Գեորգի Ավետիսյան

Սննդամթերքի անվտանգության տեսչական մարմնի ղեկավար։

Ծնվել է 1977թ. 13 դեկտեմբեր, ք. Երևան։ 1984-1994թթ. սովորել է Երևանի թիվ 34 միջնակարգ դպրոցումб 1994-2003թթ.՝ Հայաստանի գյուղատնտեսական ակադեմիայում՝ Անասնաբուժական բժշկագիտության ֆակուլտետում։

1991-1995թթ. աշխատել է «Արալեզ» կինոլոգիական ակումբում՝ սանիտար, անասնաբույժի օգնական։ 2004թ. հունվար-հուլիս ամսիներին Եռակողմ պայմանագրով աշխատել է որպես Արարատի մարզի Ռանչպար համայնքի սպասարկող անասնաբույժ։

2004թ. օգոստոս-դեկտեմբերին աշխատել է «Դվին կոնցերն» ֆերմայի անասնաբույժ։ 2005-2010թթ. աշխատել է «Pet shop» կենդանիների սպասարկման սրահում՝ որպես անասնաբույժ։

2011-2014թթ. եղել է ՀՀ ԳՆ ՍԱՊԾ «Հանրապետական անասնաբուժասանիտարական և բուսասանիտարական լաբարատոր ծառայությունների կենտրոն» ՊՈԱԿի նմուշառման և զննման բաժնի պետ։

2014-2016թթ. եղել է ՀՀ ԳՆ ՍԱՊԾ «Հանրապետական անասնաբուժասանիտարական և բուսասանիտարական լաբարատոր ծառայությունների կենտրոն» ՊՈԱԿ տնօրենի տեղակալ։

2018թ. փետրվար- հունիս եղել է ՀՀ ԳՆ ՍԱՊԾ «Հանրապետական անասնաբուժասանիտարական և բուսասանիտարական լաբարատոր ծառայությունների կենտրոն» ՊՈԱԿ տնօրենի տեղակալ։

2018թ. հունիսի 22-ից՝ ՀՀ կառավարությանը ենթակա սննդամթերքի անվտանգության տեսչական մարմնի ղեկավար։

Ինչով են պայմանավորված սննդի օբյեկտներում նկատվող թունավորումները. պարզաբանում է ՍԱՏՄ ղեկավարը |armenpress.am|

armenpress.am: Վերջին շրջանում հանրային սննդի տարբեր օբյեկտներում քաղաքացիների թունավորումների դեպքերը որևէ ձևով միմյանց հետ առնչություն չունեն, հումքի մեջ հարուցիչներ չեն հայտնաբերվել, ՍԱՏՄ-ն եզրահանգել է, որ պարզապես չեն պահպանվել սանիտարահիգիենիկ պայմանները, առկա է մարդկային գործոն: Այս մասին ասաց Սննդամթերքի անվտանգության տեսչական մարմնի ղեկավար Գեորգի Ավետիսյանը: «Ընդհանրացված խնդիր, որպես այդպիսին, չկա: Այսինքն աղբյուրը նույնը չէ: Երկու դեպքում էլ մենք ունեցել ենք երկրորդային վարակման հարց: Երբ ստուգեցինք սնունդը, կիսաֆաբրիկատները, մենք գտանք հարուցիչներ, բայց հումքի մեջ այդ հարուցիները չկային: Այսինքն՝ մենք եկանք այն եզրահանգման, որ, ամենայն հավանականությամբ, սանիտարահիգիենիկ պայմանների խախտման պատճառով է եղել դա»,-ասաց Ավետիսյանը: Թունավորման դեպքերը որևէ ձևով ընդհանուր կապ չունեն իրար հետ: ՍԱՏՄ-ն ևս մտահոգություն, կասկած է ունեցել, որ Հայաստան է մուտք գործել արդեն իսկ թունավորված թռչնամիս, սակայն այդ կասկածները հերքվել են: Երրորդ երկրներից ներմուծվող թռչնամիսը Հայաստան է ներմուծվում միայն սահմանին լաբորատոր հետազոտություն անցնելուց հետո, սակայն ԵԱՏՄ-ից եկող թռչնամիսը չի անցնում այդ հետազոտությունը սահմանին: Քանի որ ապրանքը տեղաշարժվում է նույն մաքսային տարածքի շրջանակում, զննվում են միայն ուղեկցող անասնաբուժական փաստաթղթերը: «Մենք սկզբում այդ կասկածն ունեինք, դրա համար հետագծելիությամբ մատակարարի և ներմուծված հումքի լաբորատոր հետազոտություն էլ արեցինք, և պարզվեց, որ հումքի մեջ այդ հարուցիչները չկան: Դա մեզ թույլ տվեց եզրակացնել, որ խնդիրը հումքի մեջ չի եղել, խնդիրն ավելի շատ մարդկային գործոնն է եղել: Բոլոր կազմակերպությունները տարբեր թռչնամիս էին օգտագործել»,-ասաց տեսչական մարմնի ղեկավարը: ՍԱՏՄ-ն ստուգումներ է իրականացնում՝ ըստ պլանի, նաև բողոքների հիման վրա: Ավետիսյանը նշեց, որ անգամ լավագույն համակարգ ունեցող պետություններում թունավորումներ լինում են և լինելու են, քանի որ կա մարդկային գործոն: ՍԱՏՄ-ն տարվա ընթացքում հայտնաբերել է ընդհանուր 18 թունավորման դեպք, որոնցից մի մասի դեպքում եղել է մարդկային գործոնը, մի մասն էլ՝ սանիտարահիգիենիկ պայմանների, սննդի հետ սխալ վարվելակերպն է: Ավետիսյանը վստահեցնում է, որ բոլոր տեղերում, որտեղ խնդիր էին հայտնաբերվել, հիմա ամբողջությամբ վերացվել են: Բոլոր տեղերում, որտեղ սանիտարահիգիենիկ պայմանների խախտում է նկատում տեսչական մարմինը, կասեցնում է գործունեությունը և տալիս ժամանակ՝ վերացնելու դրանք: «Թունավորման պահին սննդի օբյեկտներում եղած ամբողջ սննդամթերքը ոչնչացվել է, և ախտահանման աշխատանքներ են իրականացվել, որից հետո միայն թույլ ենք տվել, որ շարունակեն գործունեությունը»,-ասաց Ավետիսյանը:

