էդմոն Մարուքյան

Հատուկ հանձնարարություններով դեսպան։

Էդմոն Մարուքյանը ծնվել է 1981 թվականի հունվարի 13-ին, Վանաձորում, «Լուսավոր Հայաստան» կուսակցության հիմնադիր նախագահն է, 5-րդ, 6-րդ, 7-րդ գումարման ԱԺ պատգամավոր, ՀՀ փաստաբանների պալատի անդամ։

2002թ․ ավարտել է Մոսկվայի կոմերցիայի և իրավունքի ինստիտուտի իրավագիտության բաժինը, 2006 թ․ ավարտել է Վարշավայի Հելսինկյան Հիմնադրամի Մարդու Իրավունքների բարձրագույն դասընթացը, 2007թ․ ավարտել է ՀՀ Պետական կառավարման ակադեմիան, 2010թ․ ավարտել է Մինեսոտայի համալսարանի իրավաբանական դպրոցը։

2012թ․ մայիսի 6-ին Մարուքյանը մեծամասնական համակարգով թիվ 30 ընտրատարածքից ընտրվեց ԱԺ պատգամավոր։ 2017թ․ ապրիլի 2-ին պատգամավոր է ընտրվել «Ելք» դաշինքի ցուցակով։ 2018թ․ դեկտեմբերի 9-ին պատգամավոր է ընտրվել «Լուսավոր Հայաստան» կուսակցության ցուցակով։

Եթե Ադրբեջանը չի ընդունում սահմանազատման որևէ քարտեզ, ինչի՞ հիման վրա է պնդում, որ գյուղերն ադրբեջանական են. Մարուքյան |aysor.am|

aysor.am: Հատուկ հանձնարարություններով նախկին դեսպանն X-ի իր էջում անդրադարձել է Ադրբեջանի արտաքին գործերի նախարարության մամուլի քարտուղարի թվիթին, ով պատասխանել էր Հարավային Կովկասում ԵՄ հատուկ ներկայացուցիչ Տոյվո Կլաարի գրառմանը՝ պնդելով, որ «գյուղերը տարածքային վեճի առարկա չեն»։ «Նման հայտարարություն կարելի է անել միայն այն դեպքում, եթե Ադրբեջանն ընդունի և հիմնվի Խորհրդային Միության քարտեզի վրա։ Բայց քանի որ Ադրբեջանը չի ընդունում սահմանազատման որևէ քարտեզ, ինչի՞ հիման վրա է պնդում, որ գյուղերն ադրբեջանական են, հետևաբար տարածքային վեճի առարկա չեն»,-գրել է նա։

17:20 - 26 մարտի, 2024

Հանձնարարականներ չեմ տվել, ուղիղ չեմ աշխատել հետը. Նիկոլ Փաշինյանը դժգոհ է եղել Էդմոն Մարուքյանից |aysor.am|

aysor.am:Վարչապետ Նիկոլ Փաշինյանն այսօր հայտարարեց, թե Հատուկ հանձնարարություններով արդեն նախկին դեսպան Էդմոն Մարուքյանի աշխատանքից դժգոհ է եղել: «Պատճառը, որ Էդմոն Մարուքյանը դուրս է եկել, այն է, որ ես դժգոհ եմ եղել իր աշխատանքից, ինքն էլ դրա մասին գիտի, ասել եմ իրեն»,- ասուլիսի ժամանակ այս մասին ասաց նա: Նիկոլ Փաշինյանը նշեց՝ վերջին հանդիպման ժամանակ Մարուքյանն ասել է, թե Փաշինյանը մի հայտարարություն է արել ու մեջբերել է, ասել է` խնդրահարույց է համարում: «Ասացի` բացառված է, ասացի` գնացեք, այդ հայտարարությունն ուղարկեք ինձ՝ վիդեոյով, ասաց` հա, հղում չստացա, ստացա ինչ-որ տեքստ»,- նշեց վարչապետը: Նիկոլ Փաշինյանը հայտարարեց, թե երկար ժամանակ Էդմոն Մարուքյանին հանձնարարականներ չի տվել, ուղիղ չի աշխատել նրա հետ, աշխատել է միջնորդավորված: «Ինքը հրաժարական է տվել դրա պատճառով, հասկացել է, որ դժգոհ եմ»,- հավելեց վարչապետը:

