Արման Բաբաջանյան

Արման Շամիրի Բաբաջանյանը (հունվարի 15, 1976Երևան), ՀՀ ԱԺ 7-րդ գումարման անկախ պատգամավոր է, անկուսակցական։

1993-1995թթ. սովորել է Վենետիկի Սուրբ Ղազար կղզու հոգեւոր ակադեմիայում: 1995թ. ավարտել է Վենետիկի Մուրադ-Ռաֆայելյան վարժարանը, 1998թ.՝ Էջմիածնի Գեւորգյան ճեմարանը: 2001թ.՝ Սանկտ Պետերբուրգի արտաքին տնտեսական կապերի, էկոնոմիկայի եւ իրավունքի ինստիտուտը: Իրավագետ: 2004թ.՝ Հարավային Կալիֆոռնիայի համալսարանի (ԱՄՆ) արտաքին հարաբերությունների ֆակուլտետը: Միջազգայնագետ (մագիստրոսական աստիճան): 2005թ.՝ Ջորջթաունի համալսարանի (ԱՄՆ) Security Studies (SSP) դպրոցը: Կոնֆլիկտաբանության մագիստրոս:

Եղել է 1998թ.՝ նախագահական ընտրություններում նախագահի թեկնածու Կարեն Դեմիրճյանին սատարող երիտասարդական կազմակերպությունների համակարգողը, 
2003թ.՝ ՀՀ նախագահական ընտրություններում նախագահի թեկնածու Ստեփան Դեմիրճյանի նախընտրական շտաբի պատասխանատուն Լոս Անջելեսում: 2003 թվականից ՝ «Ժամանակ» (Լոս Անջելես), 2006 թվականից՝  «Ժամանակ Երեւան», ապա «Ժամանակ» օրաթերթի հիմնադիր խմբագիր: 2004-2006թթ.՝ AMGA հեռուստաընկերության (ԱՄՆ) «Realpolitik» հաղորդաժամի հեղինակ: 2010-2019թթ.՝ «www.1in.am. Առաջին լրատվական» կայքէջի հիմնադիր խմբագիր:

2006 թ․ պարտադիր զինվորական ծառայությունից խուսափելու համար դատապարտվել 4 տարվա ազատազրկման։

2018 թվականի դեկտեմբերի 9-ին կայացած ԱԺ ընտրություններում պատգամավոր է ընտրվել «Լուսավոր Հայաստան» կուսակցության համապետական ցուցակով, սակայն 2019-ի սեպտեմբերի 6-ին հայտնել է, որ դուրս է գալիս ԼՀ խմբակցության կազմից։ Այժմ գործունեությունը շարունակում է որպես անկախ պատգամավոր։ 

Գիտական աստիճան ունեցող իրավաբանների համար հեշտացնել դատավոր դառնալու կարգը. Բաբաջանյան |armenpress.am|

Գիտական աստիճան ունեցող իրավաբանների համար հեշտացնել դատավոր դառնալու կարգը. Բաբաջանյան |armenpress.am|

armenpress.am: ՀՀ Ազգային ժողովի պետական-իրավական հարցերի մշտական հանձնաժողովը քննարկեց «Հայաստանի Հանրապետության դատական օրենսգիրք» Հայաստանի Հանրապետության սահմանադրական օրենքում փոփոխություն և լրացում կատարելու մասին օրենքի նախագիծը: Այն հեղինակել է անկախ պատգամավոր Արման Բաբաջանյանը: «Հայաստանի Հանրապետության դատական օրենսգիրք» սահմանադրական օրենքի համաձայն՝ իրավաբանական գիտությունների բնագավառում գիտական աստիճան ունեցող և վերջին 8 տարիների ընթացքում առնվազն 5 տարի բարձրագույն ուսումնական հաստատություններում իրավունք դասավանդած կամ գիտական հաստատությունում գիտական աշխատանք կատարած անձն իրավունք ունի դատավորի թեկնածուների հավակնորդների ցուցակում ընդգրկվելու հայտ ներկայացնելու Բարձրագույն դատական խորհուրդ: Պահանջը՝ առնվազն հինգ տարի բարձրագույն ուսումնական հաստատությունում իրավունք դասավանդած լինելու, սահմանափակում է այն անձանց շրջանակը, որոնք այս պահին բարձրագույն ուսումնական հաստատություններում չեն դասավանդում, բայց դրա փոխարեն մասնագիտական, ետբուհական կրթական հաստատություններում են աշխատում, օրինակ՝ Արդարադատության ակադեմիայում»,- ասաց Բաբաջանյանը: Արման Բաբաջանյանը նշեց, որ առաջարկվող փոփոխությամբ նախատեսվում է այս մարդկանց ևս դատավորների հավակնորդների ցուցակում ընդգրկվելու հնարավորություն ընձեռել: Հանձնաժողովի անդամները օրենքի նախագծի վերաբերյալ ներկայացրեցին առաջարկներ, որոնք Արման Բաբաջանյանն ընդունեց և խնդրեց հետաձգել նախագծի քննարկումը՝ առաջարկներով լրամշակված նախագիծը հանձնաժողովին ներկայացնելու համար:
11:48 - 10 փետրվարի, 2020
ԱԺ-ն պետք է գնահատի պետության բռնազավթման հասցրած կորուստները և ազգային անվտանգությանը հասցրած անդառնալի վնասը․Արման Բաբաջանյան |lragir.am|

ԱԺ-ն պետք է գնահատի պետության բռնազավթման հասցրած կորուստները և ազգային անվտանգությանը հասցրած անդառնալի վնասը․Արման Բաբաջանյան |lragir.am|

lragir.am: Սահմանադրական ճգնաժամը համակարգային, բազմաշերտ ու բազմագործոն խնդիր է: Եվ այն հնարավոր է հաղթահարել միայն արմատական քայլերի միջոցով: Այս մասին ԱԺ արտահերթ նիստում ասաց պատգամավոր Արման Բաբաջանյանը: «Որպես Ազգային ժողով, որպես իշխանության առաջնային մանդատ կրող մարմին, մենք պարտավոր ենք գնաատական տալ, թե ինչ է իրականում տեղի ունեցել մեր պետության հետ: Պարտավոր ենք բաց տեքստով բացահայտել, որ Հայաստանում իշխանության բռնազավթման թիվ մեկ մարմին է հանդիսացել ՍԴ-ն: Չափազանց կարևոր է բացահայտել պետության բռնազավթման գործում այդ դատարանի առանցքային դերակատարությունը: Ով, եթե ոչ Ազգային ժողովը, պետք է գնահատի պետության բռնազավթման հասցրած ժողովրդագրական, ռազմական ու տնտեսական կորուստները և ազգային անվտանգությանը հասցրած անդառնալի վնասը: Դուք դեռ մտածում եք՝ այդպիսի գնահատական տալ, թե ոչ: Իսկ այդպիսի գնահատական տալը կբացառեր այդ բռնազավթման կրկնությունը: Բայց որ ամենակարևորն է՝ այդպիսի գնահատականը կարգելեր, որ նախկին հանցագործներն այսօր հագնեին քաղաքական ընդդիմության դիմակն ու եվրոպաներում քաղհալածյալ ներկայանային»,- ասաց Բաբաջանյանը: Նա նշեց, որ 2015 թվականին Սահմանադրությունը չի ընդունվել, այլ հարյուր հազարավոր կեղծիքներով փաթաթվել է պետության ու մեր ժողովրդի վզին, այն «սերժիզմի հավերժացումն էր»: «Սահմանադրության երկրորդ հոդվածը բոլորիս պարտավորեցնում է պաշտպանել քաղաքացիներին իր վրա ոտքերը կրկին սրբել պատրաստվող կենդանիների ոհմակից: Ես հասկանում եմ մասնագետների խորը, շատ դեպքերում անկեղծ մտահոգությունը»,- ասաց նա: Բաբաջանյանը հավելեց, որ այս հանրաքվեով սոսկ ՍԴ հարց չի լուծվում, սրանով բռնազավթված Սահմանադրությունը վերադարձվում է ժողովրդին:
14:01 - 06 փետրվարի, 2020