Արարատ Միրզոյան

ՀՀ արտաքին գործերի նախարար։ Այս պաշտոնին նա նշանակվել է 2021թ․ օգոստոսի 19-ին։

7-րդ գումարման Ազգային ժողովի նախագահն է։ «Քաղաքացիական պայմանագիր» կուսակցության վարչության անդամ։ Ծնվել է 1979թ․ նոյեմբերի 23-ին։ Մասնագիտությամբ պատմաբան է եւ պետական կառավարման, տեղական ինքնակառավարման մասնագետ։

2003-2005 թվականներին աշխատել է ՀՀ ԳԱԱ Հայոց ցեղասպանության թանգարան-ինստիտուտում՝ որպես կրտսեր գիտաշխատող: 2005-2007 թվականներին աշխատել է Հայաստանի ազգային արխիվում՝ որպես հասարակական-քաղաքական փաստաթղթերի բաժնի գլխավոր արխիվագետ։ 2007-2010 թվականներին աշխատել է «Էյչ-Էս-Բի-ՍԻ Բանկ Հայաստան» ՓԲԸ-ում: 2011-2012 թվականներին որպես վերլուծաբան՝ աշխատել է «Ռեգնում» միջազգային լրատվական գործակալությունում: 2012-2013 թվականներին աշխատել է Ընտրական համակարգերի միջազգային հիմնադրամում (IFES)՝ որպես ընտրողների իրազեկման ծրագրի համակարգող: 2012 թվականի հոկտեմբերից 2013 թվականի փետրվարն ընկած ժամանակահատվածում դասավանդել է ԵՊՀ-ում: 2013-2015 թվականներին եղել է «Հայաստանի զարգացման նախաձեռնություններ» (IDEA) հիմնադրամի «Ավրորա մրցանակ եւ 100 կյանք» նախաձեռնության հետազոտական խմբի ղեկավարը։ 2014-2017 թվականներին աշխատել է որպես Բազմակուսակցական ժողովրդավարության նիդեռլանդական ինստիտուտի (NIMD) քաղաքական կուսակցությունների եւ ռազմավարական պլանավորման փորձագետ։

Արարատ Միրզոյանը «Քաղաքացիական պայմանագիր» կուսակցության հիմնադիր անդամ է: 2016 թվականից հանդիսանում է «Քաղաքացիական պայմանագիր» կուսակցության վարչության անդամ: 2017 թվականի ապրիլի 2-ին «Ելք» կուսակցությունների դաշինքի թիվ 3 ընտրատարածքի տարածքային ընտրական ցուցակով ընտրվել է ՀՀ 6-րդ գումարման Ազգային ժողովի պատգամավոր: 2018 թվականին եղել է «Իմ քայլը» շարժումը նախաձեռնող խմբի անդամ: 2018 թվականի մայիսի 11-ին նշանակվել է ՀՀ առաջին փոխվարչապետ: 2018 թվականի դեկտեմբերի 9-ին կայացած արտահերթ խորհրդարանական ընտրություններում Երեւան քաղաքի Մալաթիա-Սեբաստիա եւ Շենգավիթ վարչական շրջաններն ընդգրկող թիվ 3 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 25 550 ձայն: 2019 թվականի հունվարի 10-ին ստացել է պատգամավորական մանդատը։

2019 թվականի հունվարի 14-ին տեղի ունեցած ՀՀ 7-րդ գումարման Ազգային ժողովի առաջին նիստի ժամանակ ընտրվել է ԱԺ նախագահ՝ 131 կողմ ձայնով: 

Արարատ Միրզոյանը Հայաստանում հավատարմագրված դիվանագետների հետ քննարկել է ՀՀ-ԵՄ օրակարգային հարցեր

Արարատ Միրզոյանը Հայաստանում հավատարմագրված դիվանագետների հետ քննարկել է ՀՀ-ԵՄ օրակարգային հարցեր

