Իլհամ Ալիև

Իլհամ Ալիևը Ադրբեջանի ներկայիս նախագահն է։ 1977 թվականին ընդունվել է Միջազգային հարաբերությունների Մոսկվայի պետական ինստիտուտ:

2003 թվականի հոկտեմբերի 15-ին ընտրվել է Ադրբեջանի Հանրապետության նախագահ: Վերընտրվել է 2008, 2013, 2018 թվականներին։

Մեզ միկրոհեղափոխություններ են պետք, որ դրանք վերափոխենք մինի հեղափոխությունների. Ն. Փաշինյանը՝ ԼՂ հակամարտության կարգավորման մասին |tert.am|

Մեզ միկրոհեղափոխություններ են պետք, որ դրանք վերափոխենք մինի հեղափոխությունների. Ն. Փաշինյանը՝ ԼՂ հակամարտության կարգավորման մասին |tert.am|

tert.am: Մենք հավատարիմ ենք խաղաղության գործընթացին, դրա համար ես կարծում եմ, որ Լեռնային Ղարաբաղի հարցով բանակցությունը պետք է տեղի ունենա ԵԱՀԿ Մինսկի խմբի նախագահության ձևաչափով: Այս մասին Մյունխենի Անվտանգության համաժողովի շրջանակներում Արցախյան հարցին նվիրված քննարկման ընթացքում ասաց ՀՀ վարչապետ Նիկոլ Փաշինյանը՝ պատասխանելով հարցին, թե ինչու՞ հակամարտության կողմերը չեն դիմում Արդարադատության միջազգային դատարան: «Մենք շատ ինտենսիվ ենք աշխատում, և ինչպես ասացինք՝ մենք պատրաստ ենք իրական ջանք գործադրել՝ իրոք հակամարտության փոփոխության հասնելու համար»,-նշեց նա: Անդրադառնալով բանակցային գործընթացում իր նախաձեռնած «մինի հեղափոխություններին»՝ վարչապետն ասաց. «Իմ սկզբունքային պատկերացումը հետևյալն է՝ հնարավոր չէ այս երկար տևած հակամարտությունը 1 կամ 2 քայլով լուծել, մեզ միկրոհեղափոխություննր են պետք, որ դրանք վերափոխենք մինի հեղափոխությունների, որից հետո իրոք բեկում ունենանք բանակցային գործընթացում»,-ասաց նա՝ նշելով, որ 2018-ի սեպտեմբերին ինքը հայտարարել է, որ ԼՂ հակամարտության ցանկացած լուծում պետք է ընդունելի լինի Հայաստանի ժողովրդի, Ղարաբաղի ժողովրդի և Ադրբեջանի ժողովրդի համար: «Ինչու է սա միկրոհեղափոխություն, քանի որ ես Հայաստանի առաջին առաջնորդն եմ, ով ասում է, որ ցանկացած լուծում պետք է ընդունելի լինի նաև Ադրբեջանի ժողովրդի համար: Իսկ հիմա անցել է ավելի քան 1 տարի այդ հեղափոխությունից, ես ոչ միայն Հայաստանի միակ առաջնորդն եմ, այլև Հայաստանի և Ադրբեջանի առաջնորդներից միակն եմ, ով ասում է, որ ցանկացած լուծում պետք է ընդունելի լինի բոլոր կողմերի համար»,-ասաց Փաշինյանը: Վերջինիս խոսքով՝ հաջորդ միկրոհեղափոխությունն այն է, որ իր ասուլիսներից մեկի ժամանակ սոցցանցերի հայ և ադրբեջանցի օգտատերերին կոչ է արել սոցցանցերը չօգտագործել իրար վիրավորելու, սպառնալու համար: «Կոչ արեցի սոցիալական մեդիան, նոր տեխնոլոգիաներն օգտագործել՝ փորձելու համար իրար ավելի լավ հասկանալ: Դա էլ մոտեցում է, և ես փորձել եմ ուղղակիորեն խոսք ուղղել Ադրբեջանի ժողովրդին, եթե նախագահ Ալիևը դեմ չէ, ես էլ դեմ չեմ լինի, եթե նախագահ Ալիևը խոսի հայ ժողովրդի հետ: Բայց մենք մի շատ տարօրինակ փաստ ունենք՝ նախագահ Ալիևը հրաժարվում է խոսել ԼՂ ներկայացուցիչների հետ, և դա շատ տարօրինակ փաստ է՝ ինչպես է հնարավոր լուծել ԼՂ հակամարտությունը՝ չխոսելով ԼՂ ներկայացուցիչների հետ: Իմիջիայլոց՝ ԼՂ-ն ճանաչվել է որպես հակամարտության կողմ և բանակցությունների կողմ ԵԱՀԿ-ի կողմից: Դա երկու անգամ տեղի է ունեցել՝ 1992 թ.-ի մարտի 24-ին և 1994թ,-ին՝ Բուդապեշտում ԵԱՀԿ գագաթնաժողովին»,-ասաց Նիկոլ Փաշինյանը:
11:34 - 16 փետրվարի, 2020
Հնարավոր չէ, որ Լեռնային Ղարաբաղը զիջի իր անվտանգությունը․ Նիկոլ Փաշինյան |armenpress.am|

