Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։

Չինաստանը 1000 անվճար թեստ կնվիրի Հայաստանին

Առողջապահության նախարար Արսեն Թորոսյանն ընդունել է Չինաստանի արտակարգ և լիազոր դեսպան Տիան Էրլոնին` քննարկելու ինչպես աշխարհում, այնպես էլ Չինաստանում և Հայաստանում կորոնավիրուսային հիվանդությամբ պայմանավորված իրավիճակը: Դեսպանը հայտնել է, որ Չինաստանի կառավարությունն առաջիկայում Հայաստանին կորոնավիրուսի ախտորոշման 1000 անվճար թեստ է նվիրելու: Միաժամանակ, Չինաստանի դեսպանատունը Հայաստանին որոշակի ֆինանսական միջոցներ է տրամադրել` լրացուցիչ բժշկական պարագաներ ձեռք բերելու համար: Ինչ վերաբերում է Չինաստանում կորոնավիրուսային հիվանդությամբ պայմանավորված իրավիճակին, ապա դեսպանը վստահեցրել է, որ դրությունը բարելավվում է: Արսեն Թորոսյանը նշել է, որ եղանակի տաքացմանը զուգընթաց` վիրուսային հիվանդությունները նահանջելու միտում ունեն և մեր երկրում բացի մեկ հաստատված դեպքից, այս պահի դրությամբ այլ անձինք չկան: Նախարարն անդրադարձել է նաև կարանտինի մեջ գտնվող քաղաքացիներին և նշել, որ վերջիններս իրենց լավ են զգում, որևէ մեկի մոտ ախտանշաններ չեն հայտնաբերվել և 8 օրից` կարանտինային ժամկետն ավարտվելուց հետո, նրանք կգնան տուն: Կողմերը պատրաստակամություն են հայտնել շարունակելու սերտ համագործակցությունը: Հանդիպման վերջում Արսեն Թորոսյանը շնորհակալություն է հայտնել աջակցության համար:

17:47 - 06 մարտի, 2020

Մեկ օրում ամբողջ աշխարհում COVID-19 կորոնավիրուսով վարակվել է 2200 մարդ. ԱՀԿ |tert.am|

tert.am: Առողջապահության համաշխարհային կազմակերպությունը մարտի 5-ին ամբողջ աշխարհում նոր տեսակի կորոնավիրուսով վարակման 2241 նոր դեպք է գրանցել, որից 143-ը` Չինաստանում, այս մասին ասվում է ուրբաթ ԱՀԿ-ի հրապարակած զեկույցում: ԱՀԿ տվյալներով` աշխարհում հաստատվել է վարակման 95 333 դեպք, որից 80 565-ը` Չինաստանում և 14 768-ը` Չինաստանի սահմաններից դուրս 85 երկրում: Ընդհանուր առմամբ, նոր կորոնավիրուսի հարուցիչով պայմանավորված հիվանդությունից Չինաստանում մահացել է 3015 (31 մարդ` մեկ օրում) և ամբողջ աշխարհում` 267 մարդ (53 մարդ` մեկ օրում):

12:39 - 06 մարտի, 2020

Հայաստանն ու Չինաստանը կիրականացնեն հետախուզվող անձանց փոխանակում |armenpress.am|