14:23 - 12 մարտի, 2024

Ասել եմ, որ ես դեմ եմ Սահմանադրության՝ նշված ձևաչափով փոփոխությանը. Մարուքյանը՝ իր հրաժարականի պատճառների մասին |news.am|

news.am: Ասել եմ, որ ես դեմ եմ Սահմանադրության՝ նշված ձևաչափով փոփոխությանը, անգամ դա մեր ներքին կյանքի համար է, ես դեմ եմ պետության հիմքերը վերանայելուն: Այս մասին ասել է ՀՀ հատուկ հանձնարարություններով նախկին դեսպան Էդմոն Մարուքյանը՝ խոսելով իր հրաժարականի պատճառների մասին: «3-րդ հանրապետություն, թե 4-րդ, դա քաղաքական խոսույթ է, այն 4-րդը չէ, 6-րդը չէ, այն Հայաստանի Հանրապետությունն է եւ այս հանրապետությունը մենք պետք է պահենք,պահպանենք, հզորացնենք: Եթե ես զգում եմ, որ պետականության հիմքերի վերանայումը, դրանց քննարումները խնդիր են առաջացնում, ես չեմ կարող դա անել եւ սա էր վերջին անհամաձայնությունը, որ ես ունեցա մեր հարգարժան գործընկերներ հետ։ Երբ Ադրբեջանը ՀՀ-ի հետ խաղաղության պայմանագրի 5 սկզբունքները ներկայացնում էր, այդտեղ գոյություն չուներ Սահմանադրությունը փոխելու, ներքին օրենսդրությունը վերանայելու, Անկախության հռչակագիրը չգիտեմ ինչ անելու որևէ պահանջ։ Ընդունել, որ մենք պետք է նոր Սահմանադրություն ընդունենք, որն ըստ Ադրբեջանի խոչընդոտում է խաղաղության պայմանագիրը կնքելուն, նշանակում է, որ մենք թաղում ենք խաղաղության պայմանագրի կնքման գործընթացն ամբողջությամբ»,-ասել է Մարուքյանը։ Մարուքյանը նշում է, որ Ադրբեջանի պահանջները անվերջանալի են, իսկ Հայաստանն իր պահանջները նվազեցնելով չի նվազեցնում Ադրբեջանի պահանջները եւ այդ տեսլականի շարունակումը չի բերելու այլ արդյունքների, որն արդեն մի անգամ չի բերել: Էդմոն Մարուքյանը փետրվարի 29-ին հայտնել էր, որ վարչապետ Նիկոլ Փաշինյանին ներկայացրել է ՀՀ հատուկ հանձնարարություններով դեսպանի պաշտոնից ազատման դիմում: Մարուքյանը իր որոշումը հիմնավորել էր արտաքին քաղաքական հիմնարար հարցերի շուրջ իշխանությունների հետ տեսլականների տարբերություններով։

12:40 - 10 մարտի, 2024

Միանշանակ ասում եմ՝ արտահերթ խորհրդարանական ընտրություններ չեն սպասվում․ Մարուքյան |armtimes.com|