Հնարավոր չէ, որ Լեռնային Ղարաբաղը զիջի իր անվտանգությունը․ Նիկոլ Փաշինյան |armenpress.am|

<diarmenpress.am: v dir="auto">Մյունխենի անվտանգության համաժողովի շրջանակներում Ադրբեջանի նախագահ Իլհամ Ալիևի մասնակցությամբ ԼՂ հիմնահարցի վերաբերյալ քննարկմանը ՀՀ վարչապետն անդրադարձավ նաև Ադրբեջանի նախագահի այն հայտարարությանը, թե Լեռնային Ղարաբաղը բանակցությունների և հակամարտության կողմ չէ։ «Ադրբեջանը երկու անգամ համաձայնագրեր է ստորագրել Լեռնային Ղարաբաղի հետ․ առաջին անգամ 1994 թվականին, և դա հրադադարի համաձայնագիրն էր Հայաստանի, Լեռնային Ղարաբաղի և Ադրբեջանի միջև, պաշտպանության նախարարներն են ստորագրել այդ փաստաթուղթը։ Դրանից երեք ամիս անց վերահաստատել են, որ հրադադարը պահպանվելու է այնքան, մինչև կոնֆլիկտը ստանա քաղաքական լուծում»,- ընդգծեց Նիկոլ Փաշինյանը։    ՀՀ վարչապետը նկատեց, որ Դուշանբեում իր և Ադրբեջանի նախագահի առաջին հանդիպումից հետո լարվածությունն ընդհանուր առմամբ աննախադեպ անկում է ապրել, կարողացել են ուղիղ կապ ստեղծել շփման և տեղեկատվության փոխանակման համար։
11:10 - 16 փետրվարի, 2020
Ադրբեջանի տեսակետից դրանք տարածքներ են, Ղարաբաղի տեսակետից՝ անվտանգություն, որը զիջելն անհնար է․ Նիկոլ Փաշինյան |tert.am|

Ադրբեջանի տեսակետից դրանք տարածքներ են, Ղարաբաղի տեսակետից՝ անվտանգություն, որը զիջելն անհնար է․ Նիկոլ Փաշինյան |tert.am|

