Փետրվարի 16-ին Գյոթե կենտրոնում (Մհեր Մկրտչյան 1) տեղի ունեցավ Infocom-ի լրագրող Հայարփի Բաղդասարյանի Մեդիա[ն]կար ցուցահանդեսի բացումը։
Ցուցահանդեսը կգործի մինչև փետրվարի 26-ը։ Ցուցասրահը բաց է ամեն օր՝ ժամը 10։00-ից 21։00-ն։
Հայարփին քաղաքական և փաստերի ստուգման լրագրող է, պրոֆեսիոնալ նկարիչ չէ, չունի համապատասխան կրթություն, բայց սիրում է նկարել և դա անում է հիմնականում լրագրողական աշխատանքի ընթացքում՝ քաղաքական եւ հասարակական գործիչների, նախկին եւ ներկա պաշտոնատար անձանց հարցազրույցները, լրատվական թողարկումները լսելուն զուգահեռ։
Ցուցահանդեսում ներկայացվել են Հայարփիի` լրագրողական աշխատանքի ընթացքում արված գրաֆիկական նկարները։ Աշխատանքները չեն արտահայտում լրագրողի վերաբերմունքը նկարելու պահին ստացած բովանդակության հեղինակների և/կամ հերոսների նկատմամբ։
Դրանք Հայաստանում, Արցախում և աշխարհում տիրող իրավիճակի, տվյալ օրվա լրահոսի, անձնական մտորումների ու այդ պահին ստացած տեղեկության ազդեցությամբ առաջացած հույզերի արտահայտումն են։
comment.count (0)