ՀՀ ԱԳ նախարար Արարատ Միրզոյանը հանդիպել է Հայաստանում հավատարմագրված ԵՄ և անդամ պետությունների դեսպանների հետ: Այդ մասին հայտնում են ՀՀ ԱԳՆ-ից: Քննարկվել են ՀՀ-ԵՄ օրակարգային հարցեր՝ այդ թվում նաև հաշվի առնելով, որ նախորդ շաբաթ մեկնարկել են բանակցությունները Գործընկերության նոր օրակարգի շուրջ: «Լիահույս ենք, որ համատեղ ինտենսիվ ջանքերով մենք կհաջողենք իրականացնել երկկողմ գործընկերության խորացմանը միտված նոր քայլեր՝ կառուցելով գրանցված հաջողության և համահունչ ԵՄ-ին ավելի մոտենալու ՀՀ քաղաքացիների ձգտումներին»,- ընդգծել է Արարատ Միրզոյանը: Անդրադարձ է կատարվել գործընկերության առաջնահերթություններին, դրանց հաջող կյանքի կոչման ուղղությամբ ԵՄ խորհրդում Բելգիայի նախագահության ներքո իրականացված աշխատանքներին, ինչպես նաև տարվա երկրորդ կեսին սպասվող Հունգարիայի նախագահությունից այդ ուղղությամբ ակնկալիքներին: Նախարար Միրզոյանը պատասխանել է զրուցակիցներին հետաքրքրող հարցերին՝ ներառյալ տարածաշրջանային թեմաների, խաղաղության օրակարգի, Հայաստանի և Ադրբեջանի միջև խաղաղության գործընթացի շուրջ:
17:22 - 17 հունիսի, 2024
Մեր երկու երկրները այսօր կստորագրեն համաձայնագիր մաքսային ոլորտում տեղեկատվության փոխանակման ասպարեզում. Օ՛Բրայեն
 |1lurer.am|

Մեր երկու երկրները այսօր կստորագրեն համաձայնագիր մաքսային ոլորտում տեղեկատվության փոխանակման ասպարեզում. Օ՛Բրայեն |1lurer.am|

1lurer.am: Շատ ուրախ եմ տեսնել այսպիսի ներկայացուցչական պատվիրակություն մեր երկու կողմերում: Սա ի ցույց է դնում մեր լայն օրակարգը, որի շուրջ աշխատում ենք: Սա ցույց է տալիս ՀՀ-ի և ԱՄՆ-ի միջև շատ արագ զարգացող փոխգործակցությունը: Ես այստեղ եմ՝ վերահաստատելու այս երկկողմ հարաբերությունների համատեքստում մեր ամուր աջակցությունը տարբեր ուղղություններում: Այդ մասին ՀՀ-ԱՄՆ ռազմավարական երկխոսության ամփոփիչ նիստի բացման ժամանակ ասաց ԱՄՆ Եվրոպայի և Եվրասիայի հարցերով փոխպետքարտուղար Ջեյմս Օ՛Բրայենը։ «Հայաստանի ժողովուրդը վերջին տարիներին քանիցս վերահաստատել է բարեփոխումների իր ցանկությունը, և Կառավարությունը, վարչապետ Փաշինյանի գլխավորությամբ, ազդեցիկ ջանքեր է իրականացրել բարեփոխումների իրականացման ուղղությամբ, որոնք թույլ կտան Հայաստանին ավելի լավ ինտեգրվել գլոբալ տնտեսության կազմում, և Հայաստանի ժողովրդին հնարավորություն կապահովվի առավել ազատ արտահայտվել ժողովրդավարական միջավայրում: ԱՄՆ-ը հպարտ է աջակցելու այս ջանքերին: Այն, ինչ մենք անում ենք տարբեր ուղղություններով, այս ամենը կարծես հիմքն է այն բոլոր աշխատանքների, որ մենք հետագայում միասին կիրականացնենք: Այս վերջին տարիների ընթացքում Հայաստանը ձևավորել է աշխույժ տնտեսություն, որը տարածաշրջանում աչքի է ընկնում իր զարգացման տեմպերով: Երբ մենք Բրյուսելում ապրիլի 5-ին քննարկումներ ունեցանք վարչապետ Փաշինյանի, պետքարտուղար Բլինքենի մասնակցությամբ, մենք երկկողմ առևտրի ընդլայնման մեծ հեռանկար ենք տեսել, և նաև Հայաստանի մասնաբաժինը գլոբալ առևտրում մեծացնելու հնարավորություններ կան։ Մեր երկու երկրները այսօր կստորագրեն համաձայնագիր մաքսային ոլորտում տեղեկատվության փոխանակման ասպարեզում, սա նոր հնարավորություններ կբացի առևտրի համար, սա կդյուրացնի առևտուրը բիզնեսի համար առաջիկա տարիներին, և սա արդեն այն խոստումների մի մասն է, որոնց մասին մենք խոսեցինք Բրյուսելում: Հայաստանի քաղաքական զարգացումներն արտացոլում են Հայաստանի ժողովրդի ժողովրդավարական հավակնությունը: Մեզ համար ոգևորիչ է տեսնել մեծ քայլերը, որ Կառավարությունը կատարել է՝ որոշները՝ մեր աջակցությամբ, դարձնելով իրավունքի գերակայությունը հիմնարար և պայքարելու կոռուպցիայի դեմ և հնարավորություն տալու մարդկանց՝ իրենց դիրքորոշումները ժողովրդավար կերպով հայտնելու: Մենք աջակցում ենք այս բոլոր ջանքերին, և սա անում ենք ոչ միայն պետության մակարդակով, նաև մեր օրենսդիր կառույցն է այս ուղղությամբ աշխատում, մենք նաև աշխատում ենք ոչ կենտրոնական կառավարության մակարդակով, այլ նաև համայնքային, քաղաքների մակարդակում աջակցելու այս բոլոր ջանքերին և պատվիրակություններ ունենք՝ ամերիկյան քաղաքների քաղաքապետներ են այստեղ լինելու: Նշանակալի աշխատանքներ են սպասվում, և առաջիկա շաբաթում ավելին կիմանանք այդ մասին: Մենք գիտենք, որ Հայաստանի համար անվտանգությունը, բարեկեցությունը և ժողովրդավարությունը միասին, զուգահեռ, կողք կողքի գոյություն ունեն: Անվտանգության բարեկեցության, ժողովրդավարության համար մենք իրականացվող բոլոր ջանքերին աջակցում ենք, մենք նաև աջակցում ենք տևական խաղաղության հաստատման ջանքերին տարածաշրջանում: Մենք աշխատում ենք տնտեսական հնարավարությունների ընդլայնման ուղղությամբ Կենտրոնական Ասիայից մինչև Միջերկրական ծով: Եթե տևական խաղաղություն լինի Հայաստանի և Ադրբեջանի միջև, այդ հնարավորություններն ավելի լայն կլինեն: Մենք ուրախ ենք այդ ասպարեզում աջակցելու ջանքերին»,- ասաց Ջեյմս Օ՛Բրայենը:
11:50 - 11 հունիսի, 2024
Կա իրական հնարավորության պատմական պահ՝ վերջնականացնելու խաղաղության նախագիծը. Միրզոյան
 |1lurer.am|