tert.am: Հնարավոր չէ՝ անվտանգությունը որևէ մեկը զիջի, Ղարաբաղի պարագայում էլ դա անհնար է: Այս մասին Մյունխենի Անվտանգության համաժողովի շրջանակներում Արցախյան հարցին նվիրված քննարկման ընթացքում ասաց ՀՀ վարչապետ Նիկոլ Փաշինյանը՝ պատասխանելով հարցին, թե կողմերը հնարավոր համարու՞մ են միջանկյալ լուծում, որը կարգավիճակի հարցը կթողնի հետոյին: Փաշինյանն ասաց, որ երբ ադրբեջանական կողմը խոսում է տարածքներից, դրանք Ադրբեջանի տեսակետից են տարածքներ, բայց Ղարաբաղի տեսակետից՝ անվտանգություն են: «Մեզ պետք է հասկանալ՝ ինչու է ձևավորվել այսօրվա ստատուս քվոն, որովհետև երբ ԼՂ-ն փորձեց ինքնորոշման իր իրավունքից օգտվել, ռազմնական գործողություններ սկսվեցին ԼՂ հայերի դեմ, և նրանք հարկադրված եղան ինքնապաշտպանություն կազմակերպել: Նախագահ Ալիևը Շուշիի, ԼՂ մայրաքաղաք Ստեփանակերտի մասին խոսեց: Ստեփանակերտը տարիներ շարունակ Շուշիից ռմբակոծվում էր, և խաղաղ քաղաքացիները երկար ժամանակ ապրում էին ստորգետնյա կացարաններում, դա է ճշմարտությունը, հնարավոր չէ, որ անվտանգությունը որևէ մեկը զիջի, Ղարաբաղի պարագայում էլ դա անհնար է»,-ասաց ՀՀ վարչապետը: Վերջինս անդրադարձավ Ադրբեջանի նախագահի՝ Ադրբեջանի զինված ուժերի մասին հայտարարությանը՝ նշելով, թե իր որդին զինծառայությունն անցնում է Լեռնային Ղարաբաղում. «Բայց նա գնաց այնտեղ որպես կամավոր, հոժարակամ գնաց: Գնաց՝ պաշտպանելու համար իր հայրենակիցներին, քանի որ ինքը գիտի պատմությունը, ինքը գիտի՝ ինչ է եղել 1988 թվականից սկսած: Ես արդեն ասացի Շահումյանի շրջանի մասին, որտեղ բնակչությունը 100 տոկոսով հայկական էր, և հիմա անգամ մեկ հայ այնտեղ չի ապրում: Մենք գիտենք նաև Նախիջևանի դեպքը, որտեղ ահռելի հայկական բնակչություն կար: Նախիջևանն էլ Ադրբեջանի կազմում Ինքնավար Հանրապետություն է, և հիմա այնտեղ մեկ հայ չկա»,-ընդգծեց Փաշինյանը: Նյութն ամբողջությամբ՝ այստեղ։ 
11:02 - 16 փետրվարի, 2020
Երբ Տիգրան Մեծը բանակցում էր Պոմպեոսի հետ, Ադրբեջան պետություն չկար. Փաշինյանը՝ Ալիեւին |lragir.am|

Երբ Տիգրան Մեծը բանակցում էր Պոմպեոսի հետ, Ադրբեջան պետություն չկար. Փաշինյանը՝ Ալիեւին |lragir.am|

