Երևանի քաղաքապետարան

Երևանի քաղաքապետարանը համայնքային ծառայություններ իրականացնող պետական մարմին, որի նպատակն ու խնդիրն ավագանու և քաղաքապետի լիազորությունների լիարժեք և արդյունավետ իրականացման, ինչպես նաև քաղաքացիական իրավահարաբերություններին ավագանու և քաղաքապետի մասնակցության ապահովումն է։ Երևանի քաղաքապետը և ավագանին քաղաքապետարանի միջոցով համակարգում Երևանի ենթակայության հիմնարկների, առևտրային և ոչ առևտրային կազմակերպությունների գործունեությունը, կազմակերպում հանրապետական գործադիր մարմինների և դրանց՝ Երևանի տարածքային ծառայությունների հետ հարաբերությունները։

Քաղաքապետարանը ստեղծվում, վերակազմակերպվում և նրա գործունեությունը դադարեցվում է ավագանու որոշմամբ։ 

Ընթացիկ տարում Երևանում կանցկացվի շուրջ 15 կմ կոյուղատար ու հեղեղատար համակարգ

Ընթացիկ տարում Երևանում կանցկացվի շուրջ 15 կմ կոյուղատար ու հեղեղատար համակարգ

Երևանի «Հաղթանակ» թաղամասի 1-ին փողոցում տասնամյակներ շարունակ կոյուղատար համակարգ չի եղել: Երևանի քաղաքապետարանի նախաձեռնությամբ այստեղ զրոյից նոր համակարգ է կառուցվել: Հիմնական աշխատանքներն արդեն ավարտված են: «Այս տարի նախատեսում ենք շուրջ 15 կմ երկարության կոյուղատար ու հեղեղատար համակարգերի կառուցում և վերակառուցում»,- ասում է Երևանի քաղաքապետարանի կոմունալ տնտեսության վարչության պետ Արսեն Կարոյանը: Կոյուղատար ու հեղեղատար համակարգերի անցկացման համար համայնքային բյուջեից  1 մլրդ 700 մլն դրամ գումար է հատկացված:  Այսօր զուգահեռ շինարարություն է Նուբարաշենում և Աջափնյակի Նազարբեկյան թաղամասում: Բոլոր տեղերում հին թուջե, քայքայված խողովակները փոխարինվում են ժամանակակից նոր խողովակաշարերով, որոնք կարող են անխափան ծառայել մինչև 70 տարի:   Կոյուղատար համակարգերի կառուցման ու վերակառուցման ընթացքում շինարարներն օգտագործում են նաև նորագույն տեխնոլոգիաները՝ քաղաքին պատճառվող վնասը նվազեցնելու համար:  Կոյուղագծերի փոխարինումն ու նորերի կառուցումը կշարունակվի նաև առաջիկա տարիներին՝ խնդիրը հիմնովին լուծելու համար:  Կոյուղագծերի խնդիրը միայն ենթակառուցվածքային չէ, այն նաև առողջապահական ու սոցիալական նշանակություն ունի: Այսօր համակարգերի վերակառուցման ավելի փոքր ծավալներով աշխատանքներ են տարվում նաև վարչական շրջանների ուժերով:   Մանրամասները՝ քաղաքապետարանի տարածած տեսանյութում:
20:55 - 31 մայիսի, 2024
Երևանի վարչական շրջաններում մեկնարկում են փոսային միջին նորոգման աշխատանքներ

Երևանի վարչական շրջաններում մեկնարկում են փոսային միջին նորոգման աշխատանքներ

Երևանի քաղաքապետարանից տեղեկացնում են՝ այսօրվանից քաղաքի վարչական շրջաններում, ըստ առաջնահերթության, մեկնարկելու են փոսային միջին նորոգման աշխատանքները: Վարչական շրջանները և հասցեները՝ ստորև. ԱՎԱՆ ՎԱՐՉԱԿԱՆ ՇՐՋԱՆ Դ. Մալյան փողոց, Վ. Թամրուչիի փողոց ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆ Բաբայան փողոց, Մինաս Ավետիսյան փողոց, Է. Հասրաթյան փողոց, Քանաքեռի 1-ին փողոց ԴԱՎԹԱՇԵՆ ՎԱՐՉԱԿԱՆ ՇՐՋԱՆ Պարիս Հերունու փողոց ԱՐԱԲԿԻՐ ՎԱՐՉԱԿԱՆ ՇՐՋԱՆ Արղության փողոց ՆՈՐ ՆՈՐՔ ՎԱՐՉԱԿԱՆ ՇՐՋԱՆ Բաղյան փողոց, Նելսոն Ստեփանյան փողոց, Թոթովենցի փողոց 2-րդ հատված, Վիլնյուսի փողոց, Հունան Ավետիսյան փողոց, Գալշոյան փողոց, Գյուրջյան փողոցից դեպի Է. Իսաբեկյան փողոց ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆ Արմենակյան փողոց, Է. Իսաբեկյան փողոց, Ս. Բաղդասարյան փողոց ԷՐԵԲՈՒՆԻ ՎԱՐՉԱԿԱՆ ՇՐՋԱՆ Սասունցի Դավթի փողոց, Ռոստովյան փողոց, Աթոյան փողոց, Այվազովսկու փողոց, Վ. Աճեմյան փողոց, Նոր Արեշ 50-րդ փողոց ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆ Չնքուշի փողոց, 7-րդ փողոց, 12-րդ փողոց, 11-րդ և Նոր Զմյուռնիայի փողոցներ ԿԵՆՏՐՈՆ ՎԱՐՉԱԿԱՆ ՇՐՋԱՆ Նար-Դոսի փողոց, Ամիրյան փողոց, Թումանյան փողոց, Մոսկովյան փողոց, Մյասնիկյան պողոտա, Անտոն Քոչինյան և Զաքյան փողոցներ, Ծիծեռնակաբերդի խճուղի, Աթենքի փողոց, Արամի փողոց ՄԱԼԱԹԻԱ-ՍԵԲԱՍՏԻԱ ՎԱՐՉԱԿԱՆ ՇՐՋԱՆ Սեբաստիա փողոցից դեպի Շահումյան 4-րդ փողոց՝ մինչև Բաբաջանյան փողոցի հատում, Շերամի փողոց, Վանթյան փողոց ԱՋԱՓՆՅԱԿ ՎԱՐՉԱԿԱՆ ՇՐՋԱՆ Հալաբյան փողոց, Լենինգրադյան փողոց, Գ. Հասրաթյան փողոց, Շիրազի փողոց, Լուկաշինի փողոց, Մարտիրոսյան փողոց ՇԵՆԳԱՎԻԹ ՎԱՐՉԱԿԱՆ ՇՐՋԱՆ Թամանցիների փողոց, Ղարիբջանյան փողոց, Արագածի փողոց:
15:35 - 27 մայիսի, 2024
18 մետրանոցները նույնպես Երևանի բյուջեով պետք է գնենք. Ավինյանը՝ 250 ավտոբուսների մասին
 |news.am|