Կա իրական հնարավորության պատմական պահ՝ վերջնականացնելու խաղաղության նախագիծը. Միրզոյան |1lurer.am|

1lurer.am: Կարծում ենք, որ Հայաստանի և ԱՄՆ-ի ընդլայնված գործընկերությունը, ՀՀ ինքնիշխանությանը, անկախությանը և տարածքային ամբողջականությանը ԱՄՆ-ի շարունակական աջակցության հետ մեկտեղ, ունի մեծ ներուժ՝ նպաստելու Հարավային Կովկասում կայուն և արժանապատիվ խաղաղության հաստատմանը: Այդ մասին ՀՀ-ԱՄՆ ռազմավարական երկխոսության ամփոփիչ նիստի ժամանակ հայտարարեց ՀՀ ԱԳ նախարար Արարատ Միրզոյանը: «Այս համատեքստում ցանկանում եմ վերահաստատել, որ Հայաստանը հավատարիմ է Ադրբեջանի հետ հարաբերությունների կարգավորման և սահմանների սահմանազատման գործընթացին՝ հիմնված 1991 թվականի Ալմա Աթայի հռչակագրի հիմքով տարածքային ամբողջականության փոխադարձ ճանաչման վրա: Կա իրական հնարավորության պատմական պահ՝ վերջնականացնելու խաղաղության նախագիծը, որի ստորագրումը կարող է նոր դուռ բացել տարածաշրջանում երկարատև խաղաղության համար: Որպես խաղաղության օրակարգի և տարածաշրջանային զարգացման տեսլականի մաս՝ Հայաստանը մեծապես շահագրգռված է տարածաշրջանային բոլոր հաղորդակցություններն ապաշրջափակելու հարցում՝ հիմնված երկրների ինքնիշխանության, իրավասության լիակատար հարգման, իրավահավասարության և փոխադարձության սկզբունքների վրա: Դա լավագույնս արտացոլված է «Խաղաղության խաչմերուկ» նախաձեռնության մեջ, որն առաջ է քաշվել մեր Կառավարության կողմից»,- ասաց Միրզոյանը: Արարատ Միրզոյանը նաև հայտարարեց՝ ժողովրդավարական սկզբունքների նկատմամբ ամուր հանձնառությունը մեր գործընկերության առանցքում է: «Չնայած այն հանգամանքին, որ ժողովրդավարությունը վտանգված է ամբողջ աշխարում, այդ թվում՝ մեր տարածաշրջանում, չնայած անվտանգության մարտահրավերներին և առաջացող հիբրիդային սպառնալիքներին՝ Հայաստանի Կառավարությունը վճռական է՝ հետևելու իր ժողովրդի կատարած ժողովրդավարական ընտրությանը, ամրապնդելու համապատասխան պետական ինստիտուտները, ապահովելու օրենքի գերակայությունը և մարդու իրավունքների ամուր պաշտպանությունը: Այս համատեքստում վերջին տարիներին մեր ակտիվ մասնակցությունը հանուն ժողովրդավարության գագաթնաժողովի փաստում է մեր հանձնառությունը և ներգավվածությունը՝ միտված առավել ամուր ժողովրդավարության կառուցմանը, և կլինի բավականաչափ՝ դիմագրավելու, հաղթահարելու բոլոր դժվարությունները: Ես հավատացած եմ, որ մեր համախոհ գործընկերները, մասնավորապես՝ ԱՄՆ-ը, լիովին աջակցում են և կանգնած են մեր կողքին՝ ապացուցելու, որ ժողովրդավարությունը կարող է արդյունքներ ապահովել»,- ասաց նա:
11:38 - 11 հունիսի, 2024
ՀՀ-ն մեծապես կարևորում է ՇՀԿ գործունեության հիմքում ընկած արժեքները. Միրզոյանը՝ Ճան Մինին