lragir.am: ՀՀ վարչապետ Նիկոլ Փաշինյանը ևս մեկ անգամ վերահաստատեց` Լեռնային Ղարաբաղը երբեք չի եղել անկախ Ադրբեջանի կազմում․ ինչպես Ադրբեջանն է անկախություն ձեռք բերել Խորհրդային Միությունից, այնպես էլ Լեռնային Ղարաբաղը` Ադրբեջանից և Խորհրդային Միությունից: Փաշինյանը նաև նշեց, որ հիմնահարցի կարգավորման բանակցությունների համար նոր գաղափարներ առաջ քաշելու ահրաժեշտություն է տեսնում: Փաշինյանն այս մասին ասաց Մյունխենի անվտանգության համաժողովի շրջանակներում Լեռնային Ղարաբաղի հիմնահարցի թեմայով քննարկմանը, որին մասնակցում է նաև Ադրբեջանի նախագահ Իլհամ Ալիևը: Նա նախ անդրադարձավ Ալիևի պատմական «ակնարկին»` շեշտելով, որ այդքան հեռու պետք չէր գնալ: «Պետք չէր գնալ պատմության գիրկը, քանի որ երբ հայ թագավոր Տիգրան Մեծը բանակցում էր Պոմպեոսի` հռոմեական ռազմական առաջնորդի հետ, չկար որևէ պետություն Հարավային Կովկասում և ընդհանրապես ամբողջ աշխարհում, որը կանվանվեր Ադրբեջան: Ուստի չեմ կարծում, թե ճիշտ մոտեցում է այդքան հեռու գնալ: Ես կարող եմ գնալ էլ ավելի հեռուն և սկսել օրինակ մ.թ.ա․ 400-րդ թվականից, բայց այդպես չեմ վարվի, քանի որ չեմ կարծում, թե դա ճիշտ մոտեցում է»,-նշեց Փաշինյանը: ՀՀ վարչապետը շեշտեց, որ հենց Կովկասյան բյուրոն է որոշում կայացրել, որ Ղարաբաղը լինի Հայաստանի մաս, դա ամբողջովին օրինական որոշում էր: «Այդ որոշումից հետո Ստալինի անձնական նախաձեռնությամբ այդ որոշումը Մոսկվայում փոխվեց: Դա կարծես դավ էր, համաձայնություն էր Ստալինի, Լենինի և Աթաթուրթի միջև: Ղարաբաղը երբեք չի եղել անկախ Ադրբեջան պետության կազմում: Ղարաբաղը դրվել է, մտցվել է Ադրբեջանի կազմի մեջ միայն Խորհրդային Միության ձևավորման գործընթացում: Եվ երբ մենք խոսում ենք տարածքային ամոբղջականության մասին, պետք է որոշենք, թե որ երկրի տարածքային ամբողջականության մասին ենք մենք խոսում: Իմ հարցն այն է, որ եթե Ադրբեջանը հարգում էր Խորհրդային Միության տարածքային ամբողջականությունը, դառնալով անկախ պետություն, ինչպես էր հարգում այդ տարածքային ամբողջականությունը, եթե Ադրբեջանը դուրս եկավ Խորհրդային Միությունից նույն կերպ, ինչ Լեռնային Ղարաբաղը դուրս եկավ Խորհրդային Միությունից: Դուք կարող եք ասել, թե ես հիմա խոսում եմ մի պետության մասին, որը գոյություն չունի, այսինքն՝ Խորհրդային Միության, բայց Խորհրդային այն Հանրապետությունը, որի կազմի մեջ էր Լեռնային Ղարաբաղը նույնպես գոյություն չունի, գոյություն չունի Ադրբեջանի Խորհրդային Սոցիալիստական Հանրապետություն, և  դա ճշմարտությունն է: Եվ ինչպես Ադրբեջանն անկախություն ձեռք բերեց Խորհրդային Միությունից, նույն կերպ Ղարաբաղը ձեռք բերեց անկախություն` և Խորհրդային Միությունից, և Խորհրդային Ադրբեջանից»,-ասաց Փաշինյանը: Անդրադառանալով Խոջալուի վերաբերյալ Ադրբեջանի նախագահի հայտարարություններին` ՀՀ վարչապետը հիշեցրեց, որ 90-ականների կեսին Ադրբեջանի նախկին նախագահ Այաս Մութալիբովը հարցազրույց էր տվել ռուսական թերթին` ասելով, որ Խոջալուի սադրանքը կազմակերպվել էր ադրբեջանական ընդդիմության կողմից` նրան իշխանությունից հեռացնելու նպատակով: «Եվ դա իմիջիայլոց տեղի ունեցավ, որովհետև այդ իրադարձության հետևանքով Մութալիբովը հեռացվեց Ադրբեջանի նախագահի պաշտոնից»,-ասաց Փաշինյանը: Անդրադառնալով ՄԱԿ-ի անվտանգության խորհրդի փաստաթղթերին` նա նշեց`  դրանց իմաստն է առանց պայմանների և անհապաղ հաստատել հրադադար, այսինքն՝ դադարեցնել որևէ բռնություն և դադարեցնել ռազմական գործողությունները: «Եվ եթե նայեք ՄԱԿ-ի անվտանգության խորհրդի թիվ 884 բանաձևը, կտեսնենք, որ այնտեղ գրված է. որ Ադրբեջանը խախտել է հրադարարը, և դրա հետևանքով Ադրբեջանը կորցրել է տարածքներ: Եվ առաջին հերթին Ադրբեջանն է, որ չի պահել, չի հարգել անվտանգության խորհրդի փաստաթղթի կանոնները: Եվ շատ կարևոր նշել դա»,-ասաց Փաշինայնը: Ամբողջությամբ՝ lragir.am-ում։ 
22:33 - 15 փետրվարի, 2020
ՀՀ-ն և ԼՂՀ-ն պատրաստ են ներդրում ունենալ գլոբալ անվտանգության ու հարատև խաղաղության մեջ․ Փաշինյան  |armenpress.am|

