Սիրիա

Իսրայելի բանակը Սիրիայում գրոհել Է տասնյակ օբյեկտների վրա |armenpress.am|

armenpress.am: Իսրայելի պաշտպանության բանակը հայտարարել Է, որ Սիրիայում գրոհել Է տասնյակ թիրախների վրա: Այդ մասին հայտնել Է իսրայելական Haaretz հրատարակությունը: Նոյեմբերի լույս 20-ի գիշերն, ինչպես նշում Է ՌԻԱ Նովոստին, Դամասկոսում որոտացել են պայթյուններ, Սիրիայի պետական հեռուստատեսությունը հաղորդել Է, որ հակաօդային պաշտպանությունը դիմագրավել Է մայրաքաղաքի եւ դրա շրջակայքի վրա ձեռնարկված գրոհը:«Իսրայելի բանակը նոյեմբերի 20-ին հայտարարել Է, որ Սիրիայում գրոհել Է բազմաթիվ թիրախների վրա, որոնք պատկանում են «Կուդս» իրանական ուժերին եւ Բաշար Ասադի բանակին»,- գրում Է հրատարակությունը:«Գրոհը կատարվել Է ի պատասխան իրանական ուժերի կողմից Սիրիայի տարածքից Իսրայելի ուղղությամբ հրթիռների արձակման: Զինվորականների հայտարարության մեջ նշված Է, որ հարվածներ են հասցվել մոտավորապես 20 թիրախների, որոնց կեսից ավելին պատկանում Էին իրանական ուժերին:

06:31 - 20 նոյեմբերի, 2019

Ռուսաստանը ռազմաբազա է հիմնում Սիրիայում |ermenihaber.am|

ermenihaber.am: Ռուսաստանի պաշտպանության նախարարությունը հայտարարել է, որ սկսել է Սիրիայի հյուսիսում գտնվող Կամիշլի քաղաքում ռազմաբազա հիմնել: Նշվում է, որ այդ ռազմաբազան պաշտպանվելու է «երկիր-օդ» հրթիռային համակարգերով: Ռուսաստանը այդ ռազմաբազայում արդեն 3 ուղղաթիռ է տեղակայել: Հիշեցնենք, որ Սոչիում Սիրիայի հարցով Թուրքիայի և Ռուսաստանի կնքած համաձայնագրից հետո ռուս-թուրքական ուժերը սկսել են համատեղ պարեկապահակային ծառայություն իրականացնել Եփրատ գետից արևելք ընկած տարածքներում։

10:34 - 14 նոյեմբերի, 2019

Պայթյուն Սիրիայում. կան զոհեր և վիրավորներ |ermenihaber.am|

ermenihaber.am։ Թուրքիայի զինված ուժերի և նրանց դաշնակից համարվող «Սիրիայի ազատ բանակ» խմբավորման վերահսկողության տակ գտնվող Թել Աբյադ քաղաքի Սուլուք արվարձանում ռումբերով բեռնված մեքենա է պայթել։ Ըստ Թուրքիայի պաշտպանության նախարարության հայտարարության՝ տեղի ունեցածի հետևանքով 9 մարդ է զոհվել, 30-ն էլ` վիրավորվել։ Զոհերը և վիրավորները քաղաքացիական անձինք են։ Նախկինում Թել Աբյադը գտնվում էր Սիրիայի քրդական ուժերի վերահսկողության տակ, սակայն Թուրքիայի զինված ուժերի կողմից Սիրիայի տարածքում իրականացրած «խաղաղության ակունք» ռազմական գործողությունից հետո այն անցավ թուրքերի և նրանց հարող խմբավորումների վերահսկողության ներքո: Թուրքական լրատվամիջոցները պայթյունի կազմակերպումը վերագրում են Սիրիայի քրդական ուժերին։

06:51 - 11 նոյեմբերի, 2019

Սիրիայում վերսկսվել են մարտերը թուրքական ուժերի և քրդերի միջև |shantnews.am|

shantnews.am: Սիրիայի հյուսիսում վերսկսվել են ռազմական գործողությունները Անկարայի դաշնակիցների և սիրիացի քրդական զինյալների միջև: Այդ մասին հայտնում է The National-ը: «Լայնածավալ բախումներ են սկսվել սիրիական ռեժիմի ուժերի և Սիրիայի հյուսիս-արևելքում Թուրքիայի կողմնակից զինյալների միջև»,-ասվում է հայտարարության մեջ: Թուրքիայի Պաշտպանության նախարարությունը հայտարարել է, որ շաբաթ օրը տեղի է ունեցել հրադադարի 8 խախտում, որոնք կատարվել են սիրիական քրդերի կողմից՝ չնայած հրադադարի մասին առանձին համաձայնագրերին, որոնց Թուրքիան հասել է Ռուսաստանի Դաշնության և Միացյալ Նահանգների հետ:

05:00 - 11 նոյեմբերի, 2019

Թուրքիան և ԱՄՆ-ն քննարկում են Սիրիայի վերաբերյալ համաձայնագրի իրականացումը |aysor.am|

aysor.am: Սիրիայի հարցերով ԱՄՆ հատուկ ներկայացուցիչ Ջեյմս Ջեֆրին Անկարայում բանակցությունների շրջանակներում քննարկել է Սիրիայի հարցով թուրք-ամերիկյան համաձայնագրի իրականացումը, հայտնել են Թուրքիայի պաշտպանության նախարարությունից: «Տեղի է ունեցել միջգերատեսչական պատվիրակությունների հանդիպում՝ Սիրիայի հարցերով ԱՄՆ հատուկ ներկայացուցիչ Ջեյմս Ջեֆրիի և Թուրքիայի պաշտպանության նախարարի տեղակալ Յունուս Էմրե Կարաոսմանօղլուի գլխավորությամբ: Հանդիպմանը քննարկվել են հարցեր՝ կապված ԱՄՆ-ի հետ 2019-ի հոկտեմբերի 17-ին կնքված համաձայնագրի հետ», - ասվում է հաղորդագրության մեջ:

11:30 - 09 նոյեմբերի, 2019

Թուրքիան և Ռուսատանը Սիրիայում սկսել են պարեկային թվով 3-րդ հերթապահությունը |ermenihaber.am|

ermenihaber.am: Թուրքիայի կողմից «Խաղաղության ակունք» ռազմագործողության դադարեցումից հետո Սիրիայի հյուսիս-արևելքում հիմնվող անվտանգության գոտու շրջանում թուրք և ռուս զինվորները շարունակում են պարեկային հերթապահությունները: Թուրքական զինուժը և ռուսական ռազմական ոստիկանությունը Քամշլիից 50 կմ արևելք ընկած տարածքում սկսել են պարեկային թվով 3-րդ հերթապահությունը: Աղբյուրի փոխանցմամբ` այն ընթանալու է Կամիշլի-Դերիք շրջաններում: Թուրքիայի պաշտպանության նախարարությունը հայտնել է, որ համատեղ հերթապահության ընթացքում կիրառվելու են նաև անօդաչու թռչող սարքեր (ԱԹՍ): Նախորդ հերթապահությունը իրականացվել էր Ռաս ալ-Այնի և Կամիշլիի միջև ընկած տարածքում: Հիշեցնենք, որ հոկտեմբերի 22-ին Ռուսաստանի և Թուրքիայի միջև Սոչիում կնքված համաձայնագրով թուրքակա զինուժը և Ռուսաստանի ռազմական ոստիկանությունը համատեղ պարեկային հերթապահություն պետք է իրականացնի Սիրիայի հյուսիս-արևելյան շրջաններում` վերահսկելով «անվտանգության գոտուց» քուրդ զինյալների հեռացումը:

10:30 - 08 նոյեմբերի, 2019

Թուրքիան Ռուսաստանին է փոխանցել գերեվարված սիրիացի զինվորներին |factor.am|

factor.am: Թուրքիան Ռուսաստանի զինված ուժերին է փոխանցել Սիրիայի կառավարական ուժերի 18 զինվորի, ովքեր թուրքական բանակին հարող ընդդիմադիր խմբավորումների կողմից գերեվարվել էին «Խաղաղության ակունք» ռազմական գործողության ընթացքում. գրում է ermenihaber-ը: Այժմ նշյալ զինվորները տեղափոխել են Սիրիայի Քամիշլ քաղաքի օդանավակայան։ Հիշեցնենք, որ Սոչիում ավելի վաղ Ռուսաստանի և Թուրքիայի միջև Սիրիայի հյուսիսային շրջանների՝ վերաբերյալ համաձայնություն էր ձեռք բերվել։ Համաձայնության կետերից մեկն այն էր, որ քուրդ զինյալները պետք է դուրս գային թուրք-սիրիական սահմանամերձ շրջաններից։ս

