ԱՄՆ նախագահ Ջո Բայդենը խոստանում է իր նախագահության վերջին ամիսներին պաշտպանել ժողովրդավարությունը տանը և դաշնակիցների շրջանում, ինչպիսին Ուկրաինան է:

Հուլիսի 24-ին ժողովրդին ուղղված ուղերձում Բայդենը բացատրել է նոյեմբերի 5-ին կայանալիք նախագահական ընտրություններին չառաջադրվելու իր որոշումը՝ ասելով, որ ժամանակն է մի կողմ դնել անձնական հավակնությունները և թույլ տալ, որ նոր սերունդը ստանձնի իշխանությունը:

Որոշման մասին կիրակի հայտնելով՝ ԱՄՆ նախագահը նաև հորդորել ու իր աջակցությունն էր հայտնել փոխնախագահ Քամալա Հարիսին՝ որպես դեմոկրատների թեկնածու։

81-ամյա նախագահն ուղերձում ասել է, որ կշարունակի աշխատել Ամերիկան ամուր և անվտանգ պահելու համար։ «Մենք կշարունակենք համախմբել հպարտ ազգերի կոալիցիան՝ կանգնեցնելու [Ռուսաստանի նախագահ Վլադիմիր] Պուտինին Ուկրաինան զավթելուց և է՛լ ավելի մեծ վնաս պատճառելուց: Մենք կպահպանենք ՆԱՏՕ-ն ավելի ուժեղ, և ես այն կդարձնեմ ավելի հզոր և ավելի միասնական, քան երբևէ մեր պատմության ընթացքում»,- ասել է նա 10 րոպեանոց ուղերձում:

Շարունակությունը՝ սկզբնաղբյուր կայքում։