19:10 - 22 մայիսի, 2024
Ալավերդի-Սանահին թաղամաս-Ակներ ավտոճանապարհին իրականացվելու են պայթեցման աշխատանքներ
Փրկարար ծառայությունից տեղեկացնում են, որ մայիսի 23-ին՝ ժամը 10։00-ից 22։00-ն ընկած ժամանակահատվածում, Լոռու մարզի Ալավերդի-Սանահին թաղամաս-Ակներ ավտոճանապարհին, Սանահին վանական համալիր տանող հատվածների հիմնանորոգմամբ պայմանավորված, իրականացվելու են պայթեցման աշխատանքներ․ ավտոճանապարհը ժամանակավոր փակ է լինելու։
«Տեղեկացնում ենք, որ անվտանգության նկատառումներից ելնելով՝ տեղում հերթապահություն կիրականացնի ՆԳՆ ՓԾ Լոռու մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Խնդրում ենք չանհանգստանալ»,-ասվում է հաղորդագրությունում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)