ՀՀ-ն և ԼՂՀ-ն պատրաստ են ներդրում ունենալ գլոբալ անվտանգության ու հարատև խաղաղության մեջ․ Փաշինյան |armenpress.am|

armenpress.am:  Հայաստանի Հանրապետությունը և Արցախը պատրաստ են իրական ջանքեր գործադրել՝ տարածաշրջանում հարատևելի խաղաղություն ձևավորելու համար։ Մյունխենի անվտանգության համաժողովի շրջանակներում Հայաստանի և Ադրբեջանի ղեկավարների մասնակցությամբ  ԼՂ հիմնահարցի վերաբերյալ քննարկման ընթացքում ասաց ՀՀ վարչապետ Նիկոլ Փաշինյանը։ «Որպես Հայաստանի Հանրապետության վարչապետ ես այս իրավիճակը համարում եմ ոչ միայն իմ պատասխանատվությունը՝ հանուն իմ երկրի անվտանգության, այլ նաև ես գիտակցում եմ իմ պատասխանատվությունը տարածաշրջանի անվտանգության համար, համաշխարհային գլոբալ անվտանգության համար, և ես առաջարկում եմ նախագահ Ալիևին այս իրավիճակն ընկալել որպես մեր երկուստեք խնդիրը, անելիքը, այն է՝ ձևավորել հարատևելի խաղաղություն և կայունություն, ու այս իրավիճակը դիտարկել ոչ միայն մեր ազգային օրակարգի հիմնախնդիր, այլ նաև որպես գլոբալ և տարածաշրջանային անվտանգության օրակարգի խնդիր և մեր պարտականությունն ու պարտքն է մեր ջանքերը գործադրել, մեր ներդրումը ունենալ գլոբալ անվտանգության մեջ, և ես ձեզ հավաստիացնում եմ, որ ՀՀ-ն և ԼՂ-ն պատրաստ են դրան»,- ասաց Փաշինյանը։ Վարչապետն ընդգծեց, որ միջազգային հանրությունը պետք է շատ հստակ շեշտի, որ ԼՂ հակամարտությունը չունի ռազմական լուծում։ «Եթե որևէ մեկն այլ կերպ է մտածում և ասում է, թե կա հակամարտության ռազմական լուծում, ես կարծում եմ Լեռնային Ղարաբաղի ժողովուրդը կպատասխանի, որ այդ պարագայում մենք կարող ենք ասել, որ այս հակամարտությունն արդեն լուծված է։ Ես, սակայն, կարծում եմ, որ մեզ անհրաժեշտ է տևական, հարատևելի խաղաղություն»,- նշեց Փաշինյանը։
22:18 - 15 փետրվարի, 2020
Արցախը երբեք չի եղել անկախ Ադրբեջանի կազմում․ Նիկոլ Փաշինյան |shantnews.am|

