Սերգեյ Լավրով

ՌԴ արտաքին գործերի գործող նախագահն է։ Ծնվել է 1950թ. մարտի 21-ին։ 1972-1976 թվականներին եղել է ստաժյոր՝ Շրի Լանկայում ԽՍՀՄ դեսպանի կցորդը: 1976-1981 թվականներին զբաղեցրել է ԽՍՀՄ ԱԳՆ միջազգային տնտեսական կազմարկերպության երրորդ բաժնի, երկրորդ քարտուղարի պաշտոնը։ 1981-1988 թվականներին առաջին քոարտուղար, խորհրդատու, ավագ խորհրդատու ՄԱԿում Ռուսաստանի եւ ԽՍՀՄ մշտական ներկայացուցիչը Նյու Յորքում։ 1988-ից մինչեւ 1992 թվականը եղել է միջազգային կառավարման տնտեսական կազմակերպության նախագահի տեղակալը եւ նույն կազմակերպության ղեկավարը Սովետական Միության արտաքին գործերի նախարարությունում: Մինչեւ 1991 թվականը եղել է Կոմունիստական կուսակցության անդամ։

1991-ից մինչեւ 1992 թվականը եղել է Ռուսաստանի արտաքին գործերի նախարարությունում միջազգային տնտեսական կազմակերպության ղեկավար։ 1992 թվականին նշանակվել է արտաքին գործերի նախարարությունում միջազգային խնդիրների եւ միջազգային կազմակերպությունների դեպարտամենտի տնօրեն։ 1992 թվականի ապրիլի 3-ին նշանակվել է Ռուսաստանի արտաքին գործերի նախարարի տեղակալ (փոխնախարար)։ Ղեկավարել է Ռուսաստանի ԱԳՆի մարդու իրավունքների պաշտպանության եւ միջազգային մշակութային համագործակցության բաժինը, Ռուսաստանի արտաքին գործերի նախարարությունում ԱՊՀ եկրների գործերով դեպարտամենտի ղեկավար, այս պաշտոնում է եղել մինչեւ 1994 թվականի հունվարը։

1993 թվականի մարտից եղել է Ռուսաստանի մասնակցությունը միջազգային կազմակերպությունների համակարգի, ՄԱԿի միջգերատեսչական հանձնաժողովի փոխնախագահ։ 1993-ի նոյեմբերից եղել է Ռուսաստանի կողմից միջգերատեսչական հանձնաժողովում ընտրված համնախագահ եւ ապահովել Ռուսաստանի մասնակցությունը խաղաղապահական գործունեությունում։ 1994ից մինչեւ 2004 թվականը եղել է Միացյալ Ազգերի Կազմակերպությունում Ռուսաստանի մշտական ներկայացուցիչը։ 2004 թվականի մարտի 9-ին Ռուսաստանի նախագահի հրամանով նշանակվել է Ռուսաստանի արտաքին գործերի նախարար:

Լաչինի միջանցքը պետք է գտնվի ՌԴ խաղաղապահ զորակազմի վերահսկողության և պաշտպանության ներքո. Արցախի ԱԳՆ-ն՝ Լավրովի հայտարարության մասին
 |artsakhpress.am|

Լաչինի միջանցքը պետք է գտնվի ՌԴ խաղաղապահ զորակազմի վերահսկողության և պաշտպանության ներքո. Արցախի ԱԳՆ-ն՝ Լավրովի հայտարարության մասին |artsakhpress.am|

artsakhpress.am: «Արցախպրես» լրատվական գործակալությունը ԱՀ Արտաքին գործերի նախարարությանը  խնդրել է մեկնաբանել ՌԴ արտաքին գործերի նախարար Սերգեյ Լավրովի հայտարարությունն այն մասին, որ ռուսական խաղաղապահ զորակազմը, որը եռակողմ հայտարարությամբ լիազորված է վերահսկել Լաչինի միջանցքով երթևեկությունը, ունի տրանսպորտային միջոցները ստուգելու բոլոր հնարավորությունները:  ԱԳՆ տեղեկատվության և հասարակայնության հետ կապերի վարչությունից հարցմանն ի պատասխան նշել են, որ 2020 թվականի նոյեմբերի 9-ի եռակողմ հայտարարության համաձայն՝ Լաչինի միջանցքը պետք է գտնվի Ռուսաստանի Դաշնության խաղաղապահ զորակազմի վերահսկողության և պաշտպանության ներքո։ Այսպիսով, եռակողմ հայտարարությունը հենց ռուսական խաղաղապահ զորախմբին է լիազորում վերահսկել Լաչինի միջանցքով երթևեկությունը։ Կասկած չկա, որ ռուսական խաղաղապահ զորակազմն ունի բոլոր անհրաժեշտ, այդ թվում` տեխնիկական հնարավորությունները ստուգելու տրանսպորտային միջոցները՝ միջանցքի անվտանգ գործունեությունն ապահովելու նպատակով։ «Միևնույն ժամանակ, հարկ է նշել, որ եռակողմ հայտարարության համաձայն՝ Ադրբեջանը պետք է երաշխավորի Լաչինի միջանցքով քաղաքացիների, տրանսպորտային միջոցների և բեռների՝ երկու ուղղություններով տեղաշարժի անվտանգությունը՝ առանց որևէ սահմանափակումների»,-ասված է պաշտոնական մեկնաբանության մեջ։
22:55 - 18 հունվարի, 2023
Չնայած ՀԱՊԿ առաքելությունը պատրաստ է, հայկական կողմը նախընտրում է պայմանավորվել ԵՄ-ի հետ․ Լավրով