ՀՀ-ն մեծապես կարևորում է ՇՀԿ գործունեության հիմքում ընկած արժեքները. Միրզոյանը՝ Ճան Մինին

Կայացել է ՀՀ արտաքին գործերի նախարարի և Շանհայի համագործակցության կազմակերպության գլխավոր քարտուղար Ճան Մինի ընդլայնված կազմով հանդիպումը: Այս մասին տեղեկացնում են ՀՀ ԱԳՆ-ից։   Երկուստեք գոհունակությամբ նշվել է, որ սա կազմակերպության գլխավոր քարտուղարի մակարդակով առաջին այցն է Հայաստան՝ հույս հայտնելով, որ այցի ընթացքում քննարկումները կնպաստեն ՇՀԿ հետ Հայաստանի փոխգործակցության հնարավորությունների ընդլայնմանը:   Նախարար Միրզոյանն ընդգծել է, որ ՀՀ-ն մեծապես կարևորում է ՇՀԿ գործունեության հիմքում ընկած՝ պետությունների ինքնիշխանության, անկախության, տարածքային ամբողջականության և պետական սահմանների անձեռնմխելիության, ուժի կամ ուժի սպառնալիքի չկիրառման սկզբունքները:   «Խաղաղություն, անվտանգություն և տնտեսական զարգացում՝ սա այն է, ինչ Հայաստանն աշխատում է կյանքի կոչել մեր տարածաշրջանում, և պետք է գոհունակությամբ արձանագրեմ, որ մեզ համար հիմնաքարային սկզբունքները և խաղաղության տեսլականը համընկնում են ՇՀԿ առանցքային մոտեցման հետ»,- ընդգծել է Արարատ Միրզոյանը:   ՀՀ ԱԳ նախարարը և ՇՀԿ գլխավոր քարտուղարը մտքեր են փոխանակել տնտեսական ու տրանսպորտային կապուղիների, լոգիստիկ ցանցի զարգացման հարցերի շուրջ: Արարատ Միրզոյանը կարևորել է այն հանգամանքը, որ ՀՀ Կառավարության կողմից մշակված «Խաղաղության խաչմերուկ» ծրագիրն իր նպատակներով և ընձեռող հնարավորություններով ՇՀԿ շրջանակներում առկա առևտրատնտեսական համագործակցության և տրանսպորտային փոխկապակցվածության օրակարգի կարևոր բաղադրիչ կարող է լինել:   Անդրադառնալով Հարավային Կովկասում անվտանգային միջավայրին՝ ՀՀ ԱԳ նախարարը զրուցակցին է ներկայացրել Հայաստան-Ադրբեջան հարաբերությունների կարգավորման գործընթացում վերջին զարգացումները, այդ թվում՝ խաղաղության պայմանագրի կնքման հարցում ՀՀ տեսլականն ու գործադրվող ջանքերը:
19:40 - 07 հունիսի, 2024
Միրզոյանը շնորհավորել է Հունաստանին ՄԱԿ-ի ԱԽ անդամ ընտրվելու առթիվ |armenpress.am|

Միրզոյանը շնորհավորել է Հունաստանին ՄԱԿ-ի ԱԽ անդամ ընտրվելու առթիվ |armenpress.am|