Արցախը երբեք չի եղել անկախ Ադրբեջանի կազմում․ Նիկոլ Փաշինյան |shantnews.am|

shantnews.am: Մյունխենի անվտանգության համաժողովի շրջանակներում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ պանելային քննարկմանն Ալիևը կեղծ պատմական տեղեկություններ փորձեց հաղորդել հավաքվածներին՝ ներկայացնելով, թե իբր Արցախը, Երևանը ադրբեջանական տարածքներ են եղել։ Սրան պատասխանեց վարչապետ Նիկոլ Փաշինյանը։ Նա Ալիևին խնդրեց այդքան հեռու չգնալ և բացատրեց, որ երբ Տիգրան Մեծը բանակցում էր հռոմեացի զորավար Պոմպեոսի հետ, այդ ժամանակ աշխարհում որևէ տեղ Ադրբեջան անունով որևէ պետություն չկար։ Փաշինյանն ասաց, որ եթե հեռուն գնան, ապա ինքը կարող է ավելի հեռվից գալ, բայց դա ճիշտ մոտեցում չի համարում։ Ինչ վերաբերում է Արցախի պետականությանը, Փաշինյանն ասաց, որ համաձայն չէ Ալիևի հնչեցրած հայտարարությունների հետ։ Փաշինյանն ասաց, որ Իոսիֆ Ստալինի անձնական որոշման հետևանքն է եղել, որ Արցախը հանձնվել է Ադրբեջանին։ – Արցախը երբեք չի եղել անկախ Ադրբեջանի կազմում, այն միայն դրվել է Խորհրդային Ադրբեջանի տարածքի մեջ, – ասաց Փաշինյանը։ Վարչապետն ասաց, որ Լեռնային Ղարաբաղը ԽՍՀՄ կազմից դուրս է եկել այնպես, ինչպես դուրս է եկել Ադրբեջանը։
21:30 - 15 փետրվարի, 2020
Ալիևը Հայաստանին առաջարկում է «բոլորը բոլորի դիմաց» սկզբունքով փոխանակում կատարել |factor.am|

Ալիևը Հայաստանին առաջարկում է «բոլորը բոլորի դիմաց» սկզբունքով փոխանակում կատարել |factor.am|

factor.am: Մյունխենի անվտանգության համաժողովի շրջանակում Կարմիր խաչի միջազգային կոմիտեի նախագահ Պիտեր Մաուրերի հետ հանդիպմանը Ադրբեջանի նախագահ Իլհամ Ալիևը նշել է, որ անհրաժեշտ է փոխանակել Ադրբեջանում և Հայաստանում պահվող անձանց՝ «բոլորը բոլորի դիմաց» սկզբունքով: Այս մասին հայտնում է Interfax-ի ադրբեջանական ծառայությունը։Ավելի վաղ՝ Ադրբեջանի արտգործնախարար Էլմար Մամեդյարովը հայտարարել էր, թե Հայաստանը հրաժարվում է փոխանակում կատարել «բոլորի համար դիմաց» սկզբունքով: Բանն այն է, որ 2019-ի սեպտեմբերին Բաքուն առաջարկել էր փոխանակել Հայաստանի քաղաքացիներ Կարեն Կազարյանին և Արայիկ Կազարյանին՝ ադրբեջանցի Դիլգամ Ասկերովի և Շահբազ Գուլիևի դիմաց, որոնք դատապարտվել էին Արցախում ծանր հանցագործությունների համար: Իր հերթին, պաշտոնական Ստեփանակերտը մերժել էր առաջարկը ՝ անվանելով այն աբսուրդ և անբարոյականություն, քանի որ Բաքուն առաջարկում էր փոխանակել Հայաստանի քաղաքացիներին այնպիսի մարդկանց դիմաց, որոնք կատարել են լուրջ հանցագործություններ՝ ներառյալ անչափահասի սպանություն:
12:59 - 15 փետրվարի, 2020
Երկկողմ հանդիպումներ, ղարաբաղյան հարցով քննարկում. Նիկոլ Փաշինյանի այցը Գերմանիա շարունակվում է |armenpress.am|