10:08 - 03 դեկտեմբերի, 2021

ԵԱՏՄ շրջանակում ՍԱՏՄ–ն կզարգացնի համագործակցությունը սննդամթերքի անվտանգության ոլորտում

ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանն այսօր հանդիպել է Եվրասիական տնտեսական հանձնաժողովի (ԵՏՀ) տեխնիկական կարգավորման հարցերով Կոլեգիայի անդամ (նախարար) Վիկտոր Նազարենկոյի հետ, տեղեկացնում է ՀՀ ՍԱՏՄ իրազեկման, խորհրդատվության և հանրության հետ տարվող աշխատանքների բաժինը:Հանդիպման ընթացքում քննարկվել են սննդամթերքի անվտանգությանը, դրա վերահսկողությանը, այդ ոլորտի միջազգային ստանդարտներին ու ազգային օրենսդրությունը դրանց համապատասխանեցնելու հետ կապված հարցեր:Գեորգի Ավետիսյանը ներկայացրել է Տեսչական մարմնի կառուցվածքը, գործառույթները, ազդեցության ոլորտներն ու այն խնդիրները, որոնց առկախումը կարող է խոչընդոտել առավել արդյունավետ աշխատանքին: Նա շեշտել է միջազգային համագործակցության, իրավական ակտերի փոխհամաձայնեցման և պարզեցված վերահսկողության անհրաժեշտությունը:Վիկտոր Նազարենկոն խոսել է ԵԱՏՄ մաքսային տարածքում մարդու առողջության և կյանքի, կենդանիների և բույսերի, շրջակա միջավայրի համար անվտանգ արտադրանքի ազատ շրջանառության համար միասնական իրավական դաշտի ստեղծման մասին՝ նշելով, որ այս ուղղությամբ տեխնիկական կանոնակարգերը հիմանկանում կան և ազգային օրենսդրությունը պետք է դրանց հետ հնարավորինս համահունչ լինի:Հանդիպման ընթացքում կողմերն անդրադարձել են սննդամթերքում հակաբիոտիկների մնացորդային քանակների և այլ վնասակար նյութերի հայտնաբերման, հակամանրէային միջոցների նկատմամբ կայունության դեմ պայքարի խնդիրներին՝ հատուկ ընդգծելով դրանց կարևորությունն ու խստորեն վերահսկելու անհրաժեշտությունը:Երկուստեք շեշտվել է սննդամթերքի անվտանգության ոլորտում հետագա համագործակցությունը զարգացնելու պատրաստակամությունը։

14:48 - 18 նոյեմբերի, 2021

Հայաստանում մեկնարկում է լաբորատորիաների ղեկավարների և առաջնորդների համար նախատեսված գլոբալ ծրագիր

Հայաստանում մեկնարկում է լաբորատորիաների ղեկավարների և առաջնորդների համար նախատեսված գլոբալ ծրագիր, որը ֆինանսավորվում է ԱՄՆ Հիվանդությունների վերահսկման և կանխարգելման կենտրոնի (CDC), Եվրոպայի հիվանդությունների վերահսկման և կանխարգելման ազգային կենտրոնի (ECDC), Պարենի և գյուղատնտեսության կազմակերպության (FAO), Կենդանիների առողջության համաշխարհային կազմակերպության (OIE), Առողջապահության համաշխարհային կազմակերպության (WHO) և Հանրային առողջության լաբորատորիաների ասոցիացիայի (APHL) կողմից: Կովկասի, Արևելյան Եվրոպայի և Կենտրոնական Ասիայի երկրներում ծրագրի տեխնիկական ներդրման համար պատասխանատու է «Լաբորատոր որակյալ ինտեգրացված ծառայություններ» (IQLS) կազմակերպությունը, որի գլխավոր գործադիր տնօրեն Անտուան Պիերսոնի (Ֆրանսիա) և նույն կազմակերպության լաբորատոր միջազգային մասնագետ Արսեն Զաքարյանի (Կանադա) հետ այսօր հանդիպել է ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը: Հանդիպմանը մասնակցել է նաև ՍԱՏՄ «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի տնօրեն Արման Գևորգյան: ՍԱՏՄ-ն նշում է, որ ծրագրի նպատակն է խթանել և դասընթացների միջոցով ազգային լաբորատոր համակարգերում ստեղծել, ուժեղացնել և ապահովել կայուն զարգացման հնարավորություններ այդ համակարգերում գործող առաջնորդների համար՝ ուղղորդված «Մեկ առողջություն» ռազմավարությամբ: Հանդիպման ընթացքում քննարկվել են ծրագրի մանրամասները, հստակեցվել ու համաձայնեցվել են այն իրականացնելու համար կողմերի պարտավորությունները։Պարոն Պիերսոնը նշել է, որ ակնկալվում է տեխնիկական աշխատանքային խմբի ստեղծում՝ ընդլայնելով գոյություն ունեցող այն խմբերի գործառույթները, որոնք արդեն իսկ ներգրավված են բժշկական, անասնաբուժական, սննդի և ջրի անվտանգության լաբորատորիաներին առնչվող հարցերում։ Նա հատկապես շեշտել է, որ շատ հաճախ իրենց փորձագետները նշում են հայաստանյան լաբոատորիաների աճի ու կայացման գործընթացը՝ որպես աստիճանական-կայուն զարգացման օրինակ: Գեորգի Ավետիսյանը վստահեցրել է, որ ՍԱՏՄ-ն կներդնի իր բոլոր հնարավորություններն ու ներուժը ծրագրի իրականացմանը նպաստելու համար:

20:02 - 10 մարտի, 2021

Քննարկումներ են ընթանում, որպեսզի Արմավիրի մարզից դեպի ՌԴ լոլիկի և պղպեղի ներմուծման սահմանափակումները հանվեն․ Ավետիսյան |armtimes.com|

armtimes.com: Այսօրվանից ՀՀ Արմավիրի մարզից դեպի Ռուսաստան լոլիկի եւ պղպեղի արտահանումը ժամանակավորապես կարգելվի։ Տեղեկությունը հայտնել է ռուսական Ռոսսելխոզնադզորի մամուլի ծառայությունը։ Թեմայի վերաբերյալ ՀԺ-ն մի քանի հարց է ուղղել ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանին։ - Պարո՛ն Ավետիսյան, ինչո՞վ է պայմանավորված Արմավիրի մարզից դեպի ՌԴ լոլիկի արտահանման ժամանակավոր արգելքը։ - Պատճառը մի վնասատու վիրուս է, որը, սակայն, կարանտին վնասատու վիրուսների ցանկի մեջ չի մտել։ Քանի որ այդ վիրուսը ԵԱՏՄ կարանտին վնասատուների ցանկում չի եղել, դրա վրա մենք ուշադրություն չենք դարձրել։ Այն վարակում է լոլիկը եւ պղպեղը, բայց մեծ տնտեսական վնաս չի հասցնում։ Այդ հարցը, երբ քննարկվել է Եվրասիական տնտեսական հանձնաժողովի շրջանակներում, բոլորը դեմ են եղել, որ ներառվի կարանտին վնասատուների ցանկում։ Բայց քանի որ Ռուսաստանում այդ վիրուսը չկա, եւ միջազգային կոնվենցիայով հաստատված է, որ յուրաքանչյուր երկիր իր համար է որոշում, թե որն է առաջնահերթություն՝ այսինքն այդ վնասատուով վարակված մթերքը թույլ տալ, թե չէ՝ դրանից ելնելով՝ Ռուսաստանը որոշել է սահմանափակում կիրառել։ Դրա լաբորատոր հետազոտությունը բավականին բարդ եւ թանկ է, մենք մինչեւ հիմա դա չենք արել։ Մեզ համար էլ է այդ վիրուսը նորություն։ Եկող տարվա պլանում կմտցնենք եւ կփորձենք ձեռք բերել այդ հավաքածուները եւ հասկանալ, թե մոնիթորինգի արդյունքում ինչ պատկեր ունենք։ - Պատկերացում ունե՞ք, թե Արմավիրի գյուղատնտեսության վրա ինչպես կանդրադառնա արգելքը։ - Մեծ քանակություն չէ։ Ամեն դեպքում ես խոշոր արտադրողներին եւ արտահանողներին հրավիրել եմ մեզ մոտ՝ հասկանալու համար, թե ինչպես պրոցեսներն արագացնենք, քանի որ գնումների մասին օրենքով եւ ընթացակարգով մենք ժամանակի խնդիր կունենանք։ Հենց նույն օրը, երբ սահմանափակման մասին որոշումը եղավ, ես զրուցեցի Ռոսսելխոզնադզորի ղեկավար Սերգեյ Դանկվերտի հետ։ Նա զանգահարեց ինձ, եւ մենք քննարկեցինք սահմանափակումն արագ հանելու հարցը։ Իրենք մեզ հավաստիացրին, որ կգտնեն մասնագետ, որը կգա մեր լաբորատորիա եւ կօգնի մեզ այդ մեթոդը ներդնելու հարցում։ - Պարո՛ն Ավետիսյան, Ադրբեջանի համար էլ լոլիկի եւ խնձորի ներմուծման ամբողջական արգելք կա, պատճառները նո՞ւյնն են։ - Այնտեղ որքան գիտեմ ավելի լուրջ խնդիրներ կան՝ կարանտին վնասատուներ կան։ Ամեն դեպքում այս պահի դրությամբ Ադրբեջանի ամբողջ տարածքը ենթարկված է սահմանափակումների։ Ադրբեջանի հարցով չեմ կարող ասել, բայց մեր խնդրի հարցով քննարկումներ են ընթանում, որպեսզի արագ այդ սահմանափակումները հանվեն։Կարդալ ավելին՝ armtimes.com-ում։