armenpress.am: Հայաստանի Հանրապետության արտգործնախարար Արարատ Միրզոյանը շնորհավորել է իր հույն գործընկեր Ջորջ Գերապետրիտիսին՝ Հունաստանի՝ Միավորված ազգերի կազմակերպության (ՄԱԿ) Անվտանգության խորհրդի անդամ ընտրվելու առթիվ։   Այս մասին նշվում է ՀՀ ԱԳ նախարարի X-ի միկրոբլոգում կատարված գրառման մեջ։ «Ջերմ շնորհավորանքներս եմ հղում իմ գործընկեր Ջորջ Գերապետիտիսին և թիմին՝ Հունաստանի՝ ՄԱԿ-ի Անվտանգության խորհրդում ընտրվելու կապակցությամբ։ Հաշվի առնելով մեր տարածաշրջանում, Եվրոպայում և նրա սահմաններից դուրս ավելի ապահով միջավայրի պարտավորությունը և ընդհանուր հանձնառությունը՝ մենք կարող ենք համատեղել ջանքերն ավելի լավ արդյունքների հասնելու համար»,- գրել է Միրզոյանը՝ հաջողություն մաղթելով Հունաստանին։ Դանիան, Հունաստանը, Պակիստանը, Պանաման և Սոմալին հունիսի 6-ին ընտրվել են Միավորված ազգերի կազմակերպության (ՄԱԿ) Անվտանգության խորհրդի անդամ՝ 2 տարի ժամկետով 2025–ի հունվարի 1–ից: Անվտանգության խորհուրդը ՄԱԿ-ի միակ մարմինն է, որը կարող է ընդունել պարտադիր որոշումներ, ինչպիսիք են, օրինակ, պատժամիջոցների կիրառումը և ուժի կիրառման թույլտվությունը: Այն ունի վետոյի իրավունք ունեցող հինգ մշտական ​​անդամ՝ Մեծ Բրիտանիան, Չինաստանը, Ֆրանսիան, Ռուսաստանը և ԱՄՆ–ն: Մնացած 10 անդամներն ընտրվում են․ ամեն տարի հինգ նոր անդամներ են միանում: Դանիան, Հունաստանը, Պակիստանը, Պանաման և Սոմալին կփոխարինեն Էկվադորին, Ճապոնիային, Մալթային, Շվեյցարիային և Մոզամբիկին:
15:28 - 07 հունիսի, 2024
ՀՀ նախագահը և ԱԳ նախարարը քննարկել են արտաքին քաղաքական մարտահրավերների չեզոքացման ուղղությամբ իրականացվող քայլերը

ՀՀ նախագահը և ԱԳ նախարարը քննարկել են արտաքին քաղաքական մարտահրավերների չեզոքացման ուղղությամբ իրականացվող քայլերը

Հանրապետության նախագահ Վահագն Խաչատուրյանն ընդունել է ՀՀ Արտաքին գործերի նախարար Արարատ Միրզոյանին:Ինչպես տեղեկացրին Հայաստանի Հանրապետության նախագահի աշխատակազմից, ողջունելով նախարարին՝ Հանրապետության նախագահը ասել է. «Ուզում եմ շնորհակալություն հայտնել և՛ Ձեզ անձամբ, և՛ նախարարությանն այն մեծ ծավալի արդյունավետ աշխատանքի համար, որ կատարում եք: Հավատացեք ինձ, իմ փորձից ելնելով կարող եմ ասել, որ այս դժվարին պայմաններում դուք կարողանում եք գտնել այն լավագույն ճանապարհները, որոնք Հայաստանին տանում են անվտանգ ապագա:Ցանկանում եմ շնորհակալություն հայտնել նաև Ազգային ժողովում բյուջեի հաշվետվության ներկայացման ընթացքում Ձեր հնչեցրած պատասխանների և այդ ոճի համար, որովհետև, իսկապես, բոլորս պարտավոր ենք հնարավորությունների սահմաններում, քաղաքացիներին մանրամասն ներկայացնել այն, ինչ կատարվում է երկրում և երկրից դուրս, որպեսզի մարդիկ հանգիստ լինեն և վստահ լինեն, որ Հայաստանի Հանրապետության իշխանությունները, այդ թվում նաև արտաքին գործերի նախարարությունը, իրենց առօրյա աշխատանքով ամեն ինչ անում են, որ ապրենք անվտանգ և երկիրն էլ ընթանա զարգացման ուղիով: Այլ կերպ չի էլ կարող լինել»: Ըստ աղբյուրի՝ շնորհակալություն հայտնելով հանդիպման հնարավորություն համար՝ Արարատ Միրզոյանը նշել է. «Պարոն նախագահ, իսկապես անչափ շոյված եմ հնչեցված գնահատականների համար: Ես կարևորում եմ երկխոսությունը քաղաքացիների հետ: Կարևորում ենք, որ մեր քաղաքականությունը նրանց համար հասկանալի լինի:Շատ լավ է նաև, որ մենք տարբեր ձևաչափելով բավականին հաճախ ենք հանդիպում և, մեծ հաշվով գաղտնիք չի լինի, եթե ասենք, որ որոշումներն ընդհանուր քննարկումների արդյունքում են կայացվում»: Նշվում է, որ հանդիպման ընթացքում նախարարը Հանրապետության նախագահին է ներկայացրել երկրի արտաքին քաղաքական կյանքում առկա իրադրությունն ու զարգացումները: Քննարկվել են Հայաստանի արտաքին քաղաքական մարտահրավերները, դրանց չեզոքացման ուղղությամբ նախարարության և կառավարության կողմից իրականացվող քայլերը:Մտքեր են փոխանակվել արտաքին քաղաքականության համար պատասխանատու գերատեսչության և նախագահական ինստիտուտի սերտ համագործակցության և օրակարգային հարցերի շուրջ միասնական դիրքորոշումների և մոտեցումների մշակման կարևորության վերաբերյալ:
22:29 - 06 հունիսի, 2024
Միրզոյանն ու շվեյցարացի պաշտոնյան անդրադարձել են հեղեղումների հետևանքով ստեղծված իրավիճակին

