13:48 - 03 փետրվարի, 2025
Հայտնի է Երևանի մետրոպոլիտենում խուլիգանություն կատարած անձանց քաղաքացիությունը
Երևանի մետրոպոլիտենում խուլիգանություն կատարելու համար ձերբակալվել է Ռուսաստանի Դաշնության չորս և Լիտվայի Հանրապետության մեկ քաղաքացի։ 1Lurer.am-ի հարցին ի պատասխան՝ ՆԳՆ-ից հաստատել են տարածվող տեղեկությունը:
Ինչպես ավելի վաղ հայտնել ենք, փետրվարի 1-ին արտակարգ դեպք է տեղի ունեցել մետրոպոլիտենում: «Սասունցի Դավիթ» կայարանից դեպի «Զորավար Անդրանիկ» երթևեկող գնացքն արտակարգ կանգառ է արել։
Քաղաքացին գնացքի միջից սեղմել է «վթարային կանգառ» բռնակը, գնացքն արգելակել է։ Մինչև մեքենավարը դիսպետչերին զեկուցել է կատարվածի մասին, այդ ընթացքում բաց տարածքում 4-5 հոգի անցել է պատն ու ներկել գնացքը:
ՆԳՆ ոստիկանությունից տեղեկացրել էին, որ մետրոպոլիտենում խուլիգանություն կատարածները օտարերկրյա քաղաքացիներ են:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)