22:02 - 14 դեկտեմբերի, 2020

Այս պահին ունենք 72 սպանդանոց. Գեորգի Ավետիսյան |1lurer.am|

1lurer.am: Այս պահին ունենք 72 սպանդանոց, որոնցից 38-ը ծառայություն են մատուցում, մնացածը ներտնտեսային սպանդանոցներ են՝ այսօր ասուլիսի ընթացքում ասաց ՍԱՏՄ ղեկավար Գեորգի Ավետիսյանը՝ նշելով, որ պատերազմի ընթացքում ներդրումները նվազել են: «Ունենք ևս երկու շարժական սպանդանոց: Ներդրողները պատրաստվում են դեռ ներկրել: Երևանում 5 սպանդանոց ունենք, Արագածոտնում՝ 6, Արարատում՝ 9, Կոտայքում՝ 21, Արմավիրում՝ 9, Գեղարքունիքում՝ 5, Լոռիում՝ 7, Շիրակում՝ 2, Սյունիքում՝ 3, Տավուշում՝ 4, Վայոց ձորում՝ 1»,- ասաց Ավետիսյանը: ՍԱՏՄ ղեկավարը հիշեցրեց իրենց հայտարարությունը, որ 70-80 սպանդանոցն ամբողջությամբ բավարար է երկրի կարիքները փակելու համար, սակայն հիմա հասանելիության խնդիր կա. «Բացի թվից, նաև հասանելիության հարց կա: Շիրակում երկու սպանդանոց կա, որը բավարար չէ: Վայոց ձորում ճիշտ կլինի՝ առնվազն ևս մեկը կառուցվի, Սյունիքում դեռ կան կառուցվող սպանդանոցներ, և կա դրա կարիքը: Մնացած տեղերում, կարելի է ասել՝ հասանելիությունը բավարար է: Դեռ սպասում ենք 25 սպանդանոցների, որոնք կառուցման ու ներքին հարդարման պրոցեսում են»:

13:38 - 01 դեկտեմբերի, 2020

Արցախից Հայաստան է տեղափոխվել շուրջ 10 հազար գլուխ անասուն. ՍԱՏՄ ղեկավար |1lurer.am|

1lurer.am: ide class="content-wrapper__left fl"> Շուրջ 10 հազար գլուխ անասուն է Արցախից տեղափոխվել Հայաստան, որից շուրջ 4500-ը՝ խոշոր եղջերավոր, 5000-ը՝ մանր եղջերավոր անասուններ, 140 խոզ, 60 ձի՝ այսօր ասուլիսի ընթացքում նշեց ՍԱՏՄ ղեկավար Գեորգի Ավետիսյանը: «Հիմա գյուղերում փորձում ենք նաև ճշտումներ անել: Մեր կարծիքով՝ սա այն թիվը չէ, որ պետք է լիներ: Կլինեն կենդանիներ, որոնք բերվել են սարերով, դաշտերով, մեքենայով չեն բերվել, և կարող է մեր աչքից վրիպած լինել: Ավելացված կենդանիներն անընդհատ պատվաստվում են, ջերմաչափվում, նայում ենք կլինիկական նշանները, փորձում ենք թույլ չտալ, որ այդ կենդանիները հիվանդանան»,- ասաց Ավետիսյանը: Անասնահամաճարակային իրավիճակը Հայաստանում Ավետիսյանը գնահատեց կայուն և վերահսկվող:

13:10 - 01 դեկտեմբերի, 2020

Այս պահի դրությամբ որևէ հիվանդ կենդանի չունենք. Ավետիսյան |1lurer.am|

1lurer.am: ՍԱՏՄ ղեկավար Գեորգի Ավետիսյանը հրավիրված մամուլի ասուլիսում ներկայացրեց մսամթերքի շուկայում իրականացվող վերահսկողական աշխատանքները: Անդրադառնալով պատերազմի ընթացքում կատարված աշխատանքներին՝ Ավետիսյանը նշեց, որ հոկտեմբերի 12-ին ոլորտների մասնագետների հետ ստեղծել են աշխատանքային պլան, և էկոնոմիկայի նախարարության հետ իրականացվել է հետազոտություն՝ ինչ կենդանիներ են գալիս Հայաստան և որքան: «Սկսել ենք առաջին հերթին դաբաղ հիվանդության պատվաստումից: Ինչպես նաև արյուն ենք վերցնում՝ բրուցելոզ հիվանդության նկատմամբ ստուգում իրականացնելու համար: Մեր համատեղ և օպերատիվ միջոցառումները թույլ տվեցին զերծ մնալ անասնահամաճարակներից: Այս պահի դրությամբ որևէ հիվանդ կենդանի չունենք»,- նշեց Ավետիսյանը: Նրա խոսքով՝ հուլիսից Երևանում սպանդանոցային ծագման միս է վաճառվել, այդ առումով խնդիրն այստեղ լուծված կարելի է համարել, բայց գոյություն ունի բակային, չգրանցված վաճառք: «Դա մեր վերահսկողությունից դուրս է, և մենք իրավասություն չունենք վերահսկողություն իրականացնելու: Դրա համար միշտ կոչ ենք անում՝ փողոցում, մեքենաների թափքից վաճառվող միս չգնել»,- նշեց Ավետիսյանը:

12:46 - 01 դեկտեմբերի, 2020

Քննարկվել են պատերազմական դրության պայմաններում Հայաստանի անասնահամաճարակային իրավիճակի վերահսկողության առաջնահերթությունները

ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը խորհրդակցության էր հրավիրել Հայաստանի ագրարային համալսարանը, «Գյուղատնտեսական ծառայությունների կենտրոն», «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն», «Սննդամթերքի անվտանգության ոլորտի ռիսկերի գնահատման և վերլուծության» ՊՈԱԿ-ները, «Սմարթ Ագրո» ՓԲԸ-ն, ՍԱՏՄ անասնաբուժության վարչությունը ներկայացնող անասնաբույժ-մասնագետների, ինչպես նաև ԱՆ «Ինֆեկցիոն հիվանդությունների ազգային կենտրոն» ՓԲԸ մասնագետների՝ համատեղ քննարկելու պատերազմական դրության պայմաններում Հայաստանի անասնահամաճարակային իրավիճակի վերահսկողության համար առաջացող խնդիրները, անասնաբուժական ծառայությունների առաջնահերթ քայլերը, ինչպես նաև այդ առումով Արցախի Հանրապետությանն աջակցելու հնարավոր տարբերակները: Գեորգի Ավետիսյանն առաջարկել է ստեղծել ուղեցույց, որը համապատասխան անասնաբուժական ծառայություններ մատուցող կազմակերպությունների, ինչպես նաև պատկան մարմինների համար արտակարգ պայմաններում արագ գործողություններ ծավալելու, անասնահամաճարակային իրավիճակը վերահսկելու և բնակչությանը կենդանիներից փոխանցվող հիվանդություններից զերծ պահելու հիմք կհանդիսանա: Այն կտրամադրվի նաև Արցախի համապատասխան կառույցներին: Խորհրդակցության մասնակիցները համակարծիք էին, որ հողային, բնական օջախային, զոոնոզ ինֆեկցիաների գլուխ բարձրացնելը, թունավորումները այս պահին լրջագույն սպառնալիք են, և անհրաժեշտ է ստեղծել բուֆերային գոտիներ, հնարավորինս համագործացել Արցախի անասնաբուժական կազմակերպությունների հետ՝ վերահսկելու համար կենդանիների շարժը: Կարևորվել է սահմանամերձ բնակավայրերում իրազեկման և խորհրդատվական աշխատանքների անցկացումը՝ հորդորելով բնակչությունն անմիջապես տեղեկացնել հակամարտության գոտուց Հայաստան մտած կամ բերված չստուգված կենդանիների մասին: Առաջարկվել է նաև, վերոնշյալ խնդիրների ուսումնասիրման ու համակարգման նպատակով, ստեղծել մասնագետների խմբեր, որոնք տեղերում կուսումնասիրեն իրավիճակը, ինչի հիման վրա կիրականացվի քարտեզագրում, առկա իրավիճակի ամրագրում և հետագա զարգացումների վերահսկողություն: Առաջարկները կամփոփվեն և որպես ուղեցույց կներկայացվեն պատկան մարմիններին:

14:38 - 13 հոկտեմբերի, 2020

Ես շատ երկար ժամանակ ցանկանում էի նոր կարգով նշանակվել․ Գեորգի Ավետիսյանն իր ազատման ու կրկին նշանակման մասին

Սննդամթերքի անվտանգության տեսչական մարմնի ղեկավար Գեորգի Ավետիսյանն իր ֆեյսբուքյան էջում գրում է․ «Հարգելի ընկերներ, ուզում եմ այստեղ գրել` ամփոփելով իմ ազատման և նշանակման հարցը։ Ազատման պատճառ դարձավ զուտ այն փաստը, որ տարատեսակ խոսակցություններ են եղել, իմ նշանակման հետ կապված, և ես շատ երկար ժամանակ ցանկանում էի, նոր կարգով նշանակվել, եւս մեկ անգամ մրցույթ անցնել, ինչով նաև վերջ դնել այդ անլուրջ զրույց-բամբասանքներին: Ցավում եմ, որ համընկավ այս ժամանակահատվածի հետ, բայց դիմումն արդեն գրել էի: Էս մասով ավելացնելու ոչինչ չունեմ: Շնորհակալ եմ բոլոր անհանգստացողներին և ուրախացողներին»։

22:10 - 10 հոկտեմբերի, 2020

Գեորգի Ավետիսյանն ազատվել է պաշտոնից

ՀՀ վարչապետ Նիկոլ Փաշինյանը որոշում է ստորագրել Գեորգի Ավետիսյանին Սննդամթերքի անվտանգության տեսչական մարմնի ղեկավարի պաշտոնից ազատելու մասին: «Ղեկավարվելով «Տեսչական մարմինների մասին» օրենքի 8-րդ հոդվածի 1-ին մասով՝Գեորգի Ավետիսյանին ազատել Սննդամթերքի անվտանգության տեսչական մարմնի ղեկավարի պաշտոնից»,- ասված է վարչապետի որոշման մեջ:

20:31 - 24 սեպտեմբերի, 2020

Սպանդանոցային մորթի անցումն անդառնալի գործընթաց է, որն այլընտրանք չունի․ Գ․ Ավետիսյան

