Պենտագոնը հայտարարել է, որ օգնություն են ուղարկում Իսրայել, որը ներառում է հետևյալ զենքերը՝ ԱՄՆ ռազմածովային ուժերի ավիակիր, հրթիռային հածանավ, հրթիռային կործանիչներ։ Նշվում է նաև, որ քայլեր ենք ձեռնարկել տարածաշրջանում ԱՄՆ ռազմաօդային ուժերի F-35, F-15, F-16 և A-10 կործանիչներն ավելացնելու ուղղությամբ:

Հաղորդագրության մեջ ասվում է, որ Միացյալ Նահանգների կառավարությունն Իսրայելին կտրամադրի լրացուցիչ սարքավորումներ և ռեսուրսներ, այդ թվում՝ զինամթերք:

Հիշեցնենք՝ Իսրայելը հոկտեմբերի 7-ին հայտարարեց, որ պաղեստինյան կողմը հարձակում է սկսել՝ Գազայի հատվածից արձակելով հրթիռներ, ինչպես նաև ներթափանցելով սահմանային բնակավայրեր։

Իսրայելի Պաշտպանության բանակն էլ հայտարարեց, որ սկսել է «Երկաթե թրեր» օպերացիան՝ ի պատասխան ՀԱՄԱՍ-ի հարձակման։

ՀԱՄԱՍ-ի խոսնակ Խալեդ Քադոմին էլ հայտարարեց, որ խմբավորման ռազմական օպերացիան «պատասխան է այն վայրագությունների, որոնց բախվել են պաղեստինցիները տասնամյակի ընթացքում»։