tert.am: Նեթանյահուին պետք է կանգնեցնել, ինչպես ժամանակին կանգնեցրին Հիտլերին։
Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ելույթ ունենալով Նյու Յորքում ՄԱԿ-ի Գլխավոր ասամբլեայի ամբիոնից։
«Ինչպես մարդկության դաշինքը կանգնեցրեց Հիտլերին 70 տարի առաջ, հիմա էլ նույն ընդհանուր ջանքերով պետք է կանգնեցնի Նեթանյահուին և նրա մարդասպանների հանցախմբին:
Մենք կարծում ենք, որ ներկա պայմաններում անհրաժեշտ է խորհուրդ տալ ուժի կիրառում՝ Իսրայելին զսպելու համար»,- ասել է Էրդողանը։
«Իսրայելա-պաղեստինյան հակամարտության հիմնական պատճառը պաղեստինյան տարածքների օկուպացիան է: Պաղեստինյան պետության ստեղծումը չի կարելի հետաձգել։
ՄԱԿ-ը, որի հովանու ներքո մենք այժմ աշխատում ենք, ստեղծվել է Երկրորդ համաշխարհային պատերազմից հետո՝ խաղաղությունը պահպանելու համար։
ՄԱԿ-ի ստեղծմամբ կայունության և խաղաղության հույսերը վերածնվեցին։ Սակայն վերջին տարիներին ՄԱԿ-ը դարձել է ոչ ակտիվ կառույց։
Մենք տեսնում ենք, որ միջազգային խաղաղությունն ու անվտանգությունը չափազանց կարևոր են հինգ երկրի (ՄԱԿ-ի Անվտանգության խորհրդի մշտական անդամներ-խմբ.) քմահաճույքին թողնելու համար, ասել է Էրդողանը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)