Չնայած ՀԱՊԿ առաքելությունը պատրաստ է, հայկական կողմը նախընտրում է պայմանավորվել ԵՄ-ի հետ․ Լավրով

Հայ-ադրբեջանական սահման ՀԱՊԿ առաքելություն ուղարկելու մտադրությունը դեռ ուժի մեջ է։ Այս մասին այսօր՝ հունվարի 18-ին, 2022 թվականին ռուսական դիվանագիտության գործունեության արդյունքներին նվիրված մամուլի ասուլիսում հայտարարել է ՌԴ ԱԳ նախարար Սերգեյ Լավրովը։ Խոսելով ՀԱՊԿ-ի մասին՝ նա անդրադարձել է Երևանում չընդունված հայտարարությանը։ Նա նշել է, որ Երևանում հայտարարությունը չհաջողվեց ընդունել, որովհետև հայ գործընկերները պնդում էին, որ դրանում լինի սուր դատապարտություն՝ ուղղված Ադրբեջանին։ Ըստ Լավրովի՝ իրենք բացատրել են, որ երբ խոսքը դատապարտման, հռետորիկայի մասին է, ամեն մեկը իր կամքը ունի դա անելու։ Բայց, նրա խոսքով, երբ ՀԱՊԿ-ի առաքելություն ուղարկելու մասին է, նման հայտարարություները պարտադիր չեն: «Մենք դեռ պատրաստ ենք ՀԱՊԿ առաքելություն ուղարկել Հայաստանի և Ադրբեջանի սահմանին։ Չնայած մենք դաշնակիցներ ենք, չնայած նրան, որ առաքելությունը պատրաստ է, հայկական կողմը նախընտրում է պայմանավորվել ԵՄ-ի հետ, որ այնտեղ քաղաքացիական դիտորդների երկարաժամկետ առաքելություն տեղակայվի։ Իհարկե, սա Հայաստանի իրավունքն է, բայց չպետք է մոռանալ, որ առաքելությունը տեղակայվելու է Ադրբեջանի սահմանին, և եթե չլինի Ադրբեջանի համաձայնությունը, առաքելության տեղակայումը կարող է հակառակ ազդեցությունն ունենալ։ Սահմանին վստահության ամրապնդման փոխարեն այն կարող է ավելորդ լարվածություն ստեղծել»,- ասել է նա։ Հիշեցնենք, որ Եվրամիությունը մտադիր է մեկ ամսից դիտորդական նոր առաքելություն ուղարկել Հայաստան առնվազն երկու տարով։ Infocom.am-ի հայաստանյան աղբյուրը հաստատել էր տեղեկությունը, որ դեռ անցած շաբաթ այս նախագիծն ընդունվել է Եվրոպական խորհրդի Քաղաքական ու անվտանգության հանձնաժողովում, ապա հաստատվել դիտորդական առաքելություններով զբաղվող հիմնական կառույցում՝ Ճգնաժամերի կառավարման քաղաքացիական հարցերի հանձնախմբում: Հավելենք նաև, որ 2022թ. նոյեմբերի 23-ին Երևանում տեղի է ունեցել ՀԱՊԿ Հավաքական անվտանգության խորհրդի հերթական նիստը` Նիկոլ Փաշինյանի նախագահությամբ: Վարչապետը չի ստորագրել ՀԱՊԿ Հավաքական անվտանգության խորհրդի հռչակագիրը ու նշել․ ««ՀԱՊԿ Հավաքական անվտանգության խորհրդի հռչակագրի և Հայաստանի Հանրապետությանը օժանդակություն ցուցաբերելու համատեղ միջոցառումների մասին» նախագիծը բավականաչափ վերջնական տեսքի չի բերվել, և այս տեսքով, ամենայն հարգանքով, ես պատրաստ չեմ ստորագրել այս փաստաթղթերը»։ ՀՀ ԱԳՆ խոսնակն էլ, մեկնաբանելով այն, որ հայտարարությունը չի ընդունվել, ասել էր, որ հայկական կողմը ակնկալում է ՀԱՊԿ դաշնակիցներից հստակ քաղաքական գնահատական սեպտեմբերի 13-14-ի ադրբեջանական ագրեսիայի վերաբերյալ, իսկ առկա խմբագրությամբ Հավաքական անվտանգության խորհրդի «Հայաստանի Հանրապետությանը օգնություն ցուցաբերելու համատեղ միջոցառումների մասին» որոշման նախագիծն այդ տեսանկյունից չէր բավարարում հայկական կողմին։
15:41 - 18 հունվարի, 2023
 Լավրովը կարծում է, որ Լաչինի միջանցքի շուրջ ստեղծված ճգնաժամը մոտ ժամանակներում կլուծվի

Լավրովը կարծում է, որ Լաչինի միջանցքի շուրջ ստեղծված ճգնաժամը մոտ ժամանակներում կլուծվի

