Սեւան

Սեւանա լիճ, բարձրլեռնային քաղցրահամ խոշոր լիճ Հայաստանի Գեղարքունիքի մարզում` ծովի մակարդակից մոտ 1900 մետր բարձրության վրա։ Հայտնի ձկնատեսակը իշխանն է։ Սեւանա լճի ջրերը Հրազդան գետի միջոցով ոռոգում են Արարատյան դաշտը։

Հրազդան գետի վրա կառուցված 6 էլեկտրակայանները ձեւավորում են հանրապետության ամենամեծ՝ Սեւան-Հրազդան կասկադը։1978 թվականին ստեղծվել է Սեւան ազգային պարկը։ Ջրի մակարդակը վերականգնելու համար կառուցվել է Արփա-Սեւան ջրատարը։

ՇՄ նախարարությունն առաջարկում է նվազեցնել «Սևան» ազգային պարկ» ՊՈԱԿ-ի ֆինանսական բեռը

ՇՄ նախարարությունն առաջարկում է նվազեցնել «Սևան» ազգային պարկ» ՊՈԱԿ-ի ֆինանսական բեռը

ՀՀ շրջակա միջավայրի նախարարությունն առաջարկում է «Սևան» ազգային պարկի տարածքի համայնքների վարչական սահմաններում գտնվող պետական սեփականություն հանդիսացող հողամասերի օգտագործման համար ՊՈԱԿ-ի կողմից գանձված վճարների ավելացված արժեքի հարկ և հողի հարկ վճարելուց հետո մնացած մասի առնվազն 30 տոկոս տվյալ համայնքների բյուջե փոխանցման ենթակա գումարների շեմը նվազեցնել՝ սահմանելով առնվազն 10 տոկոս: Այս մասին տեղեկանում ենք e-draft համակարգից։ Այժմ, համաձայն ՀՀ կառավարության 2009թ. դեկտեմբերի 10-ի N1438-Ն որոշման՝ «Սևան» ազգային պարկի տարածքի պետական սեփականություն հանդիսացող հողամասերի օգտագործման համար «Սևան» ազգային պարկ» ՊՈԱԿ-ի գանձած վճարների ավելացված արժեքի հարկ և հողի հարկ վճարելուց հետո մնացած մասի առնվազն 30 տոկոսը պետք է փոխանցվի այն համայնքի բյուջե, որի վարչական սահմաններում գտնվում է տվյալ հողամասը` «Սևան» ազգային պարկ» ՊՈԱԿ-ի և համապատասխան համայնքի ղեկավարի միջև կնքված պայմանագրերին համապատասխան: Նախագծից տեղեկանում ենք, որ «Սևան» ազգային պարկ» ՊՈԱԿ-ը 16 համայնքների հետ կնքել է «Համայնքների վարչական սահմաններում ընդգրկված և ՊՈԱԿ-ի կողմից վարձակալության կամ կառուցապատման իրավունքով տրամադրված հողամասերից գանձված վճարների 30 տոկոսը կազմող գումարը ՀՀ Գեղարքունիքի մարզի համայնքների բյուջե փոխանցելու մասին»  պայմանագրեր:  ՊՈԱԿ-ից 16 համայնքներին փոխանցման ենթակա գումարը  կազմում է տարեկան շուրջ  40-44 մլն.դրամ՝ կախված վարձակալության վճարներից հավաքագրված գումարի չափից: Նշված գումարները ՊՈԱԿ-ի համար, հարկային օրենսդրության տեսանկյունից, որպես ծախս չեն դիտարկվում և համարվում են շահույթի օգտագործում, հետևաբար ենթակա են շահութահարկով հարկման, ինչն էլ, ըստ նախարարության, իր հերթին ծանաբեռնում է ՊՈԱԿ-ի հարկային բեռը տարեկան ևս 8-9 մլն. դրամով: «Քանի որ մինչև համայնքներին փոխանցելը նշված գումարը արդեն իսկ հարկվում է հողի և ավելացված արժեքի հարկերով, ՊՈԱԿ-ի համար առաջանում են ևս 10 մլն դրամի չափով լրացուցիչ հարկեր, ինչի արդյունքում ՊՈԱԿ-ը ունենում է տարեկան շուրջ 60-64 մլն. դրամ ֆինանսական բեռ: 2021թ.-ի օգոստոսի 11-ի դրությամբ ՊՈԱԿ-ը ունի 79.7 մլն.դրամ կրեդիտորական պարտք, որից «Համայնքների վարչական սահմաններում ընդգրկված և ՊՈԱԿ-ի կողմից վարձակալության կամ կառուցապատման իրավունքով տրամադրված հողամասերից գանձված վճարների 30 տոկոսը կազմող գումարը «ՀՀ Գեղարքունիքի մարզի համայնքների բյուջե փոխանցելու մասին»  պայմանագրերի շրջանակներում 50.3 մլն.դրամ»,- ասված է առաջարկվող կարգավորման նախագծում: Ըստ նախարարության՝ ներկայումս ՊՈԱԿ-ը կանգնած է ֆինանսական խնդիրների առջև և չունի բավարար ֆինանսական միջոցներ՝ վերոնշյալ կրեդիտորական պարտքերը մարելու համար: Բացի այդ, ՊՈԱԿ-ը իր առջև ունի ծառացած բազմաթիվ այլ խնդիրներ, որոնք ֆինանասական  միջոցների սղության պատճառով հնարավոր չէ լուծել: Հաշվի առնելով վերոնշյալ խնդիրները՝ «Սևան» ազգային պարկ» ՊՈԱԿ-ի ֆինանսական բեռը նվազեցնելու և ՊՈԱԿ-ի կանոնադրությամբ սահմանված լիազորությունները պատշաճ իրականացնելու, ինչպես նաև հետագա բնականոն գործունեությունը ապահովելու նպատակով առաջարկվում է այս փոփոխությունը։ Նախարարության վստահեցմամբ՝ րոշման նախագծի ընդունմամբ պետական բյուջեում ծախսերի կամ եկամուտների փոփոխություններ չեն սպասվում:
12:18 - 05 նոյեմբերի, 2021
Գեղարքունիքում ձկնորսները փակել էին ճանապարհը․ պատճառը կառավարության որոշումն է |tert.am|

