Ուկրաինա

Ուկրաինան գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Ուկրաինայի սահմանների մոտ տեղակայվել է ՌԴ ԶՈւ ավելի քան 100 000 զինծառայող. ԵՄ |0.1.251.109|

0.1.251.109: Ռուսաստանն Ուկրաինայի սահմանին և Ղրիմում տեղակայել է ավելի քան 100 000 զինծառայող։ Այդ մասին երկուշաբթի օրը՝ ապրիլի 19-ին, հայտարարել է Արտաքին քաղաքականության և անվտանգության հարցերով ԵՄ գլխավոր հանձնակատար Ժոզեպ Բորելը՝ ԵՄ արտաքին գործերի նախարարների տեսակոնֆերանսից հետո կազմակերպված ճեպազրույցի ժամանակ։ Ճեպազրույցին մասնակցել է նաև Ուկրաինայի արտաքին գործերի նախարար Դմիտրի Կուլեբան։ Ռուսական զորքի թվաքանակի վերաբերյալ Բորելի տվյալներն ավելի ուշ փոփոխվել են։ Այսպես, ճեպազրույցի ժամանակ Բորելը հայտարարել է 150 000 զինծառայողների մասին, սակայն նրա մամուլի քարտուղարը հայտարարել է, որ գլխավոր հանձնակատարը շփոթվել է և հավելել, որ խոսքը 100 000 զինծառայողի մասին է։ «Մենք խիստ մտահոգված ենք ուկրաինական սահմանին ռուսական զորքերի թվաքանակի աճի կապակցությամբ։ Ուկրաինայի հետ սահմանին և Ղրիմում տեղակայված են ավելի քան 150 000 ռուս զինծառայողներ։ Հետագա սրման ռիսկը ակնհայտ է»,- հայտարարել է Բորելը։ Ինչպես գրում է Deutsche Welle-ն, այդ տվյալների աղբյուրներն անվանելու լրագրողների խնդրանքը եվրոպական դիվանագիտության ղեկավարը մերժել է, սակայն նշել, որ հենց նրանց է հղում անում։ Բորելը հավելել է, որ Ուկրաինայի հետ սահմանին և Ղրիմում ռուսական զորքերի կուտակումները շարունակվում են և հասել են վերջին տարիների մաքսիմումին։

23:15 - 20 ապրիլի, 2021

Ուկրաինացի պատգամավորի ելույթը ԵԽԽՎ-ում ավարտվել է սկանդալով |tert.am|

tert.am: Ուկրաինացի պատգամավոր Ալեքսեյ Գոնչարենկոն ապրիլի 20-ին Եվրոպայի խորհրդի Խորհրդարանական վեհաժողովի (ԵԽԽՎ) նիստում ելույթի ժամանակ հանել է ուկրաինական դրոշը, ինչից հետո ԵԽԽՎ նախագահ Հենդրիկ Դամսը ընդհատել է Գոնչարենկոյին, մատնացույց է արել կանոնների խախտումները և պահանջել լքել դահլիճը: Այս մասին գրում է «Իզվեստիա»-ն:«Զեկույցում մի բառ չկա անդամ երկրների տարածքային ամբողջականության, անդամ երկրների ինքնիշխանության մասին: Եվրոպայում հակամարտությունների խաղաղ կարգավորման վերաբերյալ: Եվրոպայում պատերազմներ են ընթանում: Ես ուզում եմ ձեզ հիշեցնել սա: Ձեզանից շատերը մոռանում են այս մասին», -նիստի ժամանակ ասել է Գոնչարենկոն:Դրանից հետո Գոնչարենկոյի խոսափողն անջատվել է:

17:16 - 20 ապրիլի, 2021

ԵՄ-ն ՌԴ-ին կոչ է անում հետ կանչել իր զորքերը Ուկրաինայի հետ սահմանից. Բորել |tert.am|

tert.am: Եվրամիությունը կոչ է անում Ռուսաստանին հետ կանչել իր զորքերը ուկրաինական սահմանից:Այս մասին այսօր հայտարարել է ԵՄ արտաքին հարաբերությունների գծով բարձր ներկայացուցիչ Ժոզեպ Բորելը, գրում է Al Arabiya-ն: «Մենք կքննարկենք Ուկրաինայի սահմանին տիրող իրավիճակը, որտեղ ռուսական զորքերը տեղակայված են դաշտային զորավարժությունների համար: Սա շատ վտանգավոր իրավիճակ է, մենք Ռուսաստանին կոչ ենք անում հետ կանչել իր զորքերը Ուկրաինայի հետ սահմանից»,- ասել է Բորելը: Միևնույն ժամանակ, նա նշել է՝ ԵՄ-ի և Ռուսաստանի միջև լարվածությունը շարունակում է աճել երկու երկրների հարաբերությունների շատ ոլորտներում:Հիշեցնենք՝ ավելի վաղ հայտնի էր դարձել, որ Բորելը նախատեսում է այցելել Ուկրաինա և մասնավորապես Դոնբասի շփման գիծ:Նշենք՝ Դոնբասում իրավիճակի սրման ֆոնին Մոսկվայի և Կիևի հարաբերությունները վատթարացել են: Ուկրաինայի իշխանությունները և արևմտյան երկրները բազմիցս մեղադրել են Ռուսաստանին Ուկրաինայի ներքին գործերին միջամտելու համար: Մոսկվան բազմիցս հայտարարել է, որ ինքը ներքին ուկրաինական հակամարտության կողմ չէ, և շահագրգռված է, որ Կիևը դուրս գա քաղաքական և տնտեսական ճգնաժամից:2014 թվականի ապրիլին Ուկրաինայի իշխանությունները ռազմական գործողություններ են սկսել ինքնահռչակ հանրապետությունների դեմ, որոնք իրենց անկախությունն էին հռչակել 2014-ի փետրվարին Ուկրաինայում տեղի ունեցած պետական հեղաշրջումից հետո:ՄԱԿ-ի վերջին տվյալների համաձայն՝ հակամարտության զոհ է դարձել շուրջ 13 հազար մարդ:

13:12 - 19 ապրիլի, 2021

Պուտինի, Զելենսկու, Մակրոնի և Մերկելի խորհրդականներն այսօր կքննարկեն գագաթնաժողովի հնարավորությունը |azatutyun.am|

azatutyun.am: Ուկրաինայի, Ռուսաստանի, Ֆրանսիայի և Գերմանիայի ղեկավարների գլխավոր խորհրդականներն այսօր խորհրդակցություններ կանցկացնեն՝ Ուկրաինայի արևելքում լարվածության թուլացմանն ուղղված գագաթնաժողովի անցկացման հնարավորությունը քննարկելու համար: Անցյալ շաբաթ Ուկրաինայի նախագահ Վլադիմիր Զելենսկին, Ֆրանսիայի նախագահ Էմանյուել Մակրոնը և Գերմանիայի կանցլեր Անգելա Մերկելը Ռուսաստանին կոչ արեցին դադարեցնել զորքի կուտակումը Ուկրաինայի սահմանի մոտ և Ղրիմում: Անցած ամռանը ձեռք բերված փխրուն հրադադարի ռեժիմը խախտվել է, այս տարվա սկզբից առնվազն 30 ուկրաինացի զինծառայող է զոհվել: Զելենսկին հայտարարել է, որ ձգտում է հասնել քառակողմ բանակցությունների՝ «նորմանդյան ձևաչափով», որում ներգրավված են Ուկրաինան, Ռուսաստանը, Ֆրանսիան և Գերմանիան: 2015 թվականից ի վեր Ֆրանսիան ու Գերմանիան միջնորդ են հանդիսանում ուկրաինական հակամարտությունում: Ապրիլի 16-ին Ռուսաստանի նախագահ Վլադիմիր Պուտինի հետ հնարավոր գագաթնաժողովին նախապատրաստվելու համար Զելենսկին Փարիզում հանդիպեց Մակրոնին: Ավելի ուշ նրանց միացավ Մերկելը՝ տեսակապի միջոցով:

