12:24 - 15 ապրիլի, 2025
Իրանի և ԱՄՆ-ի հաջորդ բանակցությունները տեղի կունենան Օմանում ապրիլի 19-ին. Բաղաեի |1lurer.am|
1lurer.am: Իրանի ԱԳՆ պաշտոնական ներկայացուցիչը, պատասխանելով Իրանի և ԱՄՆ-ի միջև անուղղակի բանակցությունների երկրորդ փուլի անցկացման վայրի մասին IRNA գործակալության հարցին, հայտնել է, որ Մասկատն այս փուլում կրկին հանդես կգա որպես հյուրընկալող կողմ: Նա հերքել է իրանա-ամերիկյան հանդիպման վայրի հնարավոր փոփոխության մասին տարածված ենթադրությունները:
Էսմայիլ Բաղաեին նշել է, որ բանակցությունների հաջորդ փուլը տեղի կունենա շաբաթ՝ ապրիլի 19-ին:
Ապրիլի 12-ին Իրանի արտաքին գործերի նախարար Աբբաս Արաղչին Օմանում անուղղակի բանակցություններ է վարել ԱՄՆ նախագահի հատուկ բանագնաց Սթիվեն Ուիթկոֆի հետ:
Իրանական կողմը նշում է, որ քննարկումները նվիրված են եղել միջուկային ծրագրին և Իրանի դեմ պատժամիջոցների վերացմանը: Բանակցությունների առաջին փուլի ընթացքում Օմանի արտաքին գործերի նախարարությունը միջնորդի դեր է կատարել իրանական և ամերիկյան պատվիրակությունների միջև բանավոր և գրավոր հաղորդագրությունների փոխանակման հարցում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)