Գեղարքունիքում ձկնորսները փակել էին ճանապարհը․ պատճառը կառավարության որոշումն է |tert.am|

tert.am: Գեղարքունիքի մարզի մի խումբ բնակիչներ փակել էին Երևան-Սևան մայրուղին։ Պատճառը կառավարության որոշումն է։«Շրջակա միջավայրի նախարարությունը որոշել է Սևանում միջոցառում կազմակերպել արդյունագործական ձկնորսություն անելու համար։ Որոշվել է, որ ապրիլից մինչև սեպտեմբել թույլատրելի է որսալ 250 կգ ձուկ, որը յուրաքանչյուր օրվա համար անում է 1.5 կգ ձուկ, այսինքն՝ թվով 3-4 ձուկ»,- ասաց բողոքի ակցիա իրականացնող գյուղացիներից մեկը։ «Այս մարդիկ ասում են՝ գնացեք օրական որսացեք 3-4 ձուկ, բերեք, ընտանիք պահեք։ Մարդիկ վառելիք են օգտագործում, ռեսուրս են ծախսում օրական 4 ձուկ որսալու համա՞ր։ Մեր մարզից ընտրված պատգամավոր ունենք, երբ մոտենում ենք այդ հարցով, ասում է՝ ինձ հետ գործ չունեք»։ Բողոքի ակցիայի մասնակիցները նշեցին, որ մի քանի ամիս առաջ նույն խնդրով կրկին փակել են ճանապարհը, որից հետ ստացել են դատարկ խոստումներ։ Բնակիչները նշում են, որ լճից դուրս է եկել 10.000 տ ձուկ, սակայն դրա վերաբերյալ համապատասխան արձանագրություն չի եղել։ Ակցիայի մասնակիցներին հանդիպեց Գեղարքունիքի մարզպետ Կարեն Սարգսյանը, ով նշեց, որ դա Կառավարության որոշումն է և ո՛չ նախարարները, ո՛չ էլ մարզպետն այդ որոշումը չկատարելու իրավունք չունեն։«Եթե ցանկանում եք, որ այդ որոշումը չեղարկվի կամ փոփոխություն արվի, դրա համար անհրաժեշտ է ժամանակ»,– ասաց մարզպետը և հորդորեց բացել ճանապարհը և տալ 3 օր ժամանակ, եթե հարցին լուծում չտրվի, խոստացավ հանդիպել կրկին։
15:19 - 20 հոկտեմբերի, 2021
Սեւանա լճից սահմանված լրացուցիչ չափաքանակից արդեն բաց է թողնվել 18 միլիոն 571 հազար խորանարդ մետր ջուր