11:58 - 19 ապրիլի, 2021

ՌԴ ԱԳՆ-ն Սանկտ Պետերբուրգում ձերբակալված ուկրաինացի հյուպատոսին խորհուրդ է տվել հեռանալ երկրից |tert.am|

tert.am: ՌԴ ԱԳՆ-ն Սանկտ Պետերբուրգում Ուկրաինայի հյուպատոս Ալեքսանդր Սոսոնյուկին խորհուրդ է տվել հեռանալ երկրից 72 ժամվա ընթացքում՝ սկսած ապրիլի 19-ից:Ինչպես փոխանցում է «Ինտերֆաքս» գործակալությունը, այս մասին արտաքին քաղաքականության գերատեսչությունը հայտնել է Ռուսաստանում Ուկրաինայի ժամանակավոր հավատարմատար Վասիլի Պոկոտիլոյին, որին այսօր կանչել են ԱԳՆ:«Ռուսական կողմն ընդգծել է նմանօրինակ գործունեության անթույլատրելիությունը, որը համատեղելի չէ հյուպատոսության աշխատակցի կարգավիճակին և վնաս է հասցնում Ռուսաստանի Դաշնության անվտանգության շահերին»,- ասվում է ՌԴ ԱԳՆ հաղորդագրության մեջ:

18:32 - 17 ապրիլի, 2021

ՌԴ քաղաքացուց գաղտնի տեղեկություն ստանալու պահին բերման է ենթարկվել Ռուսաստանում Ուկրաինայի հյուպատոսը

Սանկտ Պետերբուրգում ՌԴ քաղաքացուց գաղտնի տեղեկություն ստանալու պահին բերման է ենթարկվել Ռուսաստանում Ուկրաինայի հյուպատոս Ալեքսանդր Սոսոնյուկը։ Ինչպես փոխանցում է РИА Новости-ին, այս մասին տեղեկացնում Ռուսաստանի Անվտանգության դաշնային ծառայությունը (ФСБ): Հաղորդագրության մեջ նշվում է, որ Սոսոնյուկի գործունեությունը «թշնամական է Ռուսաստանի նկատմամբ ու համատեղելի չէ դիվանագիտական աշխատակցի կարգավիճակի հետ»։

11:55 - 17 ապրիլի, 2021

Զելենսկին Մակրոնին առաջարկել է քննարկել Ուկրաինայի անդամակցության հարցը ԵՄ-ին և ՆԱՏՕ-ին |1lurer.am|

1lurer.am: Ուկրաինայի նախագահ Վոլադիմիր Զելենսկին ասել է, որ Ֆրանսիայի ղեկավար Էմանուել Մակրոնի հետ քննարկել է Եվրամիությանն ու ՆԱՏՕ-ին Ուկրաինայի անդամակցության հարցը, հաղորդում է ТАСС-ը: Զելենսկին Մակրոնին առաջարկել է ստորագրել ԵՄ-ին Ուկրաինայի անդամակցությանն աջակցելու հռչակագիրը: «Մի քանի երկիր արդեն ստորագրել է այս փաստաթուղթը: Կան երկրներ, որոնք այժմ ծանոթանում են հռչակագրին»,- ասել է Ուկրաինայի ղեկավարը: Զելենսկին սպասում է Մակրոնի պատասխանին: Ավելի վաղ Ուկրաինայի նախագահը կոչ էր արել Ֆրանսիայի նախագահին արհեստական շնչառություն հաղորդել Դոնբասի իրավիճակի կարգավորմանն ուղղված նորմանդական ձևաչափի բանակցություններին: Նորմանդական քառյակը ներառում է Ռուսաստանը, Ուկրաինան, Գերմանիան և Ֆրանսիան: Քառյակի վերջին բարձր մակարդակի գագաթնաժողովը տեղի է ունեցել Փարիզում 2019 թվականի դեկտեմբերին:

21:18 - 16 ապրիլի, 2021

Ելիսեյան պալատում կայացել է Մակրոնի և Զելենսկու հանդիպումը |1lurer.am|

1lurer.am: Այսօր Ելիսեյան պալատում կայացել է Ֆրանսիայի և Ուկրաինայի նախագահներ Մակրոնի ու Զելենսկու հանդիպումը: France-Presse գործակալությունը, վկայակոչելով Ելիսեյան պալատի իր աղբյուրը, նախօրեին հայտնել էր, որ Փարիզում բանակցությունների թեմաներից մեկը կլինեն Ռուսաստանի հետ հարաբերությունները: Դրանից առաջ Ուկրաինայի ղեկավարի մամուլի քարտուղար Յուլիա Մենդելը տեղեկացրել էր, որ Զելենսկին բարձրացնելու է Դոնբասում տիրող իրավիճակի և Ուկրաինայի սահմանի մոտ ռուսական զորքերի հարցը: Մինչև Փարիզ մեկնելը Զելենսին լրատվամիջոցների հետ հարցազրույցում հայտարարել էր, որ Ֆրանսիայի նախագահի և Գերմանիայի կանցլերի հետ քննարկելու են անվտանգային հարցեր, մասնավորապես, Դոնբասի շուրջ վերջին զարգացումները: Ռուսաստանի արտգործնախարարության խոսնակ Մարիա Զախարովան էլ հինգշաբթի ասել էր, որ Ֆրանսիան ու Գերմանիան պետք է դադարեցնեն մասնակցությունը Ռուսաստանում տեղի ունեցող և ոչ մեկին չսպառնացող զորավարժությունների դեմ քարոզարշավին: Նրա խոսքով՝ Փարիզը և Բեռլինը պետք է խրախուսեն Կիևին թուլացնելու լարվածությունը Դոնբասում և կյանքի կոչելու Մինսկի միջոցառումների փաթեթը:

18:40 - 16 ապրիլի, 2021

Թրյուդոն և Մերկելը վերահաստատել են իրենց աջակցությունը Ուկրաինայի ինքնիշխանությանը

Ապրիլի 15-ին տեղի է ունեցել Կանադայի վարչապետ Ջասթին Թրյուդոյի ու Գերմանիայի կանցելր Անգելա Մերկելի հեռախոսազրույցը։ Այս մասին տեղեկանում ենք Կանադայի վարչապետի պաշտոնական կայքից։ Ըստ հաղորդագրության՝ պաշտոնյաները քննարկել են միջազգային օրակարգի մի շարք կարևորագույն հարցեր, այդ թվում՝ ռուսական զորքերի տեղաշարժերը Ղրիմում ու Ուկրաինայի արևելյան սահմանին։ Երկու կողմերն էլ վերահաստատել են իրենց աջակցությունը Ուկրաինայի ինքնիշխանությանը, անվտանգությանն ու տարածքային ամբողջականությանը։ Թարգմանությունը՝ Լիլիթ Հարությունյանի

