Լարս - infocom.am

Լարս տանող ճանապարհը փակվել է նաև մարդատար մեքենաների համար

Լարս տանող ճանապարհը փակվել է նաև մարդատար մեքենաների համար: Այս մասին «Սպուտնիկ Արմենիային» հայտնել է ՌԴ–ում ՀՀ մաքսային կցորդ Վահան Հակոբյանը։ Նրա խոսքով՝ պատճառը եղանակային պայմաններիի վատթարացումն է։ Ավելի վաղ Փրկարար ծառայությունից հայտնել էին, որ Լարսը փակ է բեռնատարների համար: Փակ է նաև Արագածոտնի «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:

18:05 - 13 դեկտեմբերի, 2024

Գևորգ Պապոյանը՝ հեղուկ գազի գնի թանկացման և Լարսում իրավիճակի մասին |1lurer.am|

1lurer.am: Լարսի հետ կապված իրավիճակը գնալով լավանում է: Այդ մասին Կառավարության ճեպազրույցի ժամանակ հայտարարեց ՀՀ էկոնոմիկայի նախարար Գևորգ Պապոյանը: «Եթե մոտավորապես 4200 մեքենա կար 3-4 օր առաջ այնտեղ, որից 1000-1200-ն էր հայկական մեքենա, հիմա՝ երեկվա դրությամբ, այնտեղ հայկական մեքենաների թիվն իջել-հասել է մոտ 700-800-ի»,- ասաց նախարարը՝ նշելով, որ սա և՛ գնացողներին, և՛ եկողներին է վերաբերում: Պապոյանը նաև նշեց՝ խնդիրը, այնուամենայնիվ, խրթին է, որովհետև կարող է երեկոյան ձյուն գալ, և 700 մեքենան 1 օրում դառնա 1500 մեքենա: Նախարարը տեղեկացրեց՝ Լարսի խցանումների մասով խոսել է պատասխանատուների հետ, խնդիրը նաև տեխնիկական է եղել: «Ձյունը եկել էր, մաքրել էին և ձյունը ճանապարհի եզրերին էին լցրել: Եթե այն ժամանակ 3-4 մեքենա էր անցնում, հիմա՝ 1-2, այսինքն՝ նեղացել էր ճանապարհը»,- ասաց նա: Հարցին՝ հեղուկ գազի թանկացումը Լարսի ճանապարհի հե՞տ էր կապված, Պապոյանը պատասխանեց՝ գործոնները բազմաթիվ են, որոնք ազդում են հեղուկ գազի գնի աճի վրա՝ տրանսպորտի լոգիստիկ խնդիր, այլ տեղում գների փոփոխություն և այլն:

14:15 - 12 դեկտեմբերի, 2024

Լարսի Գուդաուրի-Կոբի հատվածում երթևեկությունը թեթև տրանսպորտային միջոցների համար վերականգնվել է |azatutyun.am|

azatutyun.am: Վրաստանի Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում երթևեկությունը թեթև մարդատար և ուղևորատար տրանսպորտային միջոցների համար վերականգնվել է, հայտնեց Ռուսաստանում ՀՀ մաքսային կցորդ Վահան Հակոբյանը։ «Ճանապարհի նշված հատվածում երթևեկությունը կիրականացվի անխափան՝ միայն ձնահոսքի թունելներով։ Այս պահի դրությամբ ճանապարհը մնում է փակ միայն բեռնատար տրանսպորտային միջոցների համար», - փոխանցեց նա: 4 օր փակ էր ռուս-վրացական սահմանի «Վերին Լարս» անցակետը: Առատ տեղումների հետևանքով ճանապարհը երկու կողմից տեղ - տեղ անանցանելի էր դարձել, ինչի հետևանքով հսկայական խցանումներ են առաջացել։

22:12 - 29 նոյեմբերի, 2024

Լարսը փակվել է բոլոր տրանսպորտային միջոցների համար |arm.sputniknews.ru|

arm.sputniknews.ru: Լարսը 2 ուղղություններով փակվել է բոլոր տրանսպորտային միջոցների համար: Տեղեկությունը Sputnik Արմենիային հայտնեց ՌԴ–ում ՀՀ դեսպանատան մաքսային կցորդ Վահան Հակոբյանը։ «Միջազգային նշանակության Մցխեթա–Ստեփանծմինդա–Լարս ավտոճանապարհի Գուդաուրի-Կոբի հատվածում եղանակային պայմանների վատթարացման պատճառով Խաչի լեռնանցքը երկու ուղղություններով ամբողջությամբ փակ է բոլոր տեսակի տրանսպորտային միջոցների համար»,–նշեց Հակոբյանը։

19:05 - 26 նոյեմբերի, 2024

Վերին Լարս տանող ճանապարհը փակվել է բեռնատարների համար |arm.sputniknews.ru|

arm.sputniknews.ru: Վերին Լարսի անցակետ տանող ճանապարհը փակվել է բեռնատարների համար։ Տեղեկությունը Sputnik Արմենիային հայտնեց ՌԴ-ում ՀՀ դեսպանության մաքսային կցորդ Վահան Հակոբյանը։ «Ստեփանծմինդա-Լարս ավտոճանապարհի Գուդաուրի-Կոբի հատվածում տեղացող առատ ձյան պատճառով Խաչի լեռնանցքը երկու ուղղություններով փակվել է բեռնատար տրանսպորտի համար»,– ասաց նա։ Հակոբյանը նշեց, որ թեթև մարդատար տրանսպորտի համար ճանապարհը մնում է բաց:

22:07 - 25 նոյեմբերի, 2024

«Վերին Լարսի» անցակետում 300-400 հայկական բեռնատար կա, վրացական երթևեկության կազմակերպման կենտրոնը թերի է աշխատում․ Վահան Հակոբյան |factor.am|

factor.am: Ռուս-վրացական սահմանի «Վերին Լարս» անցակետը հատելու համար հերթում սպասում է 300-400 հայկական բեռնատար, այս մասին Factor.am-ին տեղեկացրեց ՌԴ-ում ՀՀ դեսպանատան մաքսային կցորդ Վահան Հակոբյանը։ Մինչ այս վրացական կողմը տեղեկություն էր տարածել, թե ընդհանուր առմամբ, տարբեր երկրներից 2290 բեռնատար տրանսպորտային միջոց է սպասում «Վերին Լարս» անցակետը հատելուն, որից 666-ը՝ հայկական։ ՌԴ-ում ՀՀ դեսպանատան մաքսային կցորդն ասաց, որ վրացական կողմի ներկայացրած՝ հայկական բեռնատարներին վերաբերող թիվն իրականաությանը չի համապատասխանում։ Վահան Հակոբյանը նշեց, որ «Վերին Լարսի» անցակետում իրավիճակն ավելի բարվոք է, քան ներկայացնում է Հյուսիսային Օսիայի ճանապարհային երթևեկության կազմակերպման կենտրոնը։ ՌԴ-ում ՀՀ դեսպանատան մաքսային կցորդի խոսքով՝ Հյուսիսային Օսիայի ճանապարհային երթևեկության կազմակերպման կենտրոնը թերի է աշխատում։ «Մեքենաների՝ հերթից դուրս գալու պահին համակարգը չի թարմանում, կամ թարմանում է մի քանի օրից հետո։ Այդ թիվը, որը ներկայացնում են, դա ինչ- որ պահի ֆիսքսված թիվ է, այսինքն՝ մեքենաները դուրս են գալիս, բայց այդ թիվը չի նվազում։ Իսկ ՌԴ-ից Հայաստան ուղևորվող բեռնատարները մի մասն արդեն հասել է, մյուսներն էլ սպասում են իրենց հեթին»,- ասաց նա։ Հիշեցնենք, որ բեռնատարների կուտակումները կապված են Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհի Գուդաուրի-Կոբի հատվածում եղանակային պայմանների վատթարացման հետ։

13:35 - 18 նոյեմբերի, 2024

Ստեփանծմինդա-Լարս ճանապարհը փակ է բեռնատարների համար

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար:

09:19 - 09 նոյեմբերի, 2024

Լարս ավտոճանապարհը փակ է բեռնատարների համար

09:32 - 07 նոյեմբերի, 2024

Վերին Լարսը փակվել է կցորդիչով բեռնատարների համար |arm.sputniknews.ru|

arm.sputniknews.ru: Վերին Լարսի անցակետ տանող ճանապարհը Վրաստանից դեպի Ռուսաստան և հակառակ ուղղությամբ փակվել է բեռնատարների համար։ Տեղեկությունը Sputnik Արմենիային հայտնեց ՌԴ–ում ՀՀ դեսպանատան մաքսային կցորդ Վահան Հակոբյանը։ «Միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում տեղացող առատ ձյան պատճառով Խաչի լեռնանցքը երկու ուղղություններով փակվել է բեռնատար տրանսպորտի համար»,– նշեց Հակոբյանը։ Հիշեցնենք` Վրաստանը Մցխեթա–Ստեփանծմինդա–Լարս ավտոճանապարհի ամենավտանգավոր հատվածը (Գուդաուրի–Կոբի) շրջանցող ճանապարհ է կառուցում։ Խոսքը ինը կիլոմետրանոց թունելի մասին է։ Նախագծով նախատեսվում է կառուցել 23 կմ երկարությամբ երկշերտ բետոնե ճանապարհ, 5 կամուրջ, 5 թունել։ Նախագծի ավարտից հետո՝ 2024 թվականին, տրանսպորտային միջոցները Թբիլիսիից Ստեփանծմինդա (ՌԴ-ի հետ սահմանին) կհասնեն 1 ժամ 45 րոպեում (այժմ հասնում են 2 ժամ 30 րոպեում)։ Արդյունքում անխափան երթևեկություն կապահովվի ամբողջ տարվա ընթացքում:

10:41 - 05 նոյեմբերի, 2024

Վերին Լարսի անցակետը սեպտեմբերի 18-ից հոկտեմբերի 2-ը որոշ ժամերի չի աշխատի

Վերին Լարսի անցակետի չեզոք գոտում գտնվող թունելում սեպտեմբերի 18-ից հոկտեմբերի 2-ը ներառյալ նախատեսվում է իրականացնել վերանորոգման աշխատանքներ, ինչի կապակցությամբ նշված Ժամանակահատվածում Երևանի ժամանակով առավոտյան 05:00-09:00 անցակետերը չեն աշխատի: Այս մասին տեղեկացնում են ՀՀ տարածքային կառավարման և ենթակառուցվածքների նախարարությունից՝ նշելով, որ մյուս բոլոր ժամերին ռուսական և վրացական անցակետերը կաշխատեն բնականոն ռեժիմով:

11:10 - 17 սեպտեմբերի, 2024

Լարսի անցակետում հայկական մեքենաների կուտակումներ չկան. մաքսային կցորդը ներկայացրել է իրավիճակը |armenpress.am|

armenpress.am: Լարսի անցակետում հայկական բեռնատարների կուտակումներ չկան, իրավիճակն ամբողջությամբ թեթևացած է: «Արմենպրես»-ի հետ զրույցում այս պահին առկա իրավիճակը ներկայացրեց Ռուսաստանում ՀՀ դեսպանությանը կից մաքսային կցորդ Վահան Հակոբյանը: «Կուտակում բացարձակ չունենք: Ամբողջությամբ թեթևացած է Լարսի վիճակը: Նորմալ վիճակով աշխատում են»,–ասաց Հակոբյանը: Թե վրացական, թե ռուսական կողմից հայկական բեռնատարներ չկան կանգնած: «Միգուցե օրվա ինչ–որ ժամի գան, սպասեն իրենց հերթին, բայց, որպես այդպիսին կուտակումներ չկան, որ գան, մի քանի օր սպասեն: Բնականոն ռեժիմով աշխատում են»,–հավելեց նա: Սեզոնով պայմանավորված՝ Վրաստանից դեպի Ռուսաստան նկատվում է զբոսաշրջիկների հոսք, մարդիկ վերադառնում են Ռուսաստան: Մաքսային կցորդը նշեց, որ սրանով պայմանավորված՝ օրվա տարբեր ժամերի կարող են հերթեր առաջանալ, բայց, որպես այդպիսին, երկար կուտակումներ չկան:

16:45 - 28 օգոստոսի, 2024

Արտահանման մասով ճանապարհը բաց է, ոչ մի հերթ չկա, հերթերը վերադառնալիս են. Պապոյանը՝ Լարսի մասին |1lurer.am|

1lurer.am: Արտահանման մասով ճանապարհը բաց է, ոչ մի հերթ չկա, հերթերը վերադառնալիս են, այսինքն՝ երբ մեր մեքենաները գնում են, դատարկում են իրենց բեռը, հետ են գալիս: Այդ մասին Կառավարության ճեպազրույցների ժամանակ ասաց ՀՀ էկոնոմիկայի նախարար Գևորգ Պապոյանը՝ պատասխանելով հարցին, թե եղե՞լ են դեպքեր, երբ արգելվել է հայկական կոնյակ արտադրողների ապրանքների արտահանումը Մոսկվա, ինչպես նաև անդրադառնալով Լարսում կուտակումներին: «Զբոսաշրջային մեծ հոսքեր ունեն իրենք Ռուսաստանից դեպի Վրաստան, Հայաստան, գուցե նաև Թուրքիա՝ չեմ կարող ասել: Այդ պատճառով, բնականաբար, այդ ճանապարհին միայն բեռնատարներ չեն, բազմաթիվ մարդատար մեքենաներ կան, ավտոբուսներ կան, որի հետևանքով, այո՛, հերթեր կան: Բայց ինձ փոխանցվող տեղեկության համաձայն՝ ամեն հաջորդ օր հերթն ավելի կարճ է, ավելի քիչ է, քան նախորդ օրը»,- ասաց նախարարը:

13:35 - 22 օգոստոսի, 2024

Լարսում դարձյալ խցանումներ են՝ հիմա էլ ռուսական կողմում, Երևանից պարզաբանում են՝ «տեխնիկական հարց է» |azatutyun.am|

azatutyun.am: Լարսում դարձյալ խցանումներ են՝ հիմա էլ անցակետի ռուսական կողմում: Բեռնատարների վարորդները դժգոհում են՝ իրենց համար արդեն սովորական դարձած այս լուրջ խնդիրը կլոր տարին չի լուծվում։ «Սաղ գիշեր չենք քնել, հերթով՝ կամաց-կամաց եկել ենք առաջ։ Մոտավորապես ծրագրով 4 հազար 700 հատ ֆուռ (մեծ բեռնատարներ) կա կանգնած հերթի մեջ դեպի Լարս», - «Ազատության»-ը փոխանցեց վարորդներից մեկը։ Եթե, ըստ պաշտոնական պատասխանների, ձմռանը բուքն է Լարսի ճանապարհն անանցանելի դարձնում, գարնանն ու աշնանը՝ տեղումները, հիմա էլ ասում են՝ զբոսաշրջիկների մեծ թիվն է մեքենաների կիլոմետրերով ձգվող հերթի պատճառը: Ռուսաստանում Հայաստանի դեսպանությանը կից մաքսային կցորդ Վահան Հակոբյանն «Ազատության»-ը փոխանցեց՝ ռուսական ու վրացական հատվածներում են կուտակումները, ըստ նրա, զբոսաշրջիկները Ռուսաստանից շարժվում են դեպի Վրաստան։ «Հերթերը պայմանավորված են տուրիստական սեզոնով, տուրիստական հոսքերը կրկնակի անգամ ավելացել են, Լարսի անցակետերը՝ ռուսական և վրացական կողմերը, չեն հասցնում սպասարկել գոյացած հերթը։ Կարծում եմ՝ մինչև ամսվա վերջ էս վիճակը չենք ունենա, որովհետև տուրիստական սեզոնն ավարտվում է», - ասաց Հակոբյանը։ «Տեխնիկական հարց է, որը կապված չէ Հայաստանի հետ», - այսօր լրագրողներին փոխանցեց էկոնոմիկայի նախարար Գևորգ Պապոյանը՝ միաժամանակ ընդունելով, որ թողունակության հետ կապված խնդիր կա, որը, վստահ է, կլուծվի: Բայց թե ինչպես, պաշտոնյան չասաց։ Շարունակությունը` սկզբնաղբյուր կայքում։

16:00 - 08 օգոստոսի, 2024

Վլադիկավկազ – Վերին Լարս հատվածը բացվել է թեթև մարդատար մեքենաների և ավտոբուսների համար |arm.sputniknews.ru|

arm.sputniknews.ru: v class="article__block" data-type="text"> Վրաստանի տարածքում սելավի առաջացման, ավտոտրանսպորտային միջոցների անվտանգ երթևեկությունն ապահովելու անհնարինության պատճառով փակված Վլադիկավկազ – Վերին Լարս հատվածը բացվել է։ Այս մասին Sputnik Արմենիային հայտնեց ՌԴ-ում ՀՀ դեսպանատան մաքսային կցորդ Վահան Հակոբյանը: «Ճանապարհի մաքրման աշխատանքներից հետո երթևեկությունը դեպի ռուս-վրացական սահման վերականգնվել է »,–ասաց նա։ Ավելի վաղ հայտնել էինք, որ Վլադիկավկազ – Վերին Լարս հատվածը փակվել էր բոլոր տրանսպորտային միջոցների համար։ Հիշեցնենք` Վրաստանը Մցխեթա–Ստեփանծմինդա–Լարս ավտոճանապարհի ամենավտանգավոր հատվածը (Գուդաուրի–Կոբի) շրջանցող ճանապարհ է կառուցում։ Խոսքը ինը կիլոմետրանոց թունելի մասին է։

22:55 - 26 հուլիսի, 2024

Լարսը բաց է բոլոր տեսակի տրանսպորտային միջոցների համար

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Այս մասին հայտնում են ՀՀ ՆԳՆ փրկարար ծառայությունից։

14:54 - 06 հունիսի, 2024

Ձնահոսքի իջնելու պատճառով Վերին Լարսի ճանապարհը երկու ուղղություններով փակ է |news.am|

news.am: Ձնահոսքի պատճառով բոլոր տեսակի տրանսպորտային միջոցների համար երկու ուղղություններով փակվել է դեպի Վերին Լարս տանող ճանապարհը: Այս մասին այսօր՝ հունիսի 6-ին, NEWS.am-ին հայտնեց ՌԴ-ում ՀՀ դեսպանատան մաքսային կցորդ Վահան Հակոբյանը: «Խաչի լեռնանցքի հատվածը ձնահոսքի պատճառով փակվել է: Կարծում եմ՝ ճանապարհը մինչև երեկո կբացվի, վատագույն դեպքում՝ վաղը»,- հավելեց Վահան Հակոբյանը:

11:18 - 06 հունիսի, 2024