10:32 - 27 սեպտեմբերի, 2024
Պետք է հավասարակշռենք ու փորձենք բոլոր խութերը վերացնել. Մհեր Գրիգորյանը՝ հայ-ռուսական հարաբերությունների մասին
Հայ-ռուսական հարաբերություններում կան պրոբլեմներ: Այս մասին այսօր՝ սեպտեմբերի 27-ին, Եռաբլուրում լրագրողների հետ զրույցում նշեց փոխվարչապետ Մհեր Գրիգորյանը՝ պատասխանելով հայ-ռուսական հարաբերություններին վերաբերող հարցին:
«Ինչ խոսք կան պրոբլեմներ հարաբերություններում և ոչ միայն Ռուսաստանի հետ: Բայց կարծում եմ՝ մենք պետք է հավասարակշռենք ու փորձենք բոլոր խութերը վերացնել»,- ասաց նա:
Փոխվարչապետի խոսքով՝ աշխարհում իրավիճակը բավականին բարդ է, տարածաշրջանում՝ առավել ևս:
«Ըստ այդմ, իհարկե, առաջանում են բազմաթիվ խնդիրներ, որոնց բացատրությունները լիարժեք տրված չեն, կարծում եմ` պետք է փորձել բացատրությունները հասկանալ ու ճիշտ որոշումներ կայացնել»,- նշեց փոխվարչապետը՝ հավելելով, որ «ռադիկալիզմի կարիք չկա» այս համատեքստում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)