Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։

Չինաստանը հերքում է Ռուսաստանին սպառազինության մատակարարումները

|factor.am|

Չինաստանը հերքում է Ռուսաստանին սպառազինության մատակարարումները |factor.am|

factor.am: Պեկինը պնդում է, որ Ռուսաստանին զենք չի մատակարարում Ուկրաինայում պատերազմի վարման համար ու ապագայում էլ չի մատակարարելու։ Այս մասին հայտարարել է Չինաստանի ԱԳ նախարար Ցին Գանը Գերմանիայի ԱԳ նախարար Աննալենա Բերբոքի հետ երկու ժամ տևած հանդիպումից հետո, գրում է DW-ի ռուսական ծառայությունը։ Ցին Գանը նշել է, որ Չինաստանի քաղաքականությունն այս հարցում անփոփոխ է մնալու։ Այսպես կոչված, երկակի նշանակության ապրանքների մատակարարման հարցին անդրադառնալով, որոնք կարող ենք օգտագործվել ռազմական նպատակներով, Գանը նշել է, որ ամեն ինչ դիտարկվում է օրենսդրության պահանջներին համապատասխան։ Բերբոքը Պեկին կատարած այցի ժամանակ հորդորել է Չինաստանի իշխանություններին զենք չմատակարարել Մոսկվային։ Նա նաև տարակուսանք է հայտնել, թե ինչու Չինաստանը դեռևս կոչ չի արել Ռուսաստանին դադարեցնել պատերազմը։ Գանը գերմանացի գործընկերոջ այս կոչին ուղիղ չի արձագանքել։ Նա հայտարարել է, որ Չինաստանը կրակի վրա յուղ չի լցնելու և ուզում է՝ խաղաղության համաձայնագիր ստորագրվի։

12:29 - 14 ապրիլի, 2023

ՌԴ, Չինաստանի, Իրանի և Պակիստանի ԱԳ նախարարները Սամարղանդում հանդիպում են անցկացնում |armenpress.am|

ՌԴ, Չինաստանի, Իրանի և Պակիստանի ԱԳ նախարարները Սամարղանդում հանդիպում են անցկացնում |armenpress.am|

armenpress.am: Ռուսաստանի, Չինաստանի, Իրանի արտաքին գործերի նախարարները և Պակիստանի արտաքին գործերի պետնախարարը հանդիպում են անցկացնում Սամարղանդում։ Այդ մասին «Արմենպրես»-ը տեղեկանում է «Интерфакс» գործակալությունից: Հանդիպումն սկսելուց առաջ Սերգեյ Լավրովը, Ցին Գանը, Հոսեյն Ամիր Աբդոլլահիանը և Ռաբբանի Կհարը միասին լուսանկարվել են, որից հետո բանակցությունները շարունակվել են փակ ձևաչափով։ Ապրիլի 13-ին Սամարղանդում տեղի է ունենում Աֆղանստանի հարևան երկրների նախարարական խորհրդաժողովը՝ Ռուսաստանի, Չինաստանի, Իրանի, Պակիստանի, Տաջիկստանի, Թուրքմենստանի և Ուզբեկստանի արտաքին գործերի նախարարների մասնակցությամբ։ Լավրովը Սամարղանդ էր ժամանել նախօրյակին։ Աֆղանստանին նվիրված խորհրդաժողովից բացի, ապրիլի 14-ին ՌԴ ԱԳՆ ղեկավարը կմասնակցի ԱՊՀ երկրների արտգործնախարարների խորհրդակցությանը և Ռուսաստան-Կենտրոնական Ասիա ձևաչափով նախարարական հանդիպմանը։

11:31 - 13 ապրիլի, 2023

Չինաստանը Թայվանը շրջապատելու սցենարով զորավարժությունների շրջանակներում կղզու ափերի մոտ է ուղարկել «Շանդուն» ավիակիրը
|armenpress.am|