18 մետրանոցները նույնպես Երևանի բյուջեով պետք է գնենք. Ավինյանը՝ 250 ավտոբուսների մասին |news.am|

news.am: Երևանը նոր տրոյելբուսներ կունենա: 15 տրոլեյբուսի համար ֆինանսական միջոցները հատկացվել են, համաձայնագրերը վավերացվել են: Հատկացվել են նաև 171 ավտոբուսի համար անհրաժեշտ ֆինանսական միջոցները, դրանք ևս նախատեսված ժամկետում կլինեն Երևանում։ Այդ մասին զեկուցվեց այսօր՝ մայիսի 27-ին, Երևանի քաղաքապետարանի գործակարգավարական խորհրդակցության ժամանակ։ Քաղաքապետ Տիգրան Ավինյանն անդրադարձավ նաև 18 մետրանոց ավտոբուսների գնման գործընթացին. «Երևանն իր ֆինանսական միջոցների հաշվին շարունակում է արդիականացնել ավտոբուսային և տրոլեյբուսային պարկը։ Որքան էլ ցավով պետք է նշեմ, այնուամենայնիվ, ես չեմ պատկերացնում միջազգային մեր գործընկերների կամ Կառավարության հետ 18 մետրանոց ավտոբուսների գնումները կազմակերպել սեղմ ժամկետներում: Հետևաբար ես առաջարկում եմ թեկուզ փուլային, բայց Երևանի բյուջեով նախատեսել՝ հաջորդ տարվանից սկսած, 18 մետրանոց ավտոբուսների գնումը»: Քաղաքապետը հանձնարարեց նաև սկսել տեխնիկական նկարագրի պատրաստությունը. «Ոնց հասկանում եմ, ավտոբուսների մասով առաջ չենք շարժվում, և 18 մետրանոցները նույնպես Երևան քաղաքի բյուջով պետք է գնենք»։ Հասարակական տրանսպորտի բարեփոխումները, ըստ Ավինյանի, պետք է ավարտին հասցնել, ինչի համար պետք է ևս 18 մետրանոց 250 ավտոբուս: «Մենք այս ուղուց որևէ կերպ չենք շեղվելու: Հետևապես ինչպես ուզում է լինի, մենք պետք է կազմակերպենք այս աշխատանքները թեկուզ փուլային, թեկուզ՝ մի քիչ դժվարություններով, բայց պետք է իրականացնենք»,- ասաց նա։ Այս շաբաթ լավ շաբաթ է ճանապարհային աշխատանքները կազմակերպելու համար, քանի որ տեղումներ չեն սպասվում:
11:55 - 27 մայիսի, 2024
Հասարակական տրանսպորտի ուղեգծերում հնարավոր են սպասարկման միջակայքերի ժամային խախտումներ, առանձին երթուղիներում՝ շարժակազմերի բացակայություն. Երևանի քաղաքապետարան

Հասարակական տրանսպորտի ուղեգծերում հնարավոր են սպասարկման միջակայքերի ժամային խախտումներ, առանձին երթուղիներում՝ շարժակազմերի բացակայություն. Երևանի քաղաքապետարան

