news.am:   Աբխազիայի խորհրդարանի խոսնակ Վալերի Կվարչիան սրտի տագնապով հոսպիտալացվել է՝ հանրապետությունում իրավիճակի հարցով նիստից հետո:

«Խոսնակի մոտ սրտի տագնապ է, նրան տարան բժիշկները, որ եկել էին շտապօգնության մեքենայով»,- ասել է գործակալության զրուցակիցը։

Հանրապետական հիվանդանոցի գլխավոր բժիշկ Ապոլոն Գուրգուլիան  խոսնակի վիճակը բնութագրել է որպես «նորմալ»։ Գուրգուլիան հրաժարվել է մեկնաբանել, թե ինչ պատճառով է Կվարչիան հայտնվել ԿՀՀ-ում։

Միաժամանակ, նախագահի նստավայրի մոտ բողոքի ցույցը շարունակվում է։ Իրավիճակը հանգիստ է, սակայն մարդիկ չեն ցրվում։

Հավաքվածների մոտ է եկել ցույցի կազմակերպիչներից Ախրա Աբիձբան։ Նա հաստատել է, որ իրենց գլխավոր պահանջը նախագահի նոր ընտրություններն են։ Ցուցարարները սպասում են երկրի խորհրդարանի որոշմանը։