Երկկողմ հանդիպումներ, ղարաբաղյան հարցով քննարկում. Նիկոլ Փաշինյանի այցը Գերմանիա շարունակվում է |armenpress.am|

armenpress.am: ՀՀ վարչապետ Նիկոլ Փաշինյանի Գերմանիա կատարած աշխատանքային այցի երրորդ օրը շարունակվելու է Մյունխենում՝ երկկողմ հանդիպումների հագեցած օրակարգով։ Աշխատանքային երրորդ օրվա առաջին հանդիպումը կկայանա ԵԽ գլխավոր քարտուղար Մարիյա Պեյչինովիչ Բուրիչի հետ։ Նախատեսված են երկկողմ հանդիպումներ նաև Հյուսիսային Մակեդոնիայի նախագահ Ստևո Պենդարովսկու, Քուվեյթի վարչապետ Շեյխ Սաբահ Խալեդ Ալ֊Համադ Ալ Սաբահի, Նորվեգիայի վարչապետ Էռնա Սոլբերգի հետ։ Նախատեսված է նաև ձեռքսեղմում Լատվիայի նախագահ Էգիլս Լևիցի հետ։ Նիկոլ Փաշինյանի Գերմանիա կատարելիք այցի համատեքստում վերջին օրերին ամենաշատ քննարկվող թեման Ադրբեջանի նախագահ Իլհամ Ալիևի հետ հնարավոր հանդիպումն էր։ Այդ հանդիպումը, ըստ ամենայնի, կկայանա, այդ մասին նշված է Մյունխենի անվտանգության համաժողովի պաշտոնական կայքում։ Երկու երկրների ղեկավարները կմասնակցեն Լեռնային Ղարաբաղի հիմնահարցի վերաբերյալ քննարկմանը։ Այն տեղի կունենա փետրվարի 15-ին, տեղական ժամանակով 17:30-ից մինչև 18:15-ը (Երևանի ժամանակով 20։30-ից մինչև 21:15-ը): Քննարկման համակարգողը կլինի ԱՄՆ ռուսական հիմնադրամի նախագահ և գլխավոր գործադիր տնօրեն Սելեստա Ա. Վալանդերը: Փետրվարի 14-ին Մյունխենում մեկնարկել է անվտանգության միջազգային 56-րդ համաժողովը, որին մասնակցում է ՀՀ վարչապետ Նիկոլ Փաշինյանը: Ներկա է նաև ՀՀ նախագահ Արմեն Սարգսյանը։
11:43 - 15 փետրվարի, 2020
Իլհամ Ալիեւը դեմ է եվրաինտեգրմանը. ոչ թե նրանք մեզ, այլ մենք նրանց |news.am|

Իլհամ Ալիեւը դեմ է եվրաինտեգրմանը. ոչ թե նրանք մեզ, այլ մենք նրանց |news.am|

news.am: Ադրբեջանի նախագահ Իլհամ Ալիեւը դեմ է եվրաինտեգրմանը, հաղորդում է «ԱզերԹ Աջը»: Նա նման հայտարարություն է արել Բաքվի պետական համալսարանի ստեղծման 100-ամյակի առիթով միջոցառման ժամանակ: «Մենք մեր պետությունը ստեղծում ենք ավանդական արժեքների, մեծ-փոքր հասկացության հիման վրա: Մենք պետք է պահենք դա, թող երիտասարդությունը լսի ինձ եւ հարգի մեծերին: Որոշ երկրներին դրան ուշադրություն չեն դարձնում, տարբերություններ չեն դնում տղամարդու եւ կնոջ միջեւ: Մենք պետք է հարգենք կնոջը, պետք է պաշտպանենք նրանց: Ոչ թե նրանք մեզ, այլ մենք նրանց: Կա գենդերային հավասարություն, եւ մենք դա ընդունում ենք: Սակայն մենք չենք կարող ապրել ավանդական մտածողությունից դուրս, եւ թող երիտասարդները իմանան դա: Մեծերին պետք է հարգել: Այսօր որոշները փորձում են բառապաշարից հանել «ակսակալ», «ագբիրչեկ» բառերը: Տեսնելով նրանց՝ ես սարսափում եմ: Եվ դրանից հետո մեզ ասում են՝ ինտեգրվեք: Ինտեգրվե՞նք ճգնաժամի մեջ: Ինտեգրվե՞նք նրանց հետ, ովքեր ասում են՝ «Ստոպ, իսլամ»: Ինտեգրվե՞նք նրանց հետ, ովքեր տարբերություն չեն դնում տղամարդու եւ կնոջ միջեւ»,- հայտարարել է Ալիեւը:
11:28 - 27 նոյեմբերի, 2019
Բաքուն փոխզիջման չի գնա տարածքային ամբողջականության հարցում․ Ալիև |panarmenian.net|