Հասարակական տրանսպորտի վարորդների կողմից ինքնակամ կերպով երթուղիներից դուրս գալու պատճառով ուղեգծերում հնարավոր են սպասարկման միջակայքերի ժամային խախտումներ, իսկ առանձին երթուղիներում՝ շարժակազմերի բացակայություն: Այս մասին տեղեկացնում է Երևանի քաղաքապետի մամուլի քարտուղար Հայկ Կոստանյանը:   Ավելի վաղ Կոստանյանը տեղեկացրել էր, որ հասարակական տրանսպորտի որոշ երթուղիներում վարորդների կողմից, ըստ էության, արձանագրվել են աշխատանքային պարտականությունները չկատարելու և ուղեգծերից անհիմն դուրս գալու դեպքեր:   Շատերդ տեղյակ եք, որ այս ոլորտում տևական ժամանակ է՝ իրականացվում են համակարգային բարեփոխումներ, որոնց արդյունքներից մեկն այն է, որ 20.05.2024 կայացած գործակարգավարական խորհրդակցության ընթացքում «Երևանի ավտոբուս» ՓԲԸ-ի տնօրենի զեկույցից պարզ դարձավ, որ «Երևանի ավտոբուս» ՓԲԸ-ում ավելի խիստ հսկողության արդյունքում ուղևորափոխադրումների շաբաթական հասույթներն աճում են, ստվերը կրճատվում է, ձեռնարկվում են գործուն քայլեր՝ մեր քաղաքացիներին մատուցվող ծառայությունների որակը բարձրացնելու ուղղությամբ: Երևանի քաղաքապետարանը վարորդների այս նախաձեռնությունը ըստ էության դիտարկում է որպես սաբոտաժային քայլ՝ ընդդեմ տրանսպորտի ոլորտում իրականացվող իրական և բովանդակային բարեփոխումների:   Առկա են ստույգ տվյալներ, որ վարորդների կողմից այսօր կատարված այս գործողություններն ուղղորդված են, ուստի հետամուտ ենք լինելու, որպեսզի այս գործողություններն իրականացնողներն ու կազմակերպիչները կրեն քրեաիրավական ամենախիստ պատասխանատվությունը: Հայցում ենք ձեր ներողամտությունը՝ պատճառված անհարմարությունների համար և վստահեցնում, որ Երևանի քաղաքապետարանի կողմից ձեռնարկվում են բոլոր անհրաժեշտ միջոցները՝ հասարակական տրանսպորտի բնականոն աշխատանքը ամենասեղմ ժամկետներում վերականգնելու համար»,- գրել էր Կոստանյանը։
18:18 - 22 մայիսի, 2024
Հանրային տրանսպորտի վարորդները բողոքի ակցիա են իրականացնում

Հանրային տրանսպորտի վարորդները բողոքի ակցիա են իրականացնում

«Երևանի ավտոբուս» ՓԲԸ-ի վարորդները բողոքի ակցիա են իրականացնում։ Նրանք բողոքում են, որ նոր տնօրենությունը կադրային փոփոխություններ է անում, աշխատակիցներին հեռացնում աշխատանքից։ Նրանք պահանջում են, որ իրենց աշխատանքներում վերականգնվեն ընկերության գլխավոր ինժեներ Անդրանիկ Մանուկյանը, հաշվապահության աշխատողները:  Քաղաքապետարանից արձագանքել են ակցիային՝ նշելով, որ «որոշ երթուղիներում արձանագրվել են վարորդների կողմից աշխատանքային պարտականությունները չկատարելու և ուղեգծերից անհիմն դուրս գալու դեպքեր»։  «Երևանի քաղաքապետարանը վարորդների այս նախաձեռնությունը ըստ էության դիտարկում է որպես սաբոտաժային քայլ՝ ընդդեմ տրանսպորտի ոլորտում իրականացվող իրական և բովանդակային բարեփոխումների: Առկա են ստույգ տվյալներ, որ վարորդների կողմից այսօր կատարված այս գործողություններն ուղղորդված են, ուստի հետամուտ ենք լինելու, որպեսզի այս գործողություններն իրականացնողներն ու կազմակերպիչները կրեն քրեաիրավական ամենախիստ պատասխանատվությունը», - նշել են քաղաքապետարանից: Ակցիայի մասնկիցները նշում են՝ սա սաբոտաժ չէ, սա ՀՀ քաղաքացու պահանջ է։ Մասնակիցներից մեկի խոսքով՝ իրենքիրավունք ունեն իմանալու՝ ինչու են իրենց անմիջական ղեկավարին ազատել աշխատանքից։
17:12 - 22 մայիսի, 2024
Հասարակական տրանսպորտի վարորդների կողմից ուղեգծերից անհիմն դուրս գալու դեպքերն ուղղորդված են. Քաղաքապետարան

Հասարակական տրանսպորտի վարորդների կողմից ուղեգծերից անհիմն դուրս գալու դեպքերն ուղղորդված են. Քաղաքապետարան

Հասարակական տրանսպորտի որոշ երթուղիներում վարորդների կողմից, ըստ էության, արձանագրվել են աշխատանքային պարտականությունները չկատարելու և ուղեգծերից անհիմն դուրս գալու դեպքեր: «Ֆեյսբուք» սոցիալական ցանցի իր էջում այս մասին գրել է Երևանի քաղաքապետի մամուլի խոսնակ Հայկ Կոստանյանն՝ ընդգծելով, որ առկա են ստույգ տվյալներ, որ վարորդների կողմից այսօր կատարված այս գործողություններն ուղղորդված են: «Շատերդ տեղյակ եք, որ այս ոլորտում տևական ժամանակ է իրականացվում են համակարգային բարեփոխումներ, որոնց արդյունքներից մեկն այն է, որ 20.05.2024 կայացած գործակարգավարական խորհրդակցության ընթացքում «Երևանի ավտոբուս» ՓԲԸ-ի տնօրենի զեկույցից պարզ դարձավ, որ «Երևանի ավտոբուս» ՓԲԸ-ում ավելի խիստ հսկողության արդյունքում ուղևորափոխադրումների շաբաթական հասույթներն աճում են, ստվերը կրճատվում է, ձեռնարկվում են գործուն քայլեր՝ մեր քաղաքացիներին մատուցվող ծառայությունների որակը բարձրացնելու ուղղությամբ: Երևանի քաղաքապետարանը վարորդների այս նախաձեռնությունմն, ըստ էության, դիտարկում է որպես սաբոտաժային քայլ ՝ընդդեմ տրանսպորտի ոլորտում իրականացվող իրական և բովանդակային բարեփոխումների: Առկա են ստույգ տվյալներ, որ վարորդների կողմից այսօր կատարված այս գործողություններն ուղղորդված են, ուստի հետամուտ ենք լինելու, որպեսզի այս գործողություններն իրականացնողներն ու կազմակերպիչները կրեն քրեաիրավական ամենախիստ պատասխանատվությունը: Հայցում ենք ձեր ներողամտությունը՝ պատճառված անհարմարությունների համար և վստահեցնում, որ Երևանի քաղաքապետարանի կողմից ձեռնարկվում են բոլոր անհրաժեշտ միջոցները՝ հասարակական տրանսպորտի բնականոն աշխատանքը ամենասեղմ ժամկետներում վերականգնելու համար»,- ասված է գրառման մեջ:
15:26 - 22 մայիսի, 2024
Նորոգված փոսերը մի քանի օրում քանդվել են. խախտված նորմեր, լրացուցիչ ծախսեր՝ ձեր հարկերից 