Սեւանա լճից սահմանված լրացուցիչ չափաքանակից արդեն բաց է թողնվել 18 միլիոն 571 հազար խորանարդ մետր ջուր

Սեւանա լճից 2021 թվականին լրացուցիչ ջրառ կատարելու մասին ՀՀ կառավարության համապատասխան որոշմամբ սահմանվել էր մինչեւ 75 միլիոն խորանարդ մետր ծավալով ջրառի իրականացում, որից օգոստոսի երրորդ տասնօրյակի ընթացքում արդեն բաց  է թողնվել 18 միլիոն 571 հազար խորանարդ մետր ջուր։    Ինչպես տեղեկացրին ՀՀ ԱԻՆ «Հայհիդրոմետ» ծառայությունից, 2021 թվականի օգոստոսի 27-ի դրությամբ Սեւանա լճից այս տարվա ընթացքում ոռոգման նպատակներով արդեն բաց է թողնվել 189 միլիոն 571 հազար խորանարդ մետր ջուր։ Նույն օրվա դրությամբ Սեւանա լիճը ծովի մակերեւույթից գտնվել է 1900 մետր 63 սանտիմետր բարձրության վրա, ինչը 6 սանտիմետրով պակաս է նախորդ տարվա նույն օրվա նիշից։  «Սեւանա լճի մասին» ՀՀ օրենքի համաձայն՝ Սեւանա լճից ոռոգման նպատակներով իրականացվող ջրառի չափաքանակ է սահմանված մինչեւ 170 միլիոն խորանարդ մետրը։
17:35 - 27 օգոստոսի, 2021
Սևանա լճի մակարդակը և լճից ջրառները 2002-2021 թվականներին․ ամփոփ տվյալներ