armenpress.am: ՀՀ ազգային ժողովը վավերացրեց «Հայաստանի Հանրապետության եւ Չինաստանի Ժողովրդական Հանրապետության միջեւ հանձնման մասին» պայմանագիրը վավերացնելու մասին հարցը: Հարցն ընդունվեց՝ ստանալով 117 կողմ ձայներ: Պայմանագրի կողմը պայմանագրի դրույթներին համապատասխան և հայցվող կողմի պահանջով պարտավորվում է մյուս կողմին հանձնել իր տարածքում հայտնաբերած և հայցող կողմից հետախուզվող ցանկացած անձի՝ այդ անձի նկատմամբ քրեական վարույթ հարուցելու կամ նշանակված պատիժն իր կատար ածելու նպատակով: Պայմանագրի 2-րդ հոդվածի համաձայն՝ հանձնման մասին հարցումը կարող է բավարարվել միայն այն դեպքում, եթե արարքը, որի համար հանձնում է պահանջվում, համարվում է հանցանք՝ երկու կողմերի օրենքներով, և եթե հարցումը կատարվել է այնպիսի քրեական հանցանքի համար, որի երկու կողմի օրենքներով պատժելի է ազատազրկման՝ նվազագույնը 1 տարի ժամկետով: Նաև կարգավորման առարկա են այն դեպքերը, երբ հարցումը կատարվել է ազատազրկման ձևով պատիժն ի կատար ածելու նպատակով և այդ պատիժը կրելուն մնացել է 6 ամսից ոչ պակաս ժամանակահատված: Պայմանագրով նախատեսված են հանձնման, մերժման պարտադիր և հայեցողական հիմքերը, հստակորեն ամրագրված է քաղաքացիների հանձնումը մերժելու դրույթը: Պայմանագիրը ստորագրվել է 2019-ի մայիսին 26-ին Երևանում:

12:20 - 06 մարտի, 2020

Չինաստանը կորոնավիրուսի հարցում կօգնի այլ երկրներին |azatutyun.am|

azatutyun.am: Չինաստանի փոխարտգործնախարար Մա Ժաոչժուն ասել է, որ նոր կորոնավիրուսի դեմ պայքարում Պեկինը պատրաստ է օգնություն տրամադրել Հարավային Կորեային և «Մեկ գոտի, մեկ ճանապարհ» տարածաշրջանային ծրագրում ընդգրկված երկրներին: Չինաստանը մարդասիրական և բժշկատեխնիկական աջակցություն կփոխանցի ոչ միայն Հարավային Կորեային, այլև Կամբոջային, Շրի Լանկային, Պակիստանին, Ճապոնիային և Իրանին: «Ցավով փաստում ենք, որ իրավիճակը վատթարանում է Հարավային Կորեայում, մենք ցանկանում ենք օգնել Հարավային Կորեայի կառավարությանը և ժողովրդին կորոնավիրուսը զսպելու հարցում»,- ասել է փոխնախարարը: Չինաստանում գրանցվել է կորոնավիրուսի ավելի քան 80 հազար դեպք, մահացել է ավելի քան 3 հազար մարդ, ավելի քան 52 հազար հիվանդներ ապաքինվել են:

14:30 - 05 մարտի, 2020

Չինաստանում կորոնավիրուսից ապաքինվել է հիվանդացածների գրեթե երկու երրորդը` ավելի քան 52 000 մարդ |tert.am|

tert.am: Չինաստանում նոր տեսակի կորոնավիրուսով վարակվածների 65%-ն արդեն բուժվել և դուրս է գրվել հիվանդանոցներից, հայտնում է «ՌԻԱ Նովոստի» գործակալությունը` հղում տալով ՉԺՀ առողջապահության հարցերով պետական կոմիտեի հրապարակած տվյալներին: Մայրցամաքային Չինաստանում կորոնավիրուսով վարակման հաստատված դեպքերի թիվը հասել է 80 409-ի, որից 52 045-ն ապաքինվել և դուրս է գրվել հիվանդանոցներց. սա կազմում է հիվանդացածների ընդհանուր թվի 64,7 տոկոսը: Հիվանդանոցներում դեռևս մնում է 25 352 մարդ: Համաճարակի սկզբից ամբողջ Չինաստանում, բացառությամբ Հուբեյ նահանգի, գրանցվել է 12 943 վարակման դեպք, որից 110-ը` մահվան ելքով. մահացության տոկոսը կազմել է 0,84: Համաճարակի օջախ համարվող Հուբեյ նահանգում հայտնաբերվել է 67 466 վարակման դեպք, որից 2902-ը` մահվան ելքով. մահացությունը կազմել է 4,3%: Համաճարակային իրավիճակը Չինաստանում բարելավվում է, վերջին օրերին երկրում հայտնաբերվել է վարակման 139 նոր դեպք, Հուբեյ նահանգից դուրս` 5 դեպք:

11:02 - 05 մարտի, 2020

Չինացի գիտնականները կորոնավիրուսի երկու մուտացիա են հայտնաբերել

Չինացի գիտնականները հայտարարել են, որ նոր տեսակի COVID-2019 վիրուսը մուտացիայի է ենթարկվել, ու այժմ առկա է երկու տեսակ՝ S-cov և L-cov։ Այս մասին հետազոտությունը հրապարակվել է երեքշաբթի օրը National Science Review գիտական ամսագրում։ Ըստ գիտնականների՝ L-cov տեսակի վիրուսն ավելի վտանգավոր է, այն ավելի շուտ է տարածվում և ավելի մեծ վնաս հասցնում մարդու շնչառական համակարգին։ Վիրուսի տեսակների հիմնական տարբերությունները՝ L-cov • մահացության ավելի բարձր աստիճան,• ավելի ագրեսիվ է, ու սիմպտոմներն ավելի տեսանելի են,• ավելի հեշտ է պայքարել սիմպտոմների տեսանելիության պատճառով, • առավել տարածված էր Ուհանում, աշխարհում տարածվածությունը մի քանի անգամ ցածր է։ S-cov• մահացության աստիճանը շատ ավելի ցածր է, • սիմպոտմները կ՛ամ շատ քիչ են, կա՛մ ընդհանրապես բացակայում են, • տարածվում է ավելի արագ, քանի որ սիմպտոմատիկան շատ ավելի դժվար է նկատել, • հայտնի չէ, թե արդյո՞ք S-cov-ով վարակվածության դեպքում ձեռք է բերվում իմունիտետ L-cov տեսակի վարակի նկատմամբ, թե՞ ոչ։

10:56 - 05 մարտի, 2020

Կորոնավիրուսով վարակվածների թիվն աշխարհում անցավ 93 հազարը, 3,2 հազար մարդ մահացել է, 51 հազարը՝ բուժվել |azatutyun.am|

azatutyun.am: Նոր կորոնավիրուսի տարածումը Չինաստանում դանդաղում է և տեղափոխվում արևմուտք՝ Մերձավոր Արևելք, Եվրոպա և Միացյալ Նահանգներ: Վարակի ակտիվ օջախներ են գործում Հարավային Կորեայում, Իրանում, Իտալիայում և Ճապոնիայում: Իրանը երեկ հաղորդեց հաստատված 2 հազար 336 դեպքի և 77 զոհի մասին: Վարակված են Իրանի 23 խորհրդարանականներ, արտակարգ իրավիճակների ծառայությունների ղեկավարը: Իրանի իշխանությունները հայտարարել են, որ ժամանակավորապես ազատ են արձակում տասնյակ հազարավոր բանտարկյալների՝ փորձելով կանխել կորոնավիրուսի տարածումը: Իտալիայում զոհերի թիվն աճել է՝ հասնելով 79-ի: Հարավային Կորեայում, վերջին տվյալներով, հաղորդվում է 5 հազար 328 դեպքի մասին: Ուկրաինան և Մարոկոն երեկ հայտնեցին վարակի առաջին դեպքերի մասին: Կորոնավիրուսից առաջին մահն է գրանցվել Իսպանիայում: Ամբողջ աշխարհում ավելի քան 93 հազար մարդ վարակվել է կորոնավիրուսով, 3 հազար 203 մարդ մահացել է: Չինաստանին բաժին է ընկնում նրանց 95 տոկոսը: Վարակվածներից մոտ 51 հազարն արդեն բուժվել և դուրս են գրվել հիվանդանոցներից, տվյալ պահին վարակակիրների թիվն աշխարհում 39 հազար է, որից 27,5 հազարը՝ միայն Չինաստանում։ ԱՄՆ-ում մահվան դեպքերի թիվը հասել է 9-ի, ավելի քան 100 մարդ վարակված է առնվազն 15 նահանգում: Մահացության դեպքերը գրանցվել են Սիեթլում և Վաշինգտոնում: Միացյալ Նահնագների Դաշնային պահուստային համակարգն իջեցրել է վերաֆինանսավորման տոկոսադրույքը` կորոնավիրուսի բռնկման ռիսկերի ֆոնին տնտեսությունը խթանելու համար: Հայաստանում այս պահի դրությամբ կա վարակի հաստատված միայն մեկ դեպք՝ վիրուսը հայտնաբերվել է փետրվարի 28-ին Իրանից ժամանած ՀՀ քաղաքացու մոտ։