armtimes.com: Արտահերթ խորհրդարանական ընտրություններ չեն սպասվում, սահմանադրական հանրավքե մինչև ընտրությունները, գոնե այս պահի դրությամբ, չի սպասվում։ Այս մասին հայտարարել է Հայաստանի հատուկ հանձնարարություններով նախկին դեսպան Էդմոն Մարուքյանը՝ իր տեսաուղերձում մեկնաբանելով մամուլի որոշ հրապարակումներ այն մասին, թե ինքը հրաժարական է տվել արտահերթ ընտրությունների պատրաստվելու համար: «Մոտ 3 ամիս մտածել եմ հրաժարականիս հետ կապված։ Տեսել եմ մամուլի արձագանքները՝ ահա սպասվող արտահերթ ընտրությունների նախաշեմին նա դուրս եկավ։ Միանշանակ ասում եմ՝ արտահերթ խորհրդարանական ընտրություններ չեն սպասվում, սահմանադրական հանրաքվե, մինչև ընտրությունները, գոնե այս պահի դրությամբ, չի սպասվում։ Ասում են՝ իշխանական նավը խորտակվում է և այդ նավը լքում են։ Իշխանական նավը չի խորտակվում, իշխանությունը Երևանի ընտրություններում 32 տոկոս ձայն է հավաքել, դա նշանակում է, որ մարզերում ավելին կարող է հավաքել։ Հետևաբար, իշխանության գործերը, ներքաղաքական իմաստով, վատ չեն։ Իմ հրաժարականի դիմումը ընդհանրապես կապ չունի մամուլում շրջանառվող այս պարզունակ թեզերի հետ»,- նշել է Մարուքյանը։ Էդմոն Մարուքյանը փետրվարի 29-ին հայտնել էր, որ վարչապետ Նիկոլ Փաշինյանին ներկայացրել է ՀՀ հատուկ հանձնարարություններով դեսպանի պաշտոնից ազատման դիմում: Մարուքյանը իր որոշումը հիմնավորել էր արտաքին քաղաքական հիմնարար հարցերի շուրջ իշխանությունների հետ տեսլականների տարբերություններով։

11:22 - 10 մարտի, 2024

ՀՀ-ն Ադրբեջանի դեմ գործ հարուցելով՝ կարող է պաշտպանել ԼՂ հայ ժողովրդի իրավունքները, այլապես Ադրբեջանը կջնջի արժանապատիվ վերադարձի բոլոր խորհրդանիշները. Մարուքյան

Հաշվի առնելով Ադրբեջանի բոլոր միջազգային պարտավորությունները՝ Ստեփանակերտում այս ավերածություններն անընդունելի են։ Սա խախտում է Լեռնային Ղարաբաղի հայ ժողովրդի հիմնարար իրավունքները. X-ի իր էջում գրել է ՀՀ հատուկ հանձնարարություններով նախկին դեսպան Էդմոն Մարուքյանը՝ կիսվելով ադրբեջանցիների կողմից Արցախի խորհրդարանի շենքի քանդման տեսանյութով։ «Ըստ էության, այս խախտումները սկսվել են 2020 թվականին՝ 44-օրյա պատերազմով և համարվում են շարունակվող խախտումներ Լեռնային Ղարաբաղի բնիկ հայ ժողովրդի դեմ։ Բնականաբար, միջազգային հանրությունը նույնպես անտեսելու է այս ամենը և որևէ կերպ չի արձագանքելու, չնայած այն բանին, որ Ադրբեջանի ոճրագործությունները մտնում են Ցեղասպանության հանցագործության կանխարգելման մասին կոնվենցիայում սահմանված արգելքների մեջ։ Մինչդեռ, որպեսզի նման արձագանք լինի, առաջին հերթին անհրաժեշտ է, որ Հայաստանի Հանրապետությունն այս հարցը բարձրացնի միջազգային հանրության մոտ, այդ թվում՝ Ռուսաստանի, ԱՄՆ-ի, Ֆրանսիայի և ԵՄ-ի։ Աշխատի վերջ դնել այս աղետին և սկսի Լեռնային Ղարաբաղի հայ ժողովրդի ոտնահարված հիմնարար իրավունքները վերականգնելու վերաբերյալ քննարկումներ։ Լեռնային Ղարաբաղ անվտանգ վերադարձի իրավունքը, ԼՂ հայերի իրավունքներն ու անվտանգությունը, սեփականության, մշակութային ժառանգության հասանելիության և օգտագործման իրավունքը և բոլոր մյուս իրավունքները պետք է երաշխավորվեն միջազգային մեխանիզմներով։ Եթե Հարավային Աֆրիկան կարող է Իսրայելի դեմ գործ հարուցել Արդարադատության միջազգային դատարանում և փորձել պաշտպանել պաղեստինցիների իրավունքները, ապա Հայաստանը միանշանակ կարող է նման գործ հարուցել Ադրբեջանի դեմ՝ պաշտպանելով Լեռնային Ղարաբաղի հայ ժողովրդի իրավունքները։ Մենք պետք է գործենք որքան հնարավոր է շուտ, այլապես Ադրբեջանը կջնջի Լեռնային Ղարաբաղի հայ ժողովրդի արժանապատիվ վերադարձի բոլոր խորհրդանիշները»։