Սևանա լճի մակարդակը և լճից ջրառները 2002-2021 թվականներին․ ամփոփ տվյալներ

Օրեր առաջ նորընտիր Ազգային ժողովում քննարկվում էր Սևանա լճից ոռոգման նպատակներով ջրառ իրականացնելու վերաբերյալ օրենքի փոփոխության նախագիծը, համաձայն որի՝ կառավարության որոշմամբ արդեն իսկ հաստատված 170 մլն խորանարդ մետր ջրառի թույլատրելի սահմանը փոփոխվեց՝ դառնալով 245 մլն խորանարդ մետր։  Կառավարությունը հավելյալ ջրառի անհրաժեշտությունը հիմնավորում է սակավ տեղումներից և շոգ եղանակից առաջացած ջրի դեֆիցիտը լրացնելու անհրաժեշտությամբ։ Օրենքում փոփոխություն կատարելու սույն նախագիծը թեև թեժ քննարկումներով, սակայն ընդունվեց երկրորդ ընթերցմամբ և ամբողջությամբ՝ ձայների 57 կողմ, 19 դեմ և 0 ձեռնպահ հարաբերակցությամբ։ Քանի որ նոր ձևավորված Ազգային ժողովի 3 խմբակցություններում ՀՀ նախկին և ներկա իշխանության ներկայացուցիչներն են և այս հարցի քննարկման ժամանակ համեմատականներ անցկացվեցին նախկին և ներկա կառավարող ուժերի միջև, թե ով ինչպես է կարողացել վերահսկել Սևանա լճից ջրառի իրականացումը և լճի մակարդակի բարձրության պահպանումը, որոշեցինք ուսումնասիրել 20 տարվա կտրվածքով Սևանա լճի բարձրության մակարդակը, ինչպես նաև լճից ջրառի չափերը։ Սևանա լճի մակարդակի փոփոխությունը պայմանավորված է տվյալ տարվա հիդրոլոգիական և եղանակակլիմայական պայմաններով, այսինքն՝ գետերով ներհոսքներից, տեղումներից և գոլորշիացումներից։ Սևանա լճից ջրառի չափաքանակը 2002-2021 թվականներին 2002 թվականին (նախագահ՝ Ռոբերտ Քոչարյան) Սևանից իրականացվել է 99,6 մլն խորանարդ մետր ջրառ, 2003 թվականին՝ 118,31 մլն խորանարդ մետր, 2003-ին՝ 118,31 մլն խորանարդ մետր, իսկ 2004-ին՝ 149,91 մլն խորանարդ մետր։ 2005 թվականին կառավարության որոշմամբ նախատեսվել էր իրականացնել 150 մլն խորանարդ մետր ջրառ․ իրականացվել է 149,55 մլն խորանարդ մետր, այսինքն՝ հավելյալ ջրառի կարիք չի եղել։ 2006 թվականին կառավարության որոշմամբ նախատեսվել էր 120 մլն խորանարդ մետր ջրառ, սակայն իրականացվել է նախատեսվածից ավելի՝ 152,37 մլն խորանարդ մետր։ 2007 թվականին Սևանից ջրառի համար կառավարության որոշմամբ նախատեսված էր 120 մլն խորանարդ մետր, սակայն այդ տարի իրականացվեց նախատեսվածից ավելի՝ 154,56 մլն խորանարդ մետր։ 2008 թվականին (նախագահ՝ Սերժ Սարգսյան) կառավարության որոշմամբ նախատեսված էր նախորդ տարիների համեմատությամբ բավականին շատ՝ 315 մլն խորանարդ մետր ջրառ․ իրականացվել է 303,69 մլն խորանարդ մետր, այսինքն՝ հավելյալ ջրառ չի կատարվել, թեև ի սկզբանե կառավարության որոշմամբ սահմանվածը նախորդ տարիների համեմատությամբ բավականին շատ էր։ 2009 թվականի կառավարության որոշման համաձայն՝ նախատեսված էր 142 մլն խորանարդ մետր ջրառ․ իրականացվել է 126,29 մլն խորանարդ մետր։ 2010 թվականին կառավարության որոշմամբ նախատեսված 168,9 մլն խորանարդ մետր ջրառից իրականացվել է 157,74 մլն խորանարդ մետրը։ 2011 թվականի որոշմամբ նախատեսված 170 մլն խորանարդ մետր ջրառից իրականացվել է 168,33 մլն խորանարդ մետրը։ 2012 թվականին կառավարության որոշմամբ դարձյալ սահմանվել էր մյուս տարիների համեմատությամբ բավականին բարձր ցուցանիշ, ինչպես 2008 թվականի դեպքում էր։ Նախատեսված 319,2 մլն խորանարդ մետր ջրառից իրականացվել է 317,65 մլն խորանարդ մետրը։ 2013 թվականի որոշմամբ նախատեսված 170 մլն խորանարդ մետր ջրառից իրականացվել է 169,95 մլն խորանարդ մետրը։ 2014 թվականի որոշմամբ նախատեսված էր 270 մլն խորանարդ մետրի ջրառ, որից իրականացվել է 269,62 մլն խորանարդ մետրը։ Համաձայն Արտակարգ իրավիճակների նախարարության զեկույցի՝ 2008, 2012, 2013 և 2014 թվականները համարվել են սակավաջուր տարիներ։ 2015 և 2016 թվականներին նախատեսվել և իրականացվել է 170 մլն խորանարդ մետրի ջրառ։ 2017 թվականի որոշմամբ նախատեսված 270 մլն խորանարդ մետր ջրառից իրականացվել է 266,75 մլն խորանարդ մետրը։ 2018 թվականին (վարչապետ՝ Նիկոլ Փաշինյան) կառավարության որոշմամբ ի սկզբանե նախատեսվել էր 170 մլն խորանարդ մետր ջրառ, սակայն հետո Ազգային ժողովին ներկայացվեց և ընդունվեց 40 մլն խորանարդ մետր հավելյալ ջրառ իրականացնելու նախագիծ։ Ընդհանուր առմամբ այդ տարի Սևանից իրականացվել է 200,62 մլն խորանարդ մետր ջրառ։ 2019 և 2020 թվականներին նախատեսվել և իրականացվել է 170 մլն խորանարդ մետրի ջրառ, այսինքն՝ հավելյալ ջրառի անհրաժեշտություն չի առաջացել։ Արդեն այս տարի՝ 2021 թվականին, կառավարության որոշմամբ նախատեսված էր իրականացնել 170 մլն խորանարդ մետրի ջրառ, սակայն ինչպես վերևում նշեցինք, օրեր առաջ ընդունվեց փոփոխությունների նախագիծ, որի համաձայն՝ ջրառի թույլատրելի սահմանը դարձավ 245 մլն խորանարդ մետր։ Այսպիսով՝ վերջին 20 տարիներին ամենաշատ ջրառ իրականացվել է 2012 թվականին, ընդ որում, այդ տարում գետերով, Արփա-Սևանով ներհոսքերը և տեղումները ավելի քիչ են եղել, քան գոլորշիացումն ու իրականացված ջրառը, այսինքն՝ գրանցվել է բացասական հաշվեմնացորդ, ինչի հետևանքով էլ լճի մակարդակը 2013 թվականի հունվարի 1-ի դրությամբ նախորդ տարվա նույն ժամանակահտվածի նկատմամբ ցածր է եղել 3 սանտիմետրով։ Սևանա լճի մակարդակը 2002-2021 թվականներին Արտակարգ իրավիճակների նախարարության զեկույցի համաձայն՝ Սևանա լճի մակարդակի փոփոխությունների մոնիթորինգ իրականացվում է 4 դիտակետերում։ Ըստ զեկույցի տվյալների՝ լճի մակարդակի իջեցումն սկսել է 1933 թվականից, երբ ջրառի տարեկան քանակը գերազանցել է նրա բնական հոսքին։ 1981-2001 թվականները համարվել են լճի մակարդակի պայմանական հավասարակշռության տարիներ։ 2002-ից սկսած լճի մակարդակն սկսել է բարձրանալ։ Լճի մակարդակը տարվա ընթացքում տատանվում է և ամենաբարձրը դիտվում է յուրաքանչյուր տարվա հուլիսին։ Դիտարկենք Սևանա լճի մակարդակի տատանումները յուրաքանչյուր տարվա հունվարի 1-ի դրությամբ։ Այսպես՝ 2002 թվականի հունվարի 1-ին Սևանա լճի մակարդակը եղել է 1896 մետր 32 սանտիմետր, 2008-ի հունվարի 1-ին՝ 1898 մետր 79 սանտիմետր, այսինքն՝ այդ տարիներին մակարդակը բարձրացել է 2 մետր 47 սանտիմետրով։  2018 թվականի հունվարի 1-ին լճի մակարդակը եղել է 1900 մետր 39 սանտիմետր, որը 2008 թվականի համեմատությամբ բարձր է 1 մետր 60 սանտիմետրով։ 2019 թվականի հունվարի մեկին լճի մակարդակը 2018 թվականի համեմատությամբ ցածր է եղել 3 սանտիմետրով, սակայն 2020-ին դարձյալ բարձրացել է, և 2021-ին լճի մակարդակը եղել է 1900 մետր 52 սանտիմետր, որը 2018-ի համեմատությամբ բարձր է 10 սանտիմետրով։ Ընդհանուր առմամբ՝ վերջին 20 տարիներին Սևանա լճի մակարդակը բարձրացել է 4 մետր և 20 սանտիմետրով։ Այսպիսով՝ ինչպես տեսնում ենք ներկայացված տվյալներից՝ Սևանա լճի մակարդակը վերջին 20 տարիներին շարունակաբար բարձրացել է և այս տարվա հունվարի 1-ին նախորդ տարիների համեմատությամբ եղել է ամենաբարձրը, սակայն նախատեսված հավելյալ ջրառի պարագայում հնարավոր է՝ նվազի։ Նարեկ Մարտիրոսյան
18:10 - 24 օգոստոսի, 2021
Կազմակերպել քննարկում սահմանային իրավիճակի մասին, իրարամերժ տեղեկություններ են գալիս․ «Հայաստան» դաշինքի առաջարկը |tert.am|