10:54 - 16 ապրիլի, 2021

ՌԴ դեսպանները կանչվել են Մեծ Բրիտանիայի և Լեհաստանի ԱԳՆ-ներ |armenpress.am|

armenpress.am: Մեծ Բրիտանիայի արտաքին գործերի նախարարությունը Լոնդոնում Ռուսաստանի դեսպան Անդրեյ Կելինին «Ռուսաստանի թշնամական վարքագծի» հետ կապված կանչել է ԱԳՆ: Այդ մասին ասված է ՄԲ ԱԳՆ-ի կողմից «Ռիա-նովոստի»-ին տրամադրված հայտարարության մեջ: «Մեծ Բրիտանիայի ԱԳՆ-ն ՌԴ դեսպանին Ռուսաստանի թշնամական վարքագծի հետ կապված, այդ թվում կիբերհարձակումների, ժողովրդավարական գհործընթացներին ներգրավվածության, ուկրաինական սահմանին ռազմական ներկայության ուժեղացման ու Ղրիմի անօրինական բռնազավթման հետ կապված խոր մտահոգությամբ կանչել է ԱԳՆ»,- ասված է հայտարարության մեջ: Գործնականում միաժամանակ հայտնի է դարձել, որ Վարշավայում ՌԴ դեսպան Սերգեյ Անդրեեվին կանչել են Լեհաստանի ԱԳՆ: Դիվանագիտական աղբյուրների տեղեկությունների համաձայն, «կանչը կապված է ԱՄՆ-ի կողմից Ռուսաստանի նկատմամբ պատժամիջոցների կիրառման հետ»: Եվս մեկ պատճառ կարող է լինել Ուկրաինայի հարավային սահմանին իրավիճակը:

22:55 - 15 ապրիլի, 2021

Թուրքիայում հայտարարել են Ռուսաստանի եւ Ուկրաինայի միջեւ հակամարտության հարցում իրենց չեզոքության մասին |armenpress.am|

armenpress.am: Թուրքիան կողմերից ոչ մեկին չի պաշտպանում ՌԴ-ի եւ Ուկրաինայի միջեւ ստեղծված ճգնաժամում, բայց պատրաստ Է աջակցություն ցուցաբերել դրա կարգավորման ուղղությամբ դիվանագիտական ջանքերին: Այդ մասին հայտարարել Է Թուրքիայի ԱԳ նախարար Մեւլյութ Չավուշօղլուն: «Այժմ խնդիրներ կան Դոնբասում, սակայն առկա են Մինսկի պայմանավորվածությունները: Մենք կողմերին առաջարկում ենք այդ խնդիրը լուծել խաղաղ եւ դիվանագիտական ճանապարհով: Թուրքիան պաշտպանում Է բոլոր երկրների տարածքային ամբողջականությունը՝ Ուկրաինայի, Ռուսաստանի եւ մյուսների: Եվ մենք հարաբերությունները կառուցում ենք ե՛ւ Ռուսաստանի, ե՛ւ Ուկրաինայի հետ: Յուրաքանչյուրի երկրի հետ մեր հարաբերությունները չպետք Է ազդեն մյուս երկրների հետ հարաբերությունների վրա: Ռուսաստանի եւ Ուկրաինայի միջեւ թերիմացության հարցում մենք կողմերից ոչ մեկին չենք պաշտպանում»,-ասել Է Չավուշօղլուն՝ հանդես գալով NTV հեռուստաալիքի եթերում: Նա հավելել Է, որ Թուրքիայի քաղաքականությունը «հստակ Է բոլոր խնդիրների հարցում, այդ թվում՝ Ղրիմի»: «Մենք անկեղծորեն եւ բացեիբաց մեր կարծիքները կիսում ենք երկու կողմերի հետ, մեր քաղաքականությունը կառուցողական Է: Այժմ իրադրության լարվածությունն սկսել Է մեղմանել, ինչը մեզ ուրախացնում Է: Թուրքիան պատրաստ Է ավանդ ներդնել այդ գործընթացում»,-ասել Է թուրք նախարարը: Ուկրաինացի ուժայինները մարտի վերջին հայտարարել են, որ Դոնեցկի մարզի Շումի ավանի մոտ զոհվել Է չորս զինվորական, եւս երկուսը վիրավորվել են: Ուկրաինայի նախագահ Վլադիմիր Զելենսկին հայտարարել Է, որ մոտ ժամանակներս իրադրությունը կքննարկի «նորմանդական քառյակի» (Ուկրաինա, Գերմանիա, Ռուսաստան եւ Ֆրանսիա) ղեկավարների հետ: ՌԴ նախագահի մամուլի քարտուղար Դմիտրի Պեսկովը հայտարարել Է, որ Ռուսաստանը, չհանդիսանալով հակամարտության կողմ, չի կարող ապահովել համապարփակ զինադադարը Դոնբասում, բայց իր ազդեցությունը կօգտագործի համաձայնությունների կատարման համար, հաղորդել Է ՌԻԱ Նովոստին:

16:48 - 15 ապրիլի, 2021

ԵԱՀԿ-ն հայտարարել է Դոնբասի շփման գծում գնդակոծությունների ակտիվացման մասին |armenpress.am|

armenpress.am: Ուկրաինայում ԵԱՀԿ-ի Հատուկ մոնիթորինգային ներկայացուցչությունը (ՀՄՆ) վերջին շաբաթներին կրակային ակտիվության սրում է գրանցում Դոնբասի շփման գծի երկայնքով: Այդ մասին, ինչպես տեղեկացնում է ՌԻԱ Նովոստիին հաղորդել են ներկայացուցչությունում: «Այս վերջին շաբաթներին կրակային ակտիվության սրում է դիտվում շփման գծի երկայնքով: Մարտի 22-ից մինչեւ ապրիլի 4-ը ՀՄՆ-ն հրադադարի ռեժիմի 3922 խախտում է գրանցվել նախորդ երկշաբաթյա ժամանակաշրջանում գրանցված 1260 խախտման համեմատությամբ: Բռնության մակարդակը հատկապես բարձր է եղել ապրիլի 2-ին եւ 3-ին, երբ Ներկայացուցչությունը գրանցել է հրադադարի ռեժիմի՝ համապատասխանաբար 1170 եւ 1355 խախտում»,-հայտնել են ներկայացուցչությունում: ԶԼՄ-ների տվյալներով՝ բռնության այդ սաստկացումն ընդհանուր առմամբ հակադրվում է 2020 թվականի հուլիսի 27-ին ուժի մեջ մտած հրադադարի ռեժիմի խստացման միջոցառումների համաձայնեցումից հետո ընկած ժամանակաշրջանին: «Օրինակ, 2020 թվականի հունվարի 1-ից մինչեւ հուլիսի 26-ն ընկած ժամանակաշրջանում ՀՄՆ-ն մեկ ամսում գրանցել է հրադադարի ռեժիմի 411-ից մինչեւ 752 խախտում: Իսկ ահա 2020 թվականի հուլիսի 27-ից մինչեւ 2021 թվականի մարտի 31-ը, Ներկայացուցչության դիտարկումներով, ամսական ցուցանիշը տատանվել է 20-ից մինչեւ 107 խախտման սահմաններում»,-ճշտել են դիտորդական ներկայացուցչությունում: ԵԱՀԿ-ի մշտական խորհուրդը երկարացրել է Ուկրաինայում կազմակերպության Հատուկ մոնիթորինգային ներկայացուցչության մանդատը մինչեւ 2022 թվականի մարտի 31-ը:

12:23 - 15 ապրիլի, 2021

Լավրովն ու Լինդեն քննարկել են Ուկրաինայի հարավ-արևելքում տիրող իրավիճակը |armenpress.am|

armenpress.am: Ռուսաստանի Դաշնության արտաքին գործերի նախարար Սերգեյ Լավրովն ու ԵԱՀԿ գործող նախագահ, Շվեդիայի արտաքին գործերի նախարար Անն Լինդեն քննարկել են Ուկրաինայի հարավ-արևելքում տիրող իրավիճակը: Այս մասին հայտնում է ՌԴ արտգործնախարարության պաշտոնական կայքը: Հաղորդագրությունում ասված է, որ ռուսական կողմը մտահոգություն է հայտնել հակամարտության էսկալացիայի կապակցությամբ: «Ընդգծվել է Մոսկվայի հետաքրքրվածությունը՝ հակամարտության բացառապես խաղաղ կարգավորման հարցում»,- ասված է ՌԴ ԱԳՆ հայտարարությունում:

19:52 - 14 ապրիլի, 2021

Կրեմլը նշել է Դոնբասում իրավիճակի ապաէսկալացման միակ պայմանը |tert.am|

tert.am: Դոնբասում ապաէսկալացումը հնարավոր է միայն այն դեպքում, եթե ուկրաինական բանակը հրաժարվի զինված գործողություններից, հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է radiosputnik.ria.ru-ն։ «Ապաէսկալացում կարող է տեղի ունենալ միայն այն դեպքում, երբ Ուկրաինայի զինված ուժերը հրաժարվեն զինված գործողություններից»,- ասել է ՌԴ նախագահի մամուլի քարտուղարը։ «Կրեմլում մտավախություն կա, որ Ուկրաինայում քաղաքացիական պատերազմ կսկսվի։ Եվ եթե մեր սահմանների մոտ վերսկսվի քաղաքացիական պատերազմը և լայնածավալ ռազմական գործողությունները, դա սպառնալիք կհանդիսանա Ռուսաստանի Դաշնության անվտանգության համար»,- հավելել է նա։

15:52 - 14 ապրիլի, 2021

ԱՄՆ պետքարտուղարն ու Իտալիայի ԱԳ նախարարը վերահաստատել են իրենց աջակցությունը Ուկրաինայի տարածքային ամբողջականությանը

Երեկ Վաշինգտոնում կայացել է ԱՄՆ պետքարտուղար Էնթոնի Բլինեքենի ու Իտալիայի արտաքին գործերի նախարար Լուիջի դի Մայոյի հանդիպումը, որի ընթացքում քննարկվել են երկկողմանի ու միջազգային մի շարք խնդիրներ։ Այս մասին հայտարարություն է տարածել ԱՄՆ պետքարտուղարությունը։ Անդրադառնալով Ուկրաինային՝ երկու կողմերն էլ վերահաստատել են իրենց անվերապահ աջակցությունն Ուկրաինայի ինքնշխանությանն ու տարածքային ամբողջականությունը։ Նրանք ընդգծել են, որ Ռուսաստանը «պետք է դադարեցնի Ղրիմում ու Ուկրաինայի հետ սահմանին ռազմական տեխնիկայի և անձնակազմի կուտակումները», որոնք անվանել են «վտանգավոր»։ Թարգմանությունը՝ Լիլիթ Հարությունյանի

11:23 - 13 ապրիլի, 2021

«Հակաահաբեկչական գործողության» մասին հայտարարելով՝ Կիևն օրինականացրել է իր հանցագործությունները Դոնբասում․ ԴԺՀ ժողովրդական խորհրդի նախագահ |tert.am|

tert.am: Դոնեցկի Ժողովրդական Հանրապետության ժողովրդական խորհրդի նախագահ Վլադիմիր Բիդյովկան «ՌԻԱ Նովոստի» լրատվական գործակալությանն ասել է, որ 2014 թվականին Դոնբասում ռազմական գործողություններ սկսելու մասին հայտարարելով` Կիևն օրինականացրել է տարածաշրջանում իր հանցագործությունները և հավելել, որ ուկրաինական անվտանգության ուժերի գործողությունները ցեղասպանություն են։2014 թվականի ապրիլի 13-ին Ուկրաինայի ազգային անվտանգության և պաշտպանության խորհուրդը՝ զինված ուժերի ներգրավմամբ «հակաահաբեկչական գործողություն» անցկացնելու մասին որոշում են ընդունել։ Չորս տարի անց Կիևը փոխել է ռազմական գործողության ձևաչափը՝ այն անվանելով «համատեղ ուժերի գործողություն»։«Իրականում, այսպես կոչված, «հակաահաբեկչական գործողության» մասին հայտարարությունը դարձել է Դոնբասի նկատմամբ Կիևի մայդանյան իշխանությունների հանցագործությունների օրինականացումը», - նշել է Բիդյովկան՝ հավելելով, որ Կիևը հանցագործություն է իրականացրել ոչ միայն իր վերահսկողության տակ չգտնվող տարածքների բնակչության, այլ նաև բոլոր ուկրաինացիների նկատմամբ։ Շարունակությունը՝ tert.am-ում։

10:48 - 13 ապրիլի, 2021