Երեկ Տավուշի մարզպետարանում տեղի է ունեցել հանդիպում, որտեղ քննարկվել են կենդանիների մորթը բացառապես սպանդանոցում իրականացնելու և միս-մսեղիքը իրացման ցանց հասցնելու կազմակերպչական խնդիրները։ Հանդիպմանը մասնակցել են Սննդամթերքի անվտանգության տեսչական մարմնի ղեկավար Գեորգի Ավետիսյանը, ղեկավարի տեղակալ Արթուր Շատվորյանը, Տավուշի մարզպետ Հայկ Չոբանյանը, ինչպես նաև մարզի սպանդանոցների ու մսավաճառների ներկայացուցիչներ։ Սպանդանոցների աշխատանքն ու մատուցվող ծառայությունների մասին խոսել է սպանդանոցի սեփականատեր Սերգեյ Ներկարարյանը։ Նա ներկայացրել է ծառայությունների մատուցման գները, դրանց ձևավորման տրամաբանությունը, պարզաբանել է իրենց աշխատանքի նրբությունները՝ արտադրողների և իրացման ցանցի հետ փոխհարաբերությունների ու համագործակցության տիրույթում։ Տեղեկացրել է նաև, որ մոտ ապագայում սպանդանոցին կից կլինի նաև մսի և ենթամթերքի մշակման արտադրամաս։ «Ոլորտը կանոնակարգվում է, սպանդանոցային մորթի անցումն անդառնալի գործընթաց է, որն այլընտրանք չունի», ասել է Տեսչական մարմնի ղեկավար Գեորգի Ավետիսյանը,- «մեր մասնակցությունն այս հանդիպմանը նպատակ ունի վեր հանել առաջացած խնդիրներն ու նպաստել արտադրող-սպանդանոց-իրացում կառուցվածքի բարեհաջող կայացմանը։ Սա գործընթաց է, որը մենք փորձում ենք անցնել հնարավորինս սահուն ու անցնցում»։ Մարզպետ Հայկ Չոբանյանը խոսել է նոր ոլորտի կայցմանը նպաստելու անհրաժեշտության մասին։ «Ոլորտը կայանալու է շուկայական հարաբերությունների տրամաբանությամբ։ Երկիրը պիտի զարգանա, գյուղացին միս վաճառելու խնդիր չպետք է ունենա, իսկ սպանդանոցները, ի վերջո, դառնալու են միս մթերող, իրացման ցանցին որակյալ և անվտանգ միս մատակարարող կազմակերպություններ»։ Մսավաճառները ներկայացրել են իրենց մտահոգությունները՝ կապված բնակչության նախասիրություններին հարմար միս վաճառելու, հարկային դաշտում առաջացող անհասկանալի հարցերի և այլ խնդրների հետ։ Սպանդանոցների ներկայացուցիչները վստահեցրել են, որ պատրաստ են իրացման համար մատուցելու ցանկացած տեսակի որակյալ միս, որի անվտանգությանը կլինի երաշխավորված։ Տնտեսվարողների այս երկու սեգմենտների միջև համագործակցությունը խնդրի լուծման բանալին է։ Հիշեցում․ 2020թ․ հուլիսի 1-ից սպանդանոցային մորթի պահանջը պարտադիր է Հայաստանի Հանրապետության ողջ տարածքում։ Որպես վերահսկող մարմին, ՀՀ սննդամթերքի անվտանգության տեսչական մարմինը, իր լիազորությունների շրջանակում, օգտագործում է առկա ողջ գործիքակազմը այդ պահանջի կատարումն ապահովելու համար։

09:45 - 19 օգոստոսի, 2020

Սպանդանոցների թիվը հետևողականորեն ավելանում է. հերթականը բացվեց Արարատի մարզի Բաղրամյան համայնքում

ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանն ու ղեկավարի տեղակալ Արթուր Շատվորյանը Արարատի մարզպետ Գարիկ Սարգսյանի հետ միասին օգոստոսի 11-ին մասնակցել են Արարատի մարզի Բաղրամյան համայնքում կառուցված «Արմակս» նոր սպանդանոցի բացմանը: Ինչպես տեղեկացրեցին սննդամթերքի անվտանգության տեսչական մարմնից, ընկերության հզորությունները բավականին մեծ են, այն այսօր իսկ կարող է մատուցելու սպանդանոցային ծառայություններ՝ կազմակերպելով խոշոր (օրական մինչև 20 գլուխ) ու մանր (օրական մինչև 30 գլուխ) եղջերավորների, ինչպես նաև խոզի սպանդ: Սպանդանոցն ունի թե 2 սառնարան-մեքենա՝ միսն ու ենթամթերքը իրացման ցանց հասցնելու, թե կենդանիների տեղափոխման մեքենա՝ կենդանիների տեղափոխումը 30 կմ շառավղով անվճար կազմակերպելու համար: Տեսչական մարմնի ղեկավար Գեորգի Ավետիսյանը, շեշտելով բակային մորթից սպանդանոցայինի անցնելու կարևորությունը, հիշեցրել է ՍԱՏՄ խստագույն վերահսկողության մասին՝ վստահեցնելով, որ օրենսդրությամբ վերապահված գործառույթների շրջանակում արվելու է ամեն ինչ սպառողին որակյալ ու անվտանգ մսով ապահովելու համար: Ի դեպ, Սննդամթերքի անվտանգության տեսչական մարմինը, անասնահամաճարակային մշտադիտարկումների շրջանակում, առաջիկայում սկսելու է այցելությունները հանրապետությունում գործող բոլոր սպանդանոցներ՝ դրանց գործունեության համապատասխանությունը ՀՀ օրենսդրությամբ սահմանված նորմերին ստուգելու նպատակով: Մասնավորապես՝ կստուգվեն աշխատակիցների բժշկական գրքույկների առկայությունը, սպանդանոցի սանիտարահիգիենիկ վիճակը, անասնաբուժական ձև 5 փաստաթղթի դուրսգրման պարբերականությունը, լաբորատոր-փորձագիտական հագեցվածությունը և այլն: Ներկայում Հայաստանի ողջ տարածքում գործում է 59 սպանդանոց, որոնցից երկուսը՝ շարժական, կառուցման ավարտական փուլում են 15-ը, ներքին հարդարման ու սարքերի տեղադրման փուլում՝ 10-ը: Երկիր կներկրվի եվս 2 շարժական սպանդանոց:

17:57 - 11 օգոստոսի, 2020

Սննդի շղթայի օպերատորների ուժեղացված ստուգայցերին հետևում են անխուսափելի կասեցումներ. ՍԱՏՄ ղեկավարը հետևել է Շիրակի մարզում իրականացվող մշտադիտարկումներին

ՀՀ սննդամթերքի անվտանգության տեսչական մարմնի աշխատակիցների կողմից իրականացվող վերահսկողությամբ՝ իրացման ցանցում, հանրային սննդի օբյեկտներում և սննդամթերք արտադրող կազմակերպություններում շարունակվում են արձանագրվել պարետի որոշումների կատարման խախտումներ:Մշտադիտարկումներն անցկացվում են ամբողջ հանրապետությունում:Շիրակի մարզի Գյումրի և Մարալիկ քաղաքներում անցկացվող ստուգայցերին այսօր՝ 12.06.2020թ, հետևել է ՍԱՏՄ ղեկավար Գեորգի Ավետիսյանը: Նա տնտեսավարողներին զգուշացրել է, որ Տեսչական մարմնի մասնագետները այցելությունները լինելու են ամենօրյա, և ցանկացած թերացում արձանագրվելու և ներկայացվելու է պարետատուն: «Չկան մեծ կամ փոքր թերացումներ կամ խախտումներ, դրանք բոլորը վտանգավոր են՝ նկատի ունենալով երկրում ստեղծված համաճարակային իրավիճակը: Կրկնակի հայտնաբերված խախտումներն ավելի խստորեն են պատժվելու»,- ասել է պատասխանատու պաշտոնյան:Այսօր նաև Երևանում շրջայց է կատարվել Նոր-Նորք վարչական շրջանների տնտեսավարողների մոտ:Հանրապետությունում հայտնաբերված հիմնական խախտումները եղել են հանրային սննդի կետերում սոցիալական հեռավորության չպահպանումը, աշխատակիցների ջերմաչափման մատյանների բացակայությունը կամ կիսատ վարումը, իսկ իրացման ցանցում և արտադրություններում՝ ախտահանումների մատյանների բացակայությունը, դիմակների ոչ պատշաճ կրելը: Արձանագրությունները կներկայացվեն պարետատուն:Այսօր նաև հանրապետության ողջ տարածքում կասեցվել է գրեթե հինգ տասնյակ կազմակերպությունների գործունեությունը: Դրանցից երկուսինը՝ 72 ժամով. մեկում անտեսել են ՀՀ պարետի 24 ժամով կասեցվելու որոշումը և շարունակել են աշխատել, մյուսում հաճախորդներին առաջարկել և տրամադրել են նարգիլե, ինչն արգելված է:Համավարակով պայմանավորված արտակարգ դրության պայմաններում՝ ՍԱՏՄ-ն անակնկալ-ամենօրյա այցերով շարունակելու է ՀՀ պարետի որոշումների կատարման հսկողությունը:

18:59 - 12 հունիսի, 2020

ՍԱՏՄ-ն այսուհետև վերահսկելու է սննդամթերքի առցանց վաճառք իրականացնող ընկերությունների աշխատանքը |armenpress.am|

armenpress.am: Նոր տիպի կորոնավիրուսի տարածումը կանխելու և նվազեցնելու նպատակով Սննդամթերքի անվտանգության տեսչական մարմնում ապրիլի 6-ին ստեղծվել է աշխատանքային խումբ՝ սննդամթերքի առցանց վաճառքով զբաղվող կազմակերպությունների աշխատանքը վերահսկելու համար։ Այս մասին մամուլի ասուլիսի ժամանակ ասաց ՍԱՏՄ-ի ղեկավար Գեորգի Ավետիսյանը։ «Մենք ստեղծել ենք աշխատանքային խումբ սննդամթերքի առցանց վաճառք իրականացնող ընկերությունների՝ օրենսդրությամբ սահմանված պահանջների պահպանման նկատմամբ պետական վերահսկողություն կազմակերպելու նպատակով։ Այսինքն, այսուհետև մենք ակտիվորեն վերահսկելու ենք սննդամթերքի առցանց վաճառք իրականացնող բոլոր ընկերությունների աշխատանքը»,- նշեց Ավետիսյանը։