Կազմակերպել քննարկում սահմանային իրավիճակի մասին, իրարամերժ տեղեկություններ են գալիս․ «Հայաստան» դաշինքի առաջարկը |tert.am|

tert.am: Ելնելով սահմանային լարվածությունից՝ «Հայաստան» դաշինքը առաջարկում է երկու ընթերցումների արանքում կազմակերպել փակ, գաղտնի կամ բաց քննարկում, ինչպես որոշեք՝ համապատասխան պատասխանատու անձանց կողմից։ Այս մասին Ազգային ժողովում արտահերթ նիստին, որի օրակարգում «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին օրենքի նախագիծն է, ասաց «Հայաստան» խմբակցության ղեկավար Սեյրան Օհանյանը։ Նա նկատեց, որ իրարամերժ տեղեկություններ են գալիս սահմանային իրավիճակից։ «Քննարկում կազմակերպենք, իմամանանք իրավիճակը և հասարակության մտահոգությունները փարատենք»,–ասաց նա։ Նույն դաշինքից Անդրանիկ Թևանյանը իր հերթին անդրադարձավ Ալիևի ագրեսիվ վարքագծին։ «Հայաստան» դաշինքից Գեղամ Մանուկյանը վարման կարգով ուշադրությունը հրավիրեց Աֆղանստանի դեպքերին և կարևորեց Հայաստանի արձագանքը։ Նա հետաքրքրվեց Աֆղանստանում տեղակայված հայ խաղաղապահ զորախմբի ճակատագրից և հարցրեց, թե ինչ միջոցներ են ձեռնարկվել, որ պաշտոնական պարզաբանում լինի նրանց վերաբերյալ։
11:49 - 17 օգոստոսի, 2021
Սեպտեմբերի 1-ից ավարտվում է Սևանա լճում արդյունագործական փորձարարական ձկնորսության որսաշրջանը

