12:33 - 15 հունվարի, 2024
«Գոյ» թատրոնի անձնակազմը պատրաստվում է անվստահություն հայտնել նորանշանակ տնօրենին |armeniasputnik.am|
armeniasputnik.am: «Գոյ» թատրոնի անձնակազմը պատրաստվում է անվստահություն հայտնել թատրոնի նորանշանակ տնօրեն Կարեն Սիմոնյանին, որպեսզի նա չկարողանա իրենց փոխարեն որոշումներ կայացնել։
Թատրոնի փաստաբան Կարո Ասատրյանը քիչ առաջ դուրս եկավ նախարարության շենքից ու ասաց, որ իրեն նախարարությունում Կարեն Սիմոնյանի ստորագրությամբ մի փաստաթուղթ են ներկայացրել, ըստ որի՝ իբր թատրոնը հրաժարվել է փաստաբանի ծառայություններից։
«Անվստահություն կհայտնենք, կպահանջենք հրաժարականը, որից հետո կստեղծվի խորհուրդ, որը կնշանակի փաստաբան՝ մեր փաստաբանին»,- լրագրողների հետ զրույցում ասաց թատրոնի գեղարվեստական ղեկավար Արթուր Սահակյանը։
Նա վստահեցրեց՝ հասնելու են մինչև Եվրոպական դատարան իրենց թատրոնը պահպանելու համար։
Թատրոնի անձնակազմը նաև պաշտոնական նամակներ է գրել ՀՀ-ում գործող բոլոր դեսպանատներին, խնդրանքով՝ օգնել իրենց այս հարցում։
Հիշեցնենք, որ այսօր առավոտից «Գոյ» թատրոնի ստեղծագործական անձնակազմը հավաքվել էր ԿԳՄՍ նախարարության շենքի դիմաց։ Նրանք պահանջում էին իրենց թատրոնը չլուծարել ու չմիացնել մեկ այլ թատրոնի հետ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)