Միրզոյանն ու շվեյցարացի պաշտոնյան անդրադարձել են հեղեղումների հետևանքով ստեղծված իրավիճակին

ՀՀ արտաքին գործերի նախարար Արարատ Միրզոյանը հեռախոսազրույց է ունեցել Շվեյցարիայի Համադաշնության արտաքին հարաբերությունների դաշնային դեպարտամենտի ղեկավար Իգնասիո Կասիսի հետ: Այս մասին տեղեկացնում են ՀՀ ԱԳՆ-ից:   Զրուցակիցները մտքեր են փոխանակել Հայաստանի և Շվեյցարիայի միջև երկկողմ հարաբերությունների օրակարգի և առաջիկա ծրագրերի շուրջ։   Անդրադարձ է կատարվել ՀՀ Տավուշի և Լոռու մարզերում հեղեղումների հետևանքով ստեղծված իրավիճակին: Իգնասիո Կասիսը ցավակցություն է հայտնել մարդկային զոհերի կապակցությամբ և ընդգծել այս փուլում վնասների գնահատման ուղղությամբ Շվեյցարիայի աջակցությունը: Արարատ Միրզոյանն իր գործընկերոջը շնորհակալություն է հայտնել արագ արձագանքի և արդեն իսկ ցուցաբերվող աջակցության համար։   Քննարկվել են նաև տարածաշրջանային կայունության ու անվտանգության հարցեր։
18:26 - 06 հունիսի, 2024
Դուք կարողանում եք գտնել այն լավագույն ճանապարհները, որոնք Հայաստանին տանում են անվտանգ ապագա․ նախագահը՝ Միրզոյանին

Դուք կարողանում եք գտնել այն լավագույն ճանապարհները, որոնք Հայաստանին տանում են անվտանգ ապագա․ նախագահը՝ Միրզոյանին

Հանրապետության նախագահ Վահագն Խաչատուրյանն ընդունել է ՀՀ Արտաքին գործերի նախարար Արարատ Միրզոյանին: Այս մասին հայտնում են ՀՀ նախագահի աշխատակազմից։ Ողջունելով նախարարին Հանրապետության նախագահը ասել է. «Ուզում եմ շնորհակալություն հայտնել և՛ Ձեզ անձամբ, և՛ նախարարությանն այն մեծ ծավալի արդյունավետ աշխատանքի համար, որ կատարում եք: Հավատացեք ինձ, իմ փորձից ելնելով կարող եմ ասել, որ այս դժվարին պայմաններում դուք կարողանում եք գտնել այն լավագույն ճանապարհները, որոնք Հայաստանին տանում են անվտանգ ապագա:Ցանկանում եմ շնորհակալություն հայտնել նաև Ազգային ժողովում բյուջեի հաշվետվության ներկայացման ընթացքում Ձեր հնչեցրած պատասխանների և այդ ոճի համար, որովհետև, իսկապես, բոլորս պարտավոր ենք հնարավորությունների սահմաններում, քաղաքացիներին մանրամասն ներկայացնել այն, ինչ կատարվում է երկրում և երկրից դուրս, որպեսզի մարդիկ հանգիստ լինեն և վստահ լինեն, որ Հայաստանի Հանրապետության իշխանությունները, այդ թվում նաև արտաքին գործերի նախարարությունը, իրենց առօրյա աշխատանքով ամեն ինչ անում են, որ ապրենք անվտանգ և երկիրն էլ ընթանա զարգացման ուղիով: Այլ կերպ չի էլ կարող լինել»:Շնորհակալություն հայտնելով հանդիպման հնարավորություն համար Արարատ Միրզոյանը նշել է. «Պարոն նախագահ, իսկապես անչափ շոյված եմ հնչեցված գնահատականների համար: Ես կարևորում եմ երկխոսությունը քաղաքացիների հետ: Կարևորում ենք, որ մեր քաղաքականությունը նրանց համար հասկանալի լինի:Շատ լավ է նաև, որ մենք տարբեր ձևաչափելով բավականին հաճախ ենք հանդիպում և, մեծ հաշվով գաղտնիք չի լինի, եթե ասենք, որ որոշումներն ընդհանուր քննարկումների արդյունքում են կայացվում»: Հանդիպման ընթացքում նախարարը Հանրապետության նախագահին է ներկայացրել երկրի արտաքին քաղաքական կյանքում առկա իրադրությունն ու զարգացումները: Քննարկվել են Հայաստանի արտաքին քաղաքական մարտահրավերները, դրանց չեզոքացման ուղղությամբ նախարարության և կառավարության կողմից իրականացվող քայլերը:Մտքեր են փոխանակվել Արտաքին քաղաքականության համար պատասխանատու գերատեսչության և նախագահական ինստիտուտի սերտ համագործակցության և օրակարգային հարցերի շուրջ միասնական դիրքորոշումների և մոտեցումների մշակման կարևորության վերաբերյալ:
16:21 - 06 հունիսի, 2024
Բայրամովը ՀՀ-ի և Ադրբեջանի սահմանադրությունների վերաբերյալ Արարատ Միրզոյանի հայտարարությունն «անընդունելի» է անվանել |factor.am|