Սերգեյ Լավրովը կարծիք է հայտնել, որ Լաչինի միջանցքի շուրջ ստեղծված ճգնաժամը մոտ ժամանակներում կլուծվի։ Այս մասին ՌԴ ԱԳ նախարարն ասել է 2022 թվականն ամփոփող ասուլիսի ժամանակ։ Լավրովի խոսքով՝ ըստ 2020թ․ նոյեմբերի 9-ի եռակողմ հայտարարության՝ Լաչինի միջանցքը պետք է բաց լինի բեռների, քաղաքացիների և տրանսպորտային միջոցների համար․ «Բնականաբար առանձին պայմանավորվածություն է ձեռք բերվել, որ որևէ տեսակի ռազմական բեռներ չպետք է անցնել»։ ՌԴ ԱԳ նախարարը հայտնել է, որ ադրբեջանցիները տվյալներ են փոխանցել իրենց, թե հայկական կողմը ականներ է տեղափոխել միջանցքով, և հետո դրանք օգտագործվել են ականապատելու ադրբեջանական դիրքերի մոտ գտնվող հատվածները։ Այս տվյալները, ըստ Լավրովի, ռուսական կողմը ստուգում է։ Նա նշել է, որ ռուսական խաղաղապահ զորախումբը պետք է վերահսկի Լաչինի միջանցքով երթևեկութունը ու ունի բոլոր իրավունքները ստուգելու անցնող տրանսպորտային միջոցները և բացառելու չթույլատրված, ոչ հումանիտար առարկաների անցումը։  Լավրովը հայտնել է նաև, որ ռուս խաղաղապահների մասնակցությամբ հանդիպում է տեղի ունեցել Ադրբեջանի ու Արցախի ներկայացուցիչների միջև, և կարծիք հայտնել, որ առաջիկայում հարցը կհանգուցալուծվի։ 2022թ․ դեկտեմբերի 12-ից Ադրբեջանը փակել է Արցախը ՀՀ-ին կապող Լաչինի միջանցքը, ինչի հետևանքով շրջափակման մեջ է Արցախի 120 000 բնակիչ, այդ թվում՝ 30 000 երեխա։ 1100 քաղաքացիական անձ, այդ թվում՝ 270 անչափահաս, չի կարողանում ՀՀ-ից վերադառնալ Արցախ։ Հունվարի 17-ին 19 երեխա ռուսական խաղաղապահ զորակազմի ուղեկցությամբ Գորիս-Ստեփանակերտ ճանապարհով վերադարձել է տուն։  Շրջափակման պատճառով ՀՀ-ից ամեն օր 400 տոննա սննդամթերք ու դեղորայք հնարավոր չի լինում հասցնել Արցախ․ առկա է սննդի, դեղորայքի պակաս: 13 երեխա նորածնային և վերակենդանացման բաժանմունքներում է, 9 բուժառու՝ վերակենդանացման բաժանմունքում․ 5-ը ծայրահեղ ծանր վիճակում են։ Այս օրերի ընթացքում շտապ բուժօգնության կարիք ունեցող 28 հայ և 4 օտարերկրացի է միայն Կարմիր խաչի միջնորդությամբ տեղափոխվել ՀՀ, իսկ Արցախում հիվանդներից մեկը մահացել է: Հունվարի 10-ից վթարի պատճառով Արցախում էլեկտրամատակարարումը կատարվում է հովհարային անջատումների չորսժամյա գրաֆիկով։  Ադրբեջանը հունվարի 18-ի առավոտից կրկին խափանել է Հայաստանից Արցախը սնուցող միակ գազատարի աշխատանքը: 
15:12 - 18 հունվարի, 2023
Բայրամովի հետ հեռախոսազրույցում Լավրովն ընդգծել է Լաչինի միջանցքով երթևեկության ամբողջական վերականգնման անհրաժեշտությունը |1lurer.am|

Բայրամովի հետ հեռախոսազրույցում Լավրովն ընդգծել է Լաչինի միջանցքով երթևեկության ամբողջական վերականգնման անհրաժեշտությունը |1lurer.am|

1lurer.am:Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել Ադրբեջանի արտաքին գործերի նախարար Ջեյհուն Բայրամովի հետ։ Այս մասին հայտնում են ՌԴ ԱԳՆ մամուլի ծառայությունից: Կողմերը քննարկել են երկկողմ և տարածաշրջանային օրակարգի մի շարք արդիական թեմաներ։ «Ռուսական կողմն ընդգծել է Լաչինի միջանցքով երթևեկության շուտափույթ ամբողջական ապաշրջափակման անհրաժեշտությունը՝ 2020 թ. նոյեմբերի 9-ի բարձր մակարդակի եռակողմ հայտարարության մեջ ամրագրված չափանիշներին համապատասխան: Շեշտվել է նաև բոլոր հարակից հարցերի շուրջ փոխընդունելի լուծումների հասնելու կարևորությունը՝ Ռուսաստանի, Ադրբեջանի և Հայաստանի ղեկավարների պայմանավորվածությունների հիման վրա ադրբեջանա-հայկական կարգավորման առանցքային ուղիների համալիր աշխատանքը վերսկսելու նպատակով»,- նշված է ՌԴ ԱԳՆ հաղորդագրության մեջ:
20:36 - 17 հունվարի, 2023
ՌԴ-ի և Իրանի ԱԳ նախարարները Մոսկվայում հունվարի 17-ին բանակցություններ կանցկացնեն

 |factor.am|

ՌԴ-ի և Իրանի ԱԳ նախարարները Մոսկվայում հունվարի 17-ին բանակցություններ կանցկացնեն |factor.am|