13:40 - 06 մարտի, 2024

Վարչապետին եմ ներկայացրել ՀՀ հատուկ հանձնարարություններով դեսպանի պաշտոնից ազատման դիմում․ Էդմոն Մարուքյան

Էդմոն Մարուքյանը հեռանում է ՀՀ հատուկ հանձնարարություններով դեսպանի պաշտոնից։ Այս մասին Մարուքյանը տեղեկացնում է ֆեյսբուքյան գրառմամբ։ «Տեղեկացնում եմ, որ վարչապետ Նիկոլ Փաշինյանին եմ ներկայացրել ՀՀ հատուկ հանձնարարություններով դեսպանի պաշտոնից ազատման դիմում: Մեր պետության և տարածաշրջանի համար ստեղծված բարդ ժամանակաշրջանում բարձր պատասխանատվությամբ ստանձնել և մեծ նվիրումով իրականացրել եմ այս առաքելությունը: Սակայն վերջին շրջանում մի շարք արտաքին քաղաքական հիմնարար հարցերի շուրջ մեր տեսլականների տարբերություններն անհնարին են դարձնում իմ հետագա ներգրավվածությունը արտաքին քաղաքական ճակատում: Վստահեցնում եմ, որ շարունակելու եմ ծառայել պետությանն ու ժողովրդին և իմ գիտելիքներն ու փորձը, ինչպես նաև միջազգային կապերը ներդնել Հայաստանի Հանրապետության ազգային-պետական շահերի պաշտպանության գործին: Աստված պահապան Հայաստանի Հանրապետությանը»,- գրել է նա:

20:07 - 29 փետրվարի, 2024

Գուցե դո՞ւք գիտեք՝ ինչու է Ադրբեջանի նախագահը կարգադրել այս վանդալիզմը. Մարուքյանը դիմել է Միշելին, Բլինքենին, Բորելին, Մակրոնին և Շոլցին |tert.am|

tert.am: v class="inner-content__left inner-content__left--770 fl"> ՀՀ հատուկ հանձնարարություններով դեսպան Էդմոն Մարուքյանը X-ում հրապարակել է օկուպացված Արցախում ադրբեջանցի վանդալների կողմից հայկական գերեզմանատան պղծման կադրերը՝ հրավիրելով ԱՄՆ-ի և Եվրամիության ներկայացուցիչների ուշադրությունը: «Ես դժվարանում եմ հասկանալ, թե ինչու է Ադրբեջանի նախագահը կարգադրել այս վանդալիզմը։ Գուցե դո՞ւք գիտեք Շառլ Միշել (Եվրոպական խորհրդի նախագահ), ԱՄՆ պետքարտուղար Էնթոնի Բլինքեն, Ժոզեպ Բորել (ԵՄ արտաքին դիվանագիտության ծառայության ղեկավար), Էմանուել Մակրոն (Ֆրանսիայի նախագահ), կանցլեր Շոլց (Գերմանիայի կանցլեր Օլաֆ Շոլց)»,- գրել է Մարուքյանը:

11:32 - 27 փետրվարի, 2024

Ռազմական համագործակցությունն այլ երկրների հետ նպատակ ունի ապահովել ՀՀ ինքնիշխան տարածքների ամբողջականությունը․ Մարուքյանը՝ Բաքվին |factor.am|

factor.am: ՀՀ հատուկ հանձնարարություններով դեսպան Էդմոն Մարուքյանը X-ում գրառմամբ անդրադարձել է Ադրբեջանի ԱԳ նախարարության՝ Ֆրանսիայի նախագահ Էմանուել Մակրոնի հայտարարությունների վերաբերյալ արձագանքին։ «Ինչպիսի զարմանք, մի երկրի պաշտոնական ներկայացուցիչը, որը, իբր, խաղաղության ճանապարհին անդադար ագրեսիվ զորավարժություններ է անցկացնում իր զինված ուժերում և անընդհատ զինում նրանց, հանդես է գալիս տարածաշրջանում լարվածությունն ու ապակայունացումը դատապարտող հայտարարություններով՝ հիմնվելով միայն մամուլի ասուլիսի վրա։ Արդյո՞ք Ադրբեջանի այս ռազմատենչ հայտարարությունները, էթնիկ զտումները, օկուպացիոն զորքերը Հայաստանի ինքնիշխան տարածքներից դուրս չբերելը և սահմանային անդադար սադրանքների կազմակերպումը մեր տարածաշրջանն ապակայունացնող պատճառները չեն»,- գրել է Մարուքյանը։ Նա ընդգծել է, որ Հայաստանի Հանրապետության ռազմական համագործակցությունն այլ երկրների հետ մեկ նպատակ ունի՝ բարձրացնել դիմադրության մակարդակը և ապահովել Հայաստանի ինքնիշխան տարածքների ամբողջականությունը։ Այսօր ավելի վաղ Ադրբեջանի ԱԳՆ-ն դատապարտել էր Էմանուել Մակրոնի հայտարարությունները։ Պաշտոնական Բաքվին դուր չէր եկել հատկապես այն, որ Մակրոնը խոսել էր Լեռնային Ղարաբաղից բռնի տեղահանված հայերի՝ իրենց հայրենիք վերադարձի անհրաժեշտության մասին։ Բաքուն ոչ պատշաճ է համարում, որ Փարիզը, որը «մոտ 30 տարի չի բարձրաձայնել տեղահանված ադրբեջանցիների իրավունքների մասին», խոսում է հայերի իրավունքների և անվտանգության մասին, որոնք, ըստ Ադրբեջանի, իբր, հեռացել են «իրենց կամքով և առանց հարկադրանքի»: «Նման կողմնակալ մոտեցումը պետք է դադարեցվի։ Մենք ևս մեկ անգամ հայտարարում ենք, որ Ֆրանսիայի նենգ քաղաքականությունը՝ ուղղված տարածաշրջանում նոր լարվածություն ստեղծելուն և խաղաղությանն ու կայունությանը խոչընդոտելուն, որևէ արդյունք չի տա»,- ասվում է Բաքվի հայտարարության մեջ։

18:31 - 22 փետրվարի, 2024

Ադրբեջանը չունի Հայաստանի վրա հարձակվելու որևէ օրինական հիմք․ Էդմոն Մարուքյան |armenpress.am|

armenpress.am: Հայաստանի հատուկ հանձնարարություններով դեսպան Էդմոն Մարուքյանն անդրադարձել է իրեն հաճախ տրվող հարցին, թե արդյո՞ք Ադրբեջանը կրկին հարձակվելու է Հայաստանի վրա։ Մարուքյանը սոցցանցի X հարթակում նշել է, որ իր պատասխանն այդ հարցին այն է, որ Ադրբեջանը չունի որևէ օրինական հիմք՝ Հայաստանի վրա հարձակվելու համար։ Ավելին, 2021 թվականից սկսած՝ Ադրբեջանի բոլոր գործողությունները ագրեսիա են և համարվում են հանցագործություններ՝ միջազգային քրեական իրավունքի համաձայն։ «Ադրբեջանի կողմից հայկական տարածքների օկուպացիան մնում է անպատիժ։ Միջազգային հանրությունը պետք է ընդունի Ադրբեջանի ռազմական ագրեսիայի լեգիտիմության բացակայությունը և պահանջի դուրս բերել իր զորքերը օկուպացված տարածքներից՝ կոչ անելով վերադառնալ բանակցություններին»,- եզրափակել է Մարուքյանը։