Բայրամովը ՀՀ-ի և Ադրբեջանի սահմանադրությունների վերաբերյալ Արարատ Միրզոյանի հայտարարությունն «անընդունելի» է անվանել |factor.am|

factor.am: Ադրբեջանի արտգործնախարար Ջեյհուն Բայրամովն «անընդունելի» է անվանել ՀՀ ԱԳ նախարար Արարատ Միրզոյանի՝ Հայաստանի և Ադրբեջանի սահմանադրությունների վերաբերյալ նախօրեին արած հայտարարությունը։ Բայրամովն ասել է, թե, իբր, «Հայաստանի Սահմանադրությունը, օրենսդրական ակտերը և ՀՀ խորհրդարանի կողմից ընդունված այլ փաստաթղթերը տարածքային պահանջներ են պարունակում հարևան պետությունների, այդ թվում՝ Ադրբեջանի նկատմամբ»։ «Ադրբեջանի և Հայաստանի սահմանադրությունների միջև զուգահեռներ անցկացնելն անընդունելի է: Մենք հասկանում ենք, որ դա կարող է տարակուսանք առաջացնել մեր արտաքին գործընկերների մոտ: Մենք դա համարում ենք բացարձակապես անընդունելի և այդ մասին տեղեկացնում ենք մեր մյուս գործընկերներին»,- ասել է Բայրամովը Հունգարիայի ԱԳ նախարարի հետ համատեղ ասուլիսում։ Նա նշել է, թե, իբր, «Ադրբեջանի սահմանադրությունում որևէ պետության, այդ թվում՝ Հայաստանի  նկատմամբ տարածքային պահանջներ չկան»։ Նախօրեին Արարատ Միրզոյանն Ազգային ժողովի հանձնաժողովներում 2023 թվականի բյուջեի կատարողականը ներկայացնելիս ասել էր, որ Հայաստանն ու Ադրբեջանն իրար առջև բարձրաձայնել են դիրքորոշում, համաձայն որի՝ յուրաքանչյուրը մյուսի Սահմանադրության  մեջ էական խնդիրներ ու խոչընդոտներ է տեսնում երկարատև խաղաղության հաստատման համար։ «Սա ամենևին չի նշանակում, որ Հայաստանում սահմանադրական փոփոխությունների հարցը Հայաստանի ու Ադրբեջանի միջև բանակցությունների առարկա է, այդպիսի բան չկա»։ 
16:09 - 05 հունիսի, 2024
Արարատ Միրզոյանը շնորհավորել է Հնդկաստանի ԱԳ նախարարին՝ համապետական ընտրությունների հաջող ավարտի առթիվ
 |armenpress.am|

Արարատ Միրզոյանը շնորհավորել է Հնդկաստանի ԱԳ նախարարին՝ համապետական ընտրությունների հաջող ավարտի առթիվ |armenpress.am|

