18:20 - 27 հունվարի, 2025
ԵՄ ԱԳ նախարարները համաձայնել են երկարաձգել Ռուսաստանի դեմ պատժամիջոցները |factor.am|
factor.am: Եվրամիության արտգործնախարարները համաձայնել են երկարաձգել Ռուսաստանի դեմ պատժամիջոցները այն բանից հետո, երբ Հունգարիան համաձայնել է չմիջամտել որոշման ընդունմանը՝ էներգետիկ անվտանգության երաշխիքների դիմաց, հայտնում է Reuters-ը։
Քվեարկությունը կարող էր խափանվել Հունգարիայի դիրքորոշման պատճառով, որը դեմ էր Ուկրաինայի տարածքով գազի տարանցման դադարեցմանը։ Բայց ԵՄ դեսպանների հանդիպման ժամանակ Եվրահանձնաժողովն իր հայտարարության մեջ խոստացել է շարունակել բանակցությունները Կիևի հետ Ուկրաինայի գազատարի միջոցով Եվրոպա գազի մատակարարման շուրջ:
Եվրահանձնաժողովը Բուդապեշտին տրամադրել է երկրի էներգետիկ անվտանգության երաշխիքներ, ասել է Հունգարիայի արտգործնախարար Պետեր Սիյարտոն։
Հիշեցնենք, որ ընդդեմ ՌԴ-ի ԵՄ պատժամիջոցները պետք է երկարացվեն վեց ամիսը մեկ՝ քվեարկությամբ։ Սա պահանջում է ԵՄ անդամ բոլոր 27 երկրների միաձայն աջակցությունը։
Ավելի մանրամասն՝ սկզբնաղբյուրում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)