factor.am: ՌԴ ԱԳ նախարար Սերգեյ Լավրովն ու Իրանի ԱԳ նախարար Հոսեյն Ամիր Աբդոլահիանը հունվարի 17-ին Մոսկվայում բանակցություններ են անցկացնելու։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։ «Հունվարի 17-ին ՌԴ ԱԳ նախարար Սերգեյ Լավրովը բանակցություններ է անցկացնելու իր իրանցի գործընկերոջ հետ, որն այդ օրը Մոսկվայում է լինելու աշխատանքային այցով։ Ակնկալվում է, որ շարունակվելու է մտքերի շահագրգիռ փոխանակում մի շարք արդիական միջազգային ու տարածաշրջանային թեմաների, այդ թվում՝ Իրանի միջուկային գործարքի շուրջ, քննարկվելու է միջազգային հարթակներում երկու երկրների համագործակցությունը, այդ թվում՝ ՄԱԿ-ում, ՇՀԿ-ում, իրավիճակը Սիրիայում, Աֆղանստանում, Անդրկովկասում ու կասպյան հիմնախնդիրը։ Նախատեսվում է քննարկել երկկողմ օրակարգը, առաջին հերթին դրա առևտրատնտեսական բաղադրիչը՝ էներգետիկայի, տրանսպորտի և արդյունաբերության այլ ոլորտներում, այդ թվում՝ հաշվի առնելով ԵՏՄ-ի և Իրանի միջև ազատ առևտրի գոտու մասին լիարժեք համաձայնագրի կնքման բանակցային գործընթացի վերջնական փուլի անցումը»,- ասել է Զախարովան։
17:36 - 12 հունվարի, 2023
Հայաստանն ու Ադրբեջանն են սահմանում շփումների դինամիկան և որոշում ապագա խաղաղության պայմանագրի բովանդակությունը․ Լավրով

Հայաստանն ու Ադրբեջանն են սահմանում շփումների դինամիկան և որոշում ապագա խաղաղության պայմանագրի բովանդակությունը․ Լավրով

Ռուսաստանի ԱԳ նախարար Սերգեյ Լավրովը «ՌԻԱ Նովոստի»-ին տված հարցազրույցում պատասխանել է հարցին, թե արդյո՞ք Ռուսաստանը ակնկալում է, որ առաջիկա ամիսներին Հայաստանն ու Ադրբեջանը խաղաղության պայմանագիր կստորագրեն, և արդյո՞ք այն կներառի Լեռնային Ղարաբաղի կարգավիճակի հարցը։ «Ավելի տրամաբանական է այս հարցն ուղղել բանակցող կողմերին, այսինքն՝ Բաքվին ու Երեւանին։ Հենց նրանք են սահմանում շփումների դինամիկան և որոշում ապագա խաղաղության պայմանագրի բովանդակությունը։ Ռուսաստանը, որը ռազմավարական գործընկերության և դաշնակցային հարաբերություններ ունի և՛ Ադրբեջանի, և՛ Հայաստանի հետ, ամեն հնարավոր աջակցություն ցուցաբերում է այս գործընթացին՝ այն ձևով և ծավալով, որով հետաքրքրված են մեր ադրբեջանցի և հայ ընկերները»,- ասել է Լավրովը։ 
11:51 - 29 դեկտեմբերի, 2022
Պենտագոնում սպառնացել են «գլխատող հարված» հասցնել Կրեմլին, իրականում խոսքը Պուտինի ֆիզիկական վերացման սպառնալիքի մասին է. Լավրով
 |tert.am|

Պենտագոնում սպառնացել են «գլխատող հարված» հասցնել Կրեմլին, իրականում խոսքը Պուտինի ֆիզիկական վերացման սպառնալիքի մասին է. Լավրով |tert.am|

tert.am: ՌԴ ԱԳ նախարար Սերգեյ Լավրովը հարցազրույց է տվել ՏԱՍՍ-ին՝ հայտարարելով, որ ԱՄՆ-ում մի քանի «անանուն պաշտոնյաներ» սպառնում են ֆիզիկապես վերացնել ՌԴ նախագահ Վլադիմիր Պուտինին։«Ամենից հեռուն գնացել են Վաշինգտոնում. այնտեղ Պենտագոնի որոշ «անանուն պաշտոնյաներ» իրականում սպառնացել են «գլխատող հարված» հասցնել Կրեմլին, իրականում խոսքը ռուսական պետության ղեկավարի ֆիզիկական վերացման սպառնալիքի մասին է։ Եթե ինչ-որ մեկն իսկապես նման գաղափարներ ունի, ապա պետք է շատ լավ մտածի նման ծրագրերի հնարավոր հետևանքների մասին»,- ասել է Լավրովը։Նա նշել է, որ Ռուսաստանն ու ԱՄՆ-ն չեն կարող նորմալ հաղորդակցություն պահպանել ԱՄՆ նախագահ Ջո Բայդենի վարչակազմի առճակատողական կուրսի պատճառով։«Օբյեկտիվորեն անհնար է նորմալ հաղորդակցություն պահպանել Բայդենի վարչակազմի հետ, որը նպատակ է հռչակում մեր երկրի՝ ռազմավարական պարտության մատնումը»,- ընդգծել է նախարարը։Նրա կարծիքով՝ «ռուս-ամերիկյան հարաբերություններն իսկապես գտնվում են ծայրահեղ անմխիթար վիճակում և գործնականում սառեցված են Վաշինգտոնի մեղքով»։ Շարունակությունը՝ tert.am- ում 
11:56 - 27 դեկտեմբերի, 2022
ԱՄՆ-ն և ՆԱՏՕ-ն ցանում են ռազմի դաշտում հաղթել Ռուսաստանին՝ նրան ոչնչացնելու համար. Լավրով |tert.am|