armenpress.am: Հայաստանի արտաքին գործերի նախարար Արարատ Միրզոյանը շնորհավորել է Հնդկաստանի արտաքին գործերի նախարար Սուբրամանյամ Ջայշանկարին՝ Հնդկաստանում համապետական ընտրությունների հաջող անցկացման առթիվ։ Այս մասին Արարատ Միրզոյանը գրել է X-ի իր միկրոբլոգում։ «Սրտանց շնորհավորում եմ իմ սիրելի գործընկեր Սուբրամանյամ Ջայշանկարին և Հնդկաստանում իմ բոլոր ընկերներին ամենամեծ ժողովրդավարական ընտրությունների հաջող ավարտի և ժողովրդավարությանն ու մարդու իրավունքներին հավատարմությունը վերահաստատելու  առթիվ։ Սա այն է, ինչ մենք կիսում ենք, ինչպես նաև՝ մեր քաղաքացիների համար ավելի խաղաղ ու անվտանգ միջավայրի տեսլականը։ Ակնկալում ենք ընդլայնել մեր երկխոսությունն ու համագործակցությունը»,- գրել է Միրզոյանը։ Հնդկաստանում յոթ փուլից բաղկացած ընտրությունները, որոնք աշխարհում ամենախոշորն էին, սկսվել էին ապրիլի 19-ին և եզրափակվել են հունիսի 4-ին։ Ընտրությունների արդյունքներով «Ազգային դեմոկրատական ​​դաշինքը» (NDA – National Democratic Alliance)՝ վարչապետ Նարենդրա Մոդիի «Հնդկաստանի ժողովրդական կուսակցության» (BJP – Bharatiya Janata Party) գլխավորությամբ, ընտրությունների նախնական արդյունքներով ստացել է Հնդկաստանի խորհրդարանի ստորին պալատի տեղերի կեսից ավելին։ Վերջին տվյալների համաձայն՝ Մոդիի կոալիցիան ստացել է 298 տեղ խորհրդարանի 543-տեղանոց ստորին պալատում՝ Լոկ Սաբհայում։ Ընդդիմադիր I.N.D.I.A. (Indian National Developmental Inclusive Alliance - «Հնդկաստանի զարգացման ազգային ներառական դաշինք») կոալիցիան, որը ներառում է 28 կուսակցություն, վերջին տվյալներով ունի 225 տեղ։
15:26 - 05 հունիսի, 2024
Արարատ Միրզոյանը և Միխայիլ Զիբերտը քննարկել են Հայաստան-ԵՄ գործընկերության ընդգրկուն և հավակնոտ օրակարգի մի շարք հարցեր

Արարատ Միրզոյանը և Միխայիլ Զիբերտը քննարկել են Հայաստան-ԵՄ գործընկերության ընդգրկուն և հավակնոտ օրակարգի մի շարք հարցեր

Հունիսի 4-ին ՀՀ ԱԳ նախարար Արարատ Միրզոյանն ընդունել է ԵՄ արտաքին գործողությունների եվրոպական ծառայության Արևելյան Եվրոպայի, Ռուսաստանի, Կենտրոնական Ասիայի, տարածաշրջանային համագործակցության և ԵԱՀԿ հարցերով կառավարող տնօրեն Միխայիլ Զիբերտին։ Զրուցակիցները քննարկել են Հայաստան-ԵՄ գործընկերության ընդգրկուն և հավակնոտ օրակարգի մի շարք հարցեր։ Մտքեր են փոխանակվել գործընկերության նոր օրակարգի շուրջ: «Մենք լիահույս ենք, որ այս նոր օրակարգը կներառի բոլոր առանցքային բաղադրիչները և գործիքակազմը՝ գործընկերության զարգացման դինամիկային ու նպատակներին, ինչպես նաև ՀՀ-ում ժողովրդավարական բարեփոխումների ուղղուն համահունչ»,- ընդգծել է նախարար Միրզոյանը: Կարևորվել է ինչպես ՀՀ-ԵՄ համապարփակ և ընդլայնված գործընկերության համաձայնագրի շարունակական կյանքի կոչումը, այնպես էլ դրանից անդին առկա հնարավորությունների առավելագույնս իրացումը: Արարատ Միրզոյանը և Միխայիլ Զիբերտը, ի թիվս այլ հարցերի, անդրադարձել են ՀՀ-ում ԵՄ մշտադիտարկման առաքելությանը, ՀՀ դիմակայության ամրապնդման ուղղությամբ քայլերին, տնտեսական ոլորտում համագործակցության հարցերին: Քննարկվել են նաև տարածաշրջանային անվտանգությանը վերաբերող հարցեր։ ՀՀ ԱԳ նախարարը ներկայացրել է Հայաստան-Ադրբեջան հարաբերությունների կարգավորման գործընթացի վերջին զարգացումները, այդ թվում՝ խաղաղության պայմանագրի նախագծի շուրջ քննարկումները։ Արարատ Միրզոյանը շեշտել է 1991թ. Ալմա-Աթայի հռչակագրի հիման վրա սահմանազատման գործընթացի շարունակականության կարևորությունը: ՀՀ արտաքին քաղաքական գերատեսչության ղեկավարն ընդգծել է, որ հարկավոր է օգտագործել առկա իրական հնարավորությունը հարատև խաղաղության հասնելու համար:
19:37 - 04 հունիսի, 2024