15:04 - 21 փետրվարի, 2023
Արևմուտքի վերջնանպատակը Ռուսաստանի ռազմավարական պարտությունն է. Պուտին |1lurer.am|
1lurer.am: Արևմուտքն արդեն ավելի քան 150 մլրդ դոլար է ծախսել Կիևին աջակցելու և զենք մատակարարելու համար: Այս մասին Դաշնային ժողովին իր ուղերձում հայտնել Է Ռուսաստանի նախագահ Վլադիմիր Պուտինը։
Նրա խոսքով՝ պատերազմը սկսել է Արևմուտքը, իսկ Ռուսաստանը ուժ է կիրառել՝ այն կանգնեցնելու համար:
«Ռուսաստանը չի կռվում Ուկրաինայի ժողովրդի դեմ, սակայն ուկրաինացիները դարձել են Կիևի և արևմտյան իշխանությունների պատանդը»,- հայտարարել է Պուտինը, հավելել՝ Ուկրաինայի ղեկավարությունը սպասարկում է երրորդ պետությունների շահերը։
Կրեմլի ղեկավարը զգուշացրել է, որ որքան Արևմուտքը շարունակի հեռահար միջոցներ տրամադրել Կիևին, այնքան Մոսկվան ստիպված կլինի հետ մղել իր համար սպառնալիքը: Պուտինի խոսքով՝ Արևմուտքի վերջնանպատակը Ռուսաստանի ռազմավարական պարտությունն է: «Սակայն Ռուսաստանին հնարավոր չէ հաղթել մարտի դաշտում»,- ասել է ՌԴ նախագահը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)