Կենտրոնական ընտրական հանձնաժողովը հրապարակել է Փարաքարի բոլոր 16 ընտրատեղամասերից ստացված նախնական արդյունքները։ Ըստ այդմ՝ 2025թ․ մարտի 30-ին համայնքում անցկացված ՏԻՄ ընտրությունների նախնական արդյունքներով «Միասնություն» կուսակցությունների դաշինքը ավելի քան 56%-ով առաջատար է։

Քվեարկությանը 21 004 ընտրողից մասնակցել է 11 528-ը կամ 54.8%-ը։ 23 քվեաթերթիկ անվավեր է ճանաչվել

ԿԸՀ նախնական արդյունքներն են․  

• ՔՊ կուսակցություն - 3669 ձայն կամ 31․8% 
• «Միասնություն» կուսակցությունների դաշինք - 6508 ձայն կամ 56․45%
• «Ազգային առաջընթաց» կուսակցություն - 900 ձայն կամ 7․8%
• «Կայունություն» կուսակցություն - 426 ձայն կամ 3․69%

Նշենք, որ անցողիկ շեմը կուսակցության դեպքում 4%-ն է, իսկ կուսակցությունների դաշինքի դեպքում՝ 6%-ը։ Այսինքն «Կայունություն» կուսակցությունը չի անցնում ավագանու կազմ։

«Միասնություն» կուսակցությունների դաշինքի համայնքապետի թեկնածուն Վալոդյա  Գրիգորյանն է, «Քաղաքացիական պայմանագիր կուսակցության թեկնածուն՝ Լյուդվիգ Գյուլնազարյանը, իսկ «Ազգային առաջընթաց» կուսակցության թեկնածուն Դավիթ Մինասյանը։

Գլխավոր լուսանկարը՝ Վալոդյա Գրիգորյանի ֆեյսբուքյան էջից / քարոզարշավ Փարաքարում, 27․03․2025