Սեպտեմբերի 1-ից ավարտվում է Սևանա լճում արդյունագործական փորձարարական ձկնորսության որսաշրջանը

Մինչև Կառավարության որոշմամբ նոր որսաշրջանի մեկնարկը, սեպտեմբերի 1-ից Սևանա լճում արդյունագործական ձկնորսության որսաշրջանի երկրորդ փուլի ավարտի պատշաճ կազմակերպման և ընթացիկ հարցերի քննարկման շուրջ այսօր Շրջակա միջավայրի նախարար Ռոմանոս Պետրոսյանի մոտ հրատապ խորհրդակցություն էր հրավիրվել։ Այս մասին հաղորդագրություն է տարածել նախարարությունը: Խորհրդակցությանը ներկա էին Շրջակա միջավայրի նախարարի տեղակալ Ա․ Մազմանյանը, նախարության գլխավոր քարտուղար Գ․ Գուլյանը, Բնության հատուկ պահպանվող տարածքների և կենսաբազմազանության քաղաքականության վարչության պետ Ո․ Գրիգորյանը, «Սևան» ազգային պարկի տնօրենի պաշտոնակատար Ա․ Աբելյանը, տնօրենի տեղակալները, ազգային պարկի 5 մասնաճյուղերի ղեկավարները, արագ արձագանքման բաժնի ղեկավարը և հերթափոխի պատասխանատուները։ Նախարարին են ներկայացվել արդյունագործական որսաշրջանի արդյունքների և 2020 թվականի երկրորդ կիսամյակի ընթացքում արձանագրված խախտումների վերաբերյալ ամփոփ տվյալներ։ Շրջակա միջավայրի նախարարությունը 2021 թվականի մարտի 25-ից մեկնարկել էր Սևանա լճում սիգի արդյունագործական ձկնորսության 2-րդ փուլը։ Համաձայն Գիտությունների ազգային ակադեմիայի 2020 թ. հաշվառման տվյալների՝ Սևանա լճում սիգի ընդհանուր զանգվածը կազմել էր 2345 տոննա, որից արդյունագործական ընդհանուր պաշարը՝ մոտ 586,2 տոննա, որից սիգի փորձարարական որսի 2-րդ փուլի շրջանակում 2021 թ. օգտագործման համար սահմանվել էր առավելագույնը 250 տոննա չափաքանակ։ Նախարար Պետրոսյանը խիստ գնահատականներ է հնչեցրել մայրաքաղաքի փողոցներում մանրաձկան վաճառքի դեպքերի վերաբերյալ և տվել մի շարք հանձնարարականներ։ Հաշվի առնելով ՀՀ շուկաներում մեծ քանակությամբ որսի համար թույլատրելի չափից փոքր (այդ թվում՝ մանրաձուկ) սիգի վաճառքի փաստերը և դրա վերաբերյալ ՀՀ ԳԱԱ «Կենդանաբանության և հիդրոէկոլոգիայի գիտական կենտրոն» ՊՈԱԿ-ի մտահոգությունները, նախարարի հանձնարարականով գրություններ են ուղարկվել ՀՀ Ոստիկանություն, Երևանի քաղաքապետարան, Բնապահպանության և ընդերքի տեսչական մարմին և Սննդամթերքի անվտանգության տեսչական մարմին՝ խնդրելով, որ յուրաքանչյուրն իր իրավասությունների շրջանակներում ձեռնարկի միջոցառումներ բացառելու 400 գրամից պակաս քաշով սիգի ապօրինի որսը և վաճառքը։ Նախարարն ազգային պարկի ղեկավար անձնակազմին հանձնարարականներ է տվել հանդիպում-քննարկումներ կազմակերպել ձկնորսների և ափամերձ համայնքների բնակիչների հետ, որպեսզի արդյունագործական որսաշրջանի ավարտը տարածաշրջանում սոցիալական խնդրի չհանգեցնի։ «Մենք հասարակության կողմից լիազորված ենք ոլորտի ու պետության համար նշանակալի արդյունքներ գրանցել և այդ ճանապարհին կիրառվելու է ամենախիստ վարչարարությունը օրինախախտների նկատմամբ»,-նշել է նա։
17:04 - 04 օգոստոսի, 2021
Սևանում սկսել է գործել 3 հանրային լողափ