08:49 - 02 նոյեմբերի, 2019

Սիրիայի հյուսիսում բախումները շարունակվում են. բնակիչները հեռանում են տներից |shantnews.am|

shantnews.am: Սիրիայի հյուսիս-արևելքում բախումներ են տեղի ունեցել Թուրքիայի աջակցությունը վայելող ուժերի, քրդական ազգային ինքնապաշտպանության ջոկատների և Սիրիայի կառավարական ուժերի միջև: Ruptly լրատվական գործակալության փոխանցմամբ՝ Սիրիայի Թալ Թամր քաղաքի բնակիչները սկսել են փախչել տներից: Բնակիչների խոսքով` բախումները բնակավայրին շատ մոտ են եղել, հարվածները հասել են դպրոցի շենքին: Թուրքիայի նախագահ Ռեջեփ Թայիփ Էրդողանը հոկտեմբերի 30-ին հայտարարել էր, որ ռուս-թուրքական համատեղ պարեկությունը կսկսվի նոյեմբերի 1-ին, սակայն հավելել էր, որ Թուրքիան կվերսկսի ռազմական գործողությունները, եթե քրդական ուժերը Թուրքիայի սահմանից 30կմ չհեռանան:

06:56 - 31 հոկտեմբերի, 2019

Ռուսաստանը ռազմական ուժեր կտեղակայի Սիրիայի հյուսիսում |shantnews.am|

shantnews.am: Ռուսաստանը 276 ռազմական ոստիկան ու թվով 33 զինտեխնիկա կտեղակայի թուրք-սիրիական սահմանային հատվածում: Այս մասին հայտնում է РИА Новости-ն՝ վկայակոչելով ՌԴ պաշտպանության նախարարության աղբյուրին: Աղբյուրի փոխանցմամբ՝ այս որոշումը պայմանավորված է Սիրիայի հյուսիսում նոր իրավիճակի առաջացմամբ: Հաղորդվում է, որ Սիրիայի հյուսիսում ներկայում ռազմական գործողություններ չեն ընթանում: Աղբյուրի խոսքով՝ մինչ այդ ռուսական ռազմական ոստիկանական ուժեր են շարժվել թուրք-սիրիական սահմանի ուղղությամբ: Այս ուժերի միջոցով իրականացվելու է քրդական ուժերի դուրսբերումը Սիրիայի հյուսիսից: Դրանից հետո երկու երկրները կսկսեն իրականացնել Սիրիայի հյուսիսային տարածքի՝ նախապես որոշված հատվածների վերահսկողությունը:

12:46 - 24 հոկտեմբերի, 2019

Սիրիայում ֆոսֆորով զինամթերք կիրառելու համար քրդերը մեղադրել են Թուրքիային |aysor.am|

aysor.am։ «Սիրիայի դեմոկրատական խորհրդի» (SDC) գործադիր կոմիտեի նախագահ Իլհամ Ահմեդն ԱՄՆ Կոնգրեսում ելույթի ժամանակ հայտարարել է, որ Թուրքիան Սիրիայի հյուսիսում գործողության ժամանակ կիրառել է ֆոսֆոր պարունակող զինամթերք, հայտնում է Rudaw-ն: Ֆոսֆորային զինամթերքի օգտագործումն արգելված է Ժնևյան կոնվենցիայով: «Նրանք (Թուրքիան) խաղաղ բնակչության դեմ գործածել են ֆոսֆոր քիմիական գազ։ Մենք չենք կարող փորձաքննություն անցկացնել, քանի որ քրդերը նման հնարավորություն չունեն», - գործակալությունը մեջբերում է նրա խոսքերը: Նրա խոսքով՝ թուրքական օպերացիայի հետևանքով 300 հազար մարդիկ լքել են իրենց տները, 250 մարդ, այդ թվում մեծ թվով երեխաներ, զոհվել են, ևս 300 մարդ անհետ կորած է համարվում։

08:15 - 24 հոկտեմբերի, 2019

Սիրիայում շարունակում ենք հումանիտար առաքելությունը. Նիկոլ Փաշինյան

Հայաստանը շարունակում է հետևել Սիրիայում տեղի ունեցող զարգացումներին և շարունակում է հումանիտար առաքելությունը: Այս մասին «Ֆեյսբուք» սոցիալական ցանցի իր էջում գրառում է կատարել ՀՀ վարչապետ Նիկոլ Փաշինյանն՝ անդրադառնալով Սիրիայի հարցով Սոչիում ձեռքբերված համաձայնություններին: «Ուրախ եմ արձանագրել, որ Սիրիայի հարցով Սոչիում ձեռքբերված համաձայնությունները անդրադարձ ունեն նաեւ այն հարցերին, որոնք առնչվում են Սիրիայի հայության անվտանգության հարցերին եւ որոնց վերաբերյալ քննարկումներ էի ունեցել ՌԴ նախագահ Վլադիմիր Պուտինի հետ: Սա ընդգծում է հայ-ռուսական հարաբերությունների ռազմավարական-դաշնակցային բնույթը: Մենք շարունակում ենք հետեւել Սիրիայում տեղի ունեցող զարգացումներին, շարունակում ենք մեր հումանիտար առաքելությունը եւ մեր աջակցությունը քաղաքացիական բնակչությանը»,-նշել է Նիկոլ Փաշինյանը:

05:54 - 24 հոկտեմբերի, 2019

Եվրախորհրդարանականները դատապարտել են Սիրիայի հյուսիս Թուրքիայի ներխուժումը |news.am|

news.am: Եվրախորհրդարանականները դատապարտել են Սիրիայի հյուսիս Թուրքիայի ներխուժումը եւ հող են նախապատրաստել Անկարայի դեմ նոր ֆինանսական պատժամիջոցների համար, հայտնում է Reuters-ը։ ԵՄ կառավարությունները բողոք են հայտնել Անկարային նրա ներխուժման կապակցությամբ, սակայն կարծիքները բաժանվել են այն հարցի շուրջ, թե ինչպես դրան արձագանքել։ ԵՄ օրենսդիրները արտաքին քաղաքական լուծումների համար ձայնի ուղիղ իրավունք չունեն, սակայն կարող են սահմանափակել ԵՄ-ի կողմից Թուրքիայի ֆինանսավորումը։ «Մենք պահանջում ենք, որպեսզի Թուրքիան անհապաղ հեռանա Սիրիայից»,- հայտարարել է գերմանացի աջակենտրոն օրենսդիր Մայքլ Գալերը։ Բանաձեւի նախագիծը, որը ԵՄ օրենսդիրները հինգշաբթի կընդունեն, «Թուրքիայի դեմ համապատասխան եւ նպատակաուղղված տնտեսական միջոցառումների» կոչ է անում։ Տեքստը, որը դեռեւս աննշան փոփոխությունների է ենթարկվում, կոչ է անում սառեցնել ԵՄ թուրքական գյուղատնտեսական ապրանքների արտահանումը։ Նաեւ Անկարայի հետ ԵՄ մաքսային միության գործողությունների դադարեցման կոչ է արվում, սա ամենամյա առեւտրին 200 միլիարդ եվրոյի վնաս կարող է հասցնել։ Թեեւ եվրոպական օրենսդիրները առեւտրի հետ կապված պատժամիջոցների համար ձայնի ուղիղ իրավունք չունեն, կարող են արգելափակել մոտ 250 միլիոն եվրոյի չափով ամենամյա ֆինանսավորումը, որ Անկարային տրվում է նրա ԵՄ մտնելու ձգձգված գործընթացի շրջանակներում։ Եվրախորհրդարանը նաեւ կարող է արգելափակել ԵՄ-ի կողմից տրվող ցանկացած նոր ֆինանսավորում, որ տրվում էր Թուրքիային իր տարածքում 3 միլիոն սիրիական փախստականների հետ կապված խնդիրները հաղթահարելու համար։ Բանաձեւում, որը հայտնվել է Reuters-ի տրամադրության տակ, «վճռականորեն մերժվում են» անվտանգության գոտու հետ կապված Թուրքիայի հավակնությունները, ինչպես նաեւ Սիրիայի հյուսիսային մասում մարդու իրավունքների ենթադրյալ խախտումների համար թուրք պաշտոնյաների դեմ պատժամիջոցների կոչեր են պարունակվում։

16:52 - 23 հոկտեմբերի, 2019

Ասադը շնորհակալություն է հայտնել Պուտինին |ermenihaber.am|

ermenihaber.am: Հոկտեմբերի 22-ին Սոչիում Թուրքիայի նախագահ Ռեջեփ Թայիփ Էրդողանի և Ռուսաստանի նախագահ Վլադիմիր Պուտինի միջև Սիրիայի հարցով 10 կետից բաղկացած համաձայնագիր է ստորագրվել: Պուտինն Էրդողանի հետ հանդիպումից հետո հեռախոսազրույց է ունեցել Սիրիայի նախագահ Բաշար Ասադի հետ, որի ընթացքում ներկայացրել է Թուրքիայի հետ ձեռք բերված համաձայնագրի մանրամասները: Նա նշել է, որ այս համաձայնագիրը կենտրոնանում է ահաբեկչական պայքարի վրա և նպատակ ունի վերացնել Սիրիայի տարածքներում անջատողականության խնդիրները: Իսկ Ասադը շնորհակալություն է հայտնել Պուտինին և շեշտելով. «Մենք մերժում ենք որևէ պատրվակով Սիրիայի տարածքների օկուպացումը»: Ասադը նաև պատրաստակամություն է հայտնել ռուսական ռազմական ոստիկանության հետ միասին պարեկախումբ ուղարկել Սիրիայի հյուսիսային շրջաններ:

07:18 - 23 հոկտեմբերի, 2019

Դամասկոսը դեմ է իր տարածքների բռնագրավմանը՝ ցանկացած պատրվակով. Բաշար Ասադ |tert.am|

tert.am։ Ռուսաստանի և Սիրիայի նախագահներ Վլադիմիր Պուտինը և Բաշար Ասադը հեռախոսազրույց են ունեցել, որի ընթացքում Պուտինը սիրիացի գործընկերոջը ներկայացրել է Թուրքիայի նախագահ Ռեջեփ Թայիփ Էրդողանի հետ բանակցությունների արդյունքները, հաղորդում է РИА Новости-ն: Աղբյուրի փոխանցմամբ՝ Ասադը Պուտինին ասել է, որ Դամասկոսը դեմ է իր տարածքների բռնագրավմանը՝ ցանկացած պատրվակով, և նրանք, ովքեր հետապնդում են անջատողական նպատակներ, պատասխանատու են ստեղծված իրավիճակի համար: Սիրիայի նախագահը նաև հայտարարել է փախստականներին Սիրիա վերադարձնելու անհրաժեշտության մասին: Նրա խոսքով՝ Դամասկոսը կշարունակի պայքարը ահաբեկչության և օկուպացիայի դեմ Սիրիայի ամբողջ տարածքում ՝ իրավական բոլոր եղանակներով:

05:48 - 23 հոկտեմբերի, 2019

Սոչիում սկսվել են Էրդողանի և Պուտինի բանակցությունները, գլխավոր թեման Սիրիան է |tert.am|

tert.am: Թուրքիայի նախագահ Ռեջեփ Թայիփ Էրդողանն ու ՌԴ նախագահ Վլադիմիր Պուտինը սկսել են նեղ շրջանակով բանակցությունները Սոչիում: Այս մասին տեղեկացնում է РИА Новости-ն: Վլադիմիր Պուտինի մամուլի խոսնակ Դմիտրիյ Պեսկովը հայտարարել է, որ նախագահների խոսակցությունը կլինի «բովանդակալից, բարդ և ոչ արագ», որովհետև նրանք շատ հարցեր ունեն քննարկելու: Սպասվում է, որ հանդիպման գլխավոր թեման կլինի Սիրիայում տիրող իրավիճակը՝ ելնելով Թուրքիայի ռազմական գործողությունից և 120 ժամով գործողությունը դադարեցնելու վերաբերյալ թուրք-ամերիկյան պայմանավորվածությունից:

13:43 - 22 հոկտեմբերի, 2019

Սոչիում այսօր կհանդիպեն Ռուսաստանի և Թուրքիայի նախագահները |azatutyun.am|

azatutyun.am: Թուրքիայի նախագահ Ռեջեփ Էրդողանը այսօր կհանդիպի իր ռուսաստանցի պաշտոնակից Վլադիմիր Պուտինի հետ` քննարկելու զարգացումները Սիրիայի հյուսիսում։ Վաշինգտոնի միջնորդությամբ հաստատված հնգօրյա զինադադարը ավարտվում է այսօր։ Անկարան Սիրիայի տարածքում ռազմական գործողությունների արդյունքում փորձում է ստեղծել 120-կիլոմետրանոց «անվտանգության գոտի», որտեղ ակնկալում է բնակեցնել Թուրքիայում ապաստան գտած 2 միլիոն սիրիացի փախստականներին։ Կրեմլի կայքում նշվում է, որ հանդիպումը տեղի է ունենալու Սոչիում։

05:52 - 22 հոկտեմբերի, 2019