news.am: Սերբիայի նախագահ Ալեքսանդր Վուչիչը ժամանել է Կրագուեւաց, որտեղ այսօր տեղի է ունենում կառավարող Սերբական առաջադեմ կուսակցության արտահերթ ընտրական ժողովը, տեղեկացրել է T.anjug-ը։
Նա հայտարարել է, որ հեռանում է կուսակցության նախագահի պաշտոնից։
Վուչիչը որպես իր հաջորդ առաջարկել է Միլոշ Վուչեւիչին կուսակցության ղեկավարի պաշտոնում։ «Ես գիտեմ, թե որքան շատ է նա սիրում կուսակցությունը»,- ասել է Վուչիչը Վուչեւիչի մասին եւ ընդգծել, որ Վուչեւիչին ճանաչում է որպես «մարդու, որը լոյալ է Սերբական առաջադեմ կուսակցության հանդեպ, մարդու, որը լավ ընտանիքից է եւ հավատարիմ է անկախ եւ բարգավաճ Սերբիայի գաղափարին»։
«Ես հավատում եմ, որ մեր աջակցությամբ նա կկարողանա էլ ավելին անել»,- ավելացրել է նա։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)