Կենտրոնական բանկ - ԿԲ

Առաջարկվում է կարգավորել բանկերի և սպառողների միջև փոխհարաբերությունները՝ խախտումների դեպքում խստացնելով տուգանքի չափը |1lurer.am|

1lurer.am: ԱԺ ֆինանսավարկային և բյուջետային հարցերի մշտական հանձնաժողովում հավանության արժանացավ «Բանկային ավանդների ներգրավման մասին» օրենքում փոփոխությունների նախագծերի փաթեթը, որն առնչվում է սպառողների իրավունքների վերականգնմանը: Նախագծի համահեղինակ, «Իմ քայլը» խմբակցության պատգամավոր Արտակ Մանուկյանն ասաց, որ օրենսդրական նախաձեռնությունը հղացել է, երբ հանձնաժողովում փորձում էին կարգավորել բանկային ավանդների, բանկային համակարգի և սպառողների միջև փոխհարաբերությունները՝ նկատելով, որ կան վարքագծի ստանդարտների չպահպանման խնդիրներ: «Ներկա պահին առավելագույն տուգանքը, որը մեծ հաշվով կարող էր Կենտրոնական բանկն այդ խախտումների դեպքում կիրառել՝ առաջին դեպքում՝ եթե մեկ տարվա ընթացքում կրկնվում էին, 100 հազար դրամն էր, երկրորդ դեպքում՝ 200 հազար դրամը և երրորդ դեպքում՝ 500 հազար դրամը: Եթե ֆինանսական հաշտարարին եք դիմում, և ապացուցում է, որ ճիշտ եք, ապա 300 հազար գանձվում է և ուղղակիորեն տրվում սպառողին, ում իրավունքները խախտվել են: ԿԲ-ն վարչարարություն է անում, ապացուցում է և ընդամենը գանձում 100 հազար դրամ»,- ասաց Մանուկյանը: Առաջարկվում է սպառողների իրավունքների պաշտպանության համար ՀՀ կենտրոնական բանկի կողմից կիրառվող պատասխանատվության միջոցները խստացնել` ռիսկերը հավասարակշռելու նպատակով: Մանուկյանը տեղեկացրեց, որ պետք է հասնել նրան, որ օրենքի գերակայություն լինի, և այդ պատիժները լինեն համաչափ: «Տուգանքները պետք է մեծանան առաջին խախտման դեպքում՝ մինչև 500 հազար դրամ, բայց ոչ պակաս, քան 300 հազար դրամը, երկրորդի դեպքում, եթե կրկնվում է՝ մինչև 1 միլիոն, բայց ոչ պակաս, քան 500 հազար դրամը, և երրորդի դեպքում, եթե 365 օրվա ընթացքում կրկնվում է՝ մինչև 2 միլիոն, բայց ոչ պակաս, քան 1 միլիոն դրամը: Այս բոլոր հավաքված գումարները գնալու են պետական բյուջե: ԿԲ-ն այս գործիքակազմը որպես վերջին աստիճանի գործիք է կիրառում, այսինքն՝ երբ կան ստանդարտներից շեղումներ, բայց երբ այդ ինստիտուտը շարունակաբար սպառողների իրավունքները խախտում է, ապա, կարծում եմ, որ այս դեպքում պետք է լինի ավելի բարձր տուգանք: Սա է օրենքի տրամաբանությունը»,- ասաց Մանուկյանը:

12:12 - 05 փետրվարի, 2021

2020-ի ընթացքում, հաճախորդների ֆինանսական վիճակի վատթարացմամբ պայմանավորված, բանկերն ավելի զուսպ կգտնվեն վարկեր տրամադրելու հարցում. ԿԲ նախագահ |tert.am|

tert.am: Այս տարի բանկերն ավելի զուսպ կգտնվեն վարկեր տրամադրելու հարցում. այս մասին այսօր հրավիրված մամուլի ասուլիսի ժամանակ հայտարարեց Կենտրոնական բանկի տնօրեն Մարտին Գալստյանը:«Մենք հիմա հանդիպումների փուլում ենք բանկերի հետ ու այն մեսիջները որ ստանում ենք բանկերից, հետևյալն է՝ տնտեսությունում տեղի ունեցող եկամուտների որոշակի նվազմամբ պայմանավորված, ինչպես նաև 2020 թվականի ընթացքում որոշակի հաճախորդների ֆինանսական վիճակի վատթարացման արդյունքում հնարավոր վարկավորման պոտենցիալն ավելի ցածր կարող է լինել, քան նախորդ տարիների ընթացքում»,- ասաց նա:Մարտին Գալստյանը նշեց՝ չպետք է մոռանալ, որ նախորդ տարի անցել ենք համավարակի ու պատերազմի միջով, ուստի տնտեսությունում կան ճյուղեր, որոնք առավել, քան մյուսները տուժել են:«Բնականաբար, ակնկալել որ այդ ճյուղերին վարկավորումը տեղի է ունենալու այն ծավալով ու այն նույն չափով ինչ նախորդ տարիների ընթացքում, բավականին լավատես կլինենք, ուստի իրենք պրագմատիկ լինելով՝ կարծում են, որ այս տարվա ընթացքում իրենց բալանսների որոշակի վերանայում է տեղի ունենալու»,- ասաց նա:

17:40 - 02 փետրվարի, 2021