Բաքուն փոխզիջման չի գնա տարածքային ամբողջականության հարցում․ Ալիև |panarmenian.net|

panarmenian.net։ Ադրբեջանի նախագահ Իլհամ Ալիևը, հոկտեմբերի 8-ին ելույթ ունենալով տեղահանվածների առջև, հայտարարել է, որ Բաքուն Հայաստանի հետ փոխզիջման չի գնա տարածքային ամբողջականության հարցում: «Տարածքային ամբողջականության հարցում փոխզիջումներ լինել չեն կարող: Դա բանակցությունների առարկա չէ և չի կարող լինել»,-ասել է Ալիևը, հայտնում է Interfax.az-ը: Ալիևը հայտարարել է նաև, որ Ադրբեջանի տարածքային ամբողջականությունը պետք է վերականգնվի: «Ամբողջ աշխարհն է ճանաչում մեր տարածքային ամբողջականությունը և մենք այդ ուղղությամբ հետևողական քաղաքականություն ենք վարում»,-ասել է նա: Ավելի վաղ Ադրբեջանի նախագահ Իլհամ Ալիևը Սոչիում տեղի ունեցած Վալդայի համաժողովում անդրադարձել է ՀՀ վարչապետ Նիկոլ Փաշինյանի այն հայտարարությանը, որ Ղարաբաղը Հայաստան է և վերջ՝ հայտարարելով. «Ղարաբաղն Ադրբեջան է և բացականչական նշան»:
09:06 - 09 հոկտեմբերի, 2019
Մոսկվան ու Բաքուն կշարունակեն ռազմատեխնիկական համագործակցությունը․ Ալիև |azatutyun.am|

Մոսկվան ու Բաքուն կշարունակեն ռազմատեխնիկական համագործակցությունը․ Ալիև |azatutyun.am|

azatutyun.am։ Մոսկվան ու Բաքուն պայմանավորվել են շարունակել աշխատանքները ռազմատեխնիկական համագործակցության ոլորտում: Այս մասին հայտարարել է Ադբեջանի նախագահ Իլհամ Ալիևը ռուսաստանցի պաշտոնակից Վլադիմիր Պուտինի հետ հանդիպումից հետո: «Ակտիվորեն զարգանում է ռազմատեխնիկական համագործակցությունը: Այսօր մենք պայմանավորվել են շարունակել աշխատանքները այդ ուղղությամբ», - ասել է Ալիևը, հիշեցնելով, որ Ադրբեջանի՝ Ռուսաստանից 5 միլիարդ դոլարի սպառազինություն ձեռք բերելու պայմանագրի շրջանակում արդեն իրացվել է 3 միլիարդը: Ադրբեջանի նախագահն այդ մասին խոսել է Սոչիում «Վալդայ» ակումբի քննարկումների ժամանակ: Մինչ այդ նա երկկողմ հանդիպում է ունեցել Ռուսաստանի նախագահի հետ, ըստ պաշտոնական հաղորդումների՝ երկու պետությունների ղեկավարներ քննարկել են առևտրատնտեսական հարցեր:
09:18 - 04 հոկտեմբերի, 2019