23:06 - 02 դեկտեմբերի, 2024
Թբիլիսիում ընդդիմության կողմնակիցները կրկին ցույց են անցկացնում |armenpress.am|
armenpress.am: Վրացական ընդդիմության կողմնակիցները երկուշաբթի երեկոյան հերթական հանրահավաքն են անցկացնում երկրի խորհրդարանի մոտ:
Այս մասին հայտնում է ՏԱՍՍ-ը՝ հավելելով, որ ցուցարարներն արդեն փակել են Ռուսթավելի պողոտան, որտեղ գտնվում է խորհրդարանի շենքը։ Նրանք պարզել են Վրաստանի և ԵՄ դրոշները, ինչպես նաև կառավարության հրաժարականի և խորհրդարանական նոր ընտրությունների պահանջով պաստառներ։
Խորհրդարանի մոտ ոստիկանական մեծ ջոկատներ են հերթապահում։
Վրաստանում հատուկ ջոկատայինները սկսել են բերման ենթարկել բողոքի ակցիայի մասնակիցներին։
Նոյեմբերի 28-ին Վրաստանում բողոքի նոր ալիք է սկսվել, որի պատճառը Վրաստանի վարչապետ Իրակլի Կոբախիձեի հայտարարությունն էր մինչև 2028 թվականի վերջ Եվրամիությանն անդամակցելու շուրջ բանակցությունների հարցը հետաձգելու և բոլոր բյուջետային դրամաշնորհներից հրաժարվելու վերաբերյալ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)