#armVote

2021 թվականի հունիսի 20-ին Հայաստանում կանխատեսվում են խորհրդարանական արտահերթ ընտրություններ:

2021 թվականի մարտի 18-ին ՀՀ վարչապետ Նիկոլ Փաշինյանը հայտարարեց, որ այս որոշումը կայացվել է ՀՀ նախագահի, «Իմ քայլը» խմբակցության, «Լուսավոր Հայաստան» խմբակցության ղեկավար Էդմոն Մարուքյանի ու «Բարգավաճ Հայաստան» խմբակցության ղեկավար Գագիկ Ծառուկյանի հետ քննարկումներից հետո։

ՀՀ Սահմանադրությունը սահմանում է, որ խորհրդարանական արտահերթ ընտրություններ անցկացնելու համար Ազգային ժողովը պետք է արձակվի, դրա համար վարչապետը պետք է հրաժարական ներկայացնի, որից հետո 2 շաբաթում 2 անգամ անընդմեջ չընտրվի նոր վարչապետ, այնուհետեւ ոչ շուտ, քան 30 եւ ոչ ուշ, քան 45 օր հետո նշանակվեն նոր ընտրություններ։

Այս գործընթացի համար վարչապետը հրաժարական է ներկայացրել 2021 թվականի ապրիլի 25-ին, եւ արդեն մեկ անգամ չի ընտրվել։ Վարչապետի ընտրության հարցով հաջորդ նիստը կգումարվի մայիսի 10-ին։

Քաղաքական մի շարք ուժեր կարեւորում են նախքան ընտրությունները Ընտրական օրենսգրքի փոփոխությունների ընդունումը։ Խորհրդարանական մեծամասնությունը հայտարարել էր, որ Օրենսգրքում փոփոխություններ անելու որոշում ունեն, դրանցից որոշներն արդեն ընդունվել են, մասնավորապես, ռեյտինգային ընտրակարգը վերացվել է։ ԸՕ փոփոխությունների մեծ փաթեթը դեռեւս ընդունված չէ։

Կարող եք կատարել նվիրատվություն հետևյալ հղումով՝

Նվիրաբերել

Աբովյանում մի կին փորձել է դուրս հանել ՔՊ-ի քվեաթերթիկը. նա բերման է ենթարկվել

Քիչ առաձ Կոտայքի մարզի Աբովյանի քաղաքի 29/20 ընտրատեղամասում միջադեպ է տեղի ունեցել: Մի կին փորձել է 3-րդ համարի քվեաթերթիկը դուրս հանել ընտրատեղմասից, սակաայն հանձնաժողվոի անդամեր նկատել են և քվեարթերիկը վերցրել կնոջ ձեռքից: Քվեաթերիկը դուրս հանելու մասին տեղությունները հաստատեցին ոստիկանությունից, որտեղից մեզ նաև հայտնեցին, որ ընտրատեղամասի հանձնաժողովի անդամները դիմել են ոստիկանություն: Նշված կինը բերման է ենթարկվել ոստիկանության Կոտայքի բաժին:

14:26 - 20 հունիսի, 2021

ԱՊՀ դիտորդական առաքելությունը ընտրողների կողմից ակտիվություն է նկատել, խախտումներ չի ֆիքսել |armenpress.am|

armenpress.am: ՀՀ արտահերթ խորհրդարանական ընտրություններին հետևում է 96 ԱՊՀ դիտորդ: Այս մասին ընտրատեղամասերից մեկում լրագրողների հետ զրույցում ասաց ԱՊՀ դիտորդական առաքելության ղեկավար Իլհոմ Նեմատովը: «Այսօր առավոտից ԱՊՀ դիտորդները մասնակցել են ընտրատեղամասերի բացմանը Երևանում: Բացումից հետո նրանցից շատերը շրջաններում են, դիտարկելու են, թե ինչպես է ընթանում քվեարկության գործընթացը»,- ասաց նա ու հավելեց, որ ինքն անձամբ է ընտրատեղամասերից մեկի բացմանը ներկա եղել: Առաքելության ղեկավարը շեշտեց, որ ընտրատեղամասի բացումը եղել է ժամանակին: Դիտարկվել են նաև սարքավորումները, օրինակ, տեսախցիկները և այլն: Նա արդեն հասցրել է մի քանի ընտրատեղամասերում լինել: «Օրինակ՝ վերջին դպրոցում 10:20-ի դրությամբ քվեարկել էր արդեն տեղամասի ընտրողների 15 տոկոսը: Այսպիսով, մենք ընտրողների ակտիվություն ենք տեսել»,- ասաց առաքելության ղեկավարը: Հայաստանի հրավերով ԱՊՀ դիտորդները սկսել են աշխատել մայիսի 31-ից: Դիտորդություն է իրականացնում 96 դիտորդ՝ ներկայացուցիչներ Բելառուսից, Ղազախստանից, Ղրղզստանից, Մոլդովայից, Ռուսաստանից, Տաջիկստանից, Ուզբեկստանից, ինչպես նաև ԱՊՀ միջխորհրդարանական վեհաժողովից, ՀԱՊԿ միջխորհրդարանական վեհաժողովից, Ռուս-բելառուսական միությունից և ԱՊՀ աշխատակիցներ: «Նրանց թվում կան շատ փորձառու դիվանագետներ, պատգամավորներ, մարդիկ, որոնք մասնակցել են շատ ընտրությունների: Փորձառու անձանցից ենք ձևավորել ԱՊՀ դիտորդական առաքելությունը»,- վստահեցրեց առաքելության ղեկավարը: Դիտորդները Հայաստանում շատ տեղեր են այցելել, քննարկումներ իրականացրել, ընտրատեղամասերի փակումից հետո նրանք նույնպես կաշխատեն, դիտորդական առաքելության գնահատականը կկազմեն այսօր երեկոյան: «Կհավաքվենք, կքննարկենք, կպատրաստենք միանգամայն օբյեկտիվ փաստաթուղթ»,- վստահեցրեց նա: Առաքելության ղեկավարը շեշտեց, որ չնայած կարճ ժամանակահատվածին՝ ԿԸՀ-ն մեծ աշխատանք է կատարել, կազմակերպել, անցկացրել է դասընթացներ, վերապատրաստումներ և այլն: «Նրանք պատրաստվել են, որ ընտրություններն անցկացվեն բարձր, կազմակերպված մակարդակով»,- ասաց նա: Առաքելության ղեկավարը նկատեց՝ 21 կուսակցություն և 4 դաշինք է մասնակցում ընտրություններին: «Սա արդեն խոսում է այն մասին, որ ընտրողների համար ստեղծված է ընտրության հնարավորություն, նրանք կարող են ընտրել ցանկացածին»,- ասաց նա ու կարծիք հայտնեց, որ դա արդեն դեմոկրատիա է: Առաքելությունը մինչ այս պահը խախտումներ չի ֆիքսել:

14:21 - 20 հունիսի, 2021

Կոչ ենք անում ձեռնպահ մնալ զինծառայողների քվեարկության վերաբերյալ անհիմն, չփաստարկված պնդումներից. ՊՆ

14:14 - 20 հունիսի, 2021

Տիգրան Ուրիխանյանը քվեարկել է Կենտրոն վարչական շրջանի 9/7 ընտրատեղամասում |1lurer.am|

1lurer.am: «Մեր տունը Հայաստանն է» կուսակցության առաջին համար Տիգրան Ուրիխանյանը ընտրությանը մասնակցել է Կենտրոն վարչական շրջանի 9/17-րդ ընտրատեղամասում: Նա հայտարարել է՝ եթե իրենց ձայները չբավարարեն խորհրդարանում քաղաքական մեծամասնություն ունենալու և ինքնուրույն կառավարություն կազմելու համար, ապա այն ուժերը, որոնք կցանկանան միանալ իրենց, կքննարկեն հարցը: Ուրիխանյանն անդրադարձել է նաև հաշվարկի գործընթացներին: «Հուսամ, որ հաշվարկի գործընթացը կլինի օրենքի տառին համապատասխան: Օրվա սկզբից նախազգուշացումներ ենք տարածել, որ խստագույնս պատժվելու են բոլոր նրանք, ովքեր կփորձեն խախտել օրենսդրությունը և կարգը»,- ասաց Ուրիխանյանը:

14:13 - 20 հունիսի, 2021

Վստահված անձի հագուստի վրա փակցված էր դաշինքի խորհրդանիշը |hetq.am|

hetq.am: Երևանի կենտրոնում գտնվող 9/10 ընտրատեղամասում «Հայաստան» դաշինքի վստահված անձը իր հագուստի վրա կրում էր դաշինքի քաղաքական խորհրդանիշը։ Զգուշացնելուց հետո ընտրատեղամասի նախագահը վստահված անձի հագուստի վրայից հանեց Հայաստան դաշինքի խորհրդանիշը: Հիշեցնենք, որ ընտրատեղամասում քարոզչությունը արգելված է։ Ընտրատեղամասում գտնվելու իրավունք ունեցող անձինք իրավունք չունեն իրենց հագուստի կամ պարագաների վրա կրել որևէ քաղաքական ուժին սատարող խորհրդանիշ։

14:07 - 20 հունիսի, 2021

Ակնկալում ենք, որ այս ընտրություններով մեր ժողովուրդը կմերժի ապազգայինը․ Արա Զոհրաբյան

Մենք ցականում ենք, որպեսզի ազգային իշխանություն ձևավորվի, որովհետև փորձը ցույց տվեց, որ ապազգային երևույթները մեր արժեհամակարգը ընկճեցին, իսկ պատերազմը դրա վառ ապացույցն էր։ Այս մասին Երևանի 9/17 ընտրատեղամասում քվեարկություն կատարելուց հետո «Առաջին ալիք»-ի հետ զրույցում ասաց «Զարթոնք» ազգային քրիստոնեական կուսակցության առաջին համար Արա Զոհրաբյանը։ «Մենք ակնկալում ենք, որ այս ընտրություններով մեր ժողովուրդը կմերժի ապազգայինը։ Մեր ընտրվելու շանսերի հետ կապված, բնականաբար, ընտրության արդյունքները ցույց կտան, բայց մեր ակնկալիքը հետևյալն է, որպեսզի Ազգային ժողովում մենք լինենք արժեհամակարգի պաշտպանները։ Անկախ նրանից՝ մեր ժողովուրդը այս կարճ ժամանակահտվածում կհասցնի մեզ վստահել և իր քվեն տալ, թե չի տա, մենք, միևնույնն է, մեր գործը շարունակելու ենք»։ Արա Զոհրաբյանը նաև ասաց, որ երեկ լրացել է իրենց կուսակցության ստեղծման մեկ ամիսը։ «Նոր կուսակցություն է, բայց բոլոր դեպքերում մեր կազմում կան մարդիկ, ովքեր տարիներ շարունակ պայքարել են ապազգային երևույթների դեմ»։

14:01 - 20 հունիսի, 2021

Արման Բաբաջանյանը հնարավոր վարկած առաջ քաշեց իր մեքենայի վրա կրակելու առնչությամբ |armenpress.am|

armenpress.am: «Շիրինյան-Բաբաջանյան» ժողովրդավարների դաշինքի նախընտրական ցուցակը գլխավորող Արման Բաբաջանյանն՝ իր մեքենայի վրա կրակելու առնչությամբ հնարավոր վարկած առաջ քաշեց: Այս մասին Բաբաջանյանը հայտնեց լրագրողների հետ զրույցում: «Նախօրեին Լևոն Շիրինյանը զանգ է ստացել արտերկրից, որի ժամանակ նշել են, որ այստեղ ձևավորվել է զինված մի խմբավորում, որը թիրախավորել է մեր դաշինքի առաջին եռյակին: Չի բացառվում, որ այդ կրակոցը նախազգուշական է: Մենք աննկուն ենք, մեր կամքը հնարավոր չի որևէ կերպ բեկել: Շարունակում ենք մեր աշխատանքը, հորդորում ենք մեր քաղաքացիներին, որպեսզի նրանք անվարան կերպով մասնակցեն ընտրություններին»,- նշեց Բաբաջանյանը: Անդրադառնալով տեղեկությանը, որ իր անունից հաղորդագրություն էր տարածվել, թե մեքենայի վրա կրակողն իրենց դաշինքից է, Բաբաջանյանը կեղծիք և սուտ որակեց այդ ամենը: «Հանցագործը դեռ չի հայտնաբերվել, մեքենաս էլ այժմ գտնվում է ոստիկանության բաժանմունքում: Այս պահին դեռ աշխատանքներ են տարվում»,- նշեց դաշինքի նախընտրական ցուցակը գլխավորողը:

14:00 - 20 հունիսի, 2021

Սերժ Սարգսյանը քվեարկեց հանուն անվտանգ, տնտեսապես զարգացած ՀՀ-ի և Արցախի |armenpress.am|

13:58 - 20 հունիսի, 2021

Ազատաշենի թիվ 11/11 ընտրատեղամասում տեղի է ունեցել ծեծկռտուք, «ՎԵՐԵԼՔ» կուսակցության վստահված անձը և պատգամավորի թեկնածուն տեղափոխվել են հիվանդանոց

Հունիսի 20-ին՝ ժամը 08։30-ին, Մասիսի Ազատաշեն գյուղի թիվ 11/11 ընտրատեղամասում լարված իրավիճակ է ստեղծվել։ Այս մասին հայտարարություն է տարածել «Վերելք» կուսակցությունը: ««ՎԵՐԵԼՔ» կուսակցության վստահված անձը նկատել է խախտումներ, որոնց վերաբերյալ փորձել է ստանալ պարզաբանումներ։ Դրանից հետո ընտրատեղամասից դուրս տեղի է ունեցել վիճաբանություն։ Սկսվել է ծեծկռտուք: «ՎԵՐԵԼՔ» կուսակցության վստահված անձը և պատգամավորի թեկնածուն տեղափոխվել են հիվանդանոց։ Պահանջում ենք պատկան մարմիններից կատարել գործի օբյեկտիվ և անաչառ հետաքննություն»,- ասված է հայտարարության մեջ:

13:51 - 20 հունիսի, 2021

Արման Բաբաջանյանը քվեարկեց հանուն Հայաստանի ժողովրդավար ապագայի և թռիչքի |armenpress.am|

armenpress.am: «Շիրինյան-Բաբաջանյան» ժողովրդավարների դաշինքի նախընտրական ցուցակը գլխավորող Արման Բաբաջանյանը արտահերթ խորհրդարանական ընտրություններում քվեարկեց հանուն Հայաստանի թռիչքի: «Ես քվեարկեցի նաև ընդդեմ գողապետության և հանուն հանրապետության, ինչպես նաև ՀՀ ժողովրդավար ապագայի: Այն, ինչ տեղի է ունենում մեր երկրում՝ չափազանց կարևոր և էական է մեր պետության ապագայի համար: Ըստ էության, մենք կանգնած ենք ՀՀ-ի լինել-չլինելու ընտրության առաջ: Այս ընտրությունը մեծապես ամրապնդելու է Հայաստանի սուբյեկտայնությունը»,- այս մասին նա հայտնեց լրագրողների հետ զրույցում: Նա ընդգծեց, որ այս ընտրությունները չափազանց կարևոր են մեր մեջքն ուղղելու և ոտքի կանգնելու համար:

13:44 - 20 հունիսի, 2021

Դատախազությունը կոչ է անում ընտրողներին՝ զերծ մնալ իրենց կատարած քվեարկության արդյունքը, քվեախցիկում արված՝ նույնականացվող քվեաթերթիկները, լուսանկարները, տեսագրությունները հրապարակելուց

Սոցիալական ցանցերում հրապարակվում են քվեարկության ընթացքում թվեաթերթիկների (որպես մարված կամ քվեարկված) լուսանկարներ, ինչպես նաև քվեաթերթիկներ պատռելու տեսագրություններ: Այս մասին ֆեյսբուքյան իր էջում գրել է Գլխավոր դատախազի խորհրդական Գոռ Աբրահամյանը: «ՀՀ քրեական օրենսգրքի 154-րդ հոդվածի համաձայն՝ քվեարկության գաղտնիությունը խախտելու նպատակով ընտրողին քվեարկության արդյունքը հայտնելուն հարկադրելը, քվեարկության արդյունքը բացահայտելու նպատակով քվեարկած քվեաթերթիկը ստուգելը, քվեարկության խցիկ (սենյակ) մուտք գործելը, ինչպես նաև քվեարկության գաղտնիությունն այլ կերպ խախտելը հանցագործություն է, որ պատժվում է ընդհուպ մինչև 5 տարի ժամկետով ազատարզկմամբ: Անհրաժեշտ եմ համարում նշել, որ արդեն իսկ հրապարակված և դատախազությանը հասու դարձած նման բոլոր լուսանկարների, տեսագրությունների առթիվ դատախազության կողմից նախաձեռնվել է ՀՀ քրեական դատավարության օրենսգրքի 180-181-րդ հոդվածների կարգով նյութերի նախապատրաստման գործընթաց՝ դրանցում հենց ՀՀ քրեական օրենսգրքի 154-րդ հոդվածի հանցակազմի հատկանիշների ստուգման նպատակով: Եվ դատախազության տեսադաշում հայտնված ցանկացած նոր այդպիսի հրապարակման առթիվ ևս նման գործընթաց է նախաձեռնվելու: Ուստի կոչ ենք անում ընտրողներին՝ զերծ մնալ իրենց կատարած քվեարկության արդյունքի, քվեախցիկում արված՝ նույնականացվող քվեաթերթիկների՝ անկախ դրանց մարված լինել-չլինելու հանգամանքից, լուսանկարները, տեսագրությունները հանրայնացնելուց և հրապարակելուց»,- գրել է նա:

13:42 - 20 հունիսի, 2021

Կրիմինալ վիճակը՝ ընտրական հանցագործությունների մասով, ՀՀ-ում միասեռ չէ․ Դանիել Իոաննիսյան

Մինչ հեղափոխությունը առավոտյան ժամը 8-ին համարյա բոլոր ընտրատեղամասերում, առավոտյան ժամը 8-ից սկսած, լինում էին ընտրողների կուտակումներ։ Այս մասին ասուլիսի ընթացքում ասաց «Անկախ դիտորդ» նախաձեռնության ներկայացուցիչ Դանիել Իոաննիսյանը։ «2018-ի ընտրություններին ընտրողների կուտակումներ չկային։ Բայց այս ընտրություններին այն տեղամասերում, որոնց տարածքի մասին ունեինք տեղեկություններ ընտրակաշառքի վերաբերյալ, մեր դիտորդները տեսան «տասովշիկների» և հենց այդ տեղամասերում ընտրողների կուտակումներ էին առավոտ ժամը 8-ին։ Ողջամտությունն այն է, որ մարդ նախընտրում է քնել կիրակի առավոտյան։ Ինչ են անում «տասովշիկները»․ ընտրողներին, որոնք իրենցից որոշակի կախման մեջ են, հրահանգում են գալ առավոտյան ժամը 8-ին և առավելագույն շատ ժամանակ ունենան, որ չեկած մարդկանց բերեն տեղամաս կամ իրենց անելիքները տեսնեն»,- ասաց նա։ Իոաննիսյանի խոսքով՝ սա խոսում է այն մասին, որ կրիմինալ վիճակը՝ ընտրական հանցագործությունների մասով, ՀՀ-ում միասեռ չէ․ «Որոշ տեղեր կրիմինալ խմբերը աշխատում են և ընտրողների վրա ազդեցություն են փորձում ունենալ, ըստ էության ունենում են։ Որոշ տեղերում ընտրողներն իրենց ավելի ազատ են զգում, որտեղ կրիմինալ խմբերը չկան կամ ակտիվ չեն»։ Անդրադառնալով ընտրախախտումների մասին ահազանգերին՝ Դանիել Իոաննիսյանը հայտնեց, որ հիմնականում ահազանգերը Երևանից են։ «Եղել է մի դեպք, որ ընտրողն ահազանգել էր, որ իրեն չեն տվել դաշինքի քվեաթերթիկ։ Մենք ուսումնասիրել ենք տեսանյութը, և տեսանյութում երևում է, որ քվեաթերթիկների բոլոր տրցակներից ընտրողին տրվում է քվեաթերթիկ»,- եզրափակեց նա։

13:40 - 20 հունիսի, 2021

29/43 ընտրատեղամասում «Հայաստան» դաշինքի քվեաթերթիկների վրա տպագրական տարբերվող նշաններ կան

Այսօր տեղեկություն տարածվեց, համաձայն որի՝ Ներքին Պտղնի գյուղի 29/34 ընտրատեղամասում միայն «Հայաստան» դաշինքի 24 համարի քվեաթերթիկների մեծամասնության վրա տպագրական տարբերվող նշան կա։ Infocom-ը մեկնեց նշված ընտրատեղամաս՝ արձանագրելու՝ լուրը համապատասխանո՞ւմ է իրականությանը, թե՞ ոչ։ Ընտրատեղամասում մեր նկարահանող խումբն արձանագրեց, որ իրոք 24 համարի քվեաթերթիկների վրա կան տարբերվող նշաններ։ Հանձնաժողովի նախագահ Վրեժ Վարդանյանը վստահեցրեց, որ քվեաթերթիկները ստանալիս չեն նկատել և հաշվարկի ժամանակ թերթիկները անվավեր չեն համարվելու ««Հայաստան» դաշինքի վստահված անձը ներկա է լինելու հաշվարկի ժամանակ և ինքն էլ կարող է տեսնել, որ քվեաթերթիկները անվավեր չեն ճանաչվելու։ Անվավեր են ճանաչվելու միայն այն թերթիկները, որոնց վրա մարդկային միջամտության նշաններ կան։ Թերթիկներ կան, որոնց գույնն ավելի բաց է։ Թերթիկներ կային, որոնց վրա կարմիր նշան էր եղել․ որոնք նկատել ենք՝ հանել ենք»,- նշեց հանձնաժողովի նախագահը։ Այս դեպքն արձանագրվել է տեղամասի գրանցամատյանում։ Ներքին Պտղնի գյուղի 29/34 ընտրատեղամասն ունի 1326 ընտրող, որոնցից ժամը 12։00-ի դրությամբ քվեարկությանը մասնակցել է 225 ընտրող։

13:34 - 20 հունիսի, 2021

Լարվածություն լինելու է, որովհետև 26 կուսակցությունից 3-4-ը անցնելու են, մնացածը պարտվելու են․ Սամվել Բաբայան

Քվեարկել եմ, որ ուժեղ ապրեք, չվախենաք, հզոր լինեք: Երևանի 9/46 ընտրատեղամասում քվեարկությունից հետո լրագրողների հետ զրույցում ասաց «Ազատական» կուսակցության ցուցակի առաջին համար, Արցախի անվտանգության խորհրդի նախկին քարտուղար Սամվել Բաբայանը։ Անդրադառնալով ընտրատեղամասերից մեկում հնչած կրակոցների և առկա լարվածության՝ Բաբայանն ասաց․ «Մարդիկ պետք է հանգստանան, ընտրություն է, ոչ դրանով սկսվում է, ոչ էլ ավարտվում։ Ժողովուրդն է, մեկ է, որոշում։ Լարվածություն լինելու է, որովհետև 26 կուսակցությունից 3-4-ը անցնելու է, մնացածը պարտվեն։ Մարդիկ չարչարվել են ու ժողովրդի վստահությունը չեն ստացել, պիտի լարված լինեն»։ Սամվել Բաբայանը նաև հավելեց, որ չի հավակնում վարչապետի պաշտոնին, իսկ իրենց ուժին տեսնում է պաշտպանության ոլորտում։

13:28 - 20 հունիսի, 2021

Հայկ Սարգսյանի՝ քվեախցից արված լուսանկարների տեղադրման առթիվ նյութեր են նախապատրաստվում

«Քաղաքացիական պայմանագիր» կուսակցության պատգամավորի թեկնածու Հայկ Սարգսյանը Ֆեյսբուքի իր էջում հրապարակել է «Հայաստան» դաշինքի քվեաթերթիկները՝ լուսանկարված քվեախցիկի «չօգտագործված քվեաթերթիկներ» հատվածից։ Պատգամավորը հրապարակումը վերնագրել է «մերժվածները»։ Ոստիկանությունը հայտնում է, որ Հայկ Սարգսյանի սոցիալական էջում քվեախցից արված լուսանկարների տեղադրման փաստի առթիվ նախապատրաստվում են նյութեր։

13:24 - 20 հունիսի, 2021

10/22 տեղամասում «Հայաստան» դաշինքի վստահված անձինք «24» նշումով հագուստով են եղել

Էրեբունու 10/22 տեղամասում «Հայաստան» դաշինքի 2 վստահված անձինք առավոտյան եղել են դաշինքի քվեաթերթիկի «24» համարի նշանով շապիկով։ Վերջիններս շապիկները փոխել են միայն դիտորդի զգուշացումից հետո։ Հանձնաժողովի անդամները փաստի մասին նշում էին կատարել սովորական թղթի վրա եւ միայն Infocom-ի հարցից հետո՝ չկա՞ արձանագրություն, գրությունը տեղափոխեցին արձանագրությունների համար նախատեսված գրքույկի մեջ։

13:21 - 20 հունիսի, 2021