Սևանում սկսել է գործել 3 հանրային լողափ

Քաղաքացիների ջրափնյա հանգիստը կազմակերպելու նպատակով հուլիսի 10-ից սկսում են գործել «Սևան» ազգային պարկ ՊՈԱԿ-ի երեք հանրային լողափերը: ՀՀ շրջակա միջավայրի նախարարի պաշտոնակատար Ռոմանոս Պետրոսյանը հորդորում է Վարդավառի տոնակատարություններին և առհասարակ չաղտոտել շրջակայքը: Նախարարի պաշտոնակատարը հիշեցրել է հանրային լողափերի հասցեները. 1.Հանրային լողափ (Սևան-Երևան միջպետական Մ4 ավտոմայրուղու 63-րդ կմ-ից դեպի ափամերձ հատված, 1,39 հա) 2.Հանրային լողափ (Սևան-Երևան միջպետական Մ4 ավտոմայրուղու 66,5 կմ-ից դեպի թերակղզու ափամերձ հատված, 1,82 հա) 3.Հանրային լողափ (Սևան-Երևան միջպետական Մ4 ավտոմայրուղու 63 կմ-ից դեպի ափամերձ հատված, 5 հա) Հանրային լողափեր քաղաքացիների մուտքն ազատ է։ Գործում են հետևյալ անվճար ծառայությունները՝ ավտոկայանատեղի, շվաքարաններ, հանդերձարաններ, սանհանգույցներ: Հանրային լողափերում կիրականացվի ջրափրկարարական ծառայություն, կգործեն բուժկետեր և կապահովվի հասարակական կարգի պահպանություն։  «Եվս մեկ անգամ հորդորում եմ վաղը՝ Վարդավառի տոնակատարությունների ժամանակ, և առհասարակ, հանրային լողափերում ձեր հանգիստը կազմակերպելիս չաղտոտել շրջակայքը, աղբը թափել հատուկ աղբի համար նախատեսված աղբամանների մեջ և խնամքով վերաբերվել շրջակա միջավայրին»,-նշել է Պետրոսյանը:
17:07 - 10 հուլիսի, 2021
6-ամսով կարգելափակվի այցելուների մուտքը «Սևան» ազգային պարկ» ՊՈԱԿ-ի Նորաշենի արգելոցի և արգելավայրի տարածք

6-ամսով կարգելափակվի այցելուների մուտքը «Սևան» ազգային պարկ» ՊՈԱԿ-ի Նորաշենի արգելոցի և արգելավայրի տարածք

Հայաստանի շրջակա միջավայրի նախարարությունը հայտնում է, որ 6-ամսյա ժամկետով կարգելափակվի այցելուների մուտքը «Սևան» ազգային պարկ» ՊՈԱԿ-ի Նորաշենի արգելոցի և արգելավայրի տարածք:  «Հաշվի առնելով Սևանա լճի մակարդակի բարձրացման, ինչպես նաև համավարակով պայամանավորված՝ Նորաշենի արգելոցի և Նորաշենի արգելավայրի տարածք մարդկանց հոսքը սահմանափակելու արդյունքում հայկական որորի արգելոցի և արգելավայրի ափամերձ ցամաքային տարածքներում ձվադրման, մարդկային գործոնի ազդեցության նվազման արդյունքում վերջին տարիներին չվահյուր թռչունների տեսակների և քանակի ավելացման հանգամանքը՝ Շրջակա միջավայրի նախարարի պաշտոնակատար Ռոմանոս Պետրոսյանի հանձնարարականով 6-ամսյա ժամկետով կարգելափակվի այցելուների մուտքը «Սևան» ազգային պարկ» ՊՈԱԿ-ի Նորաշենի արգելոցի և արգելավայրի տարածք։ Իրականացվելու է խիստ վերահսկողություն՝ «Սևան» ազգային պարկ» ՊՈԱԿ-ի պահնորդական հատուկ ջոկատի և մի շարք այլ գերատեսչությունների և իրավապահ մարմինների սերտ փոխգործակցությամբ»,- նշված է ՇՄՆ հաղորդագրության մեջ։
18:03 - 01 հուլիսի, 2021
Սևանի ափը 48 հազար դրամով վարձակալության է տրվել. լճի 1905 մ նիշից ցածր անտառային տարածքում նոր քոթեջներ են կառուցվելու |hetq.am|