Նորոգված փոսերը մի քանի օրում քանդվել են. խախտված նորմեր, լրացուցիչ ծախսեր՝ ձեր հարկերից 

Արդեն 2 ամիս է, ինչ Երևանում տեղի են ունենում փոսային նորոգման աշխատանքներ։ Քաղաքային բյուջեից մոտ կես միլիարդ դրամ է հատկացվել մայրաքաղաքի փողոցները նորոգելու համար։ Փոսերը, սակայն, չեն վերացել։ Ավելին՝ առաջացել են նորերը։  Փոսային նորոգման ընթացքում առաջացած խնդիրներին երեկ քաղաքապետ Տիգրան Ավինյանը և Շինարարության և բարեկարգման վարչության ժ/պ Արմեն Հարությունյանը մի քանի րոպեում լուծում գտան. հրատապ կերպով նոր գնում կազմակերպել, նորից միջոցներ հատկացնել բյուջեից և կրկին իրականացնել փոսային նորոգման աշխատանքներ։  Դեռ մարտին Երևանի քաղաքապետարանը ընդհանուր առմամբ 552,3 մլն դրամի պայմանագիր է կնքել 4 ընկերության հետ՝ Երևանում փոսային նորոգման աշխատանքներն իրականացնելու համար։ Շինարարության և բարեկարգման վարչության ժ/պ Արմեն Հարությունյանը երեկ գործակարգավարական նիստի ժամանակ նշեց, որ փոսալցրել են նախատեսված 104 հազար քմ-ի մոտ 75 տոկոսը, սակայն փոսերի խնդիրը դրանով չի վերացել։ «Հաշվի առնելով եղանակային պայմանները, որը սահմանափակեց նաև մեր աշխատանաքային օրերը, այսինքն՝ չկարողացան առկա փոսերը վերանորոգեն, ինչը նաև հանգեցրեց նրան, որ մենք ունեցանք ավելի մեծ չափերի փոսեր կամ էլի նոր փոսեր, այսինքն էդ պահին չկարողացանք վերանորգենք եղած  փոսերը, ինչը ստեղծեց իրավիճակ, որ նոր փոսեր առաջանան»,- նկարագրեց Հարությունյանը՝ խնդրելով քաղաքապետին ֆինանսական նոր միջոցներ հատկացնել, «Մեկ անձ» ընթացակարգով գնում կազմակերպել և ավարտել քաղաքի փոսային նորոգման աշխատանքները։  Քաղաքապետը պատասխանեց. «Հրատապ գնումը կազմակերպենք»։   Արդյո՞ք եղանակային պայմաններն են փոսային նորոգումների ձախողման հիմնական պատճառը. «Ինֆոքոմը» դիտարկել և հայտնաբերել է նորմերի խախտումներ  Ամեն տարի արվող փոսային նորոգման աշխատանքները այս տարի սկսեցին մարտի 27-ին։ Այդ մասին իր ֆեյսբուքյան էջում հայտարարեց Երևանի քաղաքապետի մամուլի խոսնակ Հայկ Կոստանյանը։ Աշխատանքները պետք է իրականացվեին հետևյալ սկզբունքով․ առաջին օրը երթևեկելի վնասված մասի կտրում,  հաջորդ օրը՝ ասֆալտ-բետոնե ծածկի տեղադրում։   Ըստ փոսային նորոգման աշխատանքներ իրականացնող ընկերությունների հետ կնքված պայմանագրերին կից տեխնիկական բնութագրի՝ փոսային նորոգման աշխատանքները պետք է իրականացվեին առավելագույնը 72 ժամվա ընթացքում՝ հաշվի առնելով եղանակային պայմանները։ Ի դեպ՝ եղանակային կանխատեսումներ անող բազմաթիվ միջոցներ և գործիքներ կան, որոնցից ասֆալտապատող ընկերությունները կարող էին օգտվել նորոգման աշխատանքները պլանավորելիս։  «Ինֆոքոմը» դիտարկել է կատարվող աշխատանքների ժամկետներն ու որակը։  Նոր Նորք և Ավան վարչական շրջաններում փոսային նորոգման աշխատանքներ իրակաանացնող «Ապոլլոնն» ՍՊԸ-ից և քաղաղաքապետարանից ապրիլի 4-ին հայտնել էին, որ նույն օրը գիշերը սկսելու են Նոր Նորքի 4-րդ զանգվածից դեպի Ջրվեժ բարձրացող հատվածում փոսային նորոգման աշխատանքները։  4 օր անց՝ ապրիլի 8-ին, «Ինֆոքոմը» ֆիքսել է, որ քանդման աշխատանքներն արվել են, սակայն դեռ ասֆալտ-բետոնե ծածկը չի տեղադրվել։  08/04/2024 09/04/2024 10/04/2024 11/04/2024 Ասֆալտ-բետոնե ծածկի տեղադրումը շինարարական կազմակերպությունը սկսկել է քանդման աշխատանքներից 8 օր հետո՝ ապրիլի 12-ին։ Այս ժամանակահատվածում փոսային նորոգման աշխատանքներ էին իրականացվում նաև Կենտրոն, Դավթաշեն, Նուբարաշեն, Ավան, Արաբկիր և Աջափնյակ վարչական շրջաններում։  Աջափնյակ վարչական շրջանում ասֆալտապատումն իրականացնում է «Տեր-Հայրապտյան Շին» ՍՊԸ-ն։ Հալաբյան փողոցում ընկերությունը արել էր քանդման աշխատանքներ, սակայն փոսալցման աշխատանքները վերսկսեց միայն սահմանված ժամկետի ավարտին։  09/04/2024 11/04/2024 12/04/2024 Փոսերը նորոգելուց հետո նորից քանդվել են Ընկերությունները փոսային նորոգման աշխատանքներն իրականացնում են սխեմատիկ գծագրերի հիման վրա։ Սխեմատիկ գծագրերը ցույց են տալիս, թե փողոցի որ հատվածում ինչ ծավալի աշխատանք է կատարվել։ «Ապոլլոնն» ՍՊԸ-ի սխեմատիկ գծագրերից երևում է, որ ընկերությունը փոսային նորոգման աշխատանքներ է իրականացրել Նոր Նորք վարչական շրջանի Բադալ Մուրարդյան, Բագրևանդ, Ավան վարչական շրջանի Ալմաթի փողոցներում։ Այս փողոցների դիտարկման արդյունքում արձանագրել ենք, որ կատարված փոսային նորոգման աշխատանքներից հետո տեղումներ են եղել, և փոսերը նորից քանդվել են։  Բադալ Մուրադյան փողոց, Նոր Նորք Բագրևանդ փողոց, Նոր Նորք  Բագրևանդ փողոց, Նոր Նորք  Ալմաթի փողոց, Ավան  «ԼԵՎ-ՇԻՆ» ընկերությունը, որը փոսային նորոգման աշխատանքներ է իրականացնում Արաբկիր վարչական շրջանում, իր ներկայացրած սխեմատիկ գծագրերում նշել է, որ նորոգել է Վաղարշյան, Քեռու, Իսահակյան, Օրբելի, Փափազյան և մի քանի այլ փողոցներ։ Դիտարկել ենք Քեռու փողոցը նորոգման աշխատանքներից օրեր անց։  Ապրիլի 4-ին դիտարկում իրականացնելու համար զանգահարել էինք «Լիլիթ-87» ընկերութուն, իմանալու, թե որ հատվածում են աշխատանքներ իրականացնում։ Ընկերությունից պատասխանեցին, որ փոսային նորոգման աշխատանքներ իրականացնելու են միայն Կենտրոն վարչական շրջանում, այնինչ, ըստ քաղաքապետարանի հետ կնքված պայմանագրի, «Լիլիթ-87»-ը նորոգում պետք է իրականացներ նաև Նորք-Մարաշ վարչական շրջանում։ Քաղաքապետարանից ճշգրտեցին, որ Նորք-Մարաշի ասֆալտապատումը, ըստ կնքված պայմանգրի, իրականացնելու է «Լիլիթ-87» ընկերությունը։  Մոտ մեկ ամիս անց՝ մայսիս 2-ին, «Լիլիթ-87» ընկերության ավագ ինժեներ Սահակ Աբրահամյանը մեզ հետ զրույցում ասաց, որ ի սկզբանե չեն իմացել իրենց` Նորք-Մարաշում փոսային նորոգման աշխատանքներ իրականացնելու պարտավորության մասին։ Միայն մի քանի օր առաջ են քաղաքապետարանից կարգադրություն ստացել փոսային նորոգման աշխատանքներ իրականացնել նաև այդ վարչական շրջանում։  Դիտարկում ենք իրականացրել նաև Նորք-Մարաշի Գևորգ Հովսեփյան փողոցում։  Անորակ աշխատանք, թույլ վերահսկողություն. Երևանի՝ մի քանի օրվա կյանք ունեցող փոսային նորոգման պատճառները Ճանապարհաշինարարների հայկական ասոցացիայի խորհրդի նախագահ Էդուարդ Բեզոյանի հետ զրուցել ենք այն մասին, թե ինչու են Երևանում փոսային նորոգման աշխատանքներից հետո՝ մի քանի օրվա ընթացքում, կրկին փոսեր առաջանում։  Էդուրադ Բեզոյանը նշում է, որ կան բազմաթիվ իրավական ակտեր, միջազգային փաստաթղթեր, որնց հիման վրա էլ 2022 թվականից գործում են նոր ճանապարհաշինարարական նորմերը։ Դրանք սահմանում են ասֆալտապատման տարածքի ուսումնասիրությունը, փոսերի խորության չափումները, ասֆալտի կտրման չափորոշիչները, ասֆալտ-բետոնե խառնուրդի որակը և ջերմաստիճանը, իրականացվող աշխատանքների ժամկետները, ինչպես նաև ասֆալտապատվող տարածքի կահավորումը։ Ըստ Բեզոյանի՝ ասֆալտապատում իրականացնող ընկերությունները հաճախ չեն պահպանում այդ նորմերը, իսկ պատվիրատուն, այս դեպքում՝ քաղաքապետարանը, պատշաճ վերահսկողություն չի իրականացնում։  Օրինակ՝ ծածկի փռման ժամանակ ասֆալտ-բետոնի ջերմաստիճանը պետք է լինի 100-120 աստիճան, սակայն ժամերի ընթացքում բեռնատար մեքենայի մեջ բաց վիճակում գտնվելով՝ ջերմաստիճանը նվազում է, ինչը նույնպես նորմերի խախտում է։  «Տեր-Հայրապետյան Շին» ընկերություն, Հալաբյան փողոց, 03/04/2024 Ասֆալտապատման աշխատանքներ իրականացնելու համար պետք է տեղադրվեն համապատասխան նշաններ, ժապավեններով պետք է տարանջատվի տարածքը, որ երթևեկությանը չխանգարի։  «ԼԵՎ-ՇԻՆ» ՍՊԸ, Թբիլիսյան խճուղի 19/04/2024 «Չի թույլատրվում փոսային կտրվածքները մի քանի օր թողնել։ Երբ ֆրեզավորում են իրակակացնում, հաջորդ օրը պետք է իրականացվի լցման աշխատանք։ Հակառակ դեպքում այդ եզրագծերը նորից կջարդվեն, նոր պրոբլեմներ կառաջանան»,- բացատրում է Էդուարդ Բեզոյանը։ Ինչպես արդեն ցույց է տալիս «Ինֆոքոմի» վերոնշյալ դիտարկումը, ասֆալտապատման աշխատանքների ժամկետները մի շարք վարչական շրջաններում խախտվել են։ Երևանի քաղաքապետարանից հարցմամբ ուզել էինք աշխատանքների համար սահմանված ժանանակացույցը, որը, սակայն, քաղաքապետարանը չէր տրամադրել՝ պատճառաբանելով, որ եղանակային պայմաններից ելնելով՝ կարող են գրաֆիկից շեղումներ լինել, և նպատակահարմար չեն համարում դրանց տրամադրումը։    Ովքե՞ր են իրականացնում փոսային նորոգման աշխատանքները Երևանում Երևանի քաղաքապետարանի փոսային նորոգումների աշխատանքների կատարման համար հայտարարված մրցույթում ընտրվել են 4 մասնակիցներ՝ «Տեր-Հայրապետյան Շին», «Լիլիթ-87», «Լև-Շին» և «Ապոլլոնն» սահմանափակ պատասխանատվությամբ ընկերությունները։  «Ապոլլոնն» ՍՊԸ 2023 թվականի տարեսկզբին հիմնված այս ընկերության սեփականատերը Անդրանիկ Սաքեյանն է։ Ընկերությունը պետական գնումներին ներկայացրած 15 հայտերից շահել է 2-ը՝ ասֆալտապատման պայմանագրեր կնքելով Երևանի քաղաքապետարանի հետ։  «Լեվ-Շին» ՍՊԸ Այս ընկերության 100% բաժնետերը Հայաստանի հանրապետական կուսակցության (ՀՀԿ) անդամ, նախկինում Գեղարքունիքի մարզպետի տեղակալ Կարեն Հակոբյանն է։ Ընկերությունը 2021 թվականին էլ է շահել Երևանի քաղաքապետարանի ասֆալտապատման աշխատանքների համար հայտարարված մրցույթում։ Աշխատանքներն իրականացրել է Արաբկիրում և Քանաքեռ-Զեյթուն վարչական շրջաններում։  2020 թվականին ստեղծված այս ընկերությունը պետական գնումներում շահել է 22 անգամ, որոնցից 11-ը՝ Երևանի քաղաքապետարանի մրցույթներում։  Մինչև Կարեն Հակոբյանը՝ ընկերության 100% բաժնետեր է եղել Հակոբյանի քրոջ որդին՝ Նովլեթ Արաքսի Նաջարյանը։ Նովլեթի հայրը՝ Արաքս Նաջարյանը, «ԲԵՍԹ ՊԼՅՈՒՍ» ՍՊԸ-ի 100% բաժնետեր է։ Այս ընկերությունը նույնպես մասնակցում է պետական գնումներին։ 2021 թվականին ստեղծված այս ընկերությունը պետական գնումներում  շահել է 12 անգամ, որոնցից 4-ով պայմանգիր է կնքել է Երևանի քաղաքապետարանի հետ՝ վերանորոգման, այգիների բարեկարգման  և սալիկապատման աշխատանքներ իրականացնելու համար։ «Տեր-Հայրապետյան Շին» ՍՊԸ Ընկերության 100% բաժնետերը 2020 թվականից Հրանտ Ումրոյանն է։ Նրան է պատկանում նաև «ՍՄԱՐԹԼԱՅՆ» ընկերությունը, որը միայն 2020-2024 թվականներին 46 պայմանագիր է կնքել Երևանի քաղաքապետարանի հետ՝ գրենական պիտույքներ և սարքավորումներ մատակարարելու համար։ Հրանտ Ումրոյանը մինչև 2019 թվականի հունիսի 6-ը եղել է նաև «ՊՐՈՖ-ՕՖԻՍ» ընկերության բաժնետերերից։ «ՊՐՈՖ-ՕՖԻՍ» ընկերությունը Երևանի քաղաքապետարանի հետ 4 պայմանագիր ունի կնքած։ Այժմ «ՊՐՈՖ-ՕՖԻՍ» ՍՊԸ-ի բաժնետերը նախկին ԱԺ պատգամավոր, ՀՀԿ անդամ Հակոբ Բեգլարյանի տղան է՝ Նարեկ Բեգլարյանը։  «Լիլիթ-87» ՍՊԸ Կազմակերպության բաժնետերերն են Նարգիզ Աբրահանյանը (50%) և Վաղարշակ Պետրոսյանը (50%)։  Ընկերությունը պետական գնումներին սկսել է մասնակցել 2015 թվականից՝ շահելով 27 անգամ, որից 6-ը՝ Երևանի քաղաքապետարանի, 4-ը՝ ԲՏԱ նախարարության, 9-ը՝ ՏԿԵ նախարարության և 8-ը՝ Կոտայքի մարզպետի աշխատակազմի գնումներում։  Կնքված պայմանագրերից 3-ի դեպքում «Լիլիթ-87» ընկերությունը եղել է միակ մասնակիցը։ Պայմանագրերից 2-ը կնքվել են Երևանի քաղաքապետարանի, 1-ը՝ Կոտայքի մարզպետի աշխատակազմի հետ։   Ասֆալտապատման ոլորտում իրականացվող մրցույթներում ներքին պայմանավորվածություն կա․ ՄՊՀ Մրցակցության պաշտպանության հանձնաժողովը 2021 թվականի դեկտեմբերի 14-ին որոշում էր հրապարակել Երևանի քաղաքապետաարանի և մի շարք ընկերությունների կողմից տնտեսական մրցակցության բնագավառում իրավախախտման վերաբերյալ վարույթ հարուցելու մասին։ Որոշման մեջ նշվում էր, որ մասնակիցները դրսևորել են գործողությունների հնարավոր համաձայնության մասին վկայող վարքագիծ։  Վարույթի շրջանում տեղի են ունեցել հանձնաժողովի նիստեր, որոնց ընթացքում պարզվել է, որ.  