09:56 - 11 հունվարի, 2020
Իրանի խորհրդարանը կիրակի կքննարկի Թեհրանի մոտ ուկրաինական ինքնաթիռի կործանման փաստը |news.am|
news.am: Իրանի խորհրդարանը կիրակի դռնբաց նիստով կքննարկի Թեհրանի մոտ ուկրաինական ինքնաթիռի կործանման փաստը, տեղեկացնում է ԻՐՆԱ-ն։
Այս մասին Թվիթերի իր միկրոբլոգում տեղեկացրել է իրանցի խորհրդարանական Թայեբե Սիավաշին։
Խորհրդարանական Մոհամադ Ռեզա Արեֆն իր հերթին կոչ է արել համապատասխան անձանց պատասխանել հանրությանն անհանգստացնող հարցերին այն նորության հետ կապված, որ ինքնաթիռը խփվել է։
Իրանի նախագահ Հասան Ռոհանին խոր վշտակցություն է հայտնել ողբերգության առիթով եւ խոստացել պատասխանատվության ենթարկել մեղավորներին։
Ուկրաինայի նախագահ Վլադիմիր Զելենսկին իր հերթին պնդել է, որ լիովին ընդունվի աղետի մեղքը։
«Մենք ակնկալում ենք, որ Իրանը կհավաստիացնի, որ պատրաստ է լիակատար եւ բաց հետաքննություն անցկացնել, մեղավորներին պատասխանատվության ենթարկել, վերադարձնել զոհվածների մարմինները, վճարել փոխհատուցում, պաշտոնապես ներողություն խնդրել դիվանագիտական խողովակներով»,- նշել է նա իր հայտարարությունում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)