06:27 - 11 հունվարի, 2020
Աբխազիայի դատարանը չեղյալ է հայտարարել նախագահական ընտրությունների արդյունքները |tert.am|
tert.am։ Աբխազիայի Գերագույն դատարանը չեղյալ է հայտարարել առաջին ատյանի դատարանի՝ նախագահական ընտրությունների արդյունքները վավեր ճանաչելու որոշումը, գրում է ria.ru-ն։
Աբխազիայի նախագահի ընտրությունների երկրորդ փուլը տեղի է ունեցել 2019 թվականի սեպտեմբերի 8-ին: Հաղթել է հանրապետության գործող ղեկավար Ռաուլ Խաջիմբան՝ հավաքելով ձայների 47,39 տոկոսը: Ընդդիմադիր Ալխաս Կվիցինիան ստացել է ձայների 46,19 տոկոսը և հայց է ներկայացրել Գերագույն դատարան՝ խնդրելով անվավեր ճանաչել ընտրությունների արդյունքները։
«Աբխազիայի Կենտրոնական ընտրական հանձնաժողովը սահմանադրական օրենքով սահմանված ժամկետներում կրկնակի ընտրություններ նշանակելու մասին որոշում է կայացրել»,-այս մասին տեղեկություն է հրապարակել դատավոր Թեմուր Տարբան:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)