shantnews.am: Մեծ թվով իրանցիներ դուրս են եկել Թեհրանի և երկրի այլ քաղաքների փողոցներ՝ սգալով Իսլամական հեղափոխության պահապանների կորպուսի «Կուդս» հատուկ ստորաբաժանման ղեկավար Ղասեմ Սուլեյմանիի մահը։ Նա սպանվել է Բաղդադի օդանավակայանի մոտ՝ ԱՄՆ-ի հրթիռակոծման հետևանքով, որն իրականացվել է ԱՄՆ նախագահ Դոնալդ Թրամփի հրամանով։
«Մահ Ամերիկային» վանկարկող ցուցարարները նշում են, որ Իրանն այդ սպանությունն անպատասխան չի թողնի։
ԱՄՆ հարվածի հետևանքով 12 մարդ է զոհվել։ Զոհերի թվում է եղել նաև շիայական աշխարահազորի հրամանատարի տեղակալ Աբու Մահդի ալ-Մուհանդիսը, ում ԱՄՆ պետքարտուղար Մայք Պոմպեոն մեղադրում է դեկտեմբերի 31-ին Բաղդադում ամերիկյան դեսպանատան վրա կատարված հարձակման մեջ։
Իսրայելի վարչապետ Բենիամին Նեթանյահուն իրանցի գեներալ Ղասեմ Սոլեյմանիի սպանությունը համարում է «ԱՄՆ ինքնապաշտպանության իրավունք»:
comment.count (0)