22:59 - 30 հունվարի, 2025
Խորապես վշտացած եմ Վաշինգտոնում ինքնաթիռի ու ուղղաթիռի բախումից․ Փաշինյանը ցավակցել է ԱՄՆ-ում ավիավթարի կապակցությամբ
ՀՀ վարչապետ Նիկոլ Փաշինյանը ցավակցել է ԱՄՆ-ում ավիավթարի կապակցությամբ:
«Խորապես վշտացած եմ Վաշինգտոնում ինքնաթիռի ու ուղղաթիռի բախումից։ Հայաստանի անունից իմ անկեղծ ցավակցությունն եմ հայտնում Միացյալ Նահանգների կառավարությանն ու ժողովրդին: Մեր մտքերն ու աղոթքները զոհերի և նրանց ընտանիքների հետ են»,- գրել է նա X-ի իր էջում:
Հիշեցնենք, որ այսօր Վաշինգտոնի Ռոնալդ Ռեյգանի անվան օդանավակայանի մոտ օդում բախվել են ռազմական ուղղաթիռն ու «Ամերիկյան ավիաուղիներ» ընկերությանը պատկանող մարդատար ինքնաթիռը: Երկուսն էլ ընկել են Պոտոմակ գետը։ Ինչպես հաստատել է ԱՄՆ նախագահ Դոնալդ Թրամփը, ավիաաղետից փրկվածներ չկան։
Ըստ Reuters-ի, բախման հետևանքով ավելի քան 60 մարդ է զոհվել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)