Յուրաքանչյուր ընկերություն ընտրված մասնակից է ճանաչվել կոնկրետ չափաբաժնի մասով և իրականցրել է աշխատանքեր կոնկրետ իր համար նախընտրելի աշխարհագրական տարածքում։ Մասնակիցների գնային առաջարկների հաշվարկման մեթոդները նախահաշվարկային գնի նկատմամբ տարբեր չափաբաժինների դեպքում տարբեր են, քանի որ կոնկրետ չափաբաժինների դեպքում մասնակիցները ներկայացրել են առավել ցածր գնային առաջարկներ և ճանաչվել ընտրված մասնակից։  Մասնակիցները տարիներ շարունակ իրականացրել են աշխատանքներ նույն վարչական շրջաններում այն պայմաններում, երբ վերջիններս ընթացակարգերի հրավերների տեխնիկական բնութագրերից նախապես չպետք է իմանային, որ վարչական շրջաններում պետք է իրականացնեն աշխատանքները։ Ընկերությունները հայտ են ներկայացրել գնման առարկաների նախահաշվային գներին մոտ գներով, ինչը կարող է վկայել գնումների գործընթացին մասնակից տնտեսվարող սուբյեկտների և գնումների գործընթացը կազմակերպող անձանց միջև որոշակի պայմանավորվածության մասին։  ՄՊՀ որոշման հիման վրա վարույթ էր հարուցվել այս տարի ասֆալտապատում իրականացնող կազմակերպություններից 2-ի՝ «Լիլիթ-87» և «ԼԵՎ-ՇԻՆ» ընկերությունների վերաբերյալ տնտեսական մրցակցության բնագավառում իրավախախտումներ իրականացնելու հիմքով։ 2022 թվականի սեպտեմբերի 13-ին հանձնաժողովը որոշում է հրապարակել այն մասին, որ կազմակերպություններից մի քանիսի վարույթները պետք է կարճվեն, այդ թվում՝ «ԼԵՎ-ՇԻՆ» ընկերության վերաբերյալ վարույթը։ 8 ընկերություն տուգանվել է՝ ներառյալ «Լիլիթ-87» ՍՊԸ-ն՝ 13,8 մլն ՀՀ դրամի չափով։    Նիստերի ընթացքում «Լիլիթ-87» ընկերության ներկայացուցիչը նշել է, որ ընկերությունները նախապես պայմանավորվածություն են ձեռք բերում չափաբաժինների մասով։ Այլ ընկերությունների ներկայացուցիչներ էլ հայտնել են, որ տեղեկացել են, թե որ վարչական շրջաններում են իրականացնելու աշխատանքները Քաղաքապետարանի հետ պայմանագրերը կնքելուց առաջ։    Ովքե՞ր են իրականացրել փոսային նորոգման աշխատանքների վերահսկողությունը Փոսային նորոգման աշխատանքների որակի տեխնիկական հսկողություն իրականացնող կազմակերպությունները, ըստ կնքված պայմանագրերի հավելված 1-ում նշված տեխնիկական բնութագրի, պարտավոր են քաղաքապետարանի կողմից տրված նախահաշվային փաստաթղթերի հիման վրա իրականացնել տեխնիկական հսկողություն, որ աշխատանքը կատարվի որակով և պայմանագրային փաստաթղթերին համապատասխան։  Կազմակերպությունները պարտավոր են ամենօրյա ռեժիմով լուսանկարահանել շինարարության օբյեկտի վիճակը, հսկել կապալառուի կատարած աշխատանքի որակը, իսկ պայմանագրային պարտավորությունններից շեղվելու դեպքում այդ մասին տեղյակ պահել պատվիրատուին՝ կցելով համապատասխան հիմնավորումը։  Փոսային նորոգման աշխատանքներ իրականացնող կազմակերպությունների աշխատանքի տեխնիկական հսկողության ծառայություններ իրականացնելու համար հայտարարված մրցույթում 7 մասնակիցներից հաղթող են ճանաչվել «Ինժեներինգ» սահմանափակ պատասխանատվությամբ ընկերությունը և «Վահրամ Կնյազյան» անհատ ձեռնարկատերը՝ որպես ամենացածր գնառաջարկ ներկայացրած ընկերություններ։  «Ինժեներինգ» ՍՊԸ 2016 թվականին ստեղծված այս կազմակերպությունը պետական գնումներում 27 պայմանագիր ունի կնքած, որից 16-ը Երևանի քաղաքապետարանի հետ՝ տեխնիկական հսկողության ծառայություններ իրականացնելու համար։   Ընկերության տնօրեն Արման Խալաթյանը նաև «ՀՏ-ՊՐՈԵԿՏ» ընկերության սեփականատեր է։ 2020 թվականին ստեղծված այս ընկերությունը նույնպես մասնակցում է պետական գնումներին, իրականացնում տեխնիկական հսկողություն։ Ընկերությունը ընդհանուր առմամբ 136 պայմանագիր է կնքել տարբեր գերատեսչությունների հետ, որից 104-ը՝ Երևանի քաղաքապետարանի։  «Վահրամ Կնյազյան» ԱՁ Տեխնիկական հսկողության ծառայություններ իրականացնող այս կազմակերպությունը վերջին 4 տարիներին Երևանի քաղաքապետարանի հետ կնքած պայմանագրերի քանակով երկրորդն է։  2013 թվականին ԱՁ հիմնած Վահրամ Կնյազյանը պետական տարբեր գերատեսչությունների հետ կնքած 244 պայմանագիր ունի, որից 158-ը՝ Երևանի քաղաքապետարանի հետ։  «Որ ամեն մի շինարարական աշխատանք իրականցնող պարտավորվի իր կատարած աշխատանքի համար մինիմում 1 տարվա երաշխիք տալ, եթե մեկ տարվա ընթացքում [ասֆալտը] նորից վնասվեց, նա պարտավորվի իր միջոցներով վերականգնի… Այ երբ կազմակերպությունները իրենց ուսերի վրա զգան այդ ծարությունը, ինձ թվում է, որ մեր փողոցների վիճակը մեկ աստիճան ավելի բարձր կլինի»,- ասում է Ճանապարհաշինարարների հայկական ասոցացիայի խորհրդի նախագահ Էդուարդ Բեզոյանը։ Հաջորդիվ կանդրադառնանք քաղաքապետարանի՝ փոսային նորոգման հավելյալ գնումներին և դրանց վերահսկողությանը։    Ջուլիետտա Հովհաննիսյան
18:23 - 21 մայիսի, 2024
Մետրոյի տոմսն այլևս ժետոնով չի լինի. կգործեն QR կոդերով և վճարման այլ միջոցներով համակարգեր |1lurer.am|

