civilnet.am: Մայքլ Կավուկջյանը նշանակվել է Նորվեգիայում Միացյալ Նահանգների դեսպան։ Այս մասին TRUTH-ի իր միկրոբլոգում հայտնել է ԱՄՆ նախագահ Դոնալդ Թրամփը։
«Ուրախ եմ հայտարարել, որ Մայքլ Է. Կավուկջյանը կծառայի որպես Միացյալ Նահանգների հաջորդ դեսպան Նորվեգիայի Թագավորությունում»,-գրել է Թրամփը։
ԱՄՆ նախագահը նաև նշել է, որ Կավուկջյանը նախկինում ծառայել է ԱՄՆ Կենտրոնական հետախուզական վարչությունում որպես օպերատիվ սպա։
«Մայքլը փայլուն իրավաբան է, որը ներկայում զբաղեցնում է White & Case ընկերության ավագ գործընկերոջ պաշտոնը, որտեղ նա ղեկավարել է առևտրային բարդ դատավարությունների թիմեր ամբողջ աշխարհում։ Մայքլը Սթենֆորդի համալսարանի և Հարվարդի իրավաբանական դպրոցի շրջանավարտ է»,-գրել է ԱՄՆ նախագահը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)