ԱՄՆ-ն և ՆԱՏՕ-ն ցանում են ռազմի դաշտում հաղթել Ռուսաստանին՝ նրան ոչնչացնելու համար. Լավրով |tert.am|

tert.am: Ռուսաստանի Դաշնության արտաքին գործերի նախարար Սերգեյ Լավրովը կարծում է, որ ԱՄՆ-ն և ՆԱՏՕ-ի նրա դաշնակիցները ցանկանում են ռազմի դաշտում հաղթել Ռուսաստանին, որպեսզի ոչնչացնեն նրան։ Այս մասին նա ասել է ՏԱՍՍ-ին տված հարցազրույցում։ ՌԴ ԱԳՆ ղեկավարի խոսքով՝ արևմտյան երկրների և նրանց վերահսկողության տակ գտնվող Ուկրաինայի նախագահ Վլադիմիր Զելենսկու գործողությունները հաստատում են ուկրաինական ճգնաժամի գլոբալ բնույթը։ «Այլևս ոչ մեկի համար գաղտնիք չէ, որ ԱՄՆ-ի և ՆԱՏՕ-ի նրա դաշնակիցների ռազմավարական նպատակը Ռուսաստանին մարտի դաշտում հաղթելն է՝ որպես մեր երկիրը էականորեն թուլացնելու կամ նույնիսկ ոչնչացնելու մեխանիզմ»,- ասել է Լավրովը։Նրա կարծիքով՝ այդ նպատակին հասնելու համար Ռուսաստանի Դաշնության հակառակորդները «շատ բանի են պատրաստ»։
10:26 - 27 դեկտեմբերի, 2022
Համաձայնեք՝ դժվար է կառուցողական և արդյունավետ հանդիպումներ ունենալ չդադարող սպառնալիքների և ուժի գործադրման նորանոր դրսևորումների պայմաններում․ ՀՀ ԱԳ նախարար Արարատ Միրզոյան

Համաձայնեք՝ դժվար է կառուցողական և արդյունավետ հանդիպումներ ունենալ չդադարող սպառնալիքների և ուժի գործադրման նորանոր դրսևորումների պայմաններում․ ՀՀ ԱԳ նախարար Արարատ Միրզոյան

ՀՀ ԱԳ նախարար Արարատ Միրզոյանը հայցազրույց է տվել «Ազատություն ռադիոկայանին»։ Այս մասին հայտնում են ՀՀ ԱԳՆ-ից։ «Հարց․ Մոսկվայում Ադրբեջանի ԱԳ նախարարի հետ ասուլիսի ընթացքում ՌԴ ԱԳ նախարար Սերգեյ Լավրովը զարմանք է հայտնել, որ դեկտեմբերի 23-ին նախատեսված եռակողմ հանդիպմանը ՀՀ ԱԳ նախարարի չմասնակցելու մասին լուրը իմացել են հայկական կողմի մամուլի հաղորդագրությունից, և ոչ թե դիվանագիտական կապուղիներով։ Ինչպե՞ս կմեկնաբանեք դա։ Պատասխան․ Ես էլ զարմանք եմ հայտնում իմ հարգարժան գործընկեր Սերգեյ Լավրովի զարմանքի առնչությամբ։ Հաշվի առնելով Ադրբեջանի կողմից Լաչինի միջանցքի ապօրինի շրջափակման հետևանքով ստեղծված հումանիտար ճգնաժամը՝ Մոսկվայում նախատեսված իմ և Ռուսաստանի ու Ադրբեջանի ԱԳ նախարարների միջև հանդիպումը հետաձգելու՝ հայկական կողմի խնդրանքը ՀՀ ԱԳՆ-ն և ՌԴ-ում ՀՀ դեսպանությունը փոխանցել են թե՛ ՌԴ ԱԳՆ կենտրոնական ապարատի ներկայացուցիչներին, թե՛ ՀՀ-ում ՌԴ դեսպանությանը: Հակառակ դեպքում անբացատրելի է, թե ինչպես կարող էր ՌԴ ԱԳՆ-ն իր տարածած մամուլի հաղորդագրությամբ շատ ավելի շուտ ազդարարել հայկական կողմի Մոսկվա չմեկնելու մասին, քան դրա և դրա պատճառների մասին կհասցներ հայտարարել ՀՀ ԱԳՆ-ն։ Հարց. Նախարար Լավրովի ելույթում հնչել է նաև համոզմունք միջադեպերի շարունակականության մասին, եթե կողմերից մեկը յուրաքանչյուր անգամ հրաժարվի մասնակցել նախապես համաձայնեցված բանակցություններին։ Ինչպե՞ս է պետք, ըստ Ձեզ, սա ընկալել։ Պատասխան. Հայկական կողմը հստակ մատնանշել է հանդիպման հետաձգման պատճառը և անհրաժեշտությունը։ Համաձայնեք՝ դժվար է կառուցողական և արդյունավետ հանդիպումներ ունենալ չդադարող սպառնալիքների և ուժի գործադրման նորանոր դրսևորումների պայմաններում: Ինչ վերաբերում է այդ դրսևորումների հետագա շարունակականության մասին համոզմունքին, կարծում եմ, որ 2020թ. նոյեմբերի 9-ի եռակողմ հայտարարությունը և Լեռնային Ղարաբաղում ՌԴ խաղաղապահ զորակազմը կոչված են հենց նման համոզմունքները բացառելուն։ Հարց․ Սերգեյ Լավրովի հետ ասուլիսի ընթացքում Ադրբեջանի ԱԳ նախարար Բայրամովն ասել էր, թե իբր 2020թ.-ի նոյեմբերին Հայաստանը խոստացել է 8 գյուղեր «ազատել» սակայն չի կատարել այդ պայմանավորվածությունը: Դա ինչպե՞ս կմեկնաբանեք։ Պատասխան. Ինչպես բազմիցս հայտարարել ենք, հայկական կողմը ոչ նոյեմբերի 9֊ի եռակողմ հայտարարությամբ, ոչ էլ որևէ այլ կերպ նման պարտավորություն չի ստանձնել։ Այլ բան, քան գրված, ստորագրված, հրապարակված պայմանավորվածություններ, գոյություն չունեն։ Կարծում ենք, Ադրբեջանի ԱԳ նախարարը նման մտացածին պայմանավորվածությունների մասին խոսելով` փորձ է կատարում արդարացնել իր երկրի կողմից նոյեմբերի 9-ին եռակողմ հայտարարության դրույթների շարունակական ու կոպիտ խախտումները: Միաժամանակ հարկ եմ համարում հիշեցնել, որ Հայաստանը քանիցս հանդես է եկել զորքերի հետքաշման` Հայաստանի և Ադրբեջանի զինված ուժերը Հայկական և Ադրբեջանական ԽՍՀ֊ների միջև գոյություն ունեցած վարչական սահմանով տեղակայելու առաջարկով»։
21:55 - 24 դեկտեմբերի, 2022
Լավրովը հայտարարել է՝ ՀՀ-ն դիվանագիտական որևէ խողովակ չի օգտագործել՝ տեղեկացնելու, որ չի մասնակցի ԱԳ նախարարների հանդիպմանը

Լավրովը հայտարարել է՝ ՀՀ-ն դիվանագիտական որևէ խողովակ չի օգտագործել՝ տեղեկացնելու, որ չի մասնակցի ԱԳ նախարարների հանդիպմանը

Ռուսաստանի արտգործնախարար Սերգեյ Լավրովը հայտարարել է՝ Հայաստանը դիվանագիտական ​​որևէ խողովակ չի օգտագործել՝ Ռուսաստանին տեղեկացնելու, որ հրաժարվում է Ռուսաստանի և Ադրբեջանի արտգործնախարարներ Սերգեյ Լավրովի և Ջեյհուն Բայրամովի հետ Մոսկվայում եռակողմ հանդիպմանը մասնակցելուց հրաժարվելու մասին։ Ըստ ՌԴ ԱԳ նախարարի՝ «հայկական կողմի տեղեկացնելու մեթոդը հարցեր է առաջացնում»։  Այս մասին Լավրովը հայտնել է Ադրբեջանի արտգործնախարար Բայրամովի հետ բանակցություններին հաջորդած մամուլի ասուլիսի ընթացքում։ «Մենք, ինչպես և դուք, [հանդիպմանը մասնակցելուց] հրաժարվելու մասին իմացել ենք մամուլի հաղոդրագրությունից։  «Դիվանագիտական ​​որևէ խողովակ, որը սովորաբար ներառվում է նման դեպքերում, չի օգտագործվել։ Սա հայկական կողմի որոշումն է»,- ասել է նա՝ հավելելով, որ «իրենց բոլորին այդպես տեղեկացնելը հարցրեր է առաջացնում»։ Հիշեցնենք, որ այսօր Մոսկվայում պետք է կայանար Հայաստանի, Ռուսաստանի և Ադրբեջանի ԱԳ նախարարների հանդիպումը, որը, սակայն, հայկական կողմը խնդրել էր հետաձգել։  «Այս պահին ՀՀ ԱԳ նախարարի առաջնահերթությունը Լաչինի միջանցքի անխոչընդոտ վերագործարկման և Լեռնային Ղարաբաղում հումանիտար ճգնաժամի արդյունքում ստեղծված խնդիրների հասցեագրումն է»,- պարզաբանել էր ՀՀ ԱԳՆ մամուլի խոսնակը։
17:47 - 23 դեկտեմբերի, 2022
Բայրամովը հայտարարել է, որ «Ռուբեն Վարդանյանը անհապաղ պետք է հեռանա Լեռնային Ղարաբաղից»

Բայրամովը հայտարարել է, որ «Ռուբեն Վարդանյանը անհապաղ պետք է հեռանա Լեռնային Ղարաբաղից»

Ադրբեջանը պահանջում է, որ Արցախի պետնախարար Ռուբեն Վարդանյանը հեռանա Լեռնային Ղարաբաղից։ Այս մասին Սերգեյ Լավրովի հետ բանակցությունների արդյունքներով կայացած մամուլի ասուլիսում հայտարարել է Ադրբեջանի ԱԳ նախարար Ջեյհուն Բայրամովը։ «Նրա (Վարդանյան-խմբ․) գործունեությունը կրում է հանցավոր և արկածախնդիր բնույթ: Մենք կարծում ենք, որ դրան պետք է վերջ տալ: Եվ որքան շուտ այս մարդը հեռանա այս տարածաշրջանից, այնքան լավ կլինի բոլորի համար։ Առաջին հերթին դրանից տուժում է տեղի բնակչությունը։ Մինչև նրա գալը եղել են դրական հարաբերություններ, և նրա գործոնը շատ վնասակար և ապակայունացնող է»։ Բայրամովը նշել է, թե Ռուբեն Վարդանյանը տարածաշրջանի համար «օտար տարր» է։ ՌԴ ԱԳ նախարար Սերգեյ Լավրովը իր հերթին նշել է, որ Ռուսաստանը կապ չունի Ռուբեն Վարդանյանի՝ Լեռնային Ղարաբաղում հաստատվելու և այնտեղ քաղաքական գործունեությամբ զբաղվելու որոշման հետ։ «Պարոն Վարդանյանը Ռուսաստանի հետ կապ չունի, ՌԴ իշխանությունները նրա հետ կապ չունեն։ Նրա խնդրանքով օրերս ՌԴ նախագահը հրամանագիր է ստորագրել, և նա այլեւս ՌԴ քաղաքացի չէ։ Նրա՝ Ղարաբաղ ուղևորվելու և այնտեղ քաղաքական գործունությամբ զբաղվելու հետ մենք որևէ կապ չենք ունեցել, չունենք և չենք պատրաստվում ունենալ»,- ասել է Լավրովը։
17:03 - 23 դեկտեմբերի, 2022
«3+3» ձևաչափով նոր հանդիպում է համաձայնեցվում՝ նվիրված Հարավային Կովկասում խաղաղության և կայունության ապահովման խնդիրներին․ Լավրով

«3+3» ձևաչափով նոր հանդիպում է համաձայնեցվում՝ նվիրված Հարավային Կովկասում խաղաղության և կայունության ապահովման խնդիրներին․ Լավրով

Ռուսաստանը, հավանաբար, առավել քան որևէ մեկը, շահագրգռված է տարածաշրջանում երկու բարեկամ պետությունների՝ Հայաստանի և Ադրբեջանի միջև կայուն, արդար խաղաղության հաստատմամբ և հակամարտությունների՝ անցյալի դրսևորումների ցանկացած կրկնության հուսալի վերացման համար: Այս մասին Ադրբեջանի ԱԳ նախարարի հետ ասուլիսում ասել է Սերգեյ Լավրովը՝ նշելով նաև, որ ՌԴ-ի, ՀՀ-ի և Ադրբեջանի ԱԳ նախարարների եռակողմ հանդիպումը օրակարգից հանված չէ․ Ռուսաստանը պատրաստ է ընդունել այն։ Լավրովը հայտնել է նաև, որ «3+3» (Հայաստան, Ադրբեջան, Թուրքիա, Ռուսաստան, Իրան, Վրաստան) ձևաչափով՝ նախարարների մակարդակով, նոր հանդիպում է համաձայնեցվում՝ նվիրված Հարավային Կովկասում խաղաղության և կայունության ապահովման խնդիրներին։ Ավելի վաղ ՌԴ ԱԳՆ ԱՊՀ երկրների չորրորդ վարչության տնօրեն Դենիս Գոնչարը հայտարարել էր, «3+3» ձևաչափով տարածաշրջանային համագործակցության հարթակի երկրորդ հանդիպումը կարող է կայանալ առաջիկա ամիսներին՝ նշելով՝ «դատելով ձևաչափի մասնակից երկրների տրամադրությունից՝ հանդիպման հրավեր կարող է ուղարկվել նաև Վրաստան»։ Նշենք, որ «3+3» խորհրդատվական տարածաշրջանային հարթակի առաջին նիստը կայացել է 2021 թվականի դեկտեմբերի 10-ին Մոսկվայում՝ Ռուսաստանի, Հայաստանի, Թուրքիայի և Ադրբեջանի փոխարտգործնախարարների, ինչպես նաև Իրանի ԱԳՆ գլխավոր տնօրենի մասնակցությամբ: ՌԴ ԱԳՆ-ից հայտնել էին, որ Վրաստանի ներկայացուցիչները, որոնք նույնպես հրավիրվել էին, ձեռնպահ են մնացել հանդիպմանը մասնակցելուց:
16:35 - 23 դեկտեմբերի, 2022
Հայաստանն ու Ադրբեջանը պետք է երկխոսության հնարավորություններ և խաղաղ համաձայնության հասնելու ուղիներ փնտրեն․ Լավրով

Հայաստանն ու Ադրբեջանը պետք է երկխոսության հնարավորություններ և խաղաղ համաձայնության հասնելու ուղիներ փնտրեն․ Լավրով

Հայաստանն ու Ադրբեջանը պետք է երկխոսության հնարավորություններ և խաղաղ համաձայնության հասնելու ուղիներ փնտրեն․ Ռուսաստանը հույս ունի արագացնել այդ աշխատանքը։ Այդ մասին ուրբաթ օրը հայտարարել է ՌԴ ԱԳ նախարար Սերգեյ Լավրովը՝ Մոսկվայում բանակցություններ սկսելով Ադրբեջանի արտգործնախարար Ջեյհուն Բայրամովի հետ։ «Հաստատվել է չորս եռակողմ հայտարարություն։ Դրանց ուղղությամբ աշխատանքներն ընթացքի մեջ են, բայց, իհարկե, կցանկանայինք արագացնել։ Եվ անկախ նրանից, թե ինչ հարցեր են ծագում առօրյայում, ես համոզված եմ, որ առավել անհրաժեշտ է կանոնավոր հանդիպումներ, բանակցել, վստահությունն ամրապնդել և բոլոր հարցերի լուծման համար հող ստեղծել»,- ասել է ՌԴ դիվանագիտական գերատեսչության ղեկավարը։  Ռուս դիվանագետը ափսոսանք է հայտնել հայկական կողմի որոշման համար, որով հրաժարվել է մասնակցել արտգործնախարարների՝ դեկտեմբերի 23-ին կայանալիք եռակողմ հանդիպմանը։«Այսօրվա համար մենք պայմանավորվեցինք մեր տարածքում անցկացնել Ադրբեջանի և Հայաստանի արտաքին գործերի նախարարների հանդիպումը՝ շարունակելու խաղաղության պայմանագրի քննարկումը։ Մենք պատրաստվում էինք այս միջոցառմանը, բայց, ցավոք, վերջին պահին մեր հայ գործընկերները հրաժարվեցին գալ Մոսկվա՝ դա բացատրելով տեղում տիրող իրավիճակով։ Ափսոս, որ նման հնարավորությունը բաց թողնվեց», - ասել է Լավրովը։ Մոսկվայում դեկտեմբերի 23-ին նախատեսված է եղել Հայաստանի, Ռուսաստանի և Ադրբեջանի արտաքին գործերի նախարարների հանդիպումը, սակայն հայկական կողմը խնդրել է հետաձգել հանդիպումը, քանի որ այս պահին Հայաստանի ԱԳ նախարարի առաջնահերթությունը Լաչինի միջանցքի անխոչընդոտ վերագործարկման և Լեռնային Ղարաբաղում հումանիտար ճգնաժամի արդյունքում ստեղծված խնդիրների հասցեագրումն է:
15:41 - 23 դեկտեմբերի, 2022
Հայկական կողմը խնդրել է հետաձգել Հայաստանի, Ռուսաստանի և Ադրբեջանի ԱԳ նախարարների հանդիպումը՝ հաշվի առնելով Լաչինի միջանցքում առկա իրավիճակը

 |armenpress.am|

Հայկական կողմը խնդրել է հետաձգել Հայաստանի, Ռուսաստանի և Ադրբեջանի ԱԳ նախարարների հանդիպումը՝ հաշվի առնելով Լաչինի միջանցքում առկա իրավիճակը |armenpress.am|

armenpress.am: Մոսկվայում դեկտեմբերի 23-ին նախատեսված է եղել Հայաստանի, Ռուսաստանի և Ադրբեջանի արտաքին գործերի նախարարների հանդիպումը, սակայն հայկական կողմը խնդրել է հետաձգել հանդիպումը, քանի որ այս պահին Հայաստանի ԱԳ նախարարի առաջնահերթությունը Լաչինի միջանցքի անխոչընդոտ վերագործարկման և Լեռնային Ղարաբաղում հումանիտար ճգնաժամի արդյունքում ստեղծված խնդիրների հասցեագրումն է: Այս մասին ասել է Հայաստանի ԱԳՆ մամուլի խոսնակ Վահան Հունանյանը: Արդյո՞ք ճիշտ են տեղեկությունները, որ խաղաղության պայմանագրի բանակցությունների շրջանակներում Մոսկվայում դեկտեմբերի 23-ին նախատեսված էր Հայաստանի, Ռուսաստանի  և Ադրբեջանի ԱԳ նախարարների միջև հանդիպում, որը չի կայանա։ Հայկական կողմը Մոսկվայում կայանալիք հանդիպմանը մասնակցության իր պատրաստակամությունը հաստատել էր շուրջ 2 շաբաթ առաջ՝ մինչև Ադրբեջանի կողմից Լաչինի միջանցքի ապօրինի արգելափակումը։ Ակնհայտորեն ԱԳ նախարար Արարատ Միրզոյանի աշխատանքային առաջնահերթությունն այս պահին 2020 թ նոյեմբերի 9-ի եռակողմ հայտարարությանը համապատասխան Լաչինի միջանցքի անխոչընդոտ վերագործարկման և Լեռնային Ղարաբաղում հումանիտար ճգնաժամի արդյունքում ստեղծված խնդիրների հասցեագրումն է, ինչից ելնելով հայկական կողմը խնդրել է հետաձգել Մոսկվայում նախատեսված հանդիպումը։ Միևնույն ժամանակ տեղեկացնենք, որ ի նշան Ադրբեջանի հետ հարաբերությունների կարգավորման գործընթացում հայկական կողմի կառուցողականության՝ անկախ հանդիպման հանգամանքից, Ադրբեջանին են փոխանցվել հարաբերությունների կարգավորման վերաբերյալ փաստաթղթի առնչությամբ հայկական կողմի նոր առաջարկները։
15:47 - 22 դեկտեմբերի, 2022