21:28 - 20 դեկտեմբերի, 2024
Շմոլ գազի թունավորումով Սպիտակի ԲԿ է ընդունվել 7 հոգի, որոնցից 3-ը`անչափահաս
Շմոլ գազի թունավորումով Սպիտակի բժշկական կենտրոն է ընդունվել նույն ընտանիքի 7 անդամ, որոնցից 3-ը` անչափահաս: Այս մասին հայտնում են Սպիտակի բժշկական կենտրոնից։
Դեպքը տեղի է ունեցել դեկտեմբերի 20-ին, ժամը 18:55-ի սահմաններում։ Ըստ տուժածների` նրանք թունավորվել են շմոլ գազից(բենզինային գեներատորի թերայրման հետեւանքով):
Չափահաս 4 տուժածների վիճակը գնահատվում է միջին ծանրության, երեխաներինը` բավարար:
Շարունակում են ստանալ անհրաժեշտ բուժօգնություն, նրանց կյանքին այլեւս վտանգ չի սպառնում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)