10:17 - 04 մարտի, 2020

Աշխարհում կորոնավիրուսով վարակվելու դեպքերի վիճակագրություն

Ներկայացնում ենք 2019թ․ դեկտեմբերի 31-ից 2020թ․ մարտի 2-ն ընկած ժամանակահատվածում COVID-19 կորոնավիրուսի պաշտոնապես գրանցված դեպքերի վիճակագրությունը։ Մահվան դեպքերը 3 046-ն են Չինաստան- 2 912 Հոնգ Կոնգ- 2, Իրան- 54 Հարավային Կորեա-22 Իտալիա-35 Ճապոնիա-5 Միջազգային փոխադրամիջոցների վրա Ճապոնիա-5 Ֆրանսիա-2 Ավստրալիա-1 Թայվան-1 Թաիլանդ-1 ԱՄՆ-2 Սան Մարինո-1 Ֆիլիպիններ-1 Վարակվածության դեպքեր գանցվել են հետևյալ մայրցամաքներում Աֆրկա Ալժիր-3, Եգիպտոս-2, Նիգերիա-1 Ասիա Չինաստան-80․026, Հոնգ Կոնգ-98, Մակաո-10, Հարավային Կորեա-4 212, Իրան-978, Ճապոնիա-254, Սինգապուր-106, Բահրեյն-47, Քուվեյթ-46, Թաիլանդ-43, Թայվան-40, Մալայզիա-29, Արաբական Միացյալ էմիրություններ-21, Իրաք-19, Վիետնամ-16, Իսրայել-10, Լիբանան-10, Օման-6, Պակիստան-4, Հնդկաստան-3, Ֆիլիպիններ-3, Քաթար-3, Ինդոնեզիա-2, Աֆղանստան-1, Կամբոջիա-1, Նեպալ-1, Շրի Լանկա-1 Ամերիկա ԱՄՆ-89, Կանադա-24, Էքվադոր-6, Մեքսիկա-5, Բրազիլիա-2, Դոմինիկյան Հանրապետություն-1 Եվրոպա Իտալիա-1 689, Ֆրանսիա-130, Գերմանիա-129, Իսպանիա-83, Միացյալ Թագավորություն-36, Շվեյցարիա-24, Նորվեգիա-19, Ավստրիա-14, Շվեդիա-14, Նիդերլանդներ-13, Սան Մարինո-8, Խորվաթիա-7, Հունաստան-7, Ֆինլանդիա-6, Դանիա-4, Ադրբեջան-3, Չեխայի Հանրապետություն-3, Վրաստան-3, Իսլանդիա-3, Ռումինիա-3, Բելգիա-2, Ռուսաստան-2, Հայաստան-1, Բելառուս-1, Էստոնիա-1, Իռլանդիա-1, Լիտվա-1, Լյուքսեմբուրգ-1, Մոնակո-1, Հյուսիասային Մակեդոնիա-1 Օվկեանիա Ավստրալիա-29, Նոր Զելանդիա-1 Միջազգային փոխադրումների ժամանակ Ճապոնիա-705

10:22 - 03 մարտի, 2020

Երկրների թիվը, որտեղ կորոնավիրուս Է հայտնաբերվել, հասել Է 65-ի |armenpress.am|

armenpress.am: Ինդոնեզիայի նախագահ Ջոկո Վիդոդոն մարտի 2-ին հաստատել Է երկրի տարածքում նոր տիպի կորոնավիրուսով վարակման առաջին երկու դեպքը. երկու պացիենտներն Էլ հոսպիտալացվել են: Այսպիսով, այն երկրների թիվը, որտեղ հայտնաբերվել Է կորոնավիրուսային վարակը, կազմել Է 65:Նախօրյակին վարակման առաջին դեպքերն են գրանցվել Չեխիայում եւ Դոմինիկյան Հանրապետությունում:Չինաստանում, որտեղից նոր կորոնավիրուսն սկսել Է տարածվել մյուս երկրներ, վիրուսից զոհերի թիվը հասել Է 2912-ի՝ մեկ օրում ավելանալով 42-ով: Այդ մասին մարտի 2-ին հայտնել Է ՉԺՀ-ի հիգիենայի եւ առողջապահության հարցերի պետական կոմիտեն: Նրա տվյալներով՝ Չինաստանի տարածքում վարակման հաստատված դեպքերի թիվը գերազանցել Է 80 հազարը:Կորեայի Հանրապետությունում, որն ինֆեկցիայի խոշորագույն օջախն Է դարձել ՉԺՀ-ի սահմաններից դուրս, վարակման դեպքերի թիվը մեկ օրում ավելացել Է 476-ով՝ հասնելով 4212-ի. մահացել Է 22 մարդ, տեղեկացրել Է երկրի առողջապահության նախարարությանն առընթեր հիվանդությունների հսկողության եւ կանխարգելման կենտրոնը:Նոր տիպի կորոնավիրուսի տարածման սպառնալիքի կապակցությամբ մարտի 2-ին արտահերթ արձակուրդներ են սկսվել Ճապոնիայի դպրոցների մեծ մասում: Երկրի 47 պրեֆեկտուրաներից միայն մեկը, որտեղ վարակման ոչ մի դեպք չի հայտնաբերվել, հրաժարվել Է դադարեցնել դպրոցական պարապմունքները: Ներկա դրությամբ Ճապոնիայում նշվել Է վարակման 961 դեպք, 12 մարդ մահացել Է: Վարակվածների հիմնական մասը՝ 705 հոգի, Diamond Princess ճամփորդանավի ուղեւորներն ու անձնակազմի անդամներն են:Իտալիայի իշխանությունները, որը Եվրոպայում կորոնավիրուսի հիմնական օջախն Է (1,5 հազարից ավելի վարակվածներ, 34 մահացած), երկարացրել են ինֆեկցիայի տարածման դեմ պայքարի միջոցառումների գործողության ժամկետը, հաղորդել Է ՏԱՍՍ-ը:

12:30 - 02 մարտի, 2020

Հայաստանը կաշկանդված չէ կորոնավիրուսով պայմանավորված սահմանափակումներ մտցնելու հարցում. Թորոսյան |armenpress.am|

armenpress.am: Հայաստանը կաշկանդված չէ կորոնավիրուսով պայմանավորված սահմանափակումներ մտցնելու հարցում: այս մասին մարտի 1-ին հրավիրված մամուլի ասուլիսում նշեց ՀՀ առողջապահության նախարար Արսեն Թորոսյանը: «Իտալիայում երկու տեղ է բռնկումը և այն շատ տեղայնացված է: Մեծ քաղաքներում, եթե նույնիսկ կան շատ դեպքեր, ապա դրանք տեղայնացված են: Այսօրվա դրությամբ՝ Իտալիայի հետ կապված թռիչքները դադարեցնելու անհրաժեշտություն չենք տեսնում, սակայն դա չի նշանակում, որ վաղը կամ մյուս օրը այլ որոշում չի կարող չլինել: Ի դեպ, այդ սահմանափակումները ոչ միայն արտաքին գործընթացներին են վերաբերում, այլև ներքին: Դա վերաբերում է հանրային միջոցառումներին, դպրոցներին, մանկապարտեզներին և այլն: Մեզ համար կարևոր է հանրային առողջությունը»,- ասաց նախարարը: Նա նշեց, որ ամեն դեպքում որոշումները պետք է լինեն փաստարկված, ապացուցված, այլ ոչ թե պահանջված: «Մենք կաշկանդված չենք սահմանափակումների հետ կապված որոշում ընդունելիս: Ինչպես դա արել ենք Չինաստանի դեպքում ազատ վիզային ռեժիմի հետ կապված, ինչպես արել ենք Իրանի դեպքում»,- հավելեց նախարարը:

14:07 - 01 մարտի, 2020

Չինաստանում կորոնավիրուսի զոհերի թիվը հասել է 2835-ի, բուժվածներինը՝ 39 089-ի |24news.am|

24news.am: Չինաստանում կորոնավիրուսով վարակման հաստատված դեպքերի թիվը հասել է 79 439-ը, որոնցից 2 835-ը՝ մահվան ելքով, բուժվածներինը՝ 39 089։ Վերջին 1 օրում ամբողջ երկրում վարակման 427 նոր դեպք է գրանցվել, մահացել է 47 մարդ: «Առողջապահության հարցերով պետական կոմիտեն 31 նահանգներից (շրջաններից, կենտրոնական ենթակայության քաղաքներից) տեղեկություն է ստացել կորոնավիրուսի նոր տեսակով վարակման 79 251 հաստատված դեպքի մասին, 37 414 մարդ դեռևս վարակակիր է (7664-ը գտնվում է ծանր վիճակում), 39 002 մարդ դուրս է գրվել հիվանդանոցներից, 2835-ը մահացել են»,-այդ մասին հայտնել է ՉԺՀ-ի առողջապահության հարցերով պետական կոմիտեն:

10:54 - 29 փետրվարի, 2020

Չինաստանից դուրս կորոնավիրուսով վարակվածների թիվը հասել է 3664-ի, մահացել է 57 մարդ |azatutyun.am|

azatutyun.am: Չինաստանից դուրս կորոնավիրուսով վարակվածների թիվը հասել է 3 հազար 664-ի՝ 47 երկրներում, մահացել է 57 մարդ, հաղորդում է Առողջապահության համաշխարհային կազմակերպությունը (ԱՀԿ)։ Չինաստանում, ըստ Առողջապահության հարցերով պետական կոմիտեի, վերջին մեկ օրվա ընթացքում հիվանդության 327 նոր դեպք է հաստատվել, որից 318-ը՝ վարակի օջախը համարվող Հուբեյ նահանգում, արձանագրվել է մահվան 44 դեպք, այդ թվում 41-ը՝ Հուբեյում։ Վարակվածների ընդհանուր թիվը երկրում հասել է 78 հազար 824-ի, որոնցից տվյալ պահին հիվանդ են 39 հազար 919-ը, ծանր վիճակում են 7 հազար 952-ը. 36 հազար 117 մարդ բուժվել և դուրս է գրվել հիվանդանոցներից, 2 հազար 788-ը մահացել է։ Ինչպես և նախօրեին՝ անցած օրվա ընթացքում ևս Չինաստանի սահմաններից դուրս ավելի շատ նոր դեպքեր են գրանցվել, քան Չինաստանում:

09:44 - 28 փետրվարի, 2020

ԱԳՆ-ն ՀՀ քաղաքացիներին հորդորում է ժամանակավոր խուսափել Իրան, Չինաստան, Ճապոնիա, Հարավային Կորեա և Իտալիա այցելություններից

Հաշվի առնելով նոր տիպի կորոնավիրուսի (COVID-19) վարակի տարածման ներկա իրավիճակը՝ Հայաստանի արտաքին գործերի նախարարությունը հորդորում է ՀՀ քաղաքացիներին ժամանակավորապես խուսափել Իրան, Չինաստան, Ճապոնիա, Հարավային Կորեա և Իտալիա (առավելապես՝ հյուսիսային շրջաններ) այցելություններից, բացառությամբ խիստ անհրաժեշտ դեպքերի: Այնուամենայնիվ՝ այնտեղ գտնվելու կամ այցելելու պարագայում ԱԳՆ-ն հորդորում է հետևել ՀՀ առողջապահության նախարարության կամ տվյալ երկրի համապատասխան իշխանությունների ցուցումներին և խորհուրդներին, անհրաժեշտության դեպքում՝ կապ հաստատել ՀՀ դեսպանությունների հետ։

14:49 - 27 փետրվարի, 2020

Չինաստանից դուրս կորոնավիրուսով վարակումների թիվն առաջին անգամ գերազանցել Է ՉԺՀ-ի ցուցանիշը |armenpress.am|

armenpress.am: Չինաստանի սահմաններից դուրս COVID-2019 կորոնավիրուսով վարակման նոր դեպքերի թվաքանակը փետրվարի 25-ին առաջին անգամ ավելի մեծ Է եղել, քան ՉԺՀ-ի տարածքում: Այդ մասին փետրվարի 26-ին Ժնեւում հայտնել Է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը։ Այսպես, ԱՀԿ-ի տվյալներով, փետրվարի 25-ին Չինաստանում նոր կորոնավիրուսով վարակվածների թիվն ավելացել Է 411-ով, իսկ ՉԺՀ-ի սահմաններից դուրս՝ 427-ով: Գեբրեյեսուսը հայտարարել Է, որ առայժմ հիմքեր չկան նոր կորոնավիրուսի բռնկումը համավարակ (պանդեմիա) հայտարարելու համար: Նա նշել Է, որ այդ բնորոշման օգտագործումը կարող Է դառնալ այն բանի ազդանշանը, որ համաշխարհային հանրակցությունն ի իր զորու չԷ զսպել վարակի տարածումը, ինչը չի համապատասխանում իրականությանը: Անդրադառնալով Չինաստանում միջազգային առաքելության փորձագետների աշխատանքի արդյունքներին՝ Գեբրեյեսուսը նշել Է, որ դրանք «պետք Է բոլոր երկրներին տան հույս, արիություն եւ այն բանի վստահությունը, որ վիրուսի տարածումը կարելի Է կասեցնել»: ՉԺՀ-ի Առողջապահության պետական կոմիտեի վերջին տվյալների համաձայն՝ երկրում գրանցվել Է Covid-19 կորոնավիրուսի հարուցած թոքաբորբից մահվան 52 դեպք եւ հայտնաբերվել Է 406 նոր հիվանդացած: Դեկտեմբերից ի վեր կորոնավիրուսի զոհերի թիվը կազմել Է 2715, գրանցվել Է հիվանդանալու 78 հազար 64 դեպք: Անցած 24 ժամվա ընթացքում մահվան բոլոր 52 դեպքերը գրանցվել են վարակի տարածման Էպիկենտրոնում՝ Հուբեյի նահանգում: Այստեղ են հայտնաբերվել ամբողջ երկրում 406 հիվանդացածներից 401-ը: Չինաստանի իշխանություններն արդեն 100,87 մլրդ յուան (ավելի քան 14,36 մլրդ դոլար) են ծախսել այն միջոցառումների վրա, որոնք ուղղված են նոր կորոնավիրուսի տարածման դեմ պայքարին: Կառավարությունը շարունակում Է ակտիվորեն ֆինանսավորել վարակվածների բուժման, հաստատությունների եւ օբյեկտների վարակազերծման, բնակչության պաշտպանության ապահովման անհրաժեշտության հետ կապված այլ գործունեության ծախսերը: Միջոցների զգալի մասն ուղարկվում Է Հուբեյի նահանգ, որտեղ առավել մեծ թվով վարակվածներ են գրանցվել: Կենտրոնական պետական բյուջեին բաժին Է ընկնում երկրում բոլոր հատկացումների մոտավորապես երրորդ մասը, մնացածը տարածաշրանների վարչակազմերն ապահովում են ինքնուրույն կերպով: Սինգապուրցի բժիշկներն աշխարհում առաջին անգամ սկսել են օգտագործել հետազոտության շիճուկաբանական մեթոդը, որը հիմնվում Է հակամարմինների ուսումնասիության վրա եւ թույլ Է տալիս ավելի ստույգ որոշել նոր կորոնավիրուս ունեցողին, նույնիսկ եթե մարդու մոտ հիվանդության ախտանիշները շատ թույլ են արտահայտված կամ բնավ բացակայում են: Այդ մեթոդը, նշել են առողջապահության նախարարությունում, «նաեւ օգնում Է պարզել ախտահարվածների շղթան եւ հայտնաբերել վիրուսի տարածման սկզբնական աղբյուրը»:

18:34 - 26 փետրվարի, 2020

Աշխարհը պետք է պատրաստ լինի կորոնավիրուսի համավարակի. Առողջապահության համաշխարհային կազմակերպություն |tert.am|

tert.am: Առողջապահության համաշխարհային կազմակերպությունը (ԱՀԿ) հայտնել է, որ թեև դեռևս վաղ է կորոնավիրուսի համավարակի (պանդեմիայի) մասին հայտարարել, սակայն երկրները պետք է պատրաստ լինեն ցանկացած զարգացման, հայտնում է BBC-կայքը՝ մանրամասնելով, որ համավարակը բնորոշվում է աշխարհի բազմաթիվ երկրներում վարակիչ հիվանդությունների արագ տարածմամբ։Covid-19 տեսակի կորոնավիրուսի հարուցիչով պայմանավորված հիվանդությունը շարունակվում է արագորեն տարածվել մի շարք երկրներում: ԱՀԿ ղեկավարի խոսքով` առավել անհանգստացնող են վերջին օրերին Հարավային Կորեայում, Իտալիայում, Իրանում գրանցված դեպքերը: Այնուամենայնիվ ամենաշատ դեպքերը գրանցվել են համաճարակի օջախ դարձած Չինաստանում, որտեղ գրանցվել է վարակի 77 000 դեպք, որից` 2600-ը մահվան ելքով:Չինաստանի սահմաններից դուրս 30 երկրում հաստատվել է վարակման 1200 դեպք, որից 20-ը` մահվան ելքով: Covid-19 կորոնավիրուսից մահացության տոկոսը տատանվում է 1-2-ի միջև` չնայած ԱՀԿ-ն զգուշացնում է, որ այս տվյալների մասին ամենայն վստահությամբ չի կարելի խոսել:

11:20 - 25 փետրվարի, 2020

Կորոնավիրուսի տարածումը մարտահրավեր է բոլոր երկրների համար. Հայաստանը շատ սերտ աշխատելու է Չինաստանի և Իրանի հետ. Մնացականյան |aysor.am|

aysor.am: Կորոնավիրուսի տարածումը մարտահրավեր է բոլոր երկրների համար, լրագրողների հետ զրույցում ասաց ՀՀ արտաքին գործերի նախարար Զոհրաբ Մնացականյանը։ «Համագործակցային միջոցով գտնել ճանապարհները՝ վերահսկելու իրավիճակը, որպեսզի կանխարգելել ու հաղթահարել այս վարակը, մեզ համար կարևորագույն մոտեցում է», - ասաց նա։ Մնացականյանի խոսքով՝ Հայաստանը շատ սերտ աշխատելու է և Չինաստանի, և Իրանի հետ։ Ինչ վերաբերում է Իտալիային, ԱԳ նախարարն ասաց, որ այս հարցը, բնականաբար, չէր կարող վրիպել Հայաստանի ուշադրությունից։ «Այստեղ նույնպես մենք գնահատում ենք, թե ինչ անհրաժեշտ քայլեր է պետք ձեռնարկել, որ նույնպես միասնաբար աշխատենք՝ թույլ չտալու համաճարակի տարածումը։ Սա է ընդհանուր մոտեցումը», - ասաց նա։ Ինչ վերաբերում է մյուս օջախներին, Զոհրաբ Մնացականյանն ասաց, որ քննարկվում է հարցը ու ավելի կոնկրետ քաղաքականությունը կարտահայտեն։

13:00 - 24 փետրվարի, 2020