16:31 - 01 նոյեմբերի, 2019
Հունվարի 1-ից կբարձրանան աշխատանքային և զինվորական կենսաթոշակներն ու որոշ նպաստների չափերը․Զարուհի Բաթոյան |armenpress.am|
armenpress.am: Հայաստանի Հանրապետության Աշխատանքի և սոցիալական հարցերի նախարարությունը 2020թ. հունվարի 1-ից ծրագրում է բարձրացնել աշխատանքային և զինվորական կենսաթոշակների, ինչպես նաև ծերության, հաշմանդամության, կերակրողին կորցնելու դեպքում նպաստների չափերը:
Այս մասին «Ֆեյսբուք»-ի իր էջում գրել է նախարար Զարուհի Բաթոյանը:
Մասնավորապես, նախատեսվում է 2020 թվականի հունվարի 1-ից սահմանել`
• նվազագույն կենսաթոշակի չափը` 26500 դրամ (25500 դրամի փոխարեն),
• աշխատանքային և զինվորական կենսաթոշակի չափը հաշվարկելու համար հիմնական կենսաթոշակի չափը՝ 18000 դրամ (16000 դրամի փոխարեն),
• աշխատանքային ստաժի մեկ տարվա արժեքը՝ առաջին տասը տարվա համար՝ 950 դրամ (800 դրամի փոխարեն)
• ծերության, հաշմանդամության և կերակրողին կորցնելու դեպքում նպաստների չափերը` 26500 դրամ (25500 դրամի փոխարեն)
Նախատեսվում է, որ կբարձրանա շուրջ 33 646 զինկենսաթոշակառուների, 468 761 աշխատանքային կենսաթոշակառուների կենսաթոշակների չափերը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)