Մետրոյի տոմսն այլևս ժետոնով չի լինի. կգործեն QR կոդերով և վճարման այլ միջոցներով համակարգեր |1lurer.am|

1lurer.am: Երևանի մետրոպոլիտենի տոմսեր չեն լինի ժետոններով, կգործի QR կոդերով և այլ համակարգերով վճարելու տարբերակը: Այս մասին Երևանի քաղաքապետարանի գործակարգավարական խորհրդակցության ժամանակ ասաց Երևանի քաղաքապետի տեղակալ Սուրեն Գրիգորյանը: Այս պահին փոխարինվում են մետրոյի չաշխատող անցարգելները: Հին անցարգելները, որոնք աշխատում են, դեռևս չեն փոխարինվում, որովհետև նորերը ժետոնային համակարգով չեն աշխատում: «Մենք ոչ մի կրիտիկական խնդիր չունենք, բայց որոշակի կարգաբերումների հարց ունենք: Այդ կարգաբերումները իրականացնելուց հետո և համոզվելուց հետո, որ ամբողջությամբ նոր անցարգելները պատրաստ են սպասարկելու ուղևորահոսքը, նաև կփոխարինվեն մյուս անցարգելները, որից հետո արդեն այլևս ժետոնով ուղևորավարձի վճարում, տոմսն այլևս ժետոնով չի լինի, այլ կլինի QR կոդերով և պայմանագրով նախատեսված ժամկետներով՝ նաև վճարման այլ միջոցներով՝ բանկային քարտերով և այլն»,- ասաց Սուրեն Գրիգորյանը: Նշենք, որ նախատեսվում է փոխարինել ընդհանուր առմամբ 49 անցարգել: Աշխատանքները կավարտվեն մեկ ամսվա ընթացքում։
12:05 - 20 մայիսի, 2024
Փարիզի փոխքաղաքապետ Անուշ Թորանյանը հյուրընկալել է Երևանի փոխքաղաքապետ Լևոն Հովհաննիսյանին

