ՆԱՏՕ

Հյուսիսատլանտյան դաշինքի կազմակերպությունը Հյուսիսատլանտյան պայմանագիրը ստորագրած անդամ-երկրների ստեղծած ռազմաքաղաքական կազմակերպությունն է, որը նպատակ է հետապնդում հավաքական անվտանգության և պաշտպանություն պարտականությունների իրականացումը։ Հիմնադրվել է 1949 թ․ ապրիլի 4-ին։ Հաճախ անվանում են ՆԱՏՕ՝ անգլերեն բառերի հապավումից։

ՆԱՏՕ-ին անդամակցում են 29 երկիր, որոնցից 27-ը եվրոպական են, երկուսը՝ հյուսիս-ամերիկյան: Հյուսիսատլանտյան դաշինքի որոշում կայացնող գլխավոր մարմինը Հյուսիսատլանտյան դաշինքի խորհուրդն է, իսկ միջազգային բարձրագույն պաշտոնյան՝ ՆԱՏՕ-ի գլխավոր քարտուղարը։

ԱՄՆ-ն ու ՆԱՏՕ–ն ունեն Թուրքային կառույցի կազմում պահելու խիստ շահագրգռվածություն․ Բլինքեն

Ներքին տարաձայնությունների փուլը հաղթահարելուց հետո ՆԱՏՕ-ն կարող է ավելի ուժեղ դառնալ։ Նա պետք է պահպանի Թուրքիայի տեղը տրանստալանտյան փոխհարաբերությունների համակարգի կենտրոնում, այդ մասին այսօր հայտարարել է ԱՄՆ պետքարտուղար Էնթոնի Բլինքենը։ Բլինքենն ասել է, որ չնայած Անկարայի հետ եղած արտաքուստ տարբերությունների՝ ԱՄՆ-ն ու ՆԱՏՕ–ն ունեն Թուրքային կառույցի կազմում պահելու խիստ շահագրգռվածություն։ «Թուրքիան մեր հին ու արժեքավոր դաշնակիցն է», - ասել է Բլինքենը ՆԱՏՕ-ի գրասենյակում միջոցառման ժամանակ՝ ավելացնելով, որ կառույցի կազմում մնալը բխում է նաև Անկարայի շահերից։

16:50 - 23 մարտի, 2021

Աֆղանստանից զորքերի ցանկացած դուրսբերում կհամաձայնեցվի ՆԱՏՕ-ի գծով դաշնակիցների հետ. Բլինկեն |armenpress.am|

armenpress.am: Աֆղանստանից ամերիկյան զորքերի ցանկացած դուրսբերում կիրականացվի ՆԱՏՕ-ի գծով դաշնակիցների հետ համաձայնեցումից հետո: Մարտի 23-ին այդ մասին հայտարարել Է ԱՄՆ-ի պետքարտուղար Էնթոնի Բլինկենը Բրյուսելում ՆԱՏՕ-ի երկրների ԱԳ նախարարությունների ղեկավարների հանդիպանը ժամանելուց հետո: Աֆղանստանից զորքերի դուրսբերման շուրջը քննարկումը ՆԱՏՕ-ի 30 երկրների արտգործնախարարությունների ղեկավարների հանդիպման գլխավոր թեմաներից մեկն Է, որը տեղի Է ունենում մարտի 23 – 24-ը Բրյուսելում: Նախարարները պետք Է քննարկեն այդ երկրից ՆԱՏՕ-ի զորքերի դորսբերման նպատակահարմարության հարցը մարտական գործողությունների գրեթե 20 տարուց հետո: Ըստ «Թալիբան» շարժման հետ ԱՄՆ-ի հաշտության համաձայնությունների՝ Միացյալ Նահանգները եւ ՆԱՏՕ-ն պետք Է իրենց զորքերն Աֆղանստանց դուրս բերեն մինչեւ 2021 թվականի մայիսը: Սակայն ռազմական իրադրությունն այնտեղ չափազանց լարված Է, թալիբների խմբավորումների զգալի մասը չի թաքցնում բացահայտ նախապատրաստությունը կառավարական ուժերի դեմ հարձակողական գործողություններին 2021 թվականի գարնանը: Այս պայմաններում երկու հնարավոր որոշումները ՆԱՏՕ-ի պետությունների համար կարող են աղետալի հետեւանքներ ունենալ: Երկրից զորքերը դուս բելերով՝ նրանք ոչ միայն կթուլացնեն Քաբուլի իշխանությունն, այլեւ կբարոյալքեն կառավարական ուժերը՝ գործելու հզոր ազդանշան տալով «Թալիբանին», ինչպես նաեւ ավելի արմատական ահաբեկչական խմբավորումներին, որոնց պարագլուխները երբեք հավանություն չեն տվել ԱՄՆ-ի հետ համաձայնությանը: Մնալով Աֆղանստանում՝ ՆԱՏՕ-ի սահմանափակ ուժերը թույլ չեն տա բեկել իրադրությունը, եւ այդ քայլը լայնորեն կօգտագործվի հակակառավարական ուժերի քարոզչության մեջ, որոնք կսկսեն պնդել, թե ԱՄՆ-ի եւ ՆԱՏՕ-ի հետ համաձայնություններին վստահել չի կարելի: Դա նույնպես կարող Է զգալիորեն ուժեղացնել անհաշտ իսլամիստների դիրքերը: Ըստ որում Էապես մեծացնել ռազմական ներկայությունն այդ երկրում, իրադրությունը բեկելու համար, ԱՄՆ-ը եւ ՆԱՏՕ-ն չեն կարող: Դրա համար միջոցներ չկան աֆղանական ռազմարշավից դաշինքի պետություններում համընդհանուր հոգնածությության, ինչպես նաեւ կորոնավիրուսի համավարակի տնտեսական հետեւանքների պատճառով: Այսպիսով, եթե դրանից հետո թալիբներն այնուամենայնիվ հաթանակ տանեն կառավարական ուժերի նկատմաբ, ապա դա կդառնա դաշինքի իրական ռազմական պարտությունը նրա պատմության մեջ խոշորագույն ռազմարշավում, որը շարունակում Է երկու տասնամյակ, այսինքն՝ իր մաստաբներով աղետալի արդյունքով, հաղորդել Է ՏԱՍՍ-ը:

16:08 - 23 մարտի, 2021

ԱՄՆ պետքարտուղարն այսօր մեկնում է Բրյուսել՝ հանդիպելու ՆԱՏՕ-ի և ԵՄ ղեկավարների հետ |azatutyun.am|

azatutyun.am: ԱՄՆ պետքարտուղար Էնթոնի Բլինքենն այսօր կմեկնի Բրյուսել՝ հանդիպելու ՆԱՏՕ-ի և Եվրամիության ղեկավարների հետ՝ տրանսատլանտյան կապերը վերականգնելու՝ նախագահ Ջո Բայդենի ջանքերի շրջանակներում: Բլինքենը կմասնակցի ՆԱՏՕ-ի արտաքին գործերի նախարարների հանդիպմանը և մարտի 23-ին, 24-ին խորհրդակցություններ կանցկացնի դաշնակիցների և դաշինքի Գլխավոր քարտուղար Յենս Ստոլտենբերգի հետ: «Բրյուսելյան հանդիպումները կոչված են ընդգծելու Բայդենի վարչակազմի վճռականությունը` ամրապնդելու տրանսատլանտյան դաշինքը և ակտիվացնելու մեր կապերը դաշնակիցների հետ ՆԱՏՕ-ի միջոցով», - ասված է Պետքարտուղարության հայտարարությունում:

11:39 - 22 մարտի, 2021

ՆԱՏՕ-ն պատրաստվում է ընդլայնել ներկայությունը Սևծովյան տարածաշրջանում |hetq.am|

hetq.am: Քանի որ Ռուսաստանը բռնակցված Ղրիմն օգտագործում է ռազմական հզորության մեծացման նպատակով, ՆԱՏՕ-ն կշարունակի ընդլայնել իր ներկայությունը Սևծովյան տարածաշրջանում։ Այդ մասին չորեքշաբթի օրը՝ մարտի 17-ին Բրյուսելում հայտարարել է Հյուսիսատլանտյան դաշինքի գլխավոր քարտուղար Ենս Սթոլթենբերգը՝ Վրաստանի վարչապետ Իրակլի Ղարիբաշվիլիի հետ հանդիպումից հետո։ «Մենք կշարունակենք ինտենսիվորեն անցկացնել մեր մարզումներն ու զորավարժությունները։ Եվ կմեծացնենք մեր համատեղ իրավիճակային մարտունակությունը, այդ թվում նաև սևծովյան տարածաշրջանում»,- խոստացել է Սթոլթենբերգը՝ ի նկատի ունենալով Վրաստանի հետ համագործակցությունը։ Միևնույն ժամանակ ՆԱՏՕ-ի գլխավոր քարտուղարն ընդգծել է, որ ՆԱՏՕ-ն հանդես է գալիս Վրաստանի տարածքային ամբողջականության օգտին՝ նրա միջազգային մակարդակով ճանաչված սահմանների շրջանակներում։ «Մենք շարունակում ենք Ռուսաստանին կոչ անել հրաժարվել Աբխազիայի և Հարավային Օսիայի ճանաչումից և դուրս բերել զորքերն այդ շրջաններից»,- նշել է Սթոլթենբերգը։

11:06 - 19 մարտի, 2021

ՀՀ ՊՆ-ն չի նախատեսում ԶՈՒ ստորաբաժանումների մասնակցությունը ՆԱՏՕ-ի Defender Europe 21 զորավարժությանը |armenpress.am|

15:13 - 18 մարտի, 2021

Հունաստանի ու Թուրքիայի միջև մեկնարկում են բանակցություններ՝ երկկողմ վեճը լուծելու համար |1lurer.am|

1lurer.am: ՆԱՏՕ-ի անդամ Հունաստանն ու Թուրքիան այսօր հանդիպում են Աթենքում՝ հանգուցալուծելու արևելյան Միջերկրական ծովում էներգակիրների իրավունքի և տարածքային վեճի հետ կապված ճգնաժամը՝ փոխանցում է France24-ը: Նախօրեին պաշտոնական Անկարան խորացրել էր ճնշումները՝ դիվանագիտական նոտա հղելով Իսրայելին, Հունաստանին ու Եվրամիությանը: Երկու երկրների միջև լարվածությունը խորացել էր, երբ անցյալ տարի Թուրքիան հետախուզական նավ էր ուղարկել ծովային այն տարածքներ, որոնք, ըստ հունական կողմի, պատկանում են Հունաստանին, ինչը պաշտպանել էր նաև Եվրամիությունը: Ամենայն հավանականությամբ, ծովային այդ տարածքներում բնական գազի պաշարներ կան, ինչը կռվախնձոր է դարձել Թուրքիայի և Հունաստանի միջև:

18:44 - 16 մարտի, 2021

Թուրքիայի գործողությունների վերաբերյալ կան լուրջ մտահոգություններ․ ՆԱՏՕ-ի գլխավոր քարտուղար |tert.am|

tert.am: Երկուշաբթի ՆԱՏՕ-ի գլխավոր քարտուղարն ասել է, որ «լուրջ մտահոգություններ» ունի դաշինքի անդամ Թուրքիայի գործողությունների վերաբերյալ, սակայն հավելել է, որ դաշինքն Անկարայի հետ կապված վեճերը լուծելու համար կարևոր հարթակ է, հայտնում է Ahval-ը: «Ես արտահայտել եմ իմ լուրջ մտահոգությունները, և մենք բոլորս գիտենք, որ կան լուրջ տարաձայնություններ` սկսած Միջերկրական ծովի արևելյան շրջաններից, Ռուսաստանից հակաօդային պաշտպանության S-400 համակարգեր գնելու Թուրքիայի որոշումից մինչև Թուրքիայում ժողովրդավարական իրավունքներ», - նշել է ՆԱՏՕ–ի գլխավոր քարտուղար Ենս Սթոլթենբերգը, սակայն հավելել, թե հավատում է, որ դաշինքը «կարող է գոնե կարևոր հարթակ ստեղծել վերոնշյալ հարցերի քննարկման, խնդիրները բարձրացնելու և տարբեր հարցերի շուրջ լուրջ քննարկումներ ունենալու համար»: Հակառակ նրան, որ Թուրքիան դաշինքի անդամ է 1952 թվականից, վերջին տարիներին իր կատարած որոշ քայլերով զայրացրել է ՆԱՏՕ–ի անդամ մի շարք պետությունների։ Շարունակությունը` tert.am-ում։

11:22 - 16 մարտի, 2021

Ուկրաինայի ԶՈՒ ԳՇ պետն ու ՆԱՏՕ–ի ռազմական կոմիտեի նախագահը քննարկել են Դոնբասում առկա իրավիճակը |tert.am|

tert.am: Ուկրաինայի զինված ուժերի գլխավոր շտաբի պետ Ռուսլան Խոմչակը ՆԱՏՕ-ի ռազմական կոմիտեի նախագահ, օդուժի գլխավոր մարշալ Ստյուարտ Պիչի հետ հեռախոսազրույցի ընթացքում քննարկել է Դոնբասում առկա իրավիճակը, հայտնում է «Իզվեստիա» պարբերականը՝ հղում տալով Ուկրաինայի զինված ուժերի գլխավոր շտաբի մամուլի ծառայության կողմից գերատեսչության պաշտոնական կայքում տեղադրված հայտարարությանը: Նշվում է, որ Խոմչակը Պիչին տեղեկացրել է «Միացյալ ուժեր»-ի գործունեության տարածքում առկա իրավիճակի մասին: Բացի այդ, զրույցի ընթացքում կողմերն ուշադրություն են դարձրել Ուկրաինայի և ՆԱՏՕ-ի միջև ռազմական համագործակցության հետագա զարգացմանը: Գլխավոր շտաբի պետը նաև շնորհակալություն է հայտնել ՆԱՏՕ-ին՝ Ուկրաինային աջակցելու համար, և նշել, որ երկրի զինված ուժերի և դաշինքի միջև առկա երկխոսությունը պահպանում է իր դրական զարգացումը: Մարտի 11-ին Ուկրաինայի Եվրոպական և եվրաատլանտյան ինտեգրման հարցերով փոխվարչապետ Օլգա Ստեֆանիշինան՝ Եվրոպայում ՆԱՏՕ-ի ցամաքային զորքերի հրամանատար, գեներալ-լեյտենանտ Ռոջեր Քլոթիի հետ հանդիպման ժամանակ ասել է, թե Կիևն ակնկալում է, որ Ուկրաինայի ներկայացուցիչները, ընդլայնվելու հնարավորություններ ունեցող գործընկերության շրջանակներում, պարտականություններ կստանձնեն դաշինքի շտաբներում, հրամանատարական կառույցներում և ստորաբաժանումներում: Ուկրաինայի զինված ուժերի ցամաքային զորքերի հրամանատար Ալեքսանդր Սիրսկին ասել է, որ պատվիրակության այցը ցույց է տալիս, որ ՆԱՏՕ-ն Ուկրաինային ընկալում է որպես ռազմավարական գործընկեր:

11:33 - 13 մարտի, 2021

Եթե Ուկրաինան 2014-ին ՆԱՏՕ-ի անդամ լիներ, Ղրիմը ՌԴ-ի մաս չէր լինի. Ստոլտենբերգ |1lurer.am|

1lurer.am: ՆԱՏՕ-ի գլխավոր քարտուղար Ենս Ստոլտենբերգը կարծում է, որ Ղրիմը Ռուսաստանի Դաշնության մաս չէր կազմի, եթե 2014-ին Ուկրաինան Հյուսիսատլանտյան դաշինքի անդամ լիներ: Այս մասին տեղեկանում ենք ТАСС գործակալությունից: «Իմ կարճ պատասխանն է. դա տեղի չէր ունենա, որովհետև ՆԱՏՕ-ի գոյության նպատակն է պաշտպանել յուրաքանչյուր դաշնակցի: Եթե հարձակման է ենթարկվել դաշնակիցներից մեկը, ապա գործում է մեկ կանոն՝ մեկը՝ բոլորի համար, բոլորը՝ մեկի»,- հայտարարել է ՆԱՏՕ-ի գլխավոր քարտուղարը: Հյուսիսատլանտյան դաշինքի գլխավոր քարտուղարը ևս մեկ անգամ ընդգծել է, որ ՆԱՏՕ-ի նպատակն է կանխարգելել հակամարտություններն ու խաղաղություն պահպանել:

20:31 - 04 մարտի, 2021

Սև ծովում մեկնարկել են ՆԱՏՕ-ի զորավարժությունները |1lurer.am|

1lurer.am: Այսօր Ռումինիայի սևծովյան Կոնստանցա նավահանգստում մեկնարկել են ՆԱՏՕ-ի «Պոսեյդոն 21» միջազգային զորավարժությունները: Այս մասին հայտարարել է Ռումինիայի զինված ուժերի գլխավոր շտաբի մամուլի ծառայությունը՝ փոխանցում է РИА Новости-ն: «Կոնստանցայի նավատորմի հրամանատարությունն անցկացնում է ծրագրված զորավարժություններ ծովում, ցամաքում և օդում, որում միավորվել են Բուլղարիայի, Ֆրանսիայի, Հունաստանի, Ռումինիայի, Իսպանիայի, ԱՄՆ-ի և Թուրքիայի ուժերը: «Պոսեյդոն 21-ը» բարձր աստիճանի բարդության զորավարժություններ են, որոնց նպատակն է ՆԱՏՕ-ի հնարավորությունների օպտիմալ օգտագործումը Հյուսիսատլանտյան դաշինքի արագ արձագանքումն ուժեղացնելու համար»,- նշվում է Ռումինիայի զինված ուժերի գլխավոր շտաբի կայքում:

19:33 - 27 փետրվարի, 2021

Ստոլտենբերգը նշել Է ՆԱՏՕ-ի եւ ԵՄ-ի գլխավոր սպառնալիքները |armenpress.am|

armenpress.am: Ռուսաստանը, Չինաստանը, ահաբեկչությունը, կիբեռգրոհները եւ կլիմայական փոփոխությունները ՆԱՏՕ-ի եւ Եվրամիության գլխավոր սպառնալիքներն են: Փետրվարի 26-ին այս պնդմամբ հանդես Է եկել Հյուսիսատլանտյան դաշինքի գլխավոր քարտուղար Ենս Ստոլտենբերգը՝ ժամանելով Բրյուսելում ԵՄ-ի 27 երկրների ղեկավարների գագաթնաժովին: «ՆԱՏՕ-ի համար գլխավոր խնդիրն Է եղել, որպեսզի առողջապահության ճգնաժամը չդառնա անվտանգության ճգնաժամ, որովհետեւ այն բոլոր սպառնալիքները, որոնք եղել են մինչեւ համավարակը, մնացել են: Դրանք են Ռուսաստանի ագրեսիան, ահաբեկչությունը, կիբեռգրոհները, Չինաստանի վերելքը եւ կլիմայական փոփոխությունները: Մեկ երկիրը կամ մայր ցամաքը չեն կարող հաղթահարել, բայց միասին կկարողանան»,- ասել Է գլխավոր քարտուղարը: Ստոլտենբերգը հերթական անգամ ողջունել Է ԱՄՆ-ի նոր նախագահ Ջո Բայդենի «համզոզիչ կոչն այն մասին, որ անհրաժեշտ Է ուժեղացնել կապը Եվրոպայի եւ Հյուսիսային Ամերիկայի հետ»: «Դա կլինի ՆԱՏՕ-ի ղեկավարների գլխավոր թեման, որոնք այս տարի ավելի ուշ կհանդիպեն Բրյուսելում»,- հավելել Է նա: Եվրամիության ղեկավար Շառլ Միշելը ՆԱՏՕ-ի գլխավոր քարտուղարին հրավիրել Է ԵՄ-ի առցանց գավաթնաժողովի երկրորդ օրվան, որպեսզի քննարկեն, թե ինչպես բարձրացնեն «մարտահրավերների եւ անվտանգության սպառնալիքների հակազդման կոլեկտիվ ներուժը: Ինչպես սպասվում Է, ԵՄ-ի ղեկավարները եւ ՆԱՏՕ-ի գլխավոր քարտուղարը կօգտվեն հնարավորությունից, որպեսզի քննարկեն եւ որոշեն ԱՄՆ-ի նոր նախագահ Ջո Բայդենին համատեղ Բրյուսել հրավիրելու հարցը՝ ԵՄ – ԱՄՆ եւ ՆԱՏՕ – ԱՄՆ գադաթնաժողովների անցկացման համար: Թե՛ միությունը եւ թե՛ դաշինքը մտադիր են դա անել տարվա առաջին կեսին, սակայն մինչ օրս պաշտոնական հրավեր չի եղել, հաղորդել Է ՏԱՍՍ-ը:

15:06 - 26 փետրվարի, 2021

ՆԱՏՕ-ն կոչ է արել Հայաստանին «քաղաքական տարաձայնությունները խաղաղ եւ ժողովրդավարական ճանապարհով» լուծել |news.am|

news.am: ՆԱՏՕ-ն կոչ է արել Հայաստանին «քաղաքական տարաձայնությունները խաղաղ եւ ժողովրդավարական ճանապարհով» լուծել: «Մենք ուշադիր հետեւում ենք մեր գործընկեր երկրում` Հայաստանում իրադարձությունների զարգացմանը: Կարեւոր է խուսափել այնպիսի բառերից կամ գործողություններից, որոնք կարող են հանգեցնել հետագա սրման: Քաղաքական ցանկացած տարաձայնություն պետք է լուծվի խաղաղ եւ ժողովրդավարական ճանապարհով՝ համաձայն Հայաստանի Սահմանադրության»,- գրել է դաշինքի պաշտոնական ներկայացուցիչ Օանա Լունգեսկուն:

21:57 - 25 փետրվարի, 2021

Պուտինը ձգտում է թուլացնել եվրոպական նախագիծն ու ՆԱՏՕ-ն. Ջո Բայդեն |1lurer.am|

1lurer.am: Միացյալ Նահանգների նախագահ Ջո Բայդենը հայտարարել է, որ Ռուսաստանի իշխանությունները ձգտում են «խարխլել տրանսատլանտյան միասնությունը» և թուլացնել «եվրոպական նախագիծն» ու ՆԱՏՕ-ն՝ փոխանցում է Russia Today-ը: Անվտանգության թեմայով մյունխենյան համաժողովում ելույթ ժամանակ ԱՄՆ ղեկավարը Մոսկվային մեղադրել է ամերիկյան ժողովրդավարության դեմ հարձակումների, ինչպես նաև ամբողջ աշխարհում մի շարք կիբեռհարձակումներին ներգրավվելու համար: «Պուտինը ձգտում է թուլացնել եվրոպական նախագիծն ու ՆԱՏՕ-ի դաշինքը: Նա ցանկանում է տապալել տրանսատլանտյան միասնությունն ու մեր վճռականությունը, քանի որ Կրեմլի համար ավելի հեշտ է վախեցնել ու սպառնալ առանձին պետությունների, քան բանակցություններ վարել հզոր և համախմբված տրանսատլանտյան համայնքի հետ»,- հայտարարել է Ջո Բայդենը: Միաժամանակ Ֆրանսիայի նախագահ Էմանուել Մակրոնը ընդգծել է անվտանգության միջազգային ճարտարապետության կառուցման անհրաժեշտությունը, որը պետք է ներառի Ռուսաստանի հետ երկխոսությունը:

19:45 - 20 փետրվարի, 2021

ՆԱՏՕ-ն և Թուրքիան առաջ չեն շարժվում С-400 համակարգերի շուրջ ստեղծված կոնֆլիկտի կարգավորման հարցում. Ստոլտենբերգ |tert.am|

tert.am: ՆԱՏՕ-ն մտահոգություն է հայտնել Թուրքիային ռուսական С-400 զենիթահրթիռային համալիրների գնման առնչությամբ և կարծում է, որ դրանք սպառնալիք են հանդիսանում դաշնակից երկրների ինքնաթիռների համար: ՏԱՍՍ գործակալության փոխանցմամբ՝ այս մասին հայտնել է ՆԱՏՕ-ի գլխավոր քարտուղար Յենս Ստոլտենբերգը գերմանական Suddeutsche Zeitung պարբերականին տված հարցազրույցում:«Ես, ինչպես և մյուս 29 դաշնակիցները, մտահոգություն եմ հայտնել Թուրքիային՝ կապված այդ որոշման հետ: Կան այլընտրանքներ, ինչպես օրինակ՝ եվրոպական SAMP/T-System կամ ամերիկյան Patriot համակարգերը: Մենք աշխատում ենք լուծումներ գտնելու ուղղությամբ, սակայն դեռ առաջ չենք շարժվել»,- նշել է ՆԱՏՕ-ի գլխավոր քարտուղարը:«Պարզ է այն, որ С-400-ները չեն կարող ինտեգրվել ՆԱՏՕ-ի ՀՕՊ համակարգերի հետ, քանի որ սպառնալիք են մեր դաշնակիցների ինքնաթիռների համար»,- շեշտել է Ստոլտենբերգը:

17:25 - 17 փետրվարի, 2021

Պենտագոնում հայտարարել են Ռուսաստանի կողմից ՆԱՏՕ-ի սպառնալիքի մասին |armenpress.am|

armenpress.am: Ռուսաստանն սպառնալիք Է ներկայացնում ՆԱՏՕ-ի բոլոր անդամների համար: Այդ մասին ճեպազրույցի ընթացքում հայտարարել Է Պենտագոնի պաշտոնական ներկայացուցիչը: Նրա ելույթի սղագրությունը հրապարակվել Է ԱՄՆ-ի պաշտպանության նախարարության կայքում: «Ռուսաստանն սկնհայտ սպառնալիք Է ներկայացնում ՆԱՏՕ-ի բոլոր դաշնակիցների, ներառյալ ԱՄՆ-ի, համար, ռազմական ուժ օգտագործելով իր նպատակներին հասնելու համար»,-նշել են Պենտագոնում: Բացի այդ, նշվում Է, որ ԱՄՆ-ը մտադիր Է առաջ տանել իր շահերը եւ Մոսկվային հարկադրել «պատասխան տալու ոչ խելամիտ եւ ագրեսիվ գործողությունների համար»: «Մենք տեսնում ենք ամբողջ աշխարհում իր ավտորիտար մոտեցումներով անվտանգությունն ու կայունությունը խարխլելու Ռուսաստանի ձգտումը: Մենք դա տեսնում ենք նաեւ Չինաստանի հետ նրա համագործակցության մեջ»,-ընդգծել են ԱՄՆ-ի պաշտպանության նախարարությունում: Ավելի վաղ ՆԱՏՕ-ի գլխավոր քարտուղար Ենս Ստոլտենբերգը հայտարարել Է, որ դաշինքը պատրաստ Է Ռուսաստանի հետ ինչպես առճակատման, այնպես Էլ նրա հետ համագործակցության: Նա նշել Է Մոսկվայի հետ հարաբերությունների պահպանման անհրաժեշտությունը սպառազինությունների մրցավազքի վերսկսման վտանգի պատճառով: Այդուհանդերձ, Ստոլտենբերգը կարծում Է, որ Մոսկվայի հետ հարկավոր Է երկխսություն վարել ուժի եւ վճռականության դիրքից: ՌԴ ԱԳ նախարարության պաշտոնական ներկայացուցիչ Մարիա Զախարովան հայտարարել Էր, որ հենց ՆԱՏՕ-ն Է բացահայտորեն միջամտում երկրի ներքին գործերին՝ քաղաքական եւ տնտեսական զսպման հասնելու նպատակով, օգտագործելով ինչպես պատժամիջոցների մեխանիզմները, այնպես Էլ քաղաքական սադրանքները: Մասնավորապես, նա նշում Է վարկաբեկումը՝ Ռուսաստանի մասին ապատեղեկատվության եւ բացահայտ ֆեյքերի տիրաժավորման ճանապարհով, հաղորդել Է ՌԻԱ Նովոստին:

16:26 - 17 փետրվարի, 2021

ՆԱՏՕ-ն պատրաստ է Ռուսաստանի հետ թե՛ բախման և թե՛ համագործակցության. Ստոլտենբերգ |1lurer.am|

1lurer.am: ՆԱՏՕ-ի գլխավոր քարտուղար Ենս Ստոլտենբերգը պնդում է, որ դաշինքը պատրաստ է թե՛ հակամարտել և թե՛ համագործակցել Ռուսաստանի հետ, սակայն ամեն ինչ կախված է պաշտոնական Մոսկվայից: Նման տեսակետ է հայտնել գլխավոր քարտուղարը իսպանական El Mundo թերթին տված հարցազրույցում՝ փոխանցում է ТАСС գործակալությունը: «Ես հավատում եմ Ռուսաստանին հստակ ազդակ ուղղելու անհրաժեշտությանը: Եթե նրանք բախում են ցանկանում, ապա մենք պատրաստ ենք: Եթե նրանք ցանկանում են համագործակցել, ապա մենք ուրախ կլինենք»- նշել է ՆԱՏՕ-ի գլխավոր քարտուղարը՝ ընդգծելով, որ պատրաստ է «պաշտպանելու իր անդամներին»:

14:06 - 16 փետրվարի, 2021