18:19 - 07 ապրիլի, 2020

«Ծովագյուղ» և «Գնթունիք» ֆուդ կորտերում հանրային սննդի կազմակերպումը միառժամանակ կասեցվել է |armenpress.am|

armenpress.am: Նոր տիպի կորոնավիրուսի տարածումը նվազեցնելու նպատակով հայտարարված արտակարգ դրության օրերին Սննդի անվտանգության տեսչական մարմինը միառժամանակ դադարեցրել է «Ծովագյուղ» և «Գնթունիք» սուպերմարկետ-ֆուդ կորտերում հանրային սննդի կազմակերպումը։ Այս մասին մամուլի ասուլիսի ժամանակ ասաց ՍԱՏՄ ղեկավար Գեորգի Ավետիսյանը։ «Մեր տեսչական մարմնի Գեղարքունիքի և Արագածոտնի մարզային կենտրոնների մասնագետներն ապրիլի 6-ին այցելել են «Ծովագյուղ» և «Գնթունիք» սուպերմարկետ-ֆուդ կորտեր և պարզել, որ այդ վայրերում հանրային սննդի մատուցման գործընթացը դադարեցված չէ։ Մասնագետների ցուցումների համաձայն, հանրային սննդի կազմակերպումը տեղում կասեցվել է և ապրիլի 7-ից այդ ընկերություններն իրականացնում են միայն առաքում», - նշեց Ավետիսյանը։

18:14 - 07 ապրիլի, 2020

ՍԱՏՄ աշխատակիցների մեջ կորոնավիրուսով վարակվածներ չկան․ Գեորգի Ավետիսյան

Երեկ տեսչական մարմնի մասնագետները այցելել են Ծովագյուղ և Գնթունիկ սուպերմարկետ- ֆուդկորտեր և պարզել, որ այնտեղ հանրային սննդի մատուցման գործընթացը դադարեցված չէ։ Հանրային սննդի սպասարկումը տեղում կասեցվել է և այսօրվանից այդ ընկերությունները իրականացնում են միայն առաքման ծառայություններ։Ակտիվորեն վերահսկվում են նաև առցանց առևտրով զբաղվող տնտեսվարողները։ Այս մասին ասաց ՍԱՏՄ ղեկավար Գեորգի Ավետիսյանը ՝ ՍԱՏՄ-ի կողմից իրականացված վերահսկողության արդյունքների, սահմանային հսկողության, քաղաքացիների ահազանգերի վերաբերյալ մամուլի ասուլիսի ընթացքում։ Վերջինս նշեց, որ ՍԱՏՄ-ի կողմից իրականացվել է մոնիտորինգի աշխատանքներ՝ 2019 և 2020 թվականների մարտի 1-26-ն ընկած ժամանակահատվածում Հայաստան ներկրված և Հայաստանից արտահանված սննդամթերքի վերաբերյալ։ ՍԱՏՄ ղեկավորը նշեց, որ որոշ սննդամթերքների ներկրումներ նվազել են, որոշներինը ավելացել։ Ավելացվել են նաև արտահանմանումները։ «Մարտ ամսվա ընթացքու տեսչական մարմնի թեժ գծին ստացվե է 62 ահազանգ, ապրիլին՝ 18։ Դրանք վերաբերել են թե' սանիտարահիգենիկ խնդիրների, թե' անորակ սննդի վաճառքի խնդիրներին։Բոլոր արտադրամասերում բաժանել ենք ուղեցույցները և գրեթե բոլոր մեծ արտադրամասերը ամենօրյա ռեժիմով մեզ ուղակում են իրենց կողմից իրականացվող ամենօրյա աղտահանման միջոցառումների տեսա և ֆոտո ռեպորտաժները»,- ասաց Ավետիսյանը։ Ավետիսյնաը նշեց, որ ՍԱՏՄ շխատակիցների մեջ չկան վարակակիրներ։ Այն աշխատակիցները, ովքեր գտնվում են սահմաններին՝ ապահովված են համապատասխան պաշտպանիչ բոլոր միջոցներով՝ այդ թվում նաև պաշտպանիչ արտահագուստով ։ Իսկ տեսուչները, ովքեր իրականացնում են ամենօրյա այցեր, ունեն համապատասխան դիմակներ, ձեռնոցներ և ախտահանող նյութեր։ Հարցին, թե ի՞նչ գործունեություն է ծավալվել «Դարոնիկ» ընկերության արտադրամասում, ՍԱՏՄ ղեկավարն ասաց՝ ««Դարոնիկ» ընկերությւոնում առկա վարակակիր աշխատակիցի մասին ինֆորմացիա ստանալուց հետո մեր տեսուչները գնացել են այնտեղ և պարզել, որ աշխատակիցը մենեջեր է և ոչ, թե հենց արտադրամասում աշխատող։ Ըստ դրա, այդ արդատրամասում աշխատակիցների վարակվելու հավանականությունը գրեթե զրո է»։ Ավետիսյանը ընդգծեց, որ այս ընթացքում ՍԱՏՄ աշխատակիցները փորձում են տուգանքներ չկիրառել, տարվում են բացատրական աշխատանքներ։ Միակ տուգանքը, որը կիրառում ենք՝ գործունեության կասեցումն է։ Այս ընթացքում եղել է մեկ դեպք, երբ կասեցվել է տնտեսվարողի գործունեությունը։

16:55 - 07 ապրիլի, 2020