Փարիզի փոխքաղաքապետ Անուշ Թորանյանը հյուրընկալել է Երևանի փոխքաղաքապետ Լևոն Հովհաննիսյանին

Փարիզի փոխքաղաքապետ Անուշ Թորանյանը հյուրընկալել է Երևանի փոխքաղաքապետ Լևոն Հովհաննիսյանին և պատվիրակության կազմում գտնվող Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանին,  «Հանրապետություն» խմբակցության ղեկավար Անի Խաչատրյանին, «Հանրային ձայն» խմբակցության ղեկավար Վահան Ավագյանին ու «Ազգային առաջընթաց» խմբակցության քարտուղար Իզաբելլա Աբգարյանին:  Մեծապես կարևորելով համագործակցության խորացումը ֆրանսիական գործընկեր քաղաքների և ռեգիոնների հետ՝ Երևանի փոխքաղաքապետն ընդգծել է, որ այդ համատեքստում Փարիզն առանձնակի նշանակություն ունի:  Լևոն Հովհաննիսյանը նշել է, որ Փարիզը բոլոր ժամանակներում ցույց է տվել համամարդկային բարձր արժեքներին իր հավատարմությունը: Հանդիպման շրջանակում Երևանի ավագանու անդամներն իրենց հերթին կարևորել են նաև երկու մայրաքաղաքների ավագանիների միջև գործակցության հաստատումը, ինչն իր հերթին կնպաստի քաղաքի օրենսդիր մարմնի ինստիտուտի կայացմանը:
12:04 - 18 մայիսի, 2024