Սևանի ափը 48 հազար դրամով վարձակալության է տրվել. լճի 1905 մ նիշից ցածր անտառային տարածքում նոր քոթեջներ են կառուցվելու |hetq.am|

hetq.am: Գեղարքունիքի մարզի Ծովազարդ համայնքում` Սևանա լճի ափին, նախատեսվում է քոթեջներ կառուցել և կազմակերպել անհատական հանգստի գոտի: Կառուցապատման ենթակա տարածքը գտնվում է «Սևան» ազգային պարկ»-ի ռեկրեացիոն գոտում` 1905 մետր բացարձակ նիշից ցածր: Հողատարածքի մակերեսը 0,3 հա է: Ճարտարապետահատակագծային առաջադրանքում հողատարածքի չափը 0,27 հա է նշվել: Տարբերությունն առաջացել է Սևանա լճի ջրի մակարդակի բարձրացման արդյունքում: Հողամասի բնութագրում նշվում է, որ այն չկառուցապատված է, միջին թեքություններով, չծառապատված տարածք է: «Տարածքում ի սկզբանե գոյություն ունեցող ծառեր չկան»,- արձանագրված է ՇՄԱԳ նախագծում: Մեկ այլ տեղում նշված է, որ նախատեսվող գործունեության վայրի հողերը՝ Սևանա լճի բուսազուրկ հատակային հողեր են: Մինչդեռ «Սևան» ազգային պարկ» ՊՈԱԿ-ի հետ վարձակալության պայմանագրում հստակ արձանագրված է, որ այն մասամբ անտառածածկ տարածք է: Հողի նպատակային նշանակությունն անտառային է, գործառնական նշանակությունը կամ հողատեսքը` անտառ: Ծովազարդ համայնքի ղեկավար Արամայիս Ենգոյանը մեզ հետ զրույցում նշեց, որ տարածքում իսկապես ծառեր չկան, թե ինչու է այն անտառային կամ նշանակությունն ինչու չի փոխվել, ինքը տեղյակ չէ: Նշենք, որ Արամայիս Ենգոյանը պաշտոնավարում է 2016 թվականից: Հողամասում կա 160 գմ ընդհանուր երկարությամբ ապամոնտաժման ենթակա պարիսպ, որն ապօրինի շինություն է: Այս պարսպի մասին ևս համայնքապետը ոչինչ չգիտեր: Ասաց` ինչ հիշում է, այդ պարիսպը կա: Հողամասի 47 % գտնվում է 1905.0 մ բացարձակ նիշերից բարձր ընկած հատվածում: Դա նշանակում է, որ գերակշիռ մասը նշված նիշից ցածր է: Հիշեցնենք, որ այդ նիշը սահմանվել է Սևանի ափը ազատ թողնելու համար` հնարավոր ջրածածկման պատճառով, և կառուցապատում իրականացնել չի թույլատրվում: Ավելին, այդ հատվածից ցածր բոլոր շինություններն ապամոնտաժելու հրաման է տրվել ՇՄՆ-ի կողմից: Շրջակա միջավայրի գնահատման հայտում նշվում է, որ 1905.0 մ բացարձակ նիշից ցածր տարածքում հիմնական շինություններ չեն նախատեսվում: Լինելու է 3 տեսակի քոթեջ, որոնցից առաջին տեսակի երկու քոթեջը նախագծված է որպես հիմնական շինություն, քանի որ գտնվում է 1905 նիշից բարձր` 1906 նիշի վրա, իսկ մյուս երկու տեսակի 4 քոթեջը նախատեսված է իրականացնել թեթև մետաղական կոնստրուկցիաներով (շարժական), և տեղադրվելու են 1903.5-1905.64 նիշերի հատվածում:  Շարունակությունը՝ hetq.am-ում
16:57 - 19 հունիսի, 2021