12:45 - 16 փետրվարի, 2024

Ադրբեջանը շարունակում է իր ապօրինի ագրեսիան Հայաստանի Հանրապետության դեմ. Էդմոն Մարուքյան |news.am|

news.am: ՀՀ հատուկ հանձնարարություններով դեսպան Էդմոն Մարուքյանը X-ի իր էջում գրել է. «Հայաստանի պաշտպանության նախարարության տրամադրած նախնական տեղեկությունների համաձայն՝ Հայաստանի Հանրապետության ինքնիշխան տարածքում՝ Սյունիքի մարզում, ադրբեջանական բանակի այսօրվա ագրեսիայի արդյունքում հայկական կողմն ունի 2 սպանված և վիրավոր զինծառայող։ Ադրբեջանը շարունակում է իր ապօրինի ագրեսիան Հայաստանի Հանրապետության դեմ»։ Հիշեցնենք, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ: Հայկական կողմը, նախնական տվյալներով, ունի 2 զոհ և վիրավորներ:

11:08 - 13 փետրվարի, 2024

Ադրբեջանը չի ցանկանում խաղաղություն տարածաշրջանում կամ խաղաղության պայմանագրի ստորագրում Հայաստանի հետ. Մարուքյան |1lurer.am|

1lurer.am: Հայաստանի hատուկ հանձնարարություններով դեսպան Էդմոն Մարուքյանը X-ի իր միկրոբլոգում անդրադարձել է Ադրբեջանի նախագահ Ալիևի՝ Հայաստանին ներկայացրած նոր պայմանին: «2022 թվականի մարտին Ադրբեջանն առաջարկեց հինգ հիմնարար սկզբունքներ, որոնց վրա պետք է հիմնվեր Հայաստանի հետ խաղաղության պայմանագիրը, այն է՝ պետությունների կողմից ինքնիշխանության, տարածքային ամբողջականության, նրանց միջազգային սահմանների անխախտելիության և միմյանցից քաղաքական անկախության փոխադարձ ճանաչում: Պետությունների՝ միմյանց նկատմամբ տարածքային պահանջների բացակայության փոխադարձ հաստատում և իրավական պարտավորության ընդունում այն մասին, որ ապագայում նման պահանջներ չեն ներկայացվի: Զերծ մնալ միջպետական հարաբերություններում միմյանց անվտանգությանը սպառնալուց, քաղաքական անկախության և տարածքային ամբողջականության դեմ սպառնալիքների և ուժի կիրառումից, ինչպես նաև ՄԱԿ-ի կանոնադրության նպատակներին չհամապատասխանող այլ հանգամանքներից: Պետական սահմանի սահմանազատում և սահմանագծում, դիվանագիտական հարաբերությունների հաստատում: Տրանսպորտի և հաղորդակցությունների բացում, համապատասխան այլ հաղորդակցությունների ստեղծում և համագործակցության հաստատում փոխադարձ հետաքրքրություն ներկայացնող այլ ոլորտներում: Չնայած նշված սկզբունքներին անդրադարձ է կատարվել բանակցությունների ընթացքում, այդ թվում՝ հրապարակայնորեն, Ադրբեջանը խուսափում է խաղաղության պայմանագրի ստորագրումից և բանակցությունների ամբողջ ընթացքում անընդհատ նոր պահանջներ է ներկայացնում՝ դրանով իսկ տորպեդահարելով խաղաղ գործընթացը։ Երեկ Ադրբեջանի նախագահ Ալիևը հայտարարեց, որ Հայաստանի և Ադրբեջանի միջև խաղաղություն կարող է հաստատվել միայն այն բանից հետո, երբ Հայաստանը փոփոխություններ կատարի իր Սահմանադրության և ներքին օրենսդրության մեջ՝ այդպիսով պաշտոնապես բարձրացնելով բոլորովին նոր նախապայման։ Ինչպես ասում են՝ «ախորժակը ուտելիս է բացվում», և այս անվերջ պահանջները գալիս են ապացուցելու միայն մեկ բան՝ Ադրբեջանը չի ցանկանում խաղաղություն տարածաշրջանում կամ խաղաղության պայմանագիր ստորագրել Հայաստանի հետ՝ այսպիսով փորձելով հիմարացնել ամբողջ միջազգային հանրությանը»։

13:16 - 02 փետրվարի, 2024

Ադրբեջանն ընդունել է հունվարին ԱՄՆ-ում Միրզոյան-Բայրամով հանդիպում անցկացնելու հրավերը. Մարուքյան |civilnet.am|

civilnet.am:Ադրբեջանն ընդունել է հունվարին Վաշինգտոնում արտգործնախարարների մակարդակով հանդիպում անցկացնելու Միացյալ Նահանգների հրավերը, «Առաջին ալիքին» տված հարցազրույցում այդ մասին հայտարարել ՀՀ հատուկ հանձնարարություններով դեսպան էդմոն Մարուքյանը։ Նրա խոսքով՝ Մարուքյանի խոսքով՝ չկա խաղաղության պայմանագրի վերջնականացրած նախագիծ, որը պատրաստ կլինի ստորագրման. «Հույսն այն է, որ հունվարին արտգործնախարարների մակարդակով սպասվող հանդիպմանը, որին Ադրբեջանը տվել է իր համաձայնությունը, պետք է որ մենք հասնենք նրան, որ պայմանագրի տեքստը վերջնականացվի»,- ասել է նա։ Մեկբանելով Եվրոպական խորհրդի նախագահ Շառլ Միշելի՝ Բրյուսելյան բանակցությունները վերսկսելու մասին հայտարարությունը, Մարուքյանը նշել է․ «Բրյուսելի մասով աշխատանքները երբեք չեն էլ դադարել։ Շառլ Միշելի հայտարարությունը վերաբերում է դրան, որ իրենք շարունակում են աշխատանք տանել, որ Բրյուսելում տեղի ունենա հանդիպում»։ Հիշեցնենք, որ Բաքուն հրաժարվել էր նոյեմբերի 20-ին Վաշինգտոնում նախատեսված Ադրբեջանի և Հայաստանի արտգործնախարարների հանդիպմանը մասնակցել։ Ադրբեջանի արտաքին գործերի նախարարությունը՝ արձագանքելով ԱՄՆ պետքարտուղարի օգնական Ջեյմս Օ’Բրայենի՝ Ներկայացուցիչների պալատում Լեռնային Ղարաբաղի հարցով լսումների ժամանակ արված հայտարարություններին, նշել էր․ «Ջեյմս Օ’Բրայենի միակողմանի և կողմնակալ մեկնաբանությունները անհիմն և անընդունելի են։ ԱՄՆ-ի միակողմանի մոտեցումը կարող է պատճառ դառնալ, որ նա կորցնի միջնորդի իր դերը: Այս պայմաններում մենք հնարավոր չենք համարում նոյեմբերի 20-ին Վաշինգտոնում Ադրբեջանի և Հայաստանի արտգործնախարարների մակարդակով հանդիպում անցկացնելը»։

11:23 - 14 դեկտեմբերի, 2023

Պետք է վստահության կամուրջ կառուցել. Էդմոն Մարուքյանը` հայ գերիների վերադարձի մասին

armeniasputnik.am: ՀՀ հատուկ հանձնարարություններով դեսպան Էդմոն Մարուքյանը դրական է գնահատում Ադրբեջանից 32 հայ գերիների վերադարձը։ Նա այդ մասին ասաց Հանրային հեռուստաընկերությանը տված հարցազրույցում։ «Այս քայլը հնարավորություն է տալիս կողմերի միջև չեղած վստահության ինչ–որ հատված կառուցել։ Խաղաղության համար մեզ վստահության կամուրջներ է պետք կառուցել, ոչ թե պատեր կամ անվստահության նոր հնարավորություններ ձևավորել»,– նշեց դեսպանը։ Նրա խոսքով` կողմերը պետք է սկսեն որոշ հարցերում վստահել, որպեսզի վերջնական խաղաղություն լինի։ Մարուքյանը շեշտեց` 32 ռազմագերիների վերադարձը շատ կարևոր և հիմնարար քայլ է Հայաստանի համար։

22:57 - 13 դեկտեմբերի, 2023

Ադրբեջանի՝ խաղաղության ընկալումը փոքր-ինչ տարբերվում է խաղաղության գործընթացի մեր ընկալումից․ Մարուքյան |news.am|

news.am: «Ադրբեջանի զինված ուժերի դիպուկահարի կողմից ՀՀ ԶՈՒ զինծառայող է մահացու վիրավորում ստացել: Այս մասին X-ի իր միկրոբլոգում գրել է Հատուկ հանձնարարություններով դեսպան Էդմոն Մարուքյանը՝ հավելելով, որ խաղաղության ադրբեջանական ընկալումը փոքր-ինչ տարբերվում է խաղաղության գործընթացի մեր ընկալումից։ «Խաղաղության գործընթացում ներգրավված բոլոր միջազգային գործընկերները պետք է միանշանակ դատապարտեն բանակցություններից խուսափելու և սահմանին նոր սպանություններ նախաձեռնելու Ադրբեջանի վերջին գործողությունները, ինչը խաթարում է խաղաղության ամբողջ գործընթացը», - գրել է Մարուքյանը։ Հիշեցնենք, որ այսօր՝ դեկտեմբերի 4-ին, ժամը 14։35-ի սահմաններում, Ադրբեջանի ԶՈՒ-ն կրակ է բացել Բարձրունու (Վայոց ձորի մարզ) հատվածում տեղակայված հայկական դիրքի ուղղությամբ, ինչի հետևանքով հրազենային մահացու վիրավորում է ստացել ՀՀ ՊՆ N զորամասի զինծառայող Գերասիմ Ավետիքի Առաքելյանը։

09:39 - 05 դեկտեմբերի, 2023

Ցանկացած սպառազինության ձեռքբերում Հայաստանի հիմնարար իրավունքն է, և կգնի որ երկրից հնարավոր լինի. Մարուքյան |azatutyun.am|

16:54 - 13 նոյեմբերի, 2023

ՀՀ-ում Արցախի ոչ մի ինստիտուտ չի գործելու, դա ազգային անվտանգության հարց է. Էդմոն Մարուքյան |aysor.am|

aysor.am: Արևմտյան հարթակներում Հայաստանի ու Ադրբեջանի միջև խաղաղության պայմանագիր կնքելու շուրջ գործընթացներն ավարտված չեն, թե՛ Բրյուսելում, թե՛ Վաշինգտոնում աշխատանքներն այդ ուղղությամբ շարունակում են։ Այս մասին 24News-ի «Հետագիծ Նարեկ Գալստյանի հետ» հաղորդման ընթացքում ասել է ՀՀ հատուկ հանձնարարություններով դեսպան Էդմոն Մարուքյանը։ «Ժամանակին, երբ լոբբինգ էինք անում, որ Արևմուտքը թիրախային ու հասցեական հայտարարություններով հանդես գա, արևմտյան գործընկերները փորձում էին ինչ-որ ձևակերպումներ գտնեին, որ շատ չի սրի Ադրբեջանի հետ հարաբերությունները, որպեսզի Ալիևը մասնակցեր այդ գործընթացին։ Մյուս կողմից, այդ փափուկ, գեղեցիկ ձևակերպումները բերեցին նրան, որ Ալիևը շատ հանգիստ կարողանում է հրաժարվել այդ հանդիպումներից։ Պետք է շարունակել աշխատանքը, պետք է պահանջել թիրախային գնահատականներ։ Շատ բան կա անելու, էնպես չի, որ ամեն ինչ ճիշտ է ընթացել, եթե ընթանար, Լեռնային Ղարաբաղում հայեր կապրեին», - նկատել է նա։ Մարուքյանը, մեկնաբանելով Արցախի պետական ինստիտուտների՝ ՀՀ-ում պահպանման հնարավորությունը, բացառել է այն՝ ասելով, թե դա կարող է վտանգել ՀՀ ազգային անվտանգությունը։ Մանրամասները՝ տեսանյութում։

10:33 - 06 նոյեմբերի, 2023