Չինաստանը Թայվանը շրջապատելու սցենարով զորավարժությունների շրջանակներում կղզու ափերի մոտ է ուղարկել «Շանդուն» ավիակիրը |armenpress.am|

armenpress.am: Չինաստանի Ժողովրդաազատագրական բանակի (ՉԺԱԲ) ռազմածովային ուժերի «Շանդուն» ավիակիրը մասնակցում է Թայվան կղզու շուրջ անցկացվող զորավարժություններին: Նման տեղեկություն է տարածել ՉԺԱԲ-ի Մարտական հրամանատարության արևելյան գոտին։ Այդ մասին հայտնում է «РИА Новости» գործակալությունը: Ինչպես նշվում է հայտարարության մեջ, հրամանատարական զորքերը զորավարժությունների շրջանակներում շարունակում են գտնվել Թայվան կղզու շուրջ: Այսօր զորավարժություններին առաջին անգամ մասնակցում է «Շանդուն» ավիակիրը։ Հրամանատարական զորքերը կատարելագործում են կղզին շրջապատելու և պահելու համատեղ զորաշարժերը: «Շանդուն»-ը Չինաստանի սպառազինության մեջ երկրորդ ավիակիրն է, իսկ սեփական արտադրության՝ առաջինը։ Ավիակիրն ունի 315 մետր երկարություն, 75 մետր լայնություն, քաշը 70 հազար տոննա է, նորմալ արագությունը՝ 31 ծովային հանգույց։ Չինական լրատվամիջոցները հաղորդում են, որ ավիակրում կարող են տեղակայվել 36 «Ցզյան-15» (J-15) կործանիչներ։ Ավիակիրը կառուցվում է 2013 թ.-ից, այն ջրարկվել է 2017 թ. ապրիլին, առաջին թեստային նավարկությունը տեղի է ունեցել 2019 թ. մայիսի 13-18-ը, իսկ 2019 թ. նոյեմբերի 17-ին այն հանձնվել է Չինաստանի Ժողովրդաազատագրական բանակի ռազմածովային ուժերին։ ՉԺԱԲ-ի Մարտական հրամանատարության արևելյան գոտու պաշտոնական ներկայացուցիչ Շի Ին շաբաթ օրը հայտնել էր, որ Չինաստանի զինված ուժերն ապրիլի 8-10-ը վարժանքներ և պարեկություն են անցկացնում Թայվանի շուրջ ընկած ծովային և օդային տարածքում՝ մարտական պատրաստության պլանին համապատասխան: Նրա խոսքով՝ զորավարժությունները նախազգուշացում են Թայվանի անկախության օգտին հանդես եկող անջատողական ուժերի համար, ինչպես նաև անհրաժեշտ միջոց՝ պաշտպանելու Չինաստանի ինքնիշխանությունն ու տարածքային ամբողջականությունը: ԱՄՆ-ի Կոնգրեսի Ներկայացուցիչների պալատի անդամ Լինդսի Գրեհեմը հայտարարել է, որ Թայվանի նկատմամբ Պեկինի գործողությունները մտահոգություններ են առաջացնում կղզու հնարավոր շրջափակման առումով: Սենատորը հանդես է եկել մի շարք զսպող միջոցներ ձեռնարկելու օգտին, որոնք, նրա խոսքով, կարող են կանխել Չինաստանի կողմից Թայվանի հնարավոր ռազմական զավթումը:

14:00 - 10 ապրիլի, 2023

Չինաստանը եռօրյա զորավարժություններ է սկսել Թայվանի նեղուցում |tert.am|

Չինաստանը եռօրյա զորավարժություններ է սկսել Թայվանի նեղուցում |tert.am|

tert.am: ԱՄՆ ներկայացուցիչների պալատի խոսնակ Քևին Մաքքարթիի և Թայվանի նախագահ Ցայ Ին Վենի հանդիպումից հետո Չինաստանի ժողովրդական-ազատագրական բանակը հայտարարել է «Միացյալ սուր թուր» անունը կրող զորավարժությունների մասին, որը կիրականացվի Թայվանի նեղուցում: Այս մասին գրել է Al JAzeera-ն։ «Չինաստանը, որն իր անքատելի մասն է համարում Թայվանը, կանցկացնի «մարտական պատրաստության պարեկություն» մինչև ապրիլի 10-ը»,-ասված է ՉԺՀ Ժողովրդական ազատագրական բանակի հայտարարության մեջ։ Զորավարժություններն իրականացվելու են Թայվանի նեղուցում կղզուց հյուսիս և հարավ, ինչպես նաև ծովում և նրա արևելյան օդային տարածքում: «Սա լուրջ նախազգուշացում է Թայվանի անկախության անջատողական և արտաքին ուժերի համար։ Եվ դա անհրաժեշտ գործողություն է՝ պաշտպանելու պետական ինքնիշխանությունն ու տարածքային ամբողջականությունը», - ասված է հայտարարության մեջ:

16:51 - 08 ապրիլի, 2023

Սի Ծինփինը Էմանուել Մակրոնին առաջարկել է Ուկրաինայում հրադադարի ծրագիր մշակել |armenpress.am|

Սի Ծինփինը Էմանուել Մակրոնին առաջարկել է Ուկրաինայում հրադադարի ծրագիր մշակել |armenpress.am|

armenpress.am: Չինաստանի առաջնորդ Սի Ծինփինը Ֆրանսիայի նախագահ Էմանուել Մակրոնին առաջարկել է Ուկրաինայի հակամարտության կարգավորման ծրագիր մշակել: Այս մասին հաղորդում է Reuters-ը։ Չինաստանի առաջնորդը խոստացել է, որ կաջակցի նրան։ Սի Ծինփինը նաև ընդգծել է, որ Չինաստանը երբեք չի դիտարկի ուկրաինական ճգնաժամը անձնական շահերի տեսանկյունից:

22:28 - 07 ապրիլի, 2023

Պեկինում հանդիպել են Իրանի եւ Ֆրանսիայի արտգործնախարարները |news.am|

Պեկինում հանդիպել են Իրանի եւ Ֆրանսիայի արտգործնախարարները |news.am|

news.am: Իրանի արտգործնախարար Հոսեյն Ամիր Աբդոլլահիյանը եւ նրա ֆրանսիացի գործընկեր Քաթրին Կոլոննան հինգշաբթի երեկոյան հանդիպել են Պեկինում՝ օգտվելով Չինաստանում երկու երկրների բարձրաստիճան պատվիրակությունների միաժամանակյա ներկայությունից, հաղորդում է IRNA-ն: Բանակցությունների ընթացքում քննարկվել են երկկողմ, տարածաշրջանային եւ միջազգային օրակարգի արդիական, ինչպես նաեւ փոխադարձ հետաքրքրություն ներկայացնող այլ հարցեր։ Կողմերը քննարկել են նաեւ որոշ հյուպատոսական հարցեր եւ ընդգծել փոխադարձ հարգանքի եւ համատեղ երկխոսության շարունակական անհրաժեշտությունը, հայտնում են իրանական լրատվամիջոցները։ Կոլոննան ուղեկցում է Ֆրանսիայի նախագահ Էմանուել Մակրոնին Չինաստան կատարած այցի ժամանակ։

16:30 - 07 ապրիլի, 2023

Մակրոնը Սի Ծինպինին խնդրել է օգտագործել իր ազդեցությունը Պուտինի վրա
|azatutyun.am|

Մակրոնը Սի Ծինպինին խնդրել է օգտագործել իր ազդեցությունը Պուտինի վրա |azatutyun.am|

azatutyun.am: Պեկին այցելած Ֆրանսիայի նախագահ Էմանյուել Մակրոնը երեկ Չինաստանի առաջնորդ Սի Ծինպինին հորդորել է օգտագործել իր ազդեցությունը Ռուսաստանի նախագահ Վլադիմիր Պուտինի վրա՝ օգնելու դադարեցնել պատերազմն Ուկրաինայում: «Ես գիտեմ, որ կարող եմ հույս դնել Ձեզ վրա՝ խելքի բերելու Ռուսաստանին և բոլորին վերադարձնելու բանակցությունների սեղանի շուրջ», - ասել է Մակրոնը։ Ի պատասխան՝ Չինաստանի ղեկավարը հույս է հայտնել, որ կողմերը կկարողանան հնարավորինս շուտ խաղաղ բանակցություններ սկսել։ Մակրոնի խոսքով՝ ներկայիս ճգնաժամը սպառնում է, որ համաշխարհային խոշոր տերությունները կբաժանվեն պատերազմող միությունների։

10:30 - 07 ապրիլի, 2023

Պեկինում տեղի է ունեցել Էմանուել Մակրոնի և Սի Ծինպինի հանդիպումը
|azatutyun.am|

Պեկինում տեղի է ունեցել Էմանուել Մակրոնի և Սի Ծինպինի հանդիպումը |azatutyun.am|

azatutyun.am: Չինաստանի կենտրոնական հեռուստատեսության հաղորդագրության համաձայն, Չինաստանի նախագահ Սի Ծինպինը Պեկինում ընդունել է Ֆրանսիայի նախագահ Էմանուել Մակրոնին: Բարձրաստիճան հյուրին պետական պատիվներով դիմավորելու հանդիսավոր արարողությունը տեղի է ունեցել Ժողովրդական համագումարների (խոհրդարանի) շենքի մոտ: Օրվա երկրորդ կեսին տեղի է ունեցել երկու նախագահների առանձնազրույցը, որի մասին տեղեկություններ դեռ չկան: Նախքան Պեկին մեկնելը Մակրոնն ասել է, որ չինացի պաշտոնակցի հետ մտադիր է ի շարս այլ հարցերի քննարկել ռուս-ուկրաինական պատերազմի դադարեցման ուղիները:

14:27 - 06 ապրիլի, 2023

«Վերաբացել դեսպանատներն ու հյուպատոսարանները»․ հանդիպել են Իրանի ու Սաուդյան Արաբիայի ԱԳ նախարարները |armenpress.am|

«Վերաբացել դեսպանատներն ու հյուպատոսարանները»․ հանդիպել են Իրանի ու Սաուդյան Արաբիայի ԱԳ նախարարները |armenpress.am|

armenpress.am: Պեկինում սկսվել են Իրանի և Սաուդյան Արաբիայի արտաքին գործերի նախարարներ Հոսեյն Ամիր Աբդոլլահիանի և Ֆեյսալ բեն Ֆարհան Ալ Սաուդի բանակցությունները: Այդ մասին տեղեկանում ենք ՏԱՍՍ գործակալությունից: Իրանի արտաքին քաղաքական գերատեսչությունը հայտարարել է, որ նախարարները կքննարկեն «երկու երկրների դեսպանությունների և հյուպատոսությունների աշխատանքների վերսկսման գործնական քայլերը», ինչպես նաև երկկողմ հարաբերությունների հետ կապված առանձին հարցեր։ Իրանի արտգործնախարարը Պեկինում հանդիպում կունենա նաև իր չինացի գործընկերոջ հետ: Մարտի 10-ին Թեհրանը և Էր Ռիադը պայմանավորվել էին վերականգնել դիվանագիտական հարաբերությունները և դեսպանատների աշխատանքները վերսկսել երկամսյա ժամկետում։ Երկու երկրների ներկայացուցիչները Պեկինում մի քանի օր բանակցություններ էին վարել, որոնց արդյունքում պատրաստվել էր եռակողմ հայտարարություն։ Էր Ռիադի և Թեհրանի միջև հարաբերությունները սրվել են 2015 թ. մարտին՝ Եմենի տարածքում Սաուդյան Արաբիայի գլխավորած կոալիցիայի կողմից «Անսար Ալլահ» շարժման (հութիներ) դեմ ռազմական գործողության մեկնարկով։ 2016 թ. հունվարին՝ այն բանից հետո, երբ Թեհրանում Սաուդյան Արաբիայի դեսպանատունը և Մեշհեդում նրա հյուպատոսարանը հարձակման ենթարկվեցին ցուցարարների ամբոխի կողմից: Ցուցարարները վրդովված էին Էր Ռիադում շիա հոգևորական շեյխ Նիմր ալ Նիմրի մահապատժից: Տեղի ունեցածից հետո թագավորությունը խզեց դիվանագիտական հարաբերությունները Իսլամական Հանրապետության հետ:

11:34 - 06 ապրիլի, 2023

Մակրոնն Ուկրաինայում խաղաղության որոնման գործում կարևորել է Չինաստանի դերը
|factor.am|

Մակրոնն Ուկրաինայում խաղաղության որոնման գործում կարևորել է Չինաստանի դերը |factor.am|

factor.am: Ֆրանսիայի նախագահ Էմանուել Մակրոնը, որը եռօրյա այցով Չինաստանում է, հայտարարել է, որ Պեկինը կարող է մեծ դեր խաղալ Ուկրաինայում խաղաղ կարգավորման հարցում, գրում է BBC-ի ռուսական ծառայությունը։ «Չինաստանը Ռուսաստանի հետ իր սերտ կապերով, որոնք վերահաստատվել են վերջերս, կարող է կարևոր դեր խաղալ այդ գործում»,- ասել է Մակրոնը Պեկինում Ֆրանսիայի դեսպանատանը։ Միաժամանակ, նա նշել է, որ շատ երկրներ պատասխանատվության հավասար բաժին ունեն Ուկրաինայի խաղաղության և կայունության որոնման գործում, և Ֆրանսիան իր հերթին դրա համար կանի հնարավոր ամեն ինչ։ Ֆրանսիայի նախագահի՝ Պեկին կատարած այցի գլխավոր նպատակներից է Չինաստանի իշխանություններին համոզել՝ Ռուսաստանին ռազմական օգնություն չցուցաբերել Ուկրաինայում նրա ագրեսիայի հարցում։ Նա հույս ունի նաև ամրապնդել առևտրային կապերը Ֆրանսիայի և Չինաստանի միջև, որը Փարիզի հիմնական առևտրային գործընկերն է։ Ելույթ ունենալով դեսպանատանը՝ Մակրոնն ասել է, որ Եվրոպան չպետք է հեռանա Չինաստանից տնտեսական ոլորտում։

16:12 - 05 ապրիլի, 2023

Ֆրանսիայի նախագահը և Եվրահանձնաժողովի ղեկավարն այցելում են Չինաստան
|azatutyun.am|

Ֆրանսիայի նախագահը և Եվրահանձնաժողովի ղեկավարն այցելում են Չինաստան |azatutyun.am|

azatutyun.am: Ֆրանսիայի նախագահ Էմանուել Մակրոնը և Եվրահանձնաժողովի նախագահ Ուրսուլա ֆոն դեր Լայենն այսօր սկսում են եռօրյա այցը Չինաստան: Ելիսեյան պալատն ավելի վաղ մամուլին տեղեկացրել էր, որ ուկրաինական իրադարձությունները լինելու են Չինաստանի իշխանությունների հետ քննարկումների կենտրոնում։ Իր հերթին, ֆրանսիական դիվանագիտության ղեկավար Կատրին Կոլոննան օրեր առաջ նշել էր, որ Մակրոնը մտադիր է Չինաստանի ղեկավարությանը զգուշացնել Ռուսաստանին «ռազմական աջակցությունից զերծ մնալու» կարևորության մասին։ Հաղորդվում է նաև, որ Մակրոնի հետ Չինաստան կմեկնի ֆրանսիացի գործարարների մեծ պատվիրակություն։

11:59 - 05 ապրիլի, 2023

Ճապոնիայի արտգործնախարարը 2019 թվականից ի վեր առաջին անգամ կայցելի Չինաստան
|shantnews.am|

Ճապոնիայի արտգործնախարարը 2019 թվականից ի վեր առաջին անգամ կայցելի Չինաստան |shantnews.am|

shantnews.am: v class="news_text"> Ճապոնիայի արտաքին գործերի նախարար Յոշիմասա Հայաշին կայցելի Չինաստան: Այն կլինի Ճապոնիայի արտգործնախարարի առաջին այցը Չինաստան վերջին 4 տարվա ընթացքում, հայտնել են երկրի արտաքին գործերի նախարարությունից։ «Ճապոնիայի արտաքին գործերի նախարար Յոշիմասա Հայաշին ապրիլի 1-ից 2-ը կայցելի Պեկին: Նա բանակցություններ կվարի Չինաստանի արտգործնախարար Ցին Գանգի հետ: Սա Ճապոնիայի արտգործնախարարի առաջին այցն է Չինաստան 2019 թվականի դեկտեմբերից ի վեր»,- ասվում է ԱԳՆ-ում: 2019 թվականին Ճապոնիայի արտգործնախարարի երկու այց է տեղի ունեցել Չինաստան՝ փետրվարին Տարո Կոնոն է գնացել, իսկ դեկտեմբերին՝ ուղեկցել վարչապետ Սինձո Աբեին՝ այս պաշտոնում Կոնոյի իրավահաջորդ Տոշիմիցու Մոտեգիին։ Դրանից հետո շփումները սահմանափակվել են միայն հեռախոսազրույցներով։

10:32 - 31 մարտի, 2023

Սի Ծինփինի այցը Մոսկվա նվազեցրել է միջուկային պատերազմի վտանգը․ Բորել |tert.am|

Սի Ծինփինի այցը Մոսկվա նվազեցրել է միջուկային պատերազմի վտանգը․ Բորել |tert.am|

tert.am: Եվրամիության արտաքին քաղաքականության և անվտանգության հարցերով Բարձր ներկայացուցիչ Ժոզեպ Բորելը կարծում է, որ Չինաստանի առաջնորդ Սի Ծինփինի այցը Մոսկվա նվազեցրել է միջուկային պատերազմի մեկնարկի վտանգը։ Այս մասին գրում է Financial Times-ը։ «Կարևոր է, որ այս այցը նվազեցնում է միջուկային պատերազմ սկսելու վտանգը, և նրանք (Չինաստանի ներկայացուցիչները՝ խմբ․) դա շատ ու շատ պարզ հասկացրին»,- հայտարարել է Բորելը՝ հիշեցնելով ուկրաինական ճգնաժամը լուծելու Չինաստանի ծրագիրի մասին, որում նշվում է միջուկային զենքի կիրառման անթույլատրելիությունը։ Հիշեցնենք, որ վերընտրվելուց հետո ՌԴ-ն եղել է առաջին երկիրը, որտեղ պաշտոնական այց է կատարել Չինաստանի նախագահ Սի Ծինփինը։ Նրա այցի ֆոնին Կիև էր այցելել Ճապոնիայի վարչապետը։

13:37 - 25 մարտի, 2023

Հայաստանը և Չինաստանը հետաքրքրված են լոգիստիկ ուղիների զարգացմամբ․ ԱԳ նախարար |armenpress.am|

Հայաստանը և Չինաստանը հետաքրքրված են լոգիստիկ ուղիների զարգացմամբ․ ԱԳ նախարար |armenpress.am|

armenpress.am: Չինաստանի հետ հարաբերությունների խորացումը Հայաստանի համար չափազանց կարևոր է։ Ազգային ժողովի արտաքին հարաբերությունների մշտական հանձնաժողովի արտահերթ նիստի ժամանակ հայտարարեց Արտաքին գործերի նախարար Արարատ Միրզոյանը։ «Հայաստանի և Չինաստանի միջև հարաբերությունների խորացումը մեզ համար չափազանց կարևոր է։ Գիտեք, որ Չինաստանը հետաքրքրված է նաև աշխարհի տարբեր անկյուններում և հատկապես մեր տարածաշրջանում լոգիստիկ ուղիների, ենթակառուցվածքների, այդ թվում «Միջին միջանցք»-ի զարգացմամբ: Մենք ևս հետաքրքրված ենք լոգիստիկ առումով այդպիսի ծրագրերի մաս կազմելուն»,- ասաց Միրզոյանը։

17:40 - 24 մարտի, 2023

«Պեկինը ուկրաինական ճգնաժամում անաչառ դիրքորոշում ունի»․ ավարտվել է Չինաստանի նախագահի այցը Մոսկվա

«Պեկինը ուկրաինական ճգնաժամում անաչառ դիրքորոշում ունի»․ ավարտվել է Չինաստանի նախագահի այցը Մոսկվա

Չինաստանի նախագահի՝ Ռուսաստան կատարած պետական այցի արդյունքներով ՌԴ նախագահ Վլադիմիր Պուտինն ու Սի Ծինփինը համատեղ մամուլի ասուլիս են տվել։ Այս մասին հայտնում է BBC-ի ռուսական ծառայությունը։ Սա Սի Ծինփինի առաջին պաշտոնական այցն է Չինաստանի ղեկավարի պաշտոնում վերընտրվելուց հետո։ Ռուսասատանի նախագահի համար սա առաջին հանդիպումն է այլ երկրի ղեկավարի հետ Հաագայի դատարանի՝ իրեն ձերբակալելու օրդերից հետո։ Այցի ընթացքում Ծինփինը Պուտինին հրավիրել է Չինաստանը «իր համար հարմար ժամանակ այս տարվա ընթացքում»։ Washington Post-ը այս հրավերը անվանել է Ռուսաստանին «աջակցության դրսևորում»։ Ավելի վաղ ԱՄՆ պետքարտուղար Էնթոնի Բլինքենը, մեկնաբանելով Սի Ծինփինի այցը Մոսկվա, մեղադրել էր Չինաստանի նախագահին Պուտինի համար «դիվանագիտական ծածկոց» ապահովելու համար, որ Ռուսաստանը այնպիսի հանցագործություններ իրականացնի, որոնց փաստով էլ Միջազգային քրեական դատարանը հրապարակել է ձերբակալման օրդերը։ Բանակցություններից հետո կայացած մամուլի ասուլիսի ժամանակ Պուտինը հիշեցրել է Չինաստանի ներկայացրած խաղաղության պլանի մասին, որը իր խոսքով կարող է հիմք լինել կարգավորման համար, «երբ դրան պատրաստ լինեն Ուկրաինան ու Արևմուտքը»։ Ինքը Սի Ծինփինը հերթական անգամ հայտնել է, որ Պեկինը առաջնորդվում է ՄԱԿ-ի կանոնադրությամբ և «ուկրաինական ճգնաժամում» անաչառ դիրքորոշում ունի ու հանդես է գալիս հանուն խաղաղության և երկխոսության։ Կրեմլում տեղի ունեցած բանակցություններից հետո, որոնք տևել են 3 ժամ, հայտնի է դարձել, որ ղեկավարները ստորագրել են 14 փաստաթուղթ և երկու համատեղ հայտարարություն։ Վլադիմիր Պուտինը հայտարարել է, որ Ռուսաստանը պատրաստ է ավելացնել բնական գազի և նավթի մատակարարումները Չինաստան։ Նրա խոսքով կողմերը նաև քննարկել են «Սիբիրյան գազ-2» գաղատարի նախագիծը։ Բացի այդ՝ Պուտինը ասել է Ռուսաստանից Չինաստան մսի ու հացահատիկի արտահանման զգալի աճի հնարավորությունների մասին։ Չինաստանի նախագահի այցը Մոսկվա ավարտվել է։ Նա այսօր վերադարձել է Պեկին։

11:23 - 22 մարտի, 2023

Կրեմլում ավարտվել են Պուտինի և Ծինփինի բանակցությունները |armenpress.am|

Կրեմլում ավարտվել են Պուտինի և Ծինփինի բանակցությունները |armenpress.am|

armenpress.am: Կրեմլում ավարտվել են ՌԴ նախագահ Վլադիմիր Պուտինի և Չինաստանի Ժողովրդական Հանրապետության նախագահ Սի Ծինփինի բանակցությունները, որոնք տևել են մոտ երեք ժամ: Այս մասին հայտնում է ՏԱՍՍ-ը: Նշվում է, որ առաջին մեկուկես ժամվա ընթացքում հանդիպումն ընթացել է նեղ կազմով՝ պատվիրակությունների անդամների մասնակցությամբ, այնուհետև շարունակվել է ընդլայնված կազմով: Բանակցություններն ընթացել են Կրեմլի Մեծ պալատում: Այնուհետև նախատեսվում է համատեղ փաստաթղթերի ստորագրում և Ռուսաստանի նախագահի ու Չինաստանի առաջնորդի ամփոփիչ հայտարարությունները: Բանակցությունների ընթացքում Վլադիմիր Պուտինը հայտարարել է, որ Մոսկվան և Պեկինը պատրաստ են համատեղ աշխատանքային մարմին ստեղծել Հյուսիսային ծովային ճանապարհի զարգացման համար:

20:38 - 21 մարտի, 2023