Երկու օրից ավելի է, ինչ Թբիլիսիի և Մցխեթայի որոշ հատվածներում ջրամատակարարում չի իրականացվում։ Ինչպես հայտնում են ջրամատակարարող «Georgia Water and Power» ընկերությունից Թբիլիսի և Մցխեթա քաղաք ջուր տեղափոխող կենտրոնական ջրատարներից մեկը վթարվել է։ 

Ավելի քան 60 000 բաժանորդ՝ մոտ 300 000 մարդ, մնացել է առանց ջրի։ Այս մասին հաղորդում է Georgia Today-ը։ 

«Մեզնից մի քանի օր կպահանջվի վնասված խողովակին հասնելու և դրա վերականգնումը սկսելու համար։ Միաժամանակ, ընկերությունն աշխատում է սպառողների համար ջրի մատակարարման այլընտրանքային ուղիներ գտնելու ուղղությամբ»,- ասել է «Georgian Water & Power» (GWP) ընկերության գլխավոր տնօրենը։

Նա նաև հավելել է, որ հաջողվել է ժամանակավոր ջուր մատակարարել 63 հազար սպառողի։ Այդ հատվածներում ջուր մատակարարվում է ժամը 07։00-ից 10։00-ն և 19։00-ից 22:00-ն։