, ցավոք, տեսանք վերջերս, վերջին օրերին: Հուսով եմ, որ մեր այսօրվա հանդիպումը կնպաստի փոխըմբռնմանը»,- ընդգծել է ՀՀ ԱԳ նախարար Արարատ Միրզոյանը:
13:59 - 21 հունվարի, 2025
Ադրբեջանական օդանավի «սև արկղերի» առաջին տվյալները չեն հաստատում ԶԼՄ-ներում շրջանառվող տեղեկության մի մասը․ Լավրով
 |azatutyun.am|

Ադրբեջանական օդանավի «սև արկղերի» առաջին տվյալները չեն հաստատում ԶԼՄ-ներում շրջանառվող տեղեկության մի մասը․ Լավրով |azatutyun.am|

azatutyun.am: Ադրբեջանական AZAL ավիաընկերության օդանավի «սև արկղերի» առաջին տվյալները չեն հաստատում լրատվամիջոցներում շրջանառվող տեղեկատվության մի մասը, հայտարարել է ՌԴ արտգործնախարարը։ Սերգեյ Լավրովն արկղերի բովանդակությունը «հետաքրքիր է» որակել, շեշտել, որ սա ևս մեկ անգամ ապացուցում է, որ պետք է սպասել լիարժեք հետաքննությանը։ Լավրովը սակայն չի հստակեցրել, թե ինչ նոր տեղեկություն է ի հայտ եկել։ Պաշտոնական Բաքուն մինչև այժմ հայտարարում էր, որ ադրբեջանական ինքնաթիռի աղետի մեղավորը Ռուսաստանն է, այն խոցվել է։ Լավրովն այսօր հորդորել է մինչև հետաքննության ավարտը լրատվական դաշտում մթնոլորտը չբորբոքել՝ օգտագործելով տեղեկություններ, որոնք չեն հաստատվում «սև արկղերի» վերլուծությամբ։ Բաքվից Գրոզնի ուղևորվող ինքնաթիռը վթարի է ենթարկվել դեկտեմբերի 25-ին՝ Ղազախստանի տարածքում, 38 մարդ զոհվել է, 29-ը՝ վիրավորվել։ Ադրբեջանի նախագահ Իլհամ Ալիևը հունվարի 6-ին հայտարարել է, որ ադրբեջանական ինքնաթիռի աղետի մեղավորը Ռուսաստանի ներկայացուցիչներն են՝ նշելով՝ ինքնաթիռն անկառավարելի վիճակի է բերվել ռադիոէլեկտրոնային պայքարի միջոցներով և ակնհայտորեն խոցվել է գետնից բացված կրակի հետևանքով։
17:00 - 14 հունվարի, 2025
ԱՄՆ-ի և ԵՄ-ի հետ հարաբերությունների զարգացումը Հայաստանի ինքնիշխան իրավունքն է. Սերգեյ Լավրով |armenpress.am|

ԱՄՆ-ի և ԵՄ-ի հետ հարաբերությունների զարգացումը Հայաստանի ինքնիշխան իրավունքն է. Սերգեյ Լավրով |armenpress.am|

armenpress.am: Ռուսաստանի Դաշնության արտաքին գործերի նախարար Սերգեյ Լավրովը Հայաստանի սուվերեն իրավունքն է համարում հարաբերութունների զարգացումն ինչպես Միացյալ Նահանգների, այնպես էլ Եվրոպական միության հետ։ Այս մասին Ռուսաստանի Դաշնության արտգործնախարար Սերգեյ Լավրովը հայտարարել է մամուլի ասուլիսի ժամանակ։  Լավրովը, անդրադառնալով Եվրոպական միությանն անդամակցելու գործընթաց սկսելու նախագծին Հայաստանի կառավարության կողմից հավանության տալու որոշմանը, նշել է, որ դա Երևանի ինքնիշխան ընտրությունն է, սակայն անհրաժեշտ է կշռադատել դրական և բացասական կողմերը:  «Իհարկե, Հայաստանի օրինական ղեկավարության որոշումը՝ սկսելու որևէ միջազգային կառույցին միանալու գործընթաց, որտեղ նրան սպասում են, դա ինքնիշխան որոշում է: Բայց բոլոր դրական և բացասական կողմերը կշռադատելը, ևս, հավանաբար, Հայաստանի կառավարության, ղեկավարության և տնտեսական հատվածով զբաղվողների պարտականությունն է»,-նշել է Սերգեյ Լավրովը։ Խոսելով Հայաստանի և Միացյալ Նահանգների միջև ստորագրվելիք փաստաթղթի մասին ռազմավարական գործընկերության վերաբերյալ՝ Լավրովը Երևանի այդ որոշումը ևս ինքնիշխան է համարել՝ ընդգծելով, որ Մոսկվան չի թելադրում, թե ում հետ պետք է համագործակցել։  «Երեկ ես լսեցի, որ ՀՀ արտաքին գործերի նախարար Արարատ Միրզոյանն ԱՄՆ պետքարտուղար Էնթոնի Բլինքենի հետ ռազմավարական գործընկերության մասին համաձայնագիր է ստորագրելու։ Բայց դա երկու երկրների ինքնիշխան որոշումն է»,- շեշտել է ՌԴ ԱԳ նախարարը։  Ըստ նրա՝ գլխավորը ոչ թե այն է, թե ով ինչ է ստորագրել և ինչ է կոչվում փաստաթուղթը, այլ այն, թե ինչ է բխում դրանից։  «Մենք ևս օգտագործել ենք «ռազմավարական գործընկերություն» տերմինաբանությունն արևմտյան երկրների հետ մի շարք համաձայնագրերում, սակայն այդ համաձայնագրերը երբեք այս կամ այն ​​մասնակցից չեն պահանջել գործել երրորդ երկրի դեմ»,- ասել է Լավրովը։ Անդրադարձ կատարելով հայ-ռուսական հարաբերությունների ներկա փուլին՝ Լավրովը դրանք ոչ դյուրին է որակել։  «Ինչ վերաբերում է այսօրվա հարաբերություններին, ապա պաշտոնական մակարդակով դրանք հասարակ և հեշտ չեն»,- նշել է Սերգեյ Լավրովը։
14:57 - 14 հունվարի, 2025