Վարչապետ Նիկոլ Փաշինյանը ցավակցական հեռագիր է հղել Վրաստանի վարչապետ Իրակլի Ղարիբաշվիլիին՝ մեծանուն երգիչ, և դերասան Վախթանգ Կիկաբիձեի մահվան կապակցությամբ: Այս մասին տեղեկացնում են ՀՀ կառավարությունից։
Հեռագրում, մասնավորապես, ասված է.
«Ձերդ գերազանցություն,
Խոր ցավով տեղեկացա Վախթանգ Կիկաբիձեի մահվան մասին:
Իմ ցավակցությունն եմ հայտնում Վ. Կիկաբիձեի ընտանիքին, հարազատներին և բարեկամ վրաց ժողովրդին:
Վ. Կիկաբիձեի թողած ժառանգությունը հավերժ կմնա մշակույթի պատմության մեջ, որը յուրովի խորհրդանշում է նաև հայ և վրաց ժողովուրդների բարեկամությունը»:
Կյանքի 85-րդ տարում վախճանվել է վրացի դերասան և երգիչ Վախթանգ Կիկաբիձեն։ Կիկաբիձեն հայ հասարակությանը հայտնի էր, առաջին հերթին, «Միմինո» ֆիլմում կատարած դերով։
comment.count (0)