news.am: Հայաստանի կառավարությունը «Լուսավոր Հայաստան» խորհրդարանական խմբակցության պատգամավոր Անի Սամսոնյանի՝ 2020 թվականի պետական բյուջեի նախագծի վերաբերյալ առաջարկը չի ընդունել միայն այն պատճառով, որ այն չէր համապատասխանում բյուջեի ընդհանուր տրամաբանությանը, դեկտեմբերի 5-ին ասաց ֆինանսների նախարար Ատոմ Ջանջուղազյանը՝ պատասխանելով Սամսոնյանի հարցերին:

Ջանջուղազյանը պատգամավորի հարցին պատասխանեց հարցով.

«Իսկ դուք ներկայացված առաջարկները դիտարկե՞լ եք մնացյալ առաջարկների համատեքստում: Ձեր առաջարկը համատեքստից կտրված է: Դուք ասում եք՝ դպրոց կառուցեք այս կոնկրետ վայրում: Բայց ինչի՞ շրջանակում: Դուք հաստատուն համոզված եք, որ պետք է գնաք այն ճանապարհով, որը մեզ բոլորիս թույլ կտա որոշել առաջնահերթությունները, որոնք մենք կարող ենք մեզ թույլ տալ: Եվ Ձեր մնացյալ բոլոր առաջարկների հանդեպ մոտեցումը եղել է հենց այդպիսին: Մենք հատուկ վերաբերմունք չենք ունեցել, բայց ասել ենք, որ մեր նկատի ունեցած տրամաբանությունն այն է, որ այս կամ այն գործողությունը կյանքի կոչվի ցանկացած ռազմավարության շրջանակում, եւ համոզվենք, որ այդ գործողությունը կտա այն արդյունքը, որը մեր առջեւ դրված է»:

Նա նշեց, որ բոլորն էլ ունեն բարի մտադրություններ եւ ցանկություններ, բայց դրանք պետք է ի վիճակի լինեն